यावत्तद्वहनं वायुना गोशीर्षचन्दनवनमनुप्रेरितम्। कर्णधारः कथयति--भवन्तः, यत्तत् श्रूयते गोशीर्षचन्दनवनमिति, इदं तत्।
yāvattadvahanaṃ vāyunā gośīrṣacandanavanamanupreritam/ karṇadhāraḥ kathayati--bhavantaḥ, yattat śrūyate gośīrṣacandanavanamiti, idaṃ tat/
Sanskrit only: no published translation is held for this verse.
गृह्णन्तु अत्र यत्सारमिति। तेन खलु समयेन गोशीर्षचन्दनवनं महेश्वरस्य यक्षस्य परिग्रहो ऽभूत्।
gṛhṇantu atra yatsāramiti/ tena khalu samayena gośīrṣacandanavanaṃ maheśvarasya yakṣasya parigraho 'bhūt/
Sanskrit only: no published translation is held for this verse.
स च यक्षाणाम् यक्षसमितिं गतः। ततो गोशीर्षचन्दनवने पञ्चमात्राणि कुठारशतानि वोढुमारब्धानि।
sa ca yakṣāṇām yakṣasamitiṃ gataḥ/ tato gośīrṣacandanavane pañcamātrāṇi kuṭhāraśatāni voḍhumārabdhāni/
Sanskrit only: no published translation is held for this verse.
अद्राक्षीदप्रियाख्यो यो यक्षो गोशीर्षचन्दनवने पञ्चमात्राणि कुठारशतानि वहतः।
adrākṣīdapriyākhyo yo yakṣo gośīrṣacandanavane pañcamātrāṇi kuṭhāraśatāni vahataḥ/
Sanskrit only: no published translation is held for this verse.
दृष्ट्वा च येन महेश्वरो यक्षः, तेनोपसंक्रान्तः।
dṛṣṭvā ca yena maheśvaro yakṣaḥ, tenopasaṃkrāntaḥ/
Sanskrit only: no published translation is held for this verse.
उपसंक्रम्य महेश्वरम् यक्षमिदमवोचत्--यत् खलु ग्रामणीर्जानीया गोशीर्षचन्दनवने पञ्चमात्राणि कुठारशतानि वहन्ति।
upasaṃkramya maheśvaram yakṣamidamavocat--yat khalu grāmaṇīrjānīyā gośīrṣacandanavane pañcamātrāṇi kuṭhāraśatāni vahanti/
Sanskrit only: no published translation is held for this verse.
यत्ते कृत्यं वा करणीयं वा तत्कुरुष्वेति। अथ महेश्वरो यक्षो यक्षाणां समितिमसमितिं कृत्वा संजातामर्षो महान्तं कालिकावातभयं संजन्य येन गोशीर्षचन्दनवनं तेन संप्रस्थितः।
yatte kṛtyaṃ vā karaṇīyaṃ vā tatkuruṣveti/ atha maheśvaro yakṣo yakṣāṇāṃ samitimasamitiṃ kṛtvā saṃjātāmarṣo mahāntaṃ kālikāvātabhayaṃ saṃjanya yena gośīrṣacandanavanaṃ tena saṃprasthitaḥ/
Sanskrit only: no published translation is held for this verse.
कर्णधारेणारोचितम्--शृण्वन्तु भवन्तो जाम्बुद्वीपका वणिजह्--यत्तत् श्रूयते महाकालिकावातभयमिति, इदं तत्।
karṇadhāreṇārocitam--śṛṇvantu bhavanto jāmbudvīpakā vaṇijah--yattat śrūyate mahākālikāvātabhayamiti, idaṃ tat/
Sanskrit only: no published translation is held for this verse.
किं मन्यध्वमिति? ततस्ते वणिजो भीतास्त्रस्ताः संविग्ना आहृष्टरोमकूपा देवतायाचनं कर्तुमारब्धाः।
kiṃ manyadhvamiti? tataste vaṇijo bhītāstrastāḥ saṃvignā āhṛṣṭaromakūpā devatāyācanaṃ kartumārabdhāḥ/
Sanskrit only: no published translation is held for this verse.
शिववरुणकुबेरशक्रब्रह्माद्या सुरमनुजोरगयक्षदानवेन्द्राः।
śivavaruṇakuberaśakrabrahmādyā suramanujoragayakṣadānavendrāḥ/
Sanskrit only: no published translation is held for this verse.
व्यसनमतिभयं वयं प्रपन्ना विगतभया हि भवन्तु नो ऽद्य नाथाः॥६॥
vyasanamatibhayaṃ vayaṃ prapannā vigatabhayā hi bhavantu no 'dya nāthāḥ//6//
Sanskrit only: no published translation is held for this verse.
केचिन्नमस्यन्ति शचीपतिं नरा ब्रह्माणमन्ये हरिशंकरावपि।
kecinnamasyanti śacīpatiṃ narā brahmāṇamanye hariśaṃkarāvapi/
Sanskrit only: no published translation is held for this verse.
भूम्याश्रितान् वृक्षवनाश्रितांश्च त्राणार्थिनो वातपिशाचदस्थाह्(यक्षाह्?)॥७॥
bhūmyāśritān vṛkṣavanāśritāṃśca trāṇārthino vātapiśācadasthāh(yakṣāh?)//7//
Sanskrit only: no published translation is held for this verse.
