Library·Divyāvadāna·237
एवम् सुदुःखा हि भिषवो नरकाः। एवं पञ्च वेदना इति कुरुते सदृशाश्च कारणाः सत्त्वानामारब्धाः कारयितुम्॥
evam suduḥkhā hi bhiṣavo narakāḥ/ evaṃ pañca vedanā iti kurute sadṛśāśca kāraṇāḥ sattvānāmārabdhāḥ kārayitum//
Sanskrit only: no published translation is held for this verse.
यावत् श्रावस्त्यामन्यतमः सार्थवाहः पत्न्या सह महासमुद्रमवतीर्णः। तस्य सा पत्नी महासमुद्रे प्रसूता।
yāvat śrāvastyāmanyatamaḥ sārthavāhaḥ patnyā saha mahāsamudramavatīrṇaḥ/ tasya sā patnī mahāsamudre prasūtā/
Sanskrit only: no published translation is held for this verse.
दारको जातः। तस्य समुद्र इति नामधेयं कृतम्। यावद्विस्तरेण द्वादशभिर्वर्षैर्महासमुद्रादुत्तीर्णः।
dārako jātaḥ/ tasya samudra iti nāmadheyaṃ kṛtam/ yāvadvistareṇa dvādaśabhirvarṣairmahāsamudrāduttīrṇaḥ/
Sanskrit only: no published translation is held for this verse.
स च सार्थवाहः पञ्चभिर्धूर्तशतैर्मुषितः। सार्थवाहः स प्रघातितः।
sa ca sārthavāhaḥ pañcabhirdhūrtaśatairmuṣitaḥ/ sārthavāhaḥ sa praghātitaḥ/
Sanskrit only: no published translation is held for this verse.
स च समुद्रः सार्थवाहपुत्रो भगवच्छासने प्रव्रजितः। स जनपदचारिकां चरन् पाटलिपुत्रमनुप्राप्तः।
sa ca samudraḥ sārthavāhaputro bhagavacchāsane pravrajitaḥ/ sa janapadacārikāṃ caran pāṭaliputramanuprāptaḥ/
Sanskrit only: no published translation is held for this verse.
स पूर्वाह्णे निवास्य पात्रचीवरमादाय पाटलिपुत्रं पिण्डाय प्रविष्टः।
sa pūrvāhṇe nivāsya pātracīvaramādāya pāṭaliputraṃ piṇḍāya praviṣṭaḥ/
Sanskrit only: no published translation is held for this verse.
सो ऽनभिज्ञतया च रमणीयकं भवनं प्रविष्टः। तच्च द्वारमात्ररमणीयमभ्यन्तरं नरकभवनसदृशं प्रतिभयम्।
so 'nabhijñatayā ca ramaṇīyakaṃ bhavanaṃ praviṣṭaḥ/ tacca dvāramātraramaṇīyamabhyantaraṃ narakabhavanasadṛśaṃ pratibhayam/
Sanskrit only: no published translation is held for this verse.
दृष्ट्वा च पुनर् निर्गन्तुकामश्चण्डैरिकेनावलोकितः। गृहीत्वा चोक्तह्--इह ते निधनभुपगन्तव्यमिति।
dṛṣṭvā ca punar nirgantukāmaścaṇḍairikenāvalokitaḥ/ gṛhītvā coktah--iha te nidhanabhupagantavyamiti/
Sanskrit only: no published translation is held for this verse.
विस्तरेण कार्यम्। ततो भिक्षुः शोकार्तो बाष्पकण्टः संवृत्तः।
vistareṇa kāryam/ tato bhikṣuḥ śokārto bāṣpakaṇṭaḥ saṃvṛttaḥ/
Sanskrit only: no published translation is held for this verse.
तेनोच्यते--किमिदं बालदारक इव रुदसीति? स भिक्षुः प्राह--
tenocyate--kimidaṃ bāladāraka iva rudasīti? sa bhikṣuḥ prāha--
Sanskrit only: no published translation is held for this verse.
न शरीरविनाशं हि शोचामि सर्वशः।
na śarīravināśaṃ hi śocāmi sarvaśaḥ/
Sanskrit only: no published translation is held for this verse.
मोक्षधर्मान्तरायं तु शोचामि भृशमात्मनः॥६७॥
mokṣadharmāntarāyaṃ tu śocāmi bhṛśamātmanaḥ//67//
Sanskrit only: no published translation is held for this verse.
