<२४०>गां मण्डयिष्यामि जनेन्द्रचैत्यैर्हंसांशशङ्खेन्दुबलाककल्पैः॥८५॥
<240>gāṃ maṇḍayiṣyāmi janendracaityairhaṃsāṃśaśaṅkhendubalākakalpaiḥ//85//
Sanskrit only: no published translation is held for this verse.
Library·Divyāvadāna·240
Divyāvadāna 240
यावत् स भिक्षुस्तदेव ऋद्ध्या प्रक्रान्तः। अथ राजा आरब्धो निष्क्रामितुम्।
yāvat sa bhikṣustadeva ṛddhyā prakrāntaḥ/ atha rājā ārabdho niṣkrāmitum/
Sanskrit only: no published translation is held for this verse.
ततश्चण्डगिरिकः कृताञ्जलिरुवाच--देव, लब्धवरो ऽहम्। नैकस्य विनिर्गम इति। राजा आह--मा तावन्ममापीच्छसि घातयितुम्।
tataścaṇḍagirikaḥ kṛtāñjaliruvāca--deva, labdhavaro 'ham/ naikasya vinirgama iti/ rājā āha--mā tāvanmamāpīcchasi ghātayitum/
Sanskrit only: no published translation is held for this verse.
स उवाच--एवमेव। राजा आह--को ऽस्माकं प्रथमतरं प्रविष्टह्? चण्डगिरिक उवाच--अहम्।
sa uvāca--evameva/ rājā āha--ko 'smākaṃ prathamataraṃ praviṣṭah? caṇḍagirika uvāca--aham/
Sanskrit only: no published translation is held for this verse.
ततो राज्ञा अभिहितम्। को ऽत्रेति? यावद्वध्यघातैर्गृहीतः।
tato rājñā abhihitam/ ko 'treti? yāvadvadhyaghātairgṛhītaḥ/
Sanskrit only: no published translation is held for this verse.
गृहीत्वा च यन्त्रगृहं प्रवेशितः। प्रवेशयित्वा दग्धः। तच्च रमणीयकं बन्धनमपनीतं सर्वसत्त्वेभ्यश्चाभयप्रदानमनुप्रदत्तम्।
gṛhītvā ca yantragṛhaṃ praveśitaḥ/ praveśayitvā dagdhaḥ/ tacca ramaṇīyakaṃ bandhanamapanītaṃ sarvasattvebhyaścābhayapradānamanupradattam/
Sanskrit only: no published translation is held for this verse.
ततो राजा भगवच्छरीरधातुं विस्तरीष्यामीति चतुरङ्गेन बलकायेन गत्वा अजातशत्रुप्रतिष्ठापितं द्रोणस्तूपमुत्पाट्य शरीरधातुं गृहीतवान्।
tato rājā bhagavaccharīradhātuṃ vistarīṣyāmīti caturaṅgena balakāyena gatvā ajātaśatrupratiṣṭhāpitaṃ droṇastūpamutpāṭya śarīradhātuṃ gṛhītavān/
Sanskrit only: no published translation is held for this verse.
यत्रोद्धारणं च विस्तरेण कृत्वा धातुप्रत्यंशं दत्वा स्तूपं प्रतिष्ठाप्य एवं द्वितीयं स्तूपं वितरेण भक्तिमतो यावत्सप्तद्रोणाद्ग्रहाय स्तूपांश्च प्रतिष्ठाप्य रामग्रामं गतः।
yatroddhāraṇaṃ ca vistareṇa kṛtvā dhātupratyaṃśaṃ datvā stūpaṃ pratiṣṭhāpya evaṃ dvitīyaṃ stūpaṃ vitareṇa bhaktimato yāvatsaptadroṇādgrahāya stūpāṃśca pratiṣṭhāpya rāmagrāmaṃ gataḥ/
Sanskrit only: no published translation is held for this verse.
ततो राजा नागैर् नागभवनमवतारितः, विज्ञप्तश्च--वयमस्यात्रैव पूजां करिष्याम इति।
tato rājā nāgair nāgabhavanamavatāritaḥ, vijñaptaśca--vayamasyātraiva pūjāṃ kariṣyāma iti/
Sanskrit only: no published translation is held for this verse.
यावद्राज्ञा अभ्यनुज्ञातम्।
yāvadrājñā abhyanujñātam/
Sanskrit only: no published translation is held for this verse.
ततो नागराजा पुनरपि नागभवनादुत्तारितः। वक्ष्यति हि--
tato nāgarājā punarapi nāgabhavanāduttāritaḥ/ vakṣyati hi--
Sanskrit only: no published translation is held for this verse.
रामग्रामे त्वष्टमं स्तूपमद्य नागास्तत्कालं भक्तिमन्तो ररक्षुः।
rāmagrāme tvaṣṭamaṃ stūpamadya nāgāstatkālaṃ bhaktimanto rarakṣuḥ/
Sanskrit only: no published translation is held for this verse.
