साधु साधु पूर्ण, शक्यस्त्वं पूर्ण अनेन क्षान्तिसौरभ्येन समन्वागतः श्रोणापरान्तकेषु जनपदेषु वस्तुं श्रोणापरान्तकेषु वासं कल्पयितुम्।
sādhu sādhu pūrṇa, śakyastvaṃ pūrṇa anena kṣāntisaurabhyena samanvāgataḥ śroṇāparāntakeṣu janapadeṣu vastuṃ śroṇāparāntakeṣu vāsaṃ kalpayitum/
Sanskrit only: no published translation is held for this verse.
गच्छ त्वं पूर्ण, मुक्तो मोचय, तीर्णस्तारय, आश्वस्त आश्वसय, परिनिर्वृतः परिनिर्वापयेति॥
gaccha tvaṃ pūrṇa, mukto mocaya, tīrṇastāraya, āśvasta āśvasaya, parinirvṛtaḥ parinirvāpayeti//
Sanskrit only: no published translation is held for this verse.
अथायुष्मान् पूर्णो भगवतो भाषितमभिनन्द्यानुमोद्य भगवतः पादौ शिरसा वन्दित्वा भगवतो ऽन्तिकात् प्रक्रान्तः।
athāyuṣmān pūrṇo bhagavato bhāṣitamabhinandyānumodya bhagavataḥ pādau śirasā vanditvā bhagavato 'ntikāt prakrāntaḥ/
Sanskrit only: no published translation is held for this verse.
अथायुष्मान् पूर्णस्तस्या एव रात्रेरत्ययात् पूर्वाह्णे निवास्य पात्रचीवरमादाय श्रावस्तीं पिण्डाय प्राविक्षत्।
athāyuṣmān pūrṇastasyā eva rātreratyayāt pūrvāhṇe nivāsya pātracīvaramādāya śrāvastīṃ piṇḍāya prāvikṣat/
Sanskrit only: no published translation is held for this verse.
श्रावस्तीं पिण्डाय चरित्वा कृतभक्तकृत्यः पश्चाद्भक्तपिण्डपात्रः प्रतिक्रान्तः।
śrāvastīṃ piṇḍāya caritvā kṛtabhaktakṛtyaḥ paścādbhaktapiṇḍapātraḥ pratikrāntaḥ/
Sanskrit only: no published translation is held for this verse.
यथापरिभुक्तशयनासनं प्रतिसमय्य समादाय पात्रचीवरम् येन श्रोणापरान्तका जनपदास्तेन चारिकां चरञ् श्रोणापरान्तकाञ् जनपदाननुप्राप्तः।
yathāparibhuktaśayanāsanaṃ pratisamayya samādāya pātracīvaram yena śroṇāparāntakā janapadāstena cārikāṃ carañ śroṇāparāntakāñ janapadānanuprāptaḥ/
Sanskrit only: no published translation is held for this verse.
अथायुष्मान् पूर्णः पूर्वाह्णे निवास्य पात्रचीवरमादाय श्रोणापरान्तकं पिण्डाय प्राविक्षत्।
athāyuṣmān pūrṇaḥ pūrvāhṇe nivāsya pātracīvaramādāya śroṇāparāntakaṃ piṇḍāya prāvikṣat/
Sanskrit only: no published translation is held for this verse.
अन्यतमश्च लुब्धको धनुष्पाणिर्मृगयां निर्गच्छति। तेन दृष्टः। स संलक्षयति--अमङ्गलो ऽयं मुण्डकः श्रमणको मया दृष्ट इति विदित्वा आ कर्णाद् धनुः पूरयित्वा येनायुष्मान् पूर्णस्तेन प्रधावितः।
anyatamaśca lubdhako dhanuṣpāṇirmṛgayāṃ nirgacchati/ tena dṛṣṭaḥ/ sa saṃlakṣayati--amaṅgalo 'yaṃ muṇḍakaḥ śramaṇako mayā dṛṣṭa iti viditvā ā karṇād dhanuḥ pūrayitvā yenāyuṣmān pūrṇastena pradhāvitaḥ/
Sanskrit only: no published translation is held for this verse.
स आयुष्मता पूर्णेन दृष्टः। दृष्ट्वा चेत्तरासङ्गं विवर्त्य कथयति--भद्रमुख, अस्य दुष्पूरस्यार्थे प्रविशामि, अत्र प्रहरेति।
sa āyuṣmatā pūrṇena dṛṣṭaḥ/ dṛṣṭvā cettarāsaṅgaṃ vivartya kathayati--bhadramukha, asya duṣpūrasyārthe praviśāmi, atra prahareti/
Sanskrit only: no published translation is held for this verse.
गाथां च भाषते--
gāthāṃ ca bhāṣate--
Sanskrit only: no published translation is held for this verse.
यस्यार्थे गहने चरन्ति विहगा गच्छन्ति बन्धं मृगाः संग्रामे शरशक्ततोमरधरा नश्यन्त्यजस्रं नराः।
yasyārthe gahane caranti vihagā gacchanti bandhaṃ mṛgāḥ saṃgrāme śaraśaktatomaradharā naśyantyajasraṃ narāḥ/
Sanskrit only: no published translation is held for this verse.
दीना दुर्दिनचारिणश्च कृपणा मत्स्या ग्रसन्त्यायसम् अस्यार्थे उदरस्य पापकलिले दूरादिहाभ्यागतः॥५॥ इति॥
dīnā durdinacāriṇaśca kṛpaṇā matsyā grasantyāyasam asyārthe udarasya pāpakalile dūrādihābhyāgataḥ//5// iti//
Sanskrit only: no published translation is held for this verse.
