Library·Divyāvadāna·233
यावत् राज्ञा प्रीतेन वरेण प्रवारिता--किं त्वं वरमिच्छसीति? तया अभिहितम्--देवेन मे सह समागमः स्यात्।
yāvat rājñā prītena vareṇa pravāritā--kiṃ tvaṃ varamicchasīti? tayā abhihitam--devena me saha samāgamaḥ syāt/
Sanskrit only: no published translation is held for this verse.
राजा आह--त्वं नापिनी, अहं राजा क्षत्रियो मूर्धाभिषिक्तः।
rājā āha--tvaṃ nāpinī, ahaṃ rājā kṣatriyo mūrdhābhiṣiktaḥ/
Sanskrit only: no published translation is held for this verse.
कथं मया सार्धं समागमो भविष्यति? सा कथयति--देव नाहं नापिनी, अपि तु ब्राह्मणस्याहं दुहिता।
kathaṃ mayā sārdhaṃ samāgamo bhaviṣyati? sā kathayati--deva nāhaṃ nāpinī, api tu brāhmaṇasyāhaṃ duhitā/
Sanskrit only: no published translation is held for this verse.
तेन देवस्य पत्न्यर्थं दत्ता।
tena devasya patnyarthaṃ dattā/
Sanskrit only: no published translation is held for this verse.
राजा कथयति--केन त्वं नापितकर्म शिक्षापिता? सा कथयति--अन्तःपुरिकाभिः। राजा आह--न भूयस्त्वया नापितकर्म कर्तव्यम्।
rājā kathayati--kena tvaṃ nāpitakarma śikṣāpitā? sā kathayati--antaḥpurikābhiḥ/ rājā āha--na bhūyastvayā nāpitakarma kartavyam/
Sanskrit only: no published translation is held for this verse.
यावद्राज्ञा अग्रमहिषी स्थापिता। तया सार्धं त्रीडति रमते परिचारयति।
yāvadrājñā agramahiṣī sthāpitā/ tayā sārdhaṃ trīḍati ramate paricārayati/
Sanskrit only: no published translation is held for this verse.
सा आपन्नसत्त्वा संवृत्ता। यावदष्टानां नवानां वा मासानामत्ययात् प्रसूता।
sā āpannasattvā saṃvṛttā/ yāvadaṣṭānāṃ navānāṃ vā māsānāmatyayāt prasūtā/
Sanskrit only: no published translation is held for this verse.
तस्याः पुत्रो जातः। तस्य विस्तरेण जातिमहं कृत्वा किं कुमारस्य भवतु नाम? सा कथयति--अस्य दारकस्य अशोकास्मि संवृत्ता।
tasyāḥ putro jātaḥ/ tasya vistareṇa jātimahaṃ kṛtvā kiṃ kumārasya bhavatu nāma? sā kathayati--asya dārakasya aśokāsmi saṃvṛttā/
Sanskrit only: no published translation is held for this verse.
तस्य अशोक इति नाम कृतम्।
tasya aśoka iti nāma kṛtam/
Sanskrit only: no published translation is held for this verse.
यावद्द्वितीयः पुत्रो जातः। तस्य विगतशोक इति नाम कृतम्।
yāvaddvitīyaḥ putro jātaḥ/ tasya vigataśoka iti nāma kṛtam/
Sanskrit only: no published translation is held for this verse.
अशोको दुःस्पर्शगात्रः। राज्ञो बिन्दुसारस्यानभिप्रेतः। अथ राजा बिन्दुसारह कुमारं परीक्षितुकामः पिङ्गलवत्साजीवं परिव्राजकमामन्त्रयते--उपाध्याय, कुमारांस्तावत्परीक्षामह्--कः शक्यते शक्यते ममात्ययाद्राज्यं कारयितुम्? पिङ्गलवत्साजीवः परिव्राजकः कथयति--तेन हि देव कुमारानादाय सुवर्णमण्डपमुद्यानं निर्गच्छ, परीक्षामः।
aśoko duḥsparśagātraḥ/ rājño bindusārasyānabhipretaḥ/ atha rājā bindusāraha kumāraṃ parīkṣitukāmaḥ piṅgalavatsājīvaṃ parivrājakamāmantrayate--upādhyāya, kumārāṃstāvatparīkṣāmah--kaḥ śakyate śakyate mamātyayādrājyaṃ kārayitum? piṅgalavatsājīvaḥ parivrājakaḥ kathayati--tena hi deva kumārānādāya suvarṇamaṇḍapamudyānaṃ nirgaccha, parīkṣāmaḥ/
Sanskrit only: no published translation is held for this verse.
यावद्राजा कुमारानादाय सुवर्णमण्डपमुद्यानं निर्गतः।
yāvadrājā kumārānādāya suvarṇamaṇḍapamudyānaṃ nirgataḥ/
Sanskrit only: no published translation is held for this verse.
यावदशोकः कुमारो मात्रा चोच्यते--वत्स, राजा कुमारान् परीक्षितुकामः सुवर्णमण्डपमुद्यानं गतः, त्वमपि तत्र गच्छेति।
yāvadaśokaḥ kumāro mātrā cocyate--vatsa, rājā kumārān parīkṣitukāmaḥ suvarṇamaṇḍapamudyānaṃ gataḥ, tvamapi tatra gaccheti/
Sanskrit only: no published translation is held for this verse.
अशोकः कथयति--राज्ञो ऽहमनभिप्रेतो दर्शनेनापि, किमहं तत्र गामिष्यामि? सा कथयति--तथापि गच्छेति।
aśokaḥ kathayati--rājño 'hamanabhipreto darśanenāpi, kimahaṃ tatra gāmiṣyāmi? sā kathayati--tathāpi gaccheti/
Sanskrit only: no published translation is held for this verse.
