Divyāvadāna 236

यावद्राज्ञो निवेदितम्। राज्ञा अभिहितम्--आनीयतामिति।

yāvadrājño niveditam/ rājñā abhihitam--ānīyatāmiti/

Sanskrit only: no published translation is held for this verse.

स च राजपुरुषैरभिहितह्--आगच्छ, राजा त्वामाह्वयतीति।

sa ca rājapuruṣairabhihitah--āgaccha, rājā tvāmāhvayatīti/

Sanskrit only: no published translation is held for this verse.

तेनाभिहितम्--आगमयत, यावदहं मातपितरौ अवलोकयामीति। यावन्मातापितरौ उवाच--अम्ब तात, अनुजानीध्वम्।

tenābhihitam--āgamayata, yāvadahaṃ mātapitarau avalokayāmīti/ yāvanmātāpitarau uvāca--amba tāta, anujānīdhvam/

Sanskrit only: no published translation is held for this verse.

यास्याम्यहं राज्ञो ऽशोकस्य वध्यकरणीयं साधयितुम्। ताभ्यां च स निवारितः।

yāsyāmyahaṃ rājño 'śokasya vadhyakaraṇīyaṃ sādhayitum/ tābhyāṃ ca sa nivāritaḥ/

Sanskrit only: no published translation is held for this verse.

तेन तौ जीविताद्व्यपरोपितौ। एवम् यावद्राजपुरुषैरभिहितह्--किमर्थं चिरेणाभ्यागतो ऽसि? तेन चैतत्प्रकरणं विस्तरेणारोचितम्।

tena tau jīvitādvyaparopitau/ evam yāvadrājapuruṣairabhihitah--kimarthaṃ cireṇābhyāgato 'si? tena caitatprakaraṇaṃ vistareṇārocitam/

Sanskrit only: no published translation is held for this verse.

स तैर्यावद्राज्ञो ऽशोकस्योपनामितः।

sa tairyāvadrājño 'śokasyopanāmitaḥ/

Sanskrit only: no published translation is held for this verse.

तेन राज्ञो ऽभिहितम्--ममार्थाय गृहं कारयस्वेति। यावद्राज्ञा गृहं कारपितं परमशोभनं द्वारमात्ररमणीयम्।

tena rājño 'bhihitam--mamārthāya gṛhaṃ kārayasveti/ yāvadrājñā gṛhaṃ kārapitaṃ paramaśobhanaṃ dvāramātraramaṇīyam/

Sanskrit only: no published translation is held for this verse.

तस्य रमणीयकं बन्धनमिति संज्ञा व्यवस्थापिता। स आह--देव, वरं मे प्रयच्छ, यस्तत्र प्रविशेत्तस्य न भूयो निर्गम इति।

tasya ramaṇīyakaṃ bandhanamiti saṃjñā vyavasthāpitā/ sa āha--deva, varaṃ me prayaccha, yastatra praviśettasya na bhūyo nirgama iti/

Sanskrit only: no published translation is held for this verse.

यावद्राज्ञाभिहितम्--एवमस्तु इति।

yāvadrājñābhihitam--evamastu iti/

Sanskrit only: no published translation is held for this verse.

ततः स चण्डगिरिकः कुर्कुटारामं गतः। भिक्षुश्च बालपण्डितः सूत्रं पठति।

tataḥ sa caṇḍagirikaḥ kurkuṭārāmaṃ gataḥ/ bhikṣuśca bālapaṇḍitaḥ sūtraṃ paṭhati/

Sanskrit only: no published translation is held for this verse.

