Library·Divyāvadāna·244

Divyāvadāna 244

Divy 244.1

<२४४>सुचरितविमुखानां गर्वितानाम् यदा तु प्रसभमिह हि मृत्युः कायकुम्भं भिनत्ति।

<244>sucaritavimukhānāṃ garvitānām yadā tu prasabhamiha hi mṛtyuḥ kāyakumbhaṃ bhinatti/

Sanskrit only: no published translation is held for this verse.

Divy 244.3

दहति हृदयमेषां शोकवह्निस्तदानीं दधिघट इव भग्ने सर्वशो ऽप्राप्तसारे॥१३॥

dahati hṛdayameṣāṃ śokavahnistadānīṃ dadhighaṭa iva bhagne sarvaśo 'prāptasāre//13//

Sanskrit only: no published translation is held for this verse.

Divy 244.5

कर्तुं विघ्नमतो न मे ऽर्हति भवान् कायप्रणामं प्रति श्रेष्ठो ऽस्मीत्यपरीक्षको हि गणयन् मोहान्धकारावृतः।

kartuṃ vighnamato na me 'rhati bhavān kāyapraṇāmaṃ prati śreṣṭho 'smītyaparīkṣako hi gaṇayan mohāndhakārāvṛtaḥ/

Sanskrit only: no published translation is held for this verse.

Divy 244.7

कायम् यस्तु परीक्षते दशबलव्याहारदीपैर्बुधो नासौ पार्थिवभृत्ययोर्विषमतां कायस्य संपश्यति॥१४॥

kāyam yastu parīkṣate daśabalavyāhāradīpairbudho nāsau pārthivabhṛtyayorviṣamatāṃ kāyasya saṃpaśyati//14//

Sanskrit only: no published translation is held for this verse.

Divy 244.9

त्वग्मांसास्थिशिरायकृत्प्रभृतयो भावा हि तुल्या नृणामाहार्यैस्तु विभूषणैरधिकता कायस्य निष्पद्यते।

tvagmāṃsāsthiśirāyakṛtprabhṛtayo bhāvā hi tulyā nṛṇāmāhāryaistu vibhūṣaṇairadhikatā kāyasya niṣpadyate/

Sanskrit only: no published translation is held for this verse.

Divy 244.11

एतत्सारमिहेष्यते तु यदिमं निश्रित्य कायाधमं प्रत्युत्थाननमस्कृतादिकुशलं प्राज्ञैः समुत्थाप्यते॥१५॥ इति।

etatsāramiheṣyate tu yadimaṃ niśritya kāyādhamaṃ pratyutthānanamaskṛtādikuśalaṃ prājñaiḥ samutthāpyate//15// iti/

Sanskrit only: no published translation is held for this verse.

Divy 244.13

अथाशोको राजा^हिरोदकसिकतापिण्डैरण्डकाष्ठेभ्यो ऽपि असारतरत्वं कायस्यावेत्य प्रणामादिभ्यः समुत्थस्य फलस्य बहुकल्पशः स्थापयित्वा सुमेरुवन्महापृथिवीभ्यः समुत्थस्य फलस्य बहुकल्पशः स्थापयित्वा सुमेरुवन्महापृथिवीभ्यः सारतरतामवेक्ष्य भगवतः स्तूपवन्दनायामात्मानमलंकर्तुकामो ऽमात्यगणपरिवृतः कुर्कुटारामं गत्वा तत्र वृद्धान्ते स्थित्वा कृताञ्जलिरुवाच--अस्ति--

athāśoko rājā^hirodakasikatāpiṇḍairaṇḍakāṣṭhebhyo 'pi asārataratvaṃ kāyasyāvetya praṇāmādibhyaḥ samutthasya phalasya bahukalpaśaḥ sthāpayitvā sumeruvanmahāpṛthivībhyaḥ samutthasya phalasya bahukalpaśaḥ sthāpayitvā sumeruvanmahāpṛthivībhyaḥ sārataratāmavekṣya bhagavataḥ stūpavandanāyāmātmānamalaṃkartukāmo 'mātyagaṇaparivṛtaḥ kurkuṭārāmaṃ gatvā tatra vṛddhānte sthitvā kṛtāñjaliruvāca--asti--

Sanskrit only: no published translation is held for this verse.

Divy 244.18

कश्चिदन्यो ऽपि निर्दिष्टो द्वितीयः सर्वदर्शना।

kaścidanyo 'pi nirdiṣṭo dvitīyaḥ sarvadarśanā/

Sanskrit only: no published translation is held for this verse.

Divy 244.19

यथाहं तेन निर्दिष्टः पांशुदानेन धीमता॥१६॥

yathāhaṃ tena nirdiṣṭaḥ pāṃśudānena dhīmatā//16//

Sanskrit only: no published translation is held for this verse.

Divy 244.20

तत्र यशो नांना संघस्थविर उवाच--अस्ति महाराज। यदा भगवतः परिनिर्वाणकालसमये तदा अपलालं नागं दमयित्वा कुम्भकालं चण्डालीगोपालीं च नागं मथुरामनुप्राप्तः, तत्र भगवानायुष्मन्तमानन्दमामन्त्रयते--अस्यामानन्द मथुतायां वर्षशतपरिनिर्वृतस्य तथागतस्य गुप्तो नांना गान्धिको भविष्यति।

tatra yaśo nāṃnā saṃghasthavira uvāca--asti mahārāja/ yadā bhagavataḥ parinirvāṇakālasamaye tadā apalālaṃ nāgaṃ damayitvā kumbhakālaṃ caṇḍālīgopālīṃ ca nāgaṃ mathurāmanuprāptaḥ, tatra bhagavānāyuṣmantamānandamāmantrayate--asyāmānanda mathutāyāṃ varṣaśataparinirvṛtasya tathāgatasya gupto nāṃnā gāndhiko bhaviṣyati/

Sanskrit only: no published translation is held for this verse.

Divy 244.23

तस्य पुत्रो भविष्यत्युपगुप्तो नांना अववादकानामग्रो ऽलक्षणको बुद्धः, यो मम वर्षशतपरिनिर्वृतस्य बुद्धकार्यं करिष्यति।

tasya putro bhaviṣyatyupagupto nāṃnā avavādakānāmagro 'lakṣaṇako buddhaḥ, yo mama varṣaśataparinirvṛtasya buddhakāryaṃ kariṣyati/

Sanskrit only: no published translation is held for this verse.

Divy 244.24

पश्यसि त्वमानन्द दूरत एव नीलनीलाम्बरराजिम्? एवं भदन्त।

paśyasi tvamānanda dūrata eva nīlanīlāmbararājim? evaṃ bhadanta/

Sanskrit only: no published translation is held for this verse.

Divy 244.25

एष आनन्द उरुमुण्डो नाम पर्वतः। अत्र वर्षशतपरिनिर्वृतस्य तथागतस्य नटभटिका नामारण्यायतनं भविष्यति।

eṣa ānanda urumuṇḍo nāma parvataḥ/ atra varṣaśataparinirvṛtasya tathāgatasya naṭabhaṭikā nāmāraṇyāyatanaṃ bhaviṣyati/