Divyāvadāna 256

<२५६>प्रशमदमरता विभुक्तसंगाः प्रवरसुताः सुगतस्य धर्मराज्ञः।

<256>praśamadamaratā vibhuktasaṃgāḥ pravarasutāḥ sugatasya dharmarājñaḥ/

Sanskrit only: no published translation is held for this verse.

असुरसुरनरार्चितार्यवृत्तास्त्विह मदनुग्रहणात्समभ्युपैन्तु॥७९॥

asurasuranarārcitāryavṛttāstviha madanugrahaṇātsamabhyupaintu//79//

Sanskrit only: no published translation is held for this verse.

वसन्ति काश्मीरपुरे सुरम्ये ये चापि धीरास्तमसावने ऽस्मिन्।

vasanti kāśmīrapure suramye ye cāpi dhīrāstamasāvane 'smin/

Sanskrit only: no published translation is held for this verse.

महावने रेवतके रये ऽर्या अनुग्रहार्यं मम ते ऽभ्युपेयुः॥८०॥

mahāvane revatake raye 'ryā anugrahāryaṃ mama te 'bhyupeyuḥ//80//

Sanskrit only: no published translation is held for this verse.

अनवतप्तहृदे निवसन्ति ये गिरिनदीषु सपर्वतकन्दरेषु।

anavataptahṛde nivasanti ye girinadīṣu saparvatakandareṣu/

Sanskrit only: no published translation is held for this verse.

जिनसुताः खलु ध्यानरताः सदा समुदयान्त्विह ते ऽद्य कृपाबलाः॥८१॥

jinasutāḥ khalu dhyānaratāḥ sadā samudayāntviha te 'dya kṛpābalāḥ//81//

Sanskrit only: no published translation is held for this verse.

शैरीषके ये प्रवरे विमाने वसन्ति पुत्रा वदतां वरस्य।

śairīṣake ye pravare vimāne vasanti putrā vadatāṃ varasya/

Sanskrit only: no published translation is held for this verse.

अनुग्रहार्थं मम ते विशोका ह्यायन्तु कारुण्यनिविष्टभावाः॥८२॥

anugrahārthaṃ mama te viśokā hyāyantu kāruṇyaniviṣṭabhāvāḥ//82//

Sanskrit only: no published translation is held for this verse.

गन्धमादनशैले च ये वसन्ति महौजसः।

gandhamādanaśaile ca ye vasanti mahaujasaḥ/

Sanskrit only: no published translation is held for this verse.

इहायान्तु कारुण्यमुत्पाद्योपनिमन्त्रिताः॥८३॥

ihāyāntu kāruṇyamutpādyopanimantritāḥ//83//

Sanskrit only: no published translation is held for this verse.

एवमुक्ते च राज्ञा त्रीणि शतसहस्राणि भिक्षूणां संनिपतितानि। तत्रैकं शतसहस्राणामर्हतां शैक्षाणां पृथग्जनकल्याणकानां च।

evamukte ca rājñā trīṇi śatasahasrāṇi bhikṣūṇāṃ saṃnipatitāni/ tatraikaṃ śatasahasrāṇāmarhatāṃ śaikṣāṇāṃ pṛthagjanakalyāṇakānāṃ ca/

Sanskrit only: no published translation is held for this verse.

न काश्चिद्वृद्धासनमाक्रम्यते स्म। राजा आह--किमर्थं वृद्धासनं तन्नाक्रम्यते? तत्र यशो नांना वृद्धः षडभिज्ञः।

na kāścidvṛddhāsanamākramyate sma/ rājā āha--kimarthaṃ vṛddhāsanaṃ tannākramyate? tatra yaśo nāṃnā vṛddhaḥ ṣaḍabhijñaḥ/

Sanskrit only: no published translation is held for this verse.

स उवाच--महाराज, वृद्धस्य तदासनमिति। राजा आह--अस्ति स्थविर त्वत्सकाशादन्यो वृद्धतर इति? स्थविर उवाच--अस्ति महाराज--

sa uvāca--mahārāja, vṛddhasya tadāsanamiti/ rājā āha--asti sthavira tvatsakāśādanyo vṛddhatara iti? sthavira uvāca--asti mahārāja--

Sanskrit only: no published translation is held for this verse.

वदतां वरेण वशिना निर्दिष्टः सिंहनादिनामग्र्यः।

vadatāṃ vareṇa vaśinā nirdiṣṭaḥ siṃhanādināmagryaḥ/

Sanskrit only: no published translation is held for this verse.

पिण्डोलभरद्वाजस्यैतदग्रासनं नृपते॥८४॥

piṇḍolabharadvājasyaitadagrāsanaṃ nṛpate//84//

Sanskrit only: no published translation is held for this verse.

अथ राजा कदम्बपुष्पवदाहृष्टरोमकूपः कथयति--अस्ति कश्चिद्बुद्धदर्शी भिक्षुर्ध्रियत इति? स्थविर उआच--अस्ति महाराज पिण्डोलभरद्वाजो नांना बुद्धदर्शी तिष्ठत इति।

atha rājā kadambapuṣpavadāhṛṣṭaromakūpaḥ kathayati--asti kaścidbuddhadarśī bhikṣurdhriyata iti? sthavira uāca--asti mahārāja piṇḍolabharadvājo nāṃnā buddhadarśī tiṣṭhata iti/

Sanskrit only: no published translation is held for this verse.

राजा कथयति--स्थविर, शक्यः सो ऽस्माभिर्द्रष्टुमिति? स्थविर उवाच--महाराज, इदानीं द्रक्ष्यसि।

rājā kathayati--sthavira, śakyaḥ so 'smābhirdraṣṭumiti? sthavira uvāca--mahārāja, idānīṃ drakṣyasi/

Sanskrit only: no published translation is held for this verse.

अयं तस्यागमनकाल इति। अथ राजा प्रीतमना उवाच--

ayaṃ tasyāgamanakāla iti/ atha rājā prītamanā uvāca--

Sanskrit only: no published translation is held for this verse.