दिव्२७ कुणालावदानम्।
div27 kuṇālāvadānam/
Sanskrit only: no published translation is held for this verse.
Library·Divyāvadāna·242
Divyāvadāna 242
स इदानीमचिरजातप्रसादो बुद्धशासने यत्र शाक्यपुत्रीयान् ददर्श आकीर्णे रहसि वा, तत्र शिरसा पादयोर् निपत्य वन्दते स्म।
sa idānīmacirajātaprasādo buddhaśāsane yatra śākyaputrīyān dadarśa ākīrṇe rahasi vā, tatra śirasā pādayor nipatya vandate sma/
Sanskrit only: no published translation is held for this verse.
तस्य च यशो नामामात्यः परमश्राद्धो भगवति।
tasya ca yaśo nāmāmātyaḥ paramaśrāddho bhagavati/
Sanskrit only: no published translation is held for this verse.
स तं राजानमुवाच--देव, नार्हसि सर्ववर्णप्रव्रजितानां प्रणिपातं कर्तुम्। सन्ति हि शाक्यश्रामणेरकाश्चतुर्भ्यो वर्णेभ्यः प्रव्रजिता इति।
sa taṃ rājānamuvāca--deva, nārhasi sarvavarṇapravrajitānāṃ praṇipātaṃ kartum/ santi hi śākyaśrāmaṇerakāścaturbhyo varṇebhyaḥ pravrajitā iti/
Sanskrit only: no published translation is held for this verse.
तस्य राजा न किंचिदवोचत्। अथ स राजा केनचित् कालान्तरेण सर्वसचिवानुवाच--विविधानां प्राणिनां शिरोभिः कर्यम्।
tasya rājā na kiṃcidavocat/ atha sa rājā kenacit kālāntareṇa sarvasacivānuvāca--vividhānāṃ prāṇināṃ śirobhiḥ karyam/
Sanskrit only: no published translation is held for this verse.
तत्त्वममुकस्य प्राणिनः शीर्षमानय, त्वममुकस्येति। यशामात्यः पुनराज्ञप्तह्--त्वं मानुषं शीर्षमानयेति।
tattvamamukasya prāṇinaḥ śīrṣamānaya, tvamamukasyeti/ yaśāmātyaḥ punarājñaptah--tvaṃ mānuṣaṃ śīrṣamānayeti/
Sanskrit only: no published translation is held for this verse.
समानीतेषु च शिरःसु अभिहिताह्--गच्छत, इमानि शिरंसि मूल्येन विक्रीणीध्वमिति।
samānīteṣu ca śiraḥsu abhihitāh--gacchata, imāni śiraṃsi mūlyena vikrīṇīdhvamiti/
Sanskrit only: no published translation is held for this verse.
अथ सर्वशिरांसि विक्रीतानि। तदेव मानुष्यं शिरो न कश्चिज्जग्राह। ततो राज्ञाभिहितह्--विनापि मूल्येन कस्मैचिदेतच्छिरो देहीतै।
atha sarvaśirāṃsi vikrītāni/ tadeva mānuṣyaṃ śiro na kaścijjagrāha/ tato rājñābhihitah--vināpi mūlyena kasmaicidetacchiro dehītai/
Sanskrit only: no published translation is held for this verse.
न चास्यं कश्चित् प्रतिग्राहको बभूव।
na cāsyaṃ kaścit pratigrāhako babhūva/
Sanskrit only: no published translation is held for this verse.
ततो यशामात्यस्तस्यः शिरसः प्रतिग्राहकमनासाद्य सव्रीडो राजानमुपेत्येदमर्थमुवाच--
tato yaśāmātyastasyaḥ śirasaḥ pratigrāhakamanāsādya savrīḍo rājānamupetyedamarthamuvāca--
Sanskrit only: no published translation is held for this verse.