अशोक उवाच--आहारं प्रेषय। यावदशोकः पाटलिपुत्रान्निर्गच्छति, राधगुप्तेन चाग्रामात्यपुत्रेणोक्तह्--अशोक, क्व गमिष्यसीति? अशोकः कथयति--राजा अद्य सुवर्णमण्डपे उद्याने कुमारान् परीक्षयति।
aśoka uvāca--āhāraṃ preṣaya/ yāvadaśokaḥ pāṭaliputrānnirgacchati, rādhaguptena cāgrāmātyaputreṇoktah--aśoka, kva gamiṣyasīti? aśokaḥ kathayati--rājā adya suvarṇamaṇḍape udyāne kumārān parīkṣayati/
Sanskrit only: no published translation is held for this verse.
तत्र राज्ञो महल्लको हस्तिनागस्तिष्ठति। यावदशोकस्तस्मिन् महल्लके ऽभिरुह्य सुवर्णमण्डपमुद्यानं गत्वा कुमाराणां मध्ये ऽत्र पृथिव्यां प्रस्तीर्य निषसाद।
tatra rājño mahallako hastināgastiṣṭhati/ yāvadaśokastasmin mahallake 'bhiruhya suvarṇamaṇḍapamudyānaṃ gatvā kumārāṇāṃ madhye 'tra pṛthivyāṃ prastīrya niṣasāda/
Sanskrit only: no published translation is held for this verse.
यावत् कुमाराणामाहार उपनामितः। अशोकस्यापि शाल्योदनं दधिसमिश्रं मृद्भाजने प्रेषितम्।
yāvat kumārāṇāmāhāra upanāmitaḥ/ aśokasyāpi śālyodanaṃ dadhisamiśraṃ mṛdbhājane preṣitam/
Sanskrit only: no published translation is held for this verse.
ततो राज्ञा बिन्दुसारेण पिङ्गलवत्साजीवः परिव्राजको ऽभिहितह्--उपाध्याय, परीक्ष कुमारान्--कः शक्यते ममात्ययाद्राज्यं कर्तुमिति? पश्यति पिङ्गलवत्साजीवः परिव्राजकः, चिन्तयति च--अशोको राजा भविष्यति।
tato rājñā bindusāreṇa piṅgalavatsājīvaḥ parivrājako 'bhihitah--upādhyāya, parīkṣa kumārān--kaḥ śakyate mamātyayādrājyaṃ kartumiti? paśyati piṅgalavatsājīvaḥ parivrājakaḥ, cintayati ca--aśoko rājā bhaviṣyati/
Sanskrit only: no published translation is held for this verse.
अयं च राज्ञो नाभिप्रेतः। यदि कथयिष्यामि अशोको राजा भविष्यतीति, नास्ति मे जीवितम्।
ayaṃ ca rājño nābhipretaḥ/ yadi kathayiṣyāmi aśoko rājā bhaviṣyatīti, nāsti me jīvitam/
Sanskrit only: no published translation is held for this verse.
स कथयति--देव अभेदेन व्याकरिष्यामि।
sa kathayati--deva abhedena vyākariṣyāmi/
Sanskrit only: no published translation is held for this verse.
राजा आह--अभेदेन व्याकुरुष्व। आह--यस्य यानं शोभनं स राजा भविष्यति। तेषामेकैकस्य बुद्धिरुत्पन्ना--मम यानं शोभनम्।
rājā āha--abhedena vyākuruṣva/ āha--yasya yānaṃ śobhanaṃ sa rājā bhaviṣyati/ teṣāmekaikasya buddhirutpannā--mama yānaṃ śobhanam/
Sanskrit only: no published translation is held for this verse.
आह राजा भविष्यामि। अशोकश्चिन्तयति--अहं हस्तिस्कन्धेनागतः।
āha rājā bhaviṣyāmi/ aśokaścintayati--ahaṃ hastiskandhenāgataḥ/
Sanskrit only: no published translation is held for this verse.
मम यानं शोभनम्, अहं राजा भविष्यामीति। राजा आह--भूयस्तावदुपाध्याय परीक्षस्व।
mama yānaṃ śobhanam, ahaṃ rājā bhaviṣyāmīti/ rājā āha--bhūyastāvadupādhyāya parīkṣasva/
Sanskrit only: no published translation is held for this verse.
पिङ्गलवत्साजीवः परिव्राजकः कथयति--देव, यस्यासनमग्रम्, स राजा भविष्यति।
piṅgalavatsājīvaḥ parivrājakaḥ kathayati--deva, yasyāsanamagram, sa rājā bhaviṣyati/
Sanskrit only: no published translation is held for this verse.
तेषामेकैकस्य बुद्धिरुत्पन्ना--ममासनमग्रम्। अशोकश्चिन्तयति--मम पृथिव्यासनम्, अहं राजा भविष्यामि।
teṣāmekaikasya buddhirutpannā--mamāsanamagram/ aśokaścintayati--mama pṛthivyāsanam, ahaṃ rājā bhaviṣyāmi/
Sanskrit only: no published translation is held for this verse.
एवं भाजनं भोजनं पानम्। विस्तरेण कुमारान् परीक्ष्य प्रविष्टः।
evaṃ bhājanaṃ bhojanaṃ pānam/ vistareṇa kumārān parīkṣya praviṣṭaḥ/
Sanskrit only: no published translation is held for this verse.