धातून्येतस्मान्नोपलेभे स राजा श्रद्धाभू(?) राजा चिन्तयति यस्त्वेतत्कृत्वा जगाम॥८६॥
dhātūnyetasmānnopalebhe sa rājā śraddhābhū(?) rājā cintayati yastvetatkṛtvā jagāma//86//
Sanskrit only: no published translation is held for this verse.
यावद्राजा चतुरशीतिकरण्डसहस्रं कारयित्वा सौवर्णरूप्यस्फटिकवैडूर्यमयानां तेषु धातवः प्रक्षिप्तः।
yāvadrājā caturaśītikaraṇḍasahasraṃ kārayitvā sauvarṇarūpyasphaṭikavaiḍūryamayānāṃ teṣu dhātavaḥ prakṣiptaḥ/
Sanskrit only: no published translation is held for this verse.
एवं विस्तरेण चतुरशीतिकुम्भसहस्रं पट्टसहस्रं च यक्षाणां हस्ते दत्वा विसर्जितम्--आसमुद्रायां पृथिव्यां हीनोत्कृष्टमध्यमेषु नगरेषु यत्र कोटिः परिपूर्यते, तत्र धर्मराजिकां प्रतिष्ठापयितव्यम्॥
evaṃ vistareṇa caturaśītikumbhasahasraṃ paṭṭasahasraṃ ca yakṣāṇāṃ haste datvā visarjitam--āsamudrāyāṃ pṛthivyāṃ hīnotkṛṣṭamadhyameṣu nagareṣu yatra koṭiḥ paripūryate, tatra dharmarājikāṃ pratiṣṭhāpayitavyam//
Sanskrit only: no published translation is held for this verse.
तस्मिन् समये तक्षशिलायां षट्त्रिंशत्कोटयः। तैरभिहितम्--षट्त्रिंशत्करण्डकाननुप्रयच्छेति।
tasmin samaye takṣaśilāyāṃ ṣaṭtriṃśatkoṭayaḥ/ tairabhihitam--ṣaṭtriṃśatkaraṇḍakānanuprayaccheti/
Sanskrit only: no published translation is held for this verse.
राजा चिन्तयति--न यदि वैस्तारिका धातवो भविष्यन्ति। उपायज्ञो राजा।
rājā cintayati--na yadi vaistārikā dhātavo bhaviṣyanti/ upāyajño rājā/
Sanskrit only: no published translation is held for this verse.
तेनाभिहितम्--पञ्चत्रिंशत्कोटयः शोधयितव्याः। विस्तरेण यावद्राज्ञा अभिहितम्--यत्राधिकतरा भवन्ति, यत्र च न्यूनतराः, तत्र न दातव्यम्॥
tenābhihitam--pañcatriṃśatkoṭayaḥ śodhayitavyāḥ/ vistareṇa yāvadrājñā abhihitam--yatrādhikatarā bhavanti, yatra ca nyūnatarāḥ, tatra na dātavyam//
Sanskrit only: no published translation is held for this verse.
यावद्राजा कुर्कुटारामं गत्वा स्थविरयशसमभिगम्योवाच--अयं मे मनोरथह्--एकस्मिन् दिवसे एकस्मिन्मुहूर्ते चतुरशीतिधर्मराजिकासहस्रं प्रतिष्ठापयेयमिति।
yāvadrājā kurkuṭārāmaṃ gatvā sthavirayaśasamabhigamyovāca--ayaṃ me manorathah--ekasmin divase ekasminmuhūrte caturaśītidharmarājikāsahasraṃ pratiṣṭhāpayeyamiti/
Sanskrit only: no published translation is held for this verse.
स्थविरेणाभिहितम्--एवमस्तु।
sthavireṇābhihitam--evamastu/
Sanskrit only: no published translation is held for this verse.
अहं तस्मिन् समये पाणिना सूर्यमण्डलं प्रतिच्छादयिष्यामीति। यावत् तस्मिन् दिवसे स्थविरयशसा पाणिना सूर्यमण्डलं प्रतिच्छादितम्।
ahaṃ tasmin samaye pāṇinā sūryamaṇḍalaṃ praticchādayiṣyāmīti/ yāvat tasmin divase sthavirayaśasā pāṇinā sūryamaṇḍalaṃ praticchāditam/
Sanskrit only: no published translation is held for this verse.
एकस्मिन् दिवसे एकमुहूर्ते चतुरशीतिधर्मराजिकासहस्रं प्रतिष्ठापितम्।
ekasmin divase ekamuhūrte caturaśītidharmarājikāsahasraṃ pratiṣṭhāpitam/
Sanskrit only: no published translation is held for this verse.
वक्ष्यति च--
vakṣyati ca--
Sanskrit only: no published translation is held for this verse.