Divyāvadāna 254

<२५४>मुनिपत्ररक्षणपटुः स्मृतिधृतिमतिनिश्चितः श्रुतसमुद्रः।

<254>munipatrarakṣaṇapaṭuḥ smṛtidhṛtimatiniścitaḥ śrutasamudraḥ/

Sanskrit only: no published translation is held for this verse.

विस्पष्टमधुरवचनः सुरनरमहितः सदानन्दः॥६८॥

vispaṣṭamadhuravacanaḥ suranaramahitaḥ sadānandaḥ//68//

Sanskrit only: no published translation is held for this verse.

संबुद्धचित्तकुशलः सर्वत्र विचक्षणो गुणकरण्डः।

saṃbuddhacittakuśalaḥ sarvatra vicakṣaṇo guṇakaraṇḍaḥ/

Sanskrit only: no published translation is held for this verse.

जिनसंस्तुतो जितरणो सुरनरमहितः सदानन्दः॥६९॥

jinasaṃstuto jitaraṇo suranaramahitaḥ sadānandaḥ//69//

Sanskrit only: no published translation is held for this verse.

यावद्राज्ञा तस्य स्तूपे कोटिर्दत्ता। यावदमात्यैरभिहितह्--किमर्थमयं देव सर्वेषां सकाशादधिकतरं पूज्यते? राजा आह--श्रूयतामभिप्रायह्--

yāvadrājñā tasya stūpe koṭirdattā/ yāvadamātyairabhihitah--kimarthamayaṃ deva sarveṣāṃ sakāśādadhikataraṃ pūjyate? rājā āha--śrūyatāmabhiprāyah--

Sanskrit only: no published translation is held for this verse.

यत्तच्छरीरं वदतां वरस्य धर्मात्मनो धर्ममयं विशुद्धम्।

yattaccharīraṃ vadatāṃ varasya dharmātmano dharmamayaṃ viśuddham/

Sanskrit only: no published translation is held for this verse.

तद्धारितं तेन विशोकनांना तस्माद्विशेषेण स पूजनीयः॥७०॥

taddhāritaṃ tena viśokanāṃnā tasmādviśeṣeṇa sa pūjanīyaḥ//70//

Sanskrit only: no published translation is held for this verse.

धर्मप्रदीपो ज्वलति प्रजासु क्लेशान्धकारान्तकरो यदद्य।

dharmapradīpo jvalati prajāsu kleśāndhakārāntakaro yadadya/

Sanskrit only: no published translation is held for this verse.

तत्तत्प्रभावात्सुगतेन्द्रसूनोस्तस्माद्विशेषेण स पूजनीयः॥७१॥

tattatprabhāvātsugatendrasūnostasmādviśeṣeṇa sa pūjanīyaḥ//71//

Sanskrit only: no published translation is held for this verse.

यदा समुद्रं सलिलं समुद्रे कुर्वीत कश्चिन्न हि गोष्पदेन।

yadā samudraṃ salilaṃ samudre kurvīta kaścinna hi goṣpadena/

Sanskrit only: no published translation is held for this verse.

नाथेन तद्धर्ममवेक्ष्य भावं सूत्रान्तको ऽयं स्थविरे ऽभिषिक्तः॥७२॥

nāthena taddharmamavekṣya bhāvaṃ sūtrāntako 'yaṃ sthavire 'bhiṣiktaḥ//72//

Sanskrit only: no published translation is held for this verse.

अथ राजा स्थविराणां स्तूपार्चनं कृत्वा स्थविरोपगुप्तस्य पादयोर् निपत्य प्रीतिमना उवाच--

atha rājā sthavirāṇāṃ stūpārcanaṃ kṛtvā sthaviropaguptasya pādayor nipatya prītimanā uvāca--

Sanskrit only: no published translation is held for this verse.

