यदा सुसीम आगतो भविष्यति, तदा तं राज्ये प्रतिष्ठापयिष्यामः।
yadā susīma āgato bhaviṣyati, tadā taṃ rājye pratiṣṭhāpayiṣyāmaḥ/
Sanskrit only: no published translation is held for this verse.
Library·Divyāvadāna·235
Divyāvadāna 235
ततो राजा रुषितः। अशोकेन चाभिहितम्--यदि मम धर्मेण राज्यं भवति, देवता मम पट्टं बन्धन्तु।
tato rājā ruṣitaḥ/ aśokena cābhihitam--yadi mama dharmeṇa rājyaṃ bhavati, devatā mama paṭṭaṃ bandhantu/
Sanskrit only: no published translation is held for this verse.
यावद्देवताभिः पट्टो बद्धः। तं दृष्ट्वा बिन्दुसारस्य राज्ञ उष्णं शोणितं मुखादागतम् यावत्कालगतः।
yāvaddevatābhiḥ paṭṭo baddhaḥ/ taṃ dṛṣṭvā bindusārasya rājña uṣṇaṃ śoṇitaṃ mukhādāgatam yāvatkālagataḥ/
Sanskrit only: no published translation is held for this verse.
यदा अशोको राज्ये प्रतिष्ठितः, तस्योर्ध्वम् योजनम् यक्षाः शृण्वन्ति, अधो योजनं नागाः।
yadā aśoko rājye pratiṣṭhitaḥ, tasyordhvam yojanam yakṣāḥ śṛṇvanti, adho yojanaṃ nāgāḥ/
Sanskrit only: no published translation is held for this verse.
तेन राधगुप्तो ऽग्रामात्यः स्थापितः।
tena rādhagupto 'grāmātyaḥ sthāpitaḥ/
Sanskrit only: no published translation is held for this verse.
सुसीमेनापि श्रुतम्--बिन्दुसारो राजा कालगतः, अशोको राज्ये प्रतिष्ठितः। इति श्रुत्वा च रुषितो ऽभ्यागतः।
susīmenāpi śrutam--bindusāro rājā kālagataḥ, aśoko rājye pratiṣṭhitaḥ/ iti śrutvā ca ruṣito 'bhyāgataḥ/
Sanskrit only: no published translation is held for this verse.
त्वरितं च तस्माद्देशादागतः। अशोकेनापि पाटलिपुत्रे नगरे एकस्मिन् द्वारे एको नग्नः स्थापितः, द्वितीये द्वितीयः, तृतीये राधगुप्तः, पूर्वद्वारे स्वयमेव राजा अशोको ऽवस्थितः।
tvaritaṃ ca tasmāddeśādāgataḥ/ aśokenāpi pāṭaliputre nagare ekasmin dvāre eko nagnaḥ sthāpitaḥ, dvitīye dvitīyaḥ, tṛtīye rādhaguptaḥ, pūrvadvāre svayameva rājā aśoko 'vasthitaḥ/
Sanskrit only: no published translation is held for this verse.
राधगुप्तेन च पूर्वस्मिन् द्वारे यन्त्रमयो हस्ती स्थापितः। अशोकस्य च प्रतिमां परिखां खनयित्वा खदिराङ्गारैश्च पूरयित्वा तृणेनाच्छाद्य पांशुनाकीर्णा।
rādhaguptena ca pūrvasmin dvāre yantramayo hastī sthāpitaḥ/ aśokasya ca pratimāṃ parikhāṃ khanayitvā khadirāṅgāraiśca pūrayitvā tṛṇenācchādya pāṃśunākīrṇā/
Sanskrit only: no published translation is held for this verse.
सुसीमश्चाभिहितह्--यदि शक्यसे ऽशोकं घातयितुं राजेति(?)।
susīmaścābhihitah--yadi śakyase 'śokaṃ ghātayituṃ rājeti(?)/
Sanskrit only: no published translation is held for this verse.
स यावत्पूर्वद्वारं गतह्--अशोकेन सह योत्स्यामीति।
sa yāvatpūrvadvāraṃ gatah--aśokena saha yotsyāmīti/
Sanskrit only: no published translation is held for this verse.
