Library·Divyāvadāna·249
<२४९>यावत् सा देवता स्वरूपेण स्थविरोपगुप्तसमीपे स्थित्वा कृताञ्जलिरुवाच--स्थविर, किमाज्ञापयसि? अथ स्थविरो राजानामशोकमुवाच--महाराज, इयं सा देवता, यया दृष्टो भगवाञ् जायमानः।
<249>yāvat sā devatā svarūpeṇa sthaviropaguptasamīpe sthitvā kṛtāñjaliruvāca--sthavira, kimājñāpayasi? atha sthaviro rājānāmaśokamuvāca--mahārāja, iyaṃ sā devatā, yayā dṛṣṭo bhagavāñ jāyamānaḥ/
Sanskrit only: no published translation is held for this verse.
अथ राजा कृताञ्जलिस्तां देवतामुवाच--
atha rājā kṛtāñjalistāṃ devatāmuvāca--
Sanskrit only: no published translation is held for this verse.
दृष्टस्त्वया लक्षणभूषिताङ्गः प्रजायमानः कमलायताक्षः।
dṛṣṭastvayā lakṣaṇabhūṣitāṅgaḥ prajāyamānaḥ kamalāyatākṣaḥ/
Sanskrit only: no published translation is held for this verse.
श्रुत्वास्त्वया तस्य नरर्षभस्य वाचो मनोज्ञाः प्रथमा वने ऽस्मिन्॥४३॥
śrutvāstvayā tasya nararṣabhasya vāco manojñāḥ prathamā vane 'smin//43//
Sanskrit only: no published translation is held for this verse.
देवता प्राह--मया हि दृष्टः कनकावदातः प्रजायमानो द्विपदप्रधानः।
devatā prāha--mayā hi dṛṣṭaḥ kanakāvadātaḥ prajāyamāno dvipadapradhānaḥ/
Sanskrit only: no published translation is held for this verse.
पदानि सप्त क्रमाण एव श्रुता च वाचमपि तस्य शास्तुः॥४४॥
padāni sapta kramāṇa eva śrutā ca vācamapi tasya śāstuḥ//44//
Sanskrit only: no published translation is held for this verse.
राजा आह--कथय देवते, कीदृशी भगवतो जायमानस्य श्रीर्बभूवेति। देवता प्राह--न शक्यं मया वाग्भिः संप्रकाशयितुम्।
rājā āha--kathaya devate, kīdṛśī bhagavato jāyamānasya śrīrbabhūveti/ devatā prāha--na śakyaṃ mayā vāgbhiḥ saṃprakāśayitum/
Sanskrit only: no published translation is held for this verse.
अपि तु संक्षेपतः शृणु--
api tu saṃkṣepataḥ śṛṇu--
Sanskrit only: no published translation is held for this verse.
विनिर्मिताभा कनकावदाता सेन्द्रे त्रिलोके नयनाभिरामा।
vinirmitābhā kanakāvadātā sendre triloke nayanābhirāmā/
Sanskrit only: no published translation is held for this verse.
ससागरान्ता च मही सशैला महार्णवस्था इव नौश्चाल॥४५॥
sasāgarāntā ca mahī saśailā mahārṇavasthā iva nauścāla//45//
Sanskrit only: no published translation is held for this verse.
यावद्राज्ञा जात्यां शतसहस्रं दत्तम्। चैत्यं च प्रतिष्ठाप्य राजा प्रक्रान्तः॥
yāvadrājñā jātyāṃ śatasahasraṃ dattam/ caityaṃ ca pratiṣṭhāpya rājā prakrāntaḥ//
Sanskrit only: no published translation is held for this verse.
अथ स्थविरोपगुप्तो राजानं कपिलवस्तु निवेदयित्वा दक्षिणहस्तमभिप्रसार्योवाच--अस्मिन् प्रदेशे महाराज बोधिसत्त्वो राज्ञः शुद्धोदनस्योपनामितः।
atha sthaviropagupto rājānaṃ kapilavastu nivedayitvā dakṣiṇahastamabhiprasāryovāca--asmin pradeśe mahārāja bodhisattvo rājñaḥ śuddhodanasyopanāmitaḥ/
Sanskrit only: no published translation is held for this verse.