सत्त्वा नरकेषूपपन्नाः। यावन्नरकपाला गृहीत्वा अयोमय्यां भूमौ आदीप्तायां संप्रज्वलितायामेकज्वालिभूतायामुत्तानकान् प्रतिष्ठाप्य अयोमयेन विष्कम्भकेन मुखद्वारं विष्कम्भ्य अयोगुडानादीप्तान् प्रदीप्तान् संप्रज्वलितानेकज्वालीभूतानास्ये प्रक्षिपान्ति, ये तेषां सत्त्वानामोष्ठौ अपि दहन्ति, जह्वामपि कण्ठमपि कण्ठमपि हृदयमपि हृदयसामन्तमपि अन्त्राण्यन्त्रगुणानपि दग्ध्वा अधः प्रघरति।

sattvā narakeṣūpapannāḥ/ yāvannarakapālā gṛhītvā ayomayyāṃ bhūmau ādīptāyāṃ saṃprajvalitāyāmekajvālibhūtāyāmuttānakān pratiṣṭhāpya ayomayena viṣkambhakena mukhadvāraṃ viṣkambhya ayoguḍānādīptān pradīptān saṃprajvalitānekajvālībhūtānāsye prakṣipānti, ye teṣāṃ sattvānāmoṣṭhau api dahanti, jahvāmapi kaṇṭhamapi kaṇṭhamapi hṛdayamapi hṛdayasāmantamapi antrāṇyantraguṇānapi dagdhvā adhaḥ pragharati/

Sanskrit only: no published translation is held for this verse.

एवं दुःखा हि भिक्षवो नारकाः सत्त्वा नरकेषूपपन्नाः।

evaṃ duḥkhā hi bhikṣavo nārakāḥ sattvā narakeṣūpapannāḥ/

Sanskrit only: no published translation is held for this verse.

यावन्नरकपाला गृहीत्वा अयोमय्यां भूमौ आदीप्तायां प्रदीप्तायां संप्रज्वलितायामेकज्वालिभूतायामुत्तानकान् प्रतिष्ठाप्य अयोमयेन विष्कम्भकेन मुखद्वारं विष्कम्भ्य क्वथितं ताम्रमास्ये प्रक्षिपन्ति, यत्तेषां सत्त्वानामोष्ठावपि दहति, जिह्वामपि ताल्वपि कण्ठमपि कण्ठनालमपि, अन्त्राण्यन्त्रगुणानपि दग्ध्वा अधः प्रघरति।

yāvannarakapālā gṛhītvā ayomayyāṃ bhūmau ādīptāyāṃ pradīptāyāṃ saṃprajvalitāyāmekajvālibhūtāyāmuttānakān pratiṣṭhāpya ayomayena viṣkambhakena mukhadvāraṃ viṣkambhya kvathitaṃ tāmramāsye prakṣipanti, yatteṣāṃ sattvānāmoṣṭhāvapi dahati, jihvāmapi tālvapi kaṇṭhamapi kaṇṭhanālamapi, antrāṇyantraguṇānapi dagdhvā adhaḥ pragharati/

Sanskrit only: no published translation is held for this verse.

एवं दुःखा हि भिक्षवो नरकाः। सन्ति सत्त्वा नरकेषूपपन्ना यान्नरकपाला गृहीत्वा अयोमय्यां भूमौ आदीप्तायां संप्रज्वलितायामेकज्वालीभूतायामवान्मुखान् प्रतिष्ठाप्य अयोमयेन सूत्रेणादीप्तेन संप्रज्वलितेनैकज्वालीभूतेनास्क्फाट्य अयोमयेन कुठारेणादीप्तेन संप्रदीप्तेन संप्रज्वलितेनैकज्वालीभूतेन तक्षणुवन्ति संतक्ष्णुवन्ति संप्रतक्ष्णुवन्ति अष्टांशमपि षडंशमपि षडंशमपि चतुरस्नमपि वृत्तमपि मण्डलमपि उन्नतमपि अवनतमपि शान्तमपि विशान्तमपि तक्ष्णुवन्ति।