मानुष्यं सफलीकृतं क्रतुशतैरिष्टेन संप्राप्यते राज्यैश्वर्यगुणैश्चलैश्च विभवैः सारं गृहीतं परम्।

mānuṣyaṃ saphalīkṛtaṃ kratuśatairiṣṭena saṃprāpyate rājyaiśvaryaguṇaiścalaiśca vibhavaiḥ sāraṃ gṛhītaṃ param/

Sanskrit only: no published translation is held for this verse.

लोकं चैत्यशतैरलंकृतमिदं श्वेताभ्रकूटप्रभैरस्याद्याप्रतिमस्य शासनमिदं किं नः कृतं दुष्करम्॥७३॥ इति।

lokaṃ caityaśatairalaṃkṛtamidaṃ śvetābhrakūṭaprabhairasyādyāpratimasya śāsanamidaṃ kiṃ naḥ kṛtaṃ duṣkaram//73// iti/

Sanskrit only: no published translation is held for this verse.

यावद्राजा स्थविरोपगुप्तस्य प्राणामं कृत्वा प्रक्रान्तः॥

yāvadrājā sthaviropaguptasya prāṇāmaṃ kṛtvā prakrāntaḥ//

Sanskrit only: no published translation is held for this verse.

यावद्राज्ञा अशोकेन जातौ बोधौ धर्मचक्रे परिनिर्वाणे एकैकशतसहस्रं दत्तम्, तस्य बोधौ विशेषतः प्रसादो जातह्--इह भगवतानुत्तरा सम्यक्सम्बोधिरभिसम्बुद्धेति।

yāvadrājñā aśokena jātau bodhau dharmacakre parinirvāṇe ekaikaśatasahasraṃ dattam, tasya bodhau viśeṣataḥ prasādo jātah--iha bhagavatānuttarā samyaksambodhirabhisambuddheti/

Sanskrit only: no published translation is held for this verse.

स यानि विशेषयुक्तानि रत्नानि, तानि बोधिं प्रेषयति।

sa yāni viśeṣayuktāni ratnāni, tāni bodhiṃ preṣayati/

Sanskrit only: no published translation is held for this verse.

अथ राज्ञो ऽशोकस्य तिष्यरक्षिता नाम अग्रमहिषी।

atha rājño 'śokasya tiṣyarakṣitā nāma agramahiṣī/

Sanskrit only: no published translation is held for this verse.

तस्या बुद्धिरुत्पन्ना--अयं राजा मया सार्धं रतिमनुभवति, विशेषयुक्तांश्च(क्रानि च) रत्नानि बोधौ प्रेषयति।

tasyā buddhirutpannā--ayaṃ rājā mayā sārdhaṃ ratimanubhavati, viśeṣayuktāṃśca(krāni ca) ratnāni bodhau preṣayati/

Sanskrit only: no published translation is held for this verse.

तया मातङ्गी व्याहरिता--शक्यसि त्वं बोधिं मम सपत्नीं प्रघातितुम्? तयाभिहितम्--शक्ष्यामि, किं तु कार्षापणान् देहीति।

tayā mātaṅgī vyāharitā--śakyasi tvaṃ bodhiṃ mama sapatnīṃ praghātitum? tayābhihitam--śakṣyāmi, kiṃ tu kārṣāpaṇān dehīti/

Sanskrit only: no published translation is held for this verse.

यावन्मातङ्ग्या बोधिवृक्षो मन्त्रैः परिजप्तः, सूत्रं च बुद्धम्।

yāvanmātaṅgyā bodhivṛkṣo mantraiḥ parijaptaḥ, sūtraṃ ca buddham/

Sanskrit only: no published translation is held for this verse.

यावद्बोधिमृक्षः शुष्कितुमारब्धः। ततो राजपुरुषै राज्ञे निवेदितम्--देव, बोधिवृक्षः शुष्यत इति।

yāvadbodhimṛkṣaḥ śuṣkitumārabdhaḥ/ tato rājapuruṣai rājñe niveditam--deva, bodhivṛkṣaḥ śuṣyata iti/

Sanskrit only: no published translation is held for this verse.

आह च--

āha ca--

Sanskrit only: no published translation is held for this verse.