दुर्लभं प्राप्य मानुष्यं प्रव्रज्यां च सुखोदयाम्।
durlabhaṃ prāpya mānuṣyaṃ pravrajyāṃ ca sukhodayām/
Sanskrit only: no published translation is held for this verse.
शाक्यसिंहं च शास्तारं पुनस्त्यक्ष्यामि दुर्मतिः॥६८॥
śākyasiṃhaṃ ca śāstāraṃ punastyakṣyāmi durmatiḥ//68//
Sanskrit only: no published translation is held for this verse.
तेनोच्यते--दत्तवरो ऽहं नृपतिना। धीरो भव। नास्ति ते मोक्ष इति। ततः सकरुणैर्वचनैस्तं भिक्षुः क्रमम् याचति स्म मासम् यावत्।
tenocyate--dattavaro 'haṃ nṛpatinā/ dhīro bhava/ nāsti te mokṣa iti/ tataḥ sakaruṇairvacanaistaṃ bhikṣuḥ kramam yācati sma māsam yāvat/
Sanskrit only: no published translation is held for this verse.
सप्तरात्रमनुज्ञातः। स खलु मरणभयोद्विग्नहृदयः सप्तरात्रेण मे न भवितव्यमिति व्यायतमतिः संवृत्तः॥
saptarātramanujñātaḥ/ sa khalu maraṇabhayodvignahṛdayaḥ saptarātreṇa me na bhavitavyamiti vyāyatamatiḥ saṃvṛttaḥ//
Sanskrit only: no published translation is held for this verse.
अथ सप्तमे दिवसे ऽशोकस्य राज्ञो ऽन्तःपुरिकां कुमारेण सह संरक्तां निरीक्षमाणां संलपन्तीं च दृष्ट्वा सहदर्शनादेव रुषितेन राज्ञा तौ द्वावपि तं चारकमनुप्रेषितौ।
atha saptame divase 'śokasya rājño 'ntaḥpurikāṃ kumāreṇa saha saṃraktāṃ nirīkṣamāṇāṃ saṃlapantīṃ ca dṛṣṭvā sahadarśanādeva ruṣitena rājñā tau dvāvapi taṃ cārakamanupreṣitau/
Sanskrit only: no published translation is held for this verse.
तत्र मुसलैरयोद्रोण्यामस्थ्यवशेषौ कृतौ।
tatra musalairayodroṇyāmasthyavaśeṣau kṛtau/
Sanskrit only: no published translation is held for this verse.
ततो भिक्षुस्तौ दृष्ट्वा संविग्नः प्राह--
tato bhikṣustau dṛṣṭvā saṃvignaḥ prāha--
Sanskrit only: no published translation is held for this verse.
अहो कारुणिकः शास्ता सम्यगाह महामुनिः।
aho kāruṇikaḥ śāstā samyagāha mahāmuniḥ/
Sanskrit only: no published translation is held for this verse.
फेनपिण्डोपमं रूपमसारमनवस्थितम्॥६९॥
phenapiṇḍopamaṃ rūpamasāramanavasthitam//69//
Sanskrit only: no published translation is held for this verse.
क्व तद्वदनकान्तित्वं गात्रशोभा क्व सा गता।
kva tadvadanakāntitvaṃ gātraśobhā kva sā gatā/
Sanskrit only: no published translation is held for this verse.
धिगस्त्वयं संसारो रमन्ते यत्र बालिशाः॥७०॥
dhigastvayaṃ saṃsāro ramante yatra bāliśāḥ//70//
Sanskrit only: no published translation is held for this verse.
इदमालम्बनं प्राप्तं चारके वसता मया।
idamālambanaṃ prāptaṃ cārake vasatā mayā/
Sanskrit only: no published translation is held for this verse.
यमाश्रित्य तरिष्यामि पारमद्य भवोदधेः॥७१॥
yamāśritya tariṣyāmi pāramadya bhavodadheḥ//71//
Sanskrit only: no published translation is held for this verse.
तेन तां रजनीं कृत्स्नाअम् युज्यता बुद्धशासने।
tena tāṃ rajanīṃ kṛtsnāam yujyatā buddhaśāsane/
Sanskrit only: no published translation is held for this verse.
सर्वसम्योजनं छित्त्वा प्राप्तमर्हत्त्वमुत्तमम्॥७२॥
sarvasamyojanaṃ chittvā prāptamarhattvamuttamam//72//
Sanskrit only: no published translation is held for this verse.