evaṃ duḥkhā hi bhikṣavo narakāḥ/ santi sattvā narakeṣūpapannā yānnarakapālā gṛhītvā ayomayyāṃ bhūmau ādīptāyāṃ saṃprajvalitāyāmekajvālībhūtāyāmavānmukhān pratiṣṭhāpya ayomayena sūtreṇādīptena saṃprajvalitenaikajvālībhūtenāskphāṭya ayomayena kuṭhāreṇādīptena saṃpradīptena saṃprajvalitenaikajvālībhūtena takṣaṇuvanti saṃtakṣṇuvanti saṃpratakṣṇuvanti aṣṭāṃśamapi ṣaḍaṃśamapi ṣaḍaṃśamapi caturasnamapi vṛttamapi maṇḍalamapi unnatamapi avanatamapi śāntamapi viśāntamapi takṣṇuvanti/

Sanskrit only: no published translation is held for this verse.

एवं दुःखा हि भिक्षवो नरकाः। सन्ति सत्त्वा नरकेषूपपन्ना यान्नरकपाला गृहीत्वा अयोमय्यां भूमौ आदीप्तायां प्रदीप्तायां संप्रज्वलितायामेकज्वलीभूतायामवन्मुखान् प्रतिष्ठाप्य अयोमयेन अयोमयेन सूत्रेणादीप्तेन प्रदीप्तेन संप्रज्वलितेनैकज्वालीभूतेनास्फाट्य अयोमय्यां भूम्यामाअदीप्तायां प्रदीप्तायां संप्रज्वलितायामेकज्वालीभूतायां तक्ष्णुवन्ति संतक्ष्णुवन्ति संपरितक्ष्णुवन्ति, अष्टांशमपि षडंशमपि चतुरस्नमपि मण्डलमपि उन्नतमपि अवनतमपि शान्तमपि विशान्तमपि तक्ष्णुवन्ति।

evaṃ duḥkhā hi bhikṣavo narakāḥ/ santi sattvā narakeṣūpapannā yānnarakapālā gṛhītvā ayomayyāṃ bhūmau ādīptāyāṃ pradīptāyāṃ saṃprajvalitāyāmekajvalībhūtāyāmavanmukhān pratiṣṭhāpya ayomayena ayomayena sūtreṇādīptena pradīptena saṃprajvalitenaikajvālībhūtenāsphāṭya ayomayyāṃ bhūmyāmāadīptāyāṃ pradīptāyāṃ saṃprajvalitāyāmekajvālībhūtāyāṃ takṣṇuvanti saṃtakṣṇuvanti saṃparitakṣṇuvanti, aṣṭāṃśamapi ṣaḍaṃśamapi caturasnamapi maṇḍalamapi unnatamapi avanatamapi śāntamapi viśāntamapi takṣṇuvanti/

Sanskrit only: no published translation is held for this verse.

एवं दुःखा हि भिक्षवो नरकाः।

evaṃ duḥkhā hi bhikṣavo narakāḥ/

Sanskrit only: no published translation is held for this verse.

सन्ति सत्त्वा नरकेषूपपन्ना यान्नरकपाला गृहीत्वा अयोमय्यां भूमावादीप्तायां प्रदीप्तायां संप्रज्वलितायामेकज्वलीभूतायामुत्तानकान् प्रतिष्ठाप्य पञ्चविषटबन्धनां कारणां कारयन्ति, उभयोर्हस्तयोरायसौ<२३७> कीलौ त्रामन्ति, उभयोः पादयोरायसे कीले त्रामन्ति, मध्ये हृदयस्यायसं कीलं क्रामन्ति।

santi sattvā narakeṣūpapannā yānnarakapālā gṛhītvā ayomayyāṃ bhūmāvādīptāyāṃ pradīptāyāṃ saṃprajvalitāyāmekajvalībhūtāyāmuttānakān pratiṣṭhāpya pañcaviṣaṭabandhanāṃ kāraṇāṃ kārayanti, ubhayorhastayorāyasau<237> kīlau trāmanti, ubhayoḥ pādayorāyase kīle trāmanti, madhye hṛdayasyāyasaṃ kīlaṃ krāmanti/

Sanskrit only: no published translation is held for this verse.