अङ्गारपूर्णायां परिखायां पतितः। तत्रैव चानयेन व्यसनमापन्नः। यदा च सुसीमः प्रघातितः, तस्यापि महानग्नो भद्रायुधो नांना अनेकसहस्रपरिवारः, स भगवच्छासने प्रव्रजितो ऽर्हन् संवृत्तः॥
aṅgārapūrṇāyāṃ parikhāyāṃ patitaḥ/ tatraiva cānayena vyasanamāpannaḥ/ yadā ca susīmaḥ praghātitaḥ, tasyāpi mahānagno bhadrāyudho nāṃnā anekasahasraparivāraḥ, sa bhagavacchāsane pravrajito 'rhan saṃvṛttaḥ//
Sanskrit only: no published translation is held for this verse.
यदा अशोको राज्ये प्रतिष्ठितः स तैरमात्यैरवज्ञया दृश्यते। तेनामात्यानामभिहितम्--भवन्तः, पुष्पवृक्षान् फलवृक्षांश्च च्छित्त्वा कण्टकवृक्षान् परिपालयथ।
yadā aśoko rājye pratiṣṭhitaḥ sa tairamātyairavajñayā dṛśyate/ tenāmātyānāmabhihitam--bhavantaḥ, puṣpavṛkṣān phalavṛkṣāṃśca cchittvā kaṇṭakavṛkṣān paripālayatha/
Sanskrit only: no published translation is held for this verse.
अमात्या आहुह्--देवेन कुत्र दृष्टम्? अपि तु कण्टकवृक्षांश् छित्त्वा पुष्पवृक्षान् फलवृक्षांश्च परिपालयितव्यम्।
amātyā āhuh--devena kutra dṛṣṭam? api tu kaṇṭakavṛkṣāṃś chittvā puṣpavṛkṣān phalavṛkṣāṃśca paripālayitavyam/
Sanskrit only: no published translation is held for this verse.
तैर्यावत् त्रिरपि राज्ञ आज्ञा प्रतिकूलिता, ततो राज्ञा रुषितेन असिं निष्कोशं कृत्वा पञ्चानाममात्यशतानां शिरंसि च्छिन्नानि।
tairyāvat trirapi rājña ājñā pratikūlitā, tato rājñā ruṣitena asiṃ niṣkośaṃ kṛtvā pañcānāmamātyaśatānāṃ śiraṃsi cchinnāni/
Sanskrit only: no published translation is held for this verse.
यावद्राजा अशोको ऽपरेण समयेनान्तःपुरपरिवृतो वसन्तकालसमये पुष्पितफलितेषु पादपेषु पूर्वनगरस्योद्यानं गतः।
yāvadrājā aśoko 'pareṇa samayenāntaḥpuraparivṛto vasantakālasamaye puṣpitaphaliteṣu pādapeṣu pūrvanagarasyodyānaṃ gataḥ/
Sanskrit only: no published translation is held for this verse.
तत्र च परिभ्रमता अशोकवृक्षः सुपुष्पितो दृष्टः।
tatra ca paribhramatā aśokavṛkṣaḥ supuṣpito dṛṣṭaḥ/
Sanskrit only: no published translation is held for this verse.
ततो राज्ञो ममापि सहनामा इत्यनुनयो जातः। स च राजा अशोको दुःस्पर्शगात्रः।
tato rājño mamāpi sahanāmā ityanunayo jātaḥ/ sa ca rājā aśoko duḥsparśagātraḥ/
Sanskrit only: no published translation is held for this verse.
ता युवतयस्तं नेच्छन्ति स्प्रष्टुम्। यावद्राजा शयितः, तस्यान्तःपुरेण रोषेण तस्मादशोकवृक्षात् पुष्पाणि शाखाश्च च्छिन्नाः।
tā yuvatayastaṃ necchanti spraṣṭum/ yāvadrājā śayitaḥ, tasyāntaḥpureṇa roṣeṇa tasmādaśokavṛkṣāt puṣpāṇi śākhāśca cchinnāḥ/
Sanskrit only: no published translation is held for this verse.