तं द्वात्रिंशता महापुरुषलक्षणालंकृतशरीरमसेचनकदर्शनं च दृष्ट्वा राजा सर्वशरीरेण बोधिसत्त्वस्य पादयोर् निपतितः।
taṃ dvātriṃśatā mahāpuruṣalakṣaṇālaṃkṛtaśarīramasecanakadarśanaṃ ca dṛṣṭvā rājā sarvaśarīreṇa bodhisattvasya pādayor nipatitaḥ/
Sanskrit only: no published translation is held for this verse.
इदं महाराज शाक्यवर्धं नाम देवकुलम्। अत्र बोधिसत्त्वो जातमात्र उपनीतो देवमर्चयिष्यतीति।
idaṃ mahārāja śākyavardhaṃ nāma devakulam/ atra bodhisattvo jātamātra upanīto devamarcayiṣyatīti/
Sanskrit only: no published translation is held for this verse.
सर्वदेवताश्च बोधिसत्त्वस्य पादयोर् निपतिताः। ततो राज्ञा शुद्धोदनेन बोधिसत्त्वो देवतानामप्ययं देव इति तेन बोधिसत्त्वस्य देवातिदेव इति नामधेयं कृतम्।
sarvadevatāśca bodhisattvasya pādayor nipatitāḥ/ tato rājñā śuddhodanena bodhisattvo devatānāmapyayaṃ deva iti tena bodhisattvasya devātideva iti nāmadheyaṃ kṛtam/
Sanskrit only: no published translation is held for this verse.
अस्मिन् प्रदेशे महाराज बोधिसत्त्वो ब्राह्मणानां नैमित्तिकानां विपश्चिकानामुपदर्शितः।
asmin pradeśe mahārāja bodhisattvo brāhmaṇānāṃ naimittikānāṃ vipaścikānāmupadarśitaḥ/
Sanskrit only: no published translation is held for this verse.
अस्मिन् प्रदेशे असितेन ऋषिणा निर्दिष्टो बुद्धो लोके भविष्यतीति।
asmin pradeśe asitena ṛṣiṇā nirdiṣṭo buddho loke bhaviṣyatīti/
Sanskrit only: no published translation is held for this verse.
अस्मिन् प्रदेशे महाराज महाप्रजापत्या संवर्धितः।
asmin pradeśe mahārāja mahāprajāpatyā saṃvardhitaḥ/
Sanskrit only: no published translation is held for this verse.
अस्मिन् प्रदेशे लिपिज्ञानं शिक्षापितः। अस्मिन् प्रदेशे हस्तिग्रीवायामश्वपृष्ठे रथे शरधनुर्ग्रहे तोमरग्रहे ऽङ्कुशग्रहे कुलानुरूपासु विद्यासु पारगः संवृत्तः।
asmin pradeśe lipijñānaṃ śikṣāpitaḥ/ asmin pradeśe hastigrīvāyāmaśvapṛṣṭhe rathe śaradhanurgrahe tomaragrahe 'ṅkuśagrahe kulānurūpāsu vidyāsu pāragaḥ saṃvṛttaḥ/
Sanskrit only: no published translation is held for this verse.
इयं बोधिसत्त्वस्य व्यायामशाला बभूव। अस्मिन् प्रदेशे महाराज बोधिसत्त्वो देवताशतसहस्रैः परिवृतः षष्टिभिः स्त्रीसहस्रैः सार्धं रतिमनुभूतवान्।
iyaṃ bodhisattvasya vyāyāmaśālā babhūva/ asmin pradeśe mahārāja bodhisattvo devatāśatasahasraiḥ parivṛtaḥ ṣaṣṭibhiḥ strīsahasraiḥ sārdhaṃ ratimanubhūtavān/
Sanskrit only: no published translation is held for this verse.
अस्मिन् प्रदेशे बोधिसत्त्वो जीर्णातुरमृतसंदर्शनोद्विग्नो वनं संश्रितः।
asmin pradeśe bodhisattvo jīrṇāturamṛtasaṃdarśanodvigno vanaṃ saṃśritaḥ/
Sanskrit only: no published translation is held for this verse.
अस्मिन् प्रदेशे जम्बुच्छायायां निषद्य विविक्तम् <२५०>पापकैरकुशलैर्धर्मैः सवितर्कं सविचारं विवेकजं प्रीतिसुखमनाश्रवसदृशं प्रथमध्यानं समापन्नः।
asmin pradeśe jambucchāyāyāṃ niṣadya viviktam <250>pāpakairakuśalairdharmaiḥ savitarkaṃ savicāraṃ vivekajaṃ prītisukhamanāśravasadṛśaṃ prathamadhyānaṃ samāpannaḥ/
Sanskrit only: no published translation is held for this verse.