स संलक्षयति--अयं प्रव्रजित ईदृशेन क्षान्तिसौरभ्येन समन्वागतः। किमस्य प्रहरामीति मत्वा अभिप्रसन्नः।
sa saṃlakṣayati--ayaṃ pravrajita īdṛśena kṣāntisaurabhyena samanvāgataḥ/ kimasya praharāmīti matvā abhiprasannaḥ/
Sanskrit only: no published translation is held for this verse.
ततो ऽस्यायुष्मता पूर्णेन धर्मो देश्यितः, शरणगमनशिक्षापदेशेषु च प्रतिष्ठापितः।
tato 'syāyuṣmatā pūrṇena dharmo deśyitaḥ, śaraṇagamanaśikṣāpadeśeṣu ca pratiṣṭhāpitaḥ/
Sanskrit only: no published translation is held for this verse.
अन्यानि च पञ्चोपासकशतानि कृतानि पञ्चोपासिकाशतानि। पञ्चविहारशतानि कारितानि, अनेकानि च मञ्चपीठवृषिकोच्चकबिम्बोपधानचतुरस्रकशतानि अनुप्रदापितानि।
anyāni ca pañcopāsakaśatāni kṛtāni pañcopāsikāśatāni/ pañcavihāraśatāni kāritāni, anekāni ca mañcapīṭhavṛṣikoccakabimbopadhānacaturasrakaśatāni anupradāpitāni/
Sanskrit only: no published translation is held for this verse.
तस्यैव च त्रिमासस्यात्ययात् तिस्रो विद्याः कायेन साक्षात्कृताः। अर्हन् संवृत्तः।
tasyaiva ca trimāsasyātyayāt tisro vidyāḥ kāyena sākṣātkṛtāḥ/ arhan saṃvṛttaḥ/
Sanskrit only: no published translation is held for this verse.
त्रैधातुकवीतरागो यावत् सेन्द्रोपेन्द्राणां देवानां पूज्यो मान्यो ऽभिवाद्यश्च संवृत्तः॥
traidhātukavītarāgo yāvat sendropendrāṇāṃ devānāṃ pūjyo mānyo 'bhivādyaśca saṃvṛttaḥ//
Sanskrit only: no published translation is held for this verse.
यावदपरेण समयेन दारुकर्णिभ्रात्रोर्भोगास्तनुत्वं परिक्षयं पर्यादानं गताः। तौ कथयतह्--गतो ऽसौ अस्माकं गृहात् कालकर्णिप्रख्यः।
yāvadapareṇa samayena dārukarṇibhrātrorbhogāstanutvaṃ parikṣayaṃ paryādānaṃ gatāḥ/ tau kathayatah--gato 'sau asmākaṃ gṛhāt kālakarṇiprakhyaḥ/
Sanskrit only: no published translation is held for this verse.
आगच्छ, एकध्ये प्रतिवसामः। स कथयति--कतरो ऽसौ कालकर्णिप्रख्यह्? तौ कथयतह्--पूर्णकश्रीः।
āgaccha, ekadhye prativasāmaḥ/ sa kathayati--kataro 'sau kālakarṇiprakhyah? tau kathayatah--pūrṇakaśrīḥ/
Sanskrit only: no published translation is held for this verse.
सा मम गृहान्निष्क्रान्ता।
sā mama gṛhānniṣkrāntā/
Sanskrit only: no published translation is held for this verse.
नासौ कालकर्णिप्रख्यः। तौ कथयतह्--श्रीर्वा भवतु कालकर्णी वा, आगच्छ एकध्ये प्रतिवसामः।
nāsau kālakarṇiprakhyaḥ/ tau kathayatah--śrīrvā bhavatu kālakarṇī vā, āgaccha ekadhye prativasāmaḥ/
Sanskrit only: no published translation is held for this verse.
स कथयति--युवयोरन्यायोपार्जितं धनम्, मम न्यायोपार्जितम्। नाहम् युवाभ्यां सार्धमेकध्ये वासं कल्पयामीति।
sa kathayati--yuvayoranyāyopārjitaṃ dhanam, mama nyāyopārjitam/ nāham yuvābhyāṃ sārdhamekadhye vāsaṃ kalpayāmīti/
Sanskrit only: no published translation is held for this verse.
तौ कथयतह्--तेन दासीपुत्रेण महासमुद्रमवतीर्यावतीर्य भोगाः समुदानीता येन त्वं भुञ्जानो विकत्थसे।
tau kathayatah--tena dāsīputreṇa mahāsamudramavatīryāvatīrya bhogāḥ samudānītā yena tvaṃ bhuñjāno vikatthase/
Sanskrit only: no published translation is held for this verse.
कुतस्तव सामर्थ्यं महासमुद्रमवतर्तुमिति। स ताभ्यां मानं ग्राहितः।
kutastava sāmarthyaṃ mahāsamudramavatartumiti/ sa tābhyāṃ mānaṃ grāhitaḥ/
Sanskrit only: no published translation is held for this verse.
स संलक्षयति--अहमपि महासमुद्रमवतरामि। पूर्ववत् यावन्महासमुद्रमवतीर्णह्<२५>।
sa saṃlakṣayati--ahamapi mahāsamudramavatarāmi/ pūrvavat yāvanmahāsamudramavatīrṇah<25>/
Sanskrit only: no published translation is held for this verse.