यावद्राज्ञा प्रतिबुद्धेन सो ऽशोकवृक्षो दृष्टः, पृष्टश्च--केन तच्छिन्नम्? ते कथयन्ति--देव, अन्तःपुरिकाभिरिति।
yāvadrājñā pratibuddhena so 'śokavṛkṣo dṛṣṭaḥ, pṛṣṭaśca--kena tacchinnam? te kathayanti--deva, antaḥpurikābhiriti/
Sanskrit only: no published translation is held for this verse.
श्रुत्वा च राज्ञा अमर्षजातेन पञ्च स्त्रीशतानि किटिकैः संवेष्ट्य दग्धानि।
śrutvā ca rājñā amarṣajātena pañca strīśatāni kiṭikaiḥ saṃveṣṭya dagdhāni/
Sanskrit only: no published translation is held for this verse.
तस्येमान्यशुभान्यालोक्य चण्डो राजा चण्डाशोक इति व्यवस्थापितः।
tasyemānyaśubhānyālokya caṇḍo rājā caṇḍāśoka iti vyavasthāpitaḥ/
Sanskrit only: no published translation is held for this verse.
यावद्राधगुप्तेनाग्रामात्येनाभिहितह्--देव, न सदृशं स्वयमेवेदृशमकार्यं कर्तुम्।
yāvadrādhaguptenāgrāmātyenābhihitah--deva, na sadṛśaṃ svayamevedṛśamakāryaṃ kartum/
Sanskrit only: no published translation is held for this verse.
अपि तु देवस्य वध्यघातकाः पुरुषाः स्थापयितव्याः, ये देवस्य वध्यकरणीयं शोधयिष्यन्ति।
api tu devasya vadhyaghātakāḥ puruṣāḥ sthāpayitavyāḥ, ye devasya vadhyakaraṇīyaṃ śodhayiṣyanti/
Sanskrit only: no published translation is held for this verse.
यावद्राज्ञा राजपुरुषाः प्रयुक्ताह्--वध्यघातं मे मार्गध्वेति।
yāvadrājñā rājapuruṣāḥ prayuktāh--vadhyaghātaṃ me mārgadhveti/
Sanskrit only: no published translation is held for this verse.
यावत् तत्र नातिदूरे पूर्वतपादमूले कर्वटकम्। तत्र तन्त्रवायः प्रतिवसति। तस्य पुत्रो जातः। गिरिक इति नामधेयं कृतम्।
yāvat tatra nātidūre pūrvatapādamūle karvaṭakam/ tatra tantravāyaḥ prativasati/ tasya putro jātaḥ/ girika iti nāmadheyaṃ kṛtam/
Sanskrit only: no published translation is held for this verse.
चण्डो दुष्टात्मा मातरं पितरं च परिभाषते, दारकदारिकाश्च ताडयति, पिपीलिकान् मक्षिकान् मूषिकान् मत्स्यांश्च जालेन बडिशेन प्रघातयति।
caṇḍo duṣṭātmā mātaraṃ pitaraṃ ca paribhāṣate, dārakadārikāśca tāḍayati, pipīlikān makṣikān mūṣikān matsyāṃśca jālena baḍiśena praghātayati/
Sanskrit only: no published translation is held for this verse.
चण्डो दारकस्तस्य चण्डगिरिक इति नामधेयं कृतम्। यावद्राजपुरुषैर्दृष्टः पापे कर्मणि प्रवृत्तः।
caṇḍo dārakastasya caṇḍagirika iti nāmadheyaṃ kṛtam/ yāvadrājapuruṣairdṛṣṭaḥ pāpe karmaṇi pravṛttaḥ/
Sanskrit only: no published translation is held for this verse.
स तैरभिहितह्--शक्यसे राज्ञो ऽशोकस्य वध्यकरणीयं कर्तुम्? स <२३६>आह--कृत्स्नस्य जम्बुद्वीपस्य वध्यकरणीयं साधयिष्यामीति।
sa tairabhihitah--śakyase rājño 'śokasya vadhyakaraṇīyaṃ kartum? sa <236>āha--kṛtsnasya jambudvīpasya vadhyakaraṇīyaṃ sādhayiṣyāmīti/
Sanskrit only: no published translation is held for this verse.