<२५१>दृष्टस्त्वा ज्वलितकाञ्चनतुल्यवर्णः शास्ता ममाप्रतिसमः शरदेन्दुवक्त्रः।
<251>dṛṣṭastvā jvalitakāñcanatulyavarṇaḥ śāstā mamāpratisamaḥ śaradenduvaktraḥ/
Sanskrit only: no published translation is held for this verse.
Library·Divyāvadāna·251
Divyāvadāna 251
आख्याहि मे दशबलस्य गुणैकदेशं तत्कीदृशी वद भवन् सुगते तदानीम्॥५२॥
ākhyāhi me daśabalasya guṇaikadeśaṃ tatkīdṛśī vada bhavan sugate tadānīm//52//
Sanskrit only: no published translation is held for this verse.
कालिक उवाच--न शक्यं विग्भिः संप्रकाशयितुम्। अपि तु संक्षेपं शृणु--
kālika uvāca--na śakyaṃ vigbhiḥ saṃprakāśayitum/ api tu saṃkṣepaṃ śṛṇu--
Sanskrit only: no published translation is held for this verse.
चरणतलपराहता सशैला अवनिस्तदा प्रचचाल षट्विकारम्।
caraṇatalaparāhatā saśailā avanistadā pracacāla ṣaṭvikāram/
Sanskrit only: no published translation is held for this verse.
रविकिरणप्रभाधिका नृलोके सुगतशशिद्युतिसंनिभा मनोज्ञा॥५३॥
ravikiraṇaprabhādhikā nṛloke sugataśaśidyutisaṃnibhā manojñā//53//
Sanskrit only: no published translation is held for this verse.
यावद्राजा चैत्यं प्रतिष्ठाप्य प्रक्रान्तः। अथ स्थविरोपगुप्तो राजानं बोधिमूलमुपनामयित्वा दक्षिणं करमभिप्रसार्योवाच--अस्मिन् प्रदेशे महाराज बोधिसत्त्वेन महामैत्रीसहायेन सकलं मारबलं जित्वा अनुत्तरा सम्यक्सम्बोधिरभिसम्बुद्धा।
yāvadrājā caityaṃ pratiṣṭhāpya prakrāntaḥ/ atha sthaviropagupto rājānaṃ bodhimūlamupanāmayitvā dakṣiṇaṃ karamabhiprasāryovāca--asmin pradeśe mahārāja bodhisattvena mahāmaitrīsahāyena sakalaṃ mārabalaṃ jitvā anuttarā samyaksambodhirabhisambuddhā/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
इह मुनिवृषभेण बोधिमूले नमुचिबलं विकृतं निरस्तमाशु।
iha munivṛṣabheṇa bodhimūle namucibalaṃ vikṛtaṃ nirastamāśu/
Sanskrit only: no published translation is held for this verse.
इदममृतमुदारमग्र्यबोधिं ह्यधिगतमप्रतिपुद्गलेन तेन॥५४॥
idamamṛtamudāramagryabodhiṃ hyadhigatamapratipudgalena tena//54//
Sanskrit only: no published translation is held for this verse.
यावद्राज्ञा बोधौ शतसहस्रं दत्तम्। चैत्यं च प्रतिष्ठाप्य राजा प्रक्रान्तः। अथ स्थविरोपगुप्तो राजानमशोकमुवाच--अस्मिन् प्रदेशे भगवांश् चतुर्णां महाराजानां सकाशाच्चत्वारि शैलमयानि पात्राणि ग्रहायैकं पात्रमधिमुक्तम्।
yāvadrājñā bodhau śatasahasraṃ dattam/ caityaṃ ca pratiṣṭhāpya rājā prakrāntaḥ/ atha sthaviropagupto rājānamaśokamuvāca--asmin pradeśe bhagavāṃś caturṇāṃ mahārājānāṃ sakāśāccatvāri śailamayāni pātrāṇi grahāyaikaṃ pātramadhimuktam/
Sanskrit only: no published translation is held for this verse.
