Divyāvadāna 258

तीर्थ्या यदा भगवता कुपथप्रयाता ऋद्धिप्रभावविधिना खलु निर्गृहीताः।

tīrthyā yadā bhagavatā kupathaprayātā ṛddhiprabhāvavidhinā khalu nirgṛhītāḥ/

Sanskrit only: no published translation is held for this verse.

विक्रीडितं दशबलस्य तदां ह्युदारं दृष्टं मया तु नृप हर्षकरं प्रजानाम्॥१०॥

vikrīḍitaṃ daśabalasya tadāṃ hyudāraṃ dṛṣṭaṃ mayā tu nṛpa harṣakaraṃ prajānām//10//

Sanskrit only: no published translation is held for this verse.

यदापि महाराज भगवता देवेषु त्रायस्त्रिंशेषु वर्षा उषित्वा मातुर्जनयित्र्या धर्मं देशयित्वा देवगणपरिवृतः सांकाश्ये नगरे ऽवतीर्णः, अहं तत्कालं तत्रैवासम्। मया सा देवमनुष्यसम्पदा दृष्टा, उत्पलवर्णया च निर्मिता चक्रवर्तिसम्पदा इति।

yadāpi mahārāja bhagavatā deveṣu trāyastriṃśeṣu varṣā uṣitvā māturjanayitryā dharmaṃ deśayitvā devagaṇaparivṛtaḥ sāṃkāśye nagare 'vatīrṇaḥ, ahaṃ tatkālaṃ tatraivāsam/ mayā sā devamanuṣyasampadā dṛṣṭā, utpalavarṇayā ca nirmitā cakravartisampadā iti/

Sanskrit only: no published translation is held for this verse.

आह च--

āha ca--

Sanskrit only: no published translation is held for this verse.

यदावतीर्णो वदतां वरिष्ठो वर्षामुषित्वा खलु देवलोके।

yadāvatīrṇo vadatāṃ variṣṭho varṣāmuṣitvā khalu devaloke/

Sanskrit only: no published translation is held for this verse.

तत्राप्यहं संनिहितो बभूव दृष्टो मयासौ मुनिरग्रसत्त्वः॥९१॥

tatrāpyahaṃ saṃnihito babhūva dṛṣṭo mayāsau muniragrasattvaḥ//91//

Sanskrit only: no published translation is held for this verse.

यदा महाराज सुमागधया अनाथपिण्डददुहित्र्या उपनिमन्त्रितः पञ्चभिरर्हच्छतैः सार्धम् ऋद्ध्या पुण्ड्रवर्धनं गतः, तदाहं पर्वतशैलं ग्रहाय गगनतलमाक्रम्य पुण्ड्रवर्धनं गतः।

yadā mahārāja sumāgadhayā anāthapiṇḍadaduhitryā upanimantritaḥ pañcabhirarhacchataiḥ sārdham ṛddhyā puṇḍravardhanaṃ gataḥ, tadāhaṃ parvataśailaṃ grahāya gaganatalamākramya puṇḍravardhanaṃ gataḥ/

Sanskrit only: no published translation is held for this verse.

तन्निमित्तं च मे भगवता आज्ञाक्षिप्ता--न तावत् ते परिनिर्वातव्यम् यावद्धर्मो नान्तर्हित इति।

tannimittaṃ ca me bhagavatā ājñākṣiptā--na tāvat te parinirvātavyam yāvaddharmo nāntarhita iti/

Sanskrit only: no published translation is held for this verse.

आह च--

āha ca--

Sanskrit only: no published translation is held for this verse.

यदा जगामर्द्धिबलेन नायकः सुमागधयोपनिमन्त्रितो गुरुः।

yadā jagāmarddhibalena nāyakaḥ sumāgadhayopanimantrito guruḥ/

Sanskrit only: no published translation is held for this verse.

तदा गृहीत्वार्धबलेन शैलं जगाम तूर्णं खलु पुण्ड्रवर्धनम्॥९२॥

tadā gṛhītvārdhabalena śailaṃ jagāma tūrṇaṃ khalu puṇḍravardhanam//92//

Sanskrit only: no published translation is held for this verse.

आज्ञा तदा शाक्यकुलोदितेन दत्ता च मे कारुणिकेन तेन।

ājñā tadā śākyakuloditena dattā ca me kāruṇikena tena/

Sanskrit only: no published translation is held for this verse.

तावन्न ते निर्वृतिरभ्युपेया अन्तर्हितो यावदयं न धर्मः॥९३॥

tāvanna te nirvṛtirabhyupeyā antarhito yāvadayaṃ na dharmaḥ//93//

Sanskrit only: no published translation is held for this verse.

यदापि महाराज त्वया पूर्वं बालभावाद्भगवतो राजगृहं पिण्डाय प्रविष्टस्य सक्तुं दास्यामीति पांश्वञ्जलिर्भगवतः पात्रे प्रक्षिप्तः, राधगुप्तेन चानुमोदितम्, त्वं न भगवता निर्दिष्टह्--अयं दारको वर्षशतपरिनिर्वृतस्य मम पाटलिपुत्रे नगरे अशोको नाम राजा भविष्यति चतुर्भागचक्रवर्ती धार्मिको धर्मराजा, यो मे शरीरधातुकं वैस्तारिकां करिष्यति, चतुरशीतिधर्मराजिकासहस्रं प्रतिष्ठापयिष्यति, अहं तत्कालं तत्रैवासीत्।

yadāpi mahārāja tvayā pūrvaṃ bālabhāvādbhagavato rājagṛhaṃ piṇḍāya praviṣṭasya saktuṃ dāsyāmīti pāṃśvañjalirbhagavataḥ pātre prakṣiptaḥ, rādhaguptena cānumoditam, tvaṃ na bhagavatā nirdiṣṭah--ayaṃ dārako varṣaśataparinirvṛtasya mama pāṭaliputre nagare aśoko nāma rājā bhaviṣyati caturbhāgacakravartī dhārmiko dharmarājā, yo me śarīradhātukaṃ vaistārikāṃ kariṣyati, caturaśītidharmarājikāsahasraṃ pratiṣṭhāpayiṣyati, ahaṃ tatkālaṃ tatraivāsīt/

Sanskrit only: no published translation is held for this verse.

आह च--

āha ca--

Sanskrit only: no published translation is held for this verse.

यदा पांश्वञ्जलिर्दत्तस्त्वया बुद्धस्य भाजने।

yadā pāṃśvañjalirdattastvayā buddhasya bhājane/

Sanskrit only: no published translation is held for this verse.

बालभावात् प्रसादित्वा तत्रैवाहं तदाभवम्॥९४॥

bālabhāvāt prasāditvā tatraivāhaṃ tadābhavam//94//

Sanskrit only: no published translation is held for this verse.