Library·Divyāvadāna·252
विस्तरेण यावत् स्थविरो राजानमशोकं कुशिनगरीमुपनामयित्वा दक्षिणं करतलमभिप्रसार्योवाच--अस्मिन् प्रदेशे महाराज भगवान् सकलं बुद्धकार्यं कृत्वा निरुपधिशेषे निर्वाणधातौ परिनिवृतः।
vistareṇa yāvat sthaviro rājānamaśokaṃ kuśinagarīmupanāmayitvā dakṣiṇaṃ karatalamabhiprasāryovāca--asmin pradeśe mahārāja bhagavān sakalaṃ buddhakāryaṃ kṛtvā nirupadhiśeṣe nirvāṇadhātau parinivṛtaḥ/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
लोकं सदेवमनुजासुरयक्षनागमक्षय्यधर्मविनये मतिमान् विनीय।
lokaṃ sadevamanujāsurayakṣanāgamakṣayyadharmavinaye matimān vinīya/
Sanskrit only: no published translation is held for this verse.
वैनेयसत्त्वविरहानुपशान्तबुद्धिः शान्तिं गतः परमकारुणिको महर्षिः॥५६॥
vaineyasattvavirahānupaśāntabuddhiḥ śāntiṃ gataḥ paramakāruṇiko maharṣiḥ//56//
Sanskrit only: no published translation is held for this verse.
श्रुत्वा च राजा मूर्छितः पतितः। यावज्जलपरिषेकं कृत्वोत्थापितः। अथ राजा कथंचित् संज्ञामुपलभ्य परिविर्वाणे शतसहस्रं दत्वा चैत्यं प्रतिष्ठाप्य पादयोर् निपत्योवाच--स्थविर, अयं मे मनो रथह्--ये च भगवता श्रावका अग्रतायां निर्दिष्टाः, तेषां शरीरपूजां करिष्यामीति।
śrutvā ca rājā mūrchitaḥ patitaḥ/ yāvajjalapariṣekaṃ kṛtvotthāpitaḥ/ atha rājā kathaṃcit saṃjñāmupalabhya parivirvāṇe śatasahasraṃ datvā caityaṃ pratiṣṭhāpya pādayor nipatyovāca--sthavira, ayaṃ me mano rathah--ye ca bhagavatā śrāvakā agratāyāṃ nirdiṣṭāḥ, teṣāṃ śarīrapūjāṃ kariṣyāmīti/
Sanskrit only: no published translation is held for this verse.
स्थविर उवाच--साधु साधु महाराज। शोभनस्ते चित्तोत्पादः। स्थविरो राजानमशोकं जेतवनं प्रवेशयित्वा दक्षिणं करमभिप्रसार्योवाच--अयं महाराज स्थविरशारिपुत्रस्य स्तूपः।
sthavira uvāca--sādhu sādhu mahārāja/ śobhanaste cittotpādaḥ/ sthaviro rājānamaśokaṃ jetavanaṃ praveśayitvā dakṣiṇaṃ karamabhiprasāryovāca--ayaṃ mahārāja sthaviraśāriputrasya stūpaḥ/
Sanskrit only: no published translation is held for this verse.
त्रियतामस्यार्चनामिति। राजा आह--के तस्य तस्य गुणा बभूवह्? स्थविर उवाच--स हि द्वितीयशास्ता धर्मसेनाधिपतिर्धर्मचक्रपरवर्तनः प्रज्ञावतामग्रो निर्दिष्टो भगवता।
triyatāmasyārcanāmiti/ rājā āha--ke tasya tasya guṇā babhūvah? sthavira uvāca--sa hi dvitīyaśāstā dharmasenādhipatirdharmacakraparavartanaḥ prajñāvatāmagro nirdiṣṭo bhagavatā/
Sanskrit only: no published translation is held for this verse.
सर्वलोकस्य या प्रज्ञा स्थापयित्वा तथागतम्।
sarvalokasya yā prajñā sthāpayitvā tathāgatam/
Sanskrit only: no published translation is held for this verse.
शारिपुत्रस्य प्रज्ञायाः कलां नार्हति षोडशीम्॥५७॥
śāriputrasya prajñāyāḥ kalāṃ nārhati ṣoḍaśīm//57//
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
सद्धर्मचक्रमतुलम् यज्जिनेन प्रवर्तितम्।
saddharmacakramatulam yajjinena pravartitam/
Sanskrit only: no published translation is held for this verse.
अनुवृत्तं हि तत्तेन शारिपुत्रेण धीमता॥५८॥
anuvṛttaṃ hi tattena śāriputreṇa dhīmatā//58//
Sanskrit only: no published translation is held for this verse.
कस्तस्य साधु बुद्धान्यः पुरुषः शारद्वतस्येह।
kastasya sādhu buddhānyaḥ puruṣaḥ śāradvatasyeha/
Sanskrit only: no published translation is held for this verse.
ज्ञात्वा गुणगणनिधिं वक्तुं शक्नोति निरवशेषात्॥५९॥
jñātvā guṇagaṇanidhiṃ vaktuṃ śaknoti niravaśeṣāt//59//
Sanskrit only: no published translation is held for this verse.
ततो राजा प्रीतमनाः स्थविरशारद्वतीपुत्रस्तूपे शतसहस्रं दत्वा कृताज्ञलिरुवाच--
tato rājā prītamanāḥ sthaviraśāradvatīputrastūpe śatasahasraṃ datvā kṛtājñaliruvāca--
Sanskrit only: no published translation is held for this verse.
शारद्वतीपुत्रमहं भक्त्या वन्दे विमुक्तभवसङ्गम्।
śāradvatīputramahaṃ bhaktyā vande vimuktabhavasaṅgam/
Sanskrit only: no published translation is held for this verse.
लोकप्रकाशकीर्ति ज्ञानवतामुत्तमं वीरम्॥६०॥
lokaprakāśakīrti jñānavatāmuttamaṃ vīram//60//
Sanskrit only: no published translation is held for this verse.
यावत् स्थविरोपगुप्तः स्थविरमहामौद्गल्यायनस्य स्तूपमुपदर्शन्नुवाच--इदं महाराज स्थविरमहामौद्गल्यायनस्य स्तूपम्।
yāvat sthaviropaguptaḥ sthaviramahāmaudgalyāyanasya stūpamupadarśannuvāca--idaṃ mahārāja sthaviramahāmaudgalyāyanasya stūpam/
Sanskrit only: no published translation is held for this verse.
त्रियतामस्यार्चनमिति। राजा आह--के तस्य गुणा बभूवुरिति? स्थविर उवाच--स हि ऋद्धिमतामग्रो निर्दिष्टो भगवता, येन दक्षिणेन पादाङ्गुष्ठेन शक्रस्य देवेन्द्रस्य वैजयन्तः प्रासादः प्रकम्पितः, नन्दोपनन्दौ नागराजानौ विनीतौ।
triyatāmasyārcanamiti/ rājā āha--ke tasya guṇā babhūvuriti? sthavira uvāca--sa hi ṛddhimatāmagro nirdiṣṭo bhagavatā, yena dakṣiṇena pādāṅguṣṭhena śakrasya devendrasya vaijayantaḥ prāsādaḥ prakampitaḥ, nandopanandau nāgarājānau vinītau/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.