दारुकर्णी अल्पोत्सुकस्तिष्ठति। वणिजः कथयन्ति--सार्थवाह, वयं कृच्छ्रसंकटसम्बाधप्राप्ताः।
dārukarṇī alpotsukastiṣṭhati/ vaṇijaḥ kathayanti--sārthavāha, vayaṃ kṛcchrasaṃkaṭasambādhaprāptāḥ/
Sanskrit only: no published translation is held for this verse.
किमर्थमल्पोत्सुकस्तिष्ठसीति? स कथयति--भवन्तः, अहं भ्रात्रा अभिहितह्--महासमुद्रो ऽल्पास्वादो बह्वादीनवः।
kimarthamalpotsukastiṣṭhasīti? sa kathayati--bhavantaḥ, ahaṃ bhrātrā abhihitah--mahāsamudro 'lpāsvādo bahvādīnavaḥ/
Sanskrit only: no published translation is held for this verse.
तृष्णान्धा बहवो ऽवतरन्ति, स्वल्पा व्युत्थास्यन्ति। न त्वया केनचित् प्रकारेण महासमुद्रमवतर्तव्यमिति।
tṛṣṇāndhā bahavo 'vataranti, svalpā vyutthāsyanti/ na tvayā kenacit prakāreṇa mahāsamudramavatartavyamiti/
Sanskrit only: no published translation is held for this verse.
सो ऽहं तस्य वचनमवचनं कृत्वा महासमुद्रमवतीर्णः।
so 'haṃ tasya vacanamavacanaṃ kṛtvā mahāsamudramavatīrṇaḥ/
Sanskrit only: no published translation is held for this verse.
किमिदानीं करोमि? कस्तव भ्राअता? पूर्णः। वणिजः कथयन्ति--भवन्तः, स एवार्यपूर्णः पुण्यमहेशाख्यः।
kimidānīṃ karomi? kastava bhrāatā? pūrṇaḥ/ vaṇijaḥ kathayanti--bhavantaḥ, sa evāryapūrṇaḥ puṇyamaheśākhyaḥ/
Sanskrit only: no published translation is held for this verse.
तमेव शरणं प्रपद्याम इति। तैरेकस्वरेण सर्वैरेवं नादो मुक्तह्--नमस्तस्मै आर्याय पूर्णाय, नमो नमस्तस्मै आर्याय पूर्णायेति।
tameva śaraṇaṃ prapadyāma iti/ tairekasvareṇa sarvairevaṃ nādo muktah--namastasmai āryāya pūrṇāya, namo namastasmai āryāya pūrṇāyeti/
Sanskrit only: no published translation is held for this verse.
अथ या देवता आयुष्मती पूर्णे ऽभिप्रसन्ना, सा येनायुष्मान् पूर्णस्तेनोपसंक्रान्ता।
atha yā devatā āyuṣmatī pūrṇe 'bhiprasannā, sā yenāyuṣmān pūrṇastenopasaṃkrāntā/
Sanskrit only: no published translation is held for this verse.
उपसंक्रम्य आयुष्मन्तं पूर्णमिदमवोचत्--आर्य, भ्राता ते कृच्छ्रसंकटसम्बाधप्राप्तः, समन्वाहरेति।
upasaṃkramya āyuṣmantaṃ pūrṇamidamavocat--ārya, bhrātā te kṛcchrasaṃkaṭasambādhaprāptaḥ, samanvāhareti/
Sanskrit only: no published translation is held for this verse.
तेन समन्वाहृतम्।
tena samanvāhṛtam/
Sanskrit only: no published translation is held for this verse.
तत आयुष्मान् पूर्णस्तद्रूपं समाधिं समापन्नो यथा समाहिते चित्ते श्रोणापरान्तके ऽन्तर्हितो महासमुद्रे वहनसीमायां पर्यङ्कं बद्ध्वा अवस्थितः।
tata āyuṣmān pūrṇastadrūpaṃ samādhiṃ samāpanno yathā samāhite citte śroṇāparāntake 'ntarhito mahāsamudre vahanasīmāyāṃ paryaṅkaṃ baddhvā avasthitaḥ/
Sanskrit only: no published translation is held for this verse.
ततो ऽसौ कालिकावातः सुमेरुप्रत्याहत इव प्रतिनिवृत्तः।
tato 'sau kālikāvātaḥ sumerupratyāhata iva pratinivṛttaḥ/
Sanskrit only: no published translation is held for this verse.
अथ महेश्वरो यक्षः संलक्षयति--पूर्वम् यत् किंचिद्वहनं कालिकावातेन स्पृश्यते, तत्तूलपिचुवत क्षिप्यते विशीर्यते च।
atha maheśvaro yakṣaḥ saṃlakṣayati--pūrvam yat kiṃcidvahanaṃ kālikāvātena spṛśyate, tattūlapicuvata kṣipyate viśīryate ca/
Sanskrit only: no published translation is held for this verse.
इदानीं को योगो येन कालिकावातह् <२६>सुमेरुप्रत्याहत इव प्रतिनिवृत्तह्? स इतश्चामुतश्च प्रत्यवेक्षितुमारब्धो यावत् पश्यति आयुष्मन्तं पूर्णं वहनसीमायां पर्यङ्कं बद्ध्वावस्थितम्।
idānīṃ ko yogo yena kālikāvātah <26>sumerupratyāhata iva pratinivṛttah? sa itaścāmutaśca pratyavekṣitumārabdho yāvat paśyati āyuṣmantaṃ pūrṇaṃ vahanasīmāyāṃ paryaṅkaṃ baddhvāvasthitam/
Sanskrit only: no published translation is held for this verse.