<२४५>सर्वज्ञलीलो हि स शुद्धसत्त्वो धर्मं प्रणीतं वदते गणाग्रे।
<245>sarvajñalīlo hi sa śuddhasattvo dharmaṃ praṇītaṃ vadate gaṇāgre/
Sanskrit only: no published translation is held for this verse.
Library·Divyāvadāna·245
Divyāvadāna 245
देवासुरेन्द्रोरगमानुषांश्च सहस्रशो मोक्षपुरं प्रणेता॥१८॥
devāsurendroragamānuṣāṃśca sahasraśo mokṣapuraṃ praṇetā//18//
Sanskrit only: no published translation is held for this verse.
तेन खलु समयेन आयुष्मानुपगुप्तो ऽष्टादशभिरर्हत्सहस्रैः परिवृतो नटभटिकारण्यायतने प्रतिवसति।
tena khalu samayena āyuṣmānupagupto 'ṣṭādaśabhirarhatsahasraiḥ parivṛto naṭabhaṭikāraṇyāyatane prativasati/
Sanskrit only: no published translation is held for this verse.
श्रुत्वा च राजा अमात्यगणानाहूय कथयति--
śrutvā ca rājā amātyagaṇānāhūya kathayati--
Sanskrit only: no published translation is held for this verse.
संनाह्यतां हस्तिरथाश्वकायः शीघ्रं प्रयास्याम्युरुमुण्डशैलम्।
saṃnāhyatāṃ hastirathāśvakāyaḥ śīghraṃ prayāsyāmyurumuṇḍaśailam/
Sanskrit only: no published translation is held for this verse.
द्रक्ष्यामि सर्वाश्रवविप्रमुक्तं साक्षादर्हन्तं ह्युपगुप्तं नाम॥१९॥
drakṣyāmi sarvāśravavipramuktaṃ sākṣādarhantaṃ hyupaguptaṃ nāma//19//
Sanskrit only: no published translation is held for this verse.
ततो ऽमात्यैरभिहितह्--देव दूतः प्रेषयितव्यो विषयनिवासी, स देवस्य स्वयमेवागमिष्यति।
tato 'mātyairabhihitah--deva dūtaḥ preṣayitavyo viṣayanivāsī, sa devasya svayamevāgamiṣyati/
Sanskrit only: no published translation is held for this verse.
राजा आह--नासौ अस्माकमर्हत्यभिगन्तुम्, किं तु वयमेवार्हामस्तस्याभिगन्तुम्।
rājā āha--nāsau asmākamarhatyabhigantum, kiṃ tu vayamevārhāmastasyābhigantum/
Sanskrit only: no published translation is held for this verse.
अपि च--
api ca--
Sanskrit only: no published translation is held for this verse.
मन्ये वज्रमयं तस्य देहं शैलोपमाधिकम्।
manye vajramayaṃ tasya dehaṃ śailopamādhikam/
Sanskrit only: no published translation is held for this verse.
शास्तृतुल्योपगुप्तस्य यो ह्याज्ञामाक्षिपेन्नरः॥२०॥
śāstṛtulyopaguptasya yo hyājñāmākṣipennaraḥ//20//
Sanskrit only: no published translation is held for this verse.
यावद्राज्ञा स्थविरोपगुप्तस्य सकाशं दूतो न प्रेषितः स्थविरदर्शनायागमिष्यामीति।
yāvadrājñā sthaviropaguptasya sakāśaṃ dūto na preṣitaḥ sthaviradarśanāyāgamiṣyāmīti/
Sanskrit only: no published translation is held for this verse.
स्थविरोपगुप्तश्चिन्तयति--यदि राजा आगमिष्यति, महाजनकायस्य पीडा भविष्यति गोचरस्य च।
sthaviropaguptaścintayati--yadi rājā āgamiṣyati, mahājanakāyasya pīḍā bhaviṣyati gocarasya ca/
Sanskrit only: no published translation is held for this verse.
ततः स्थविरेणाभिहितम्--स्वयमेवाभिगमिष्यामीति। ततो राज्ञा स्थविरोपगुप्तस्यार्थे नौयानेनागमिष्यतीति यावच्च मथुराम् यावच्च पाटलिपुत्रमन्तरान्नौसंक्रमो ऽवस्थापितः।
tataḥ sthavireṇābhihitam--svayamevābhigamiṣyāmīti/ tato rājñā sthaviropaguptasyārthe nauyānenāgamiṣyatīti yāvacca mathurām yāvacca pāṭaliputramantarānnausaṃkramo 'vasthāpitaḥ/
Sanskrit only: no published translation is held for this verse.
अथ स्थविरोपगुप्तो राज्ञो ऽशोकस्यानुग्रहार्थमष्टादशभिरर्हत्सहस्रैः परिवृतो नावमभिरुह्य पाटलिपुत्रमनुप्राप्तः।
atha sthaviropagupto rājño 'śokasyānugrahārthamaṣṭādaśabhirarhatsahasraiḥ parivṛto nāvamabhiruhya pāṭaliputramanuprāptaḥ/
Sanskrit only: no published translation is held for this verse.
ततो राजपुरुषै राज्ञो ऽशोकस्य निवेदितम्--देव, दिष्ट्या वर्धस्व।
tato rājapuruṣai rājño 'śokasya niveditam--deva, diṣṭyā vardhasva/
Sanskrit only: no published translation is held for this verse.
अनुग्रहार्थं तव सोपगुप्तश्चित्तेश्वरः शासनकर्णधारः।
anugrahārthaṃ tava sopaguptaścitteśvaraḥ śāsanakarṇadhāraḥ/
Sanskrit only: no published translation is held for this verse.
पुरस्कृतस्तीर्णभवौघपारैः सार्धं समभ्यागत एष पद्म्याम्॥२१॥
puraskṛtastīrṇabhavaughapāraiḥ sārdhaṃ samabhyāgata eṣa padmyām//21//
Sanskrit only: no published translation is held for this verse.
श्रुत्वा च राज्ञा प्रीतमनसा शतसहस्रमूल्यो मुक्ताहारः स्वशरीरादपनीय प्रियाख्यायिनो दत्तः।
śrutvā ca rājñā prītamanasā śatasahasramūlyo muktāhāraḥ svaśarīrādapanīya priyākhyāyino dattaḥ/
Sanskrit only: no published translation is held for this verse.
घाण्टिकं चाहूय कथयति--घुष्यन्तां पाटलिपुत्रे घण्टाः। स्थविरोपगुप्तस्यागमनं निवेद्यताम्।
ghāṇṭikaṃ cāhūya kathayati--ghuṣyantāṃ pāṭaliputre ghaṇṭāḥ/ sthaviropaguptasyāgamanaṃ nivedyatām/
Sanskrit only: no published translation is held for this verse.
वक्तव्यम्--
vaktavyam--
Sanskrit only: no published translation is held for this verse.
उत्सृज्य दारिद्र्यमनर्थमूलम् यः स्फीतशोभां श्रियमिच्छतीह।
utsṛjya dāridryamanarthamūlam yaḥ sphītaśobhāṃ śriyamicchatīha/
Sanskrit only: no published translation is held for this verse.
स्वर्गापवर्गाय च हेतुभूतं स पश्यतां कारुणिकोपगुप्तम्॥२२॥
svargāpavargāya ca hetubhūtaṃ sa paśyatāṃ kāruṇikopaguptam//22//
Sanskrit only: no published translation is held for this verse.