अस्मिन् प्रदेशे त्रपुषभिल्लिकयोर्वणिजोरपि पिण्डपात्रः प्रतिगृहीतः।
asmin pradeśe trapuṣabhillikayorvaṇijorapi piṇḍapātraḥ pratigṛhītaḥ/
Sanskrit only: no published translation is held for this verse.
अस्मिन् प्रदेशे भगवान् वारणसीमभिगच्छन्नुपगेनाजीविकेन संस्तुतः।
asmin pradeśe bhagavān vāraṇasīmabhigacchannupagenājīvikena saṃstutaḥ/
Sanskrit only: no published translation is held for this verse.
यावत् स्थविरो राजानम् ऋषिवदन(पतन?)मुपनीय दक्षिणं हस्तमभिप्रसार्योवाच--अस्मिन् प्रदेशे महाराज भगवता त्रिपरिवर्तं द्वादशाकारं धर्म्यं धर्मचक्रं प्रवर्जिततम्।
yāvat sthaviro rājānam ṛṣivadana(patana?)mupanīya dakṣiṇaṃ hastamabhiprasāryovāca--asmin pradeśe mahārāja bhagavatā triparivartaṃ dvādaśākāraṃ dharmyaṃ dharmacakraṃ pravarjitatam/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
शुभं धर्ममयं चक्रं संसारविनिवर्तये।
śubhaṃ dharmamayaṃ cakraṃ saṃsāravinivartaye/
Sanskrit only: no published translation is held for this verse.
अस्मिन् प्रदेशे नाथेन प्रवर्जितमनुत्तरम्॥५५॥
asmin pradeśe nāthena pravarjitamanuttaram//55//
Sanskrit only: no published translation is held for this verse.
अस्मिन् प्रदेशे जटिलसहस्रं प्रव्रजितम्। अस्मिन् प्रदेशे राज्ञो बिम्बिसारस्य धर्मं देशितम्।
asmin pradeśe jaṭilasahasraṃ pravrajitam/ asmin pradeśe rājño bimbisārasya dharmaṃ deśitam/
Sanskrit only: no published translation is held for this verse.
राज्ञा च बिम्बिसारेण सत्यानि दृष्टानि, अशीतिभिश्च देवतासहस्रैरनेकैश्च मागधकैर्ब्राह्मणगृहपतिसहस्रैः।
rājñā ca bimbisāreṇa satyāni dṛṣṭāni, aśītibhiśca devatāsahasrairanekaiśca māgadhakairbrāhmaṇagṛhapatisahasraiḥ/
Sanskrit only: no published translation is held for this verse.
अस्मिन् प्रदेशे भगवता शक्रस्य देवेन्द्रस्य धर्मो देशितः, शक्रेण च सत्यानि दृष्टान्यशीतिभिश्च देवतासहस्रैः।
asmin pradeśe bhagavatā śakrasya devendrasya dharmo deśitaḥ, śakreṇa ca satyāni dṛṣṭānyaśītibhiśca devatāsahasraiḥ/
Sanskrit only: no published translation is held for this verse.
अस्मिन् प्रदेशे महाप्रातिहार्यं विदर्शितम्।
asmin pradeśe mahāprātihāryaṃ vidarśitam/
Sanskrit only: no published translation is held for this verse.
अस्मिन् प्रदेशे भगवान् देवेषु त्रायस्त्रिंशोषु वर्षा मातुर्जनयित्र्या धर्मम् <२५२>देशयित्वा देवगणपरिवृतो ऽवतीर्णः।
asmin pradeśe bhagavān deveṣu trāyastriṃśoṣu varṣā māturjanayitryā dharmam <252>deśayitvā devagaṇaparivṛto 'vatīrṇaḥ/
Sanskrit only: no published translation is held for this verse.