गोगर्दभोरभ्रमृगद्विजानां मूल्यैर्गृहीतानि शिरांसि पुम्भिः।
gogardabhorabhramṛgadvijānāṃ mūlyairgṛhītāni śirāṃsi pumbhiḥ/
Sanskrit only: no published translation is held for this verse.
शिरस्त्विदं मानुषमप्रशस्तं न गृह्यते मूल्यमृते ऽपि राजन्॥१॥
śirastvidaṃ mānuṣamapraśastaṃ na gṛhyate mūlyamṛte 'pi rājan//1//
Sanskrit only: no published translation is held for this verse.
अथ स राजा तममात्यमुवाच--किमिदमितीदं मानुषशिरो न कश्चिद्गृह्णातीति? अमात्य उवाच--जुगुप्सितत्वादिति।
atha sa rājā tamamātyamuvāca--kimidamitīdaṃ mānuṣaśiro na kaścidgṛhṇātīti? amātya uvāca--jugupsitatvāditi/
Sanskrit only: no published translation is held for this verse.
राजाब्रवीत्--किमेतदेव शिरो जुगुप्सितमाहोस्वित् सर्वमानुषशिरांसीति? अमात्य उवाच--सर्वमानुषशिरांसीति।
rājābravīt--kimetadeva śiro jugupsitamāhosvit sarvamānuṣaśirāṃsīti? amātya uvāca--sarvamānuṣaśirāṃsīti/
Sanskrit only: no published translation is held for this verse.
राजाब्रवीत्--किमिदं मदीयमपि शिरो जुगुप्सितमिति? स च भयान्नेच्छति तस्माद्भूतार्थमभिधातुम्।
rājābravīt--kimidaṃ madīyamapi śiro jugupsitamiti? sa ca bhayānnecchati tasmādbhūtārthamabhidhātum/
Sanskrit only: no published translation is held for this verse.
स राज्ञाभिहितह्--अमात्यः, सत्यमुच्यतमिति।
sa rājñābhihitah--amātyaḥ, satyamucyatamiti/
Sanskrit only: no published translation is held for this verse.
स उवाच--एवमिति। ततः स राजा तममात्यं प्रतिज्ञायां प्रतिष्ठाप्य प्रत्यादिशन्निममर्थमुवाच--हं भोः, रूपैश्वर्यजनितमदविस्मित, युक्तमिदं भवतः, यस्मात् त्वं भिक्षुचरणप्रणामं माअं विच्छन्दयितुमिच्छसि?
sa uvāca--evamiti/ tataḥ sa rājā tamamātyaṃ pratijñāyāṃ pratiṣṭhāpya pratyādiśannimamarthamuvāca--haṃ bhoḥ, rūpaiśvaryajanitamadavismita, yuktamidaṃ bhavataḥ, yasmāt tvaṃ bhikṣucaraṇapraṇāmaṃ māaṃ vicchandayitumicchasi?
Sanskrit only: no published translation is held for this verse.
विनापि मूल्यैर्विजुगुप्सितत्वात् प्रतिग्रहीता भुवि यस्य नास्ति।
vināpi mūlyairvijugupsitatvāt pratigrahītā bhuvi yasya nāsti/
Sanskrit only: no published translation is held for this verse.
शिरस्तदासाद्य ममेह पुण्यम् यद्यर्जितं किं विपरीतमत्र॥२॥
śirastadāsādya mameha puṇyam yadyarjitaṃ kiṃ viparītamatra//2//
Sanskrit only: no published translation is held for this verse.
जातिं भवान् पश्यति शाक्यभिक्षुष्वन्तर्गतांस्तेषु गुणान्न चेति।
jātiṃ bhavān paśyati śākyabhikṣuṣvantargatāṃsteṣu guṇānna ceti/
Sanskrit only: no published translation is held for this verse.
अतो भवाञ् जातिमदावलेपादात्मानमन्यांश्च हिनस्ति मोहात्॥३॥
ato bhavāñ jātimadāvalepādātmānamanyāṃśca hinasti mohāt//3//
Sanskrit only: no published translation is held for this verse.