<२६०>कृतमात्रे नृपतिना बोधिस्नपनमुत्तमम्।
<260>kṛtamātre nṛpatinā bodhisnapanamuttamam/
Sanskrit only: no published translation is held for this verse.
Library·Divyāvadāna·260
Divyāvadāna 260
बोधिवृक्षस्तदा जातो हरित्पल्लवकोमलः॥९८॥
bodhivṛkṣastadā jāto haritpallavakomalaḥ//98//
Sanskrit only: no published translation is held for this verse.
दृष्ट्वा हरितपत्राढ्यं पल्लवाङ्कुरकोमलम्।
dṛṣṭvā haritapatrāḍhyaṃ pallavāṅkurakomalam/
Sanskrit only: no published translation is held for this verse.
राजा हर्षं परं जगाम सामात्यगणनैगमः॥९९॥
rājā harṣaṃ paraṃ jagāma sāmātyagaṇanaigamaḥ//99//
Sanskrit only: no published translation is held for this verse.
अथ राजा बोधिस्नपनं कृत्वा भिक्षुसंघं परिवेष्टुमारब्धः। तत्र यशो नांना स्थविरः।
atha rājā bodhisnapanaṃ kṛtvā bhikṣusaṃghaṃ pariveṣṭumārabdhaḥ/ tatra yaśo nāṃnā sthaviraḥ/
Sanskrit only: no published translation is held for this verse.
तेनाभिहितम्--महाराज, महानयं परमदक्षिणीय आर्यसंघः संनिपतितः, तथा ते परिवेष्टव्यम् यथा ते क्षतिर् न स्यादिति।
tenābhihitam--mahārāja, mahānayaṃ paramadakṣiṇīya āryasaṃghaḥ saṃnipatitaḥ, tathā te pariveṣṭavyam yathā te kṣatir na syāditi/
Sanskrit only: no published translation is held for this verse.
ततो राजा स्वहस्तेन परिवेषणम् यावन्नवकान्तं गतः। तत्र द्वौ श्रामणेरौ संरञ्जनीयं धर्मं समादाय वर्ततः।
tato rājā svahastena pariveṣaṇam yāvannavakāntaṃ gataḥ/ tatra dvau śrāmaṇerau saṃrañjanīyaṃ dharmaṃ samādāya vartataḥ/
Sanskrit only: no published translation is held for this verse.
एकेनापि सक्तवो दत्ताः, द्वितीयेनापि सक्तवः।
ekenāpi saktavo dattāḥ, dvitīyenāpi saktavaḥ/
Sanskrit only: no published translation is held for this verse.
एकेन खाद्यकाः, द्वितीयेनापि खाद्यका एव। एकेन मोदिकाः, द्वितीयेनापि मोदिकाः। तौ दृष्ट्वा राजा हसितः।
ekena khādyakāḥ, dvitīyenāpi khādyakā eva/ ekena modikāḥ, dvitīyenāpi modikāḥ/ tau dṛṣṭvā rājā hasitaḥ/
Sanskrit only: no published translation is held for this verse.
इमौ श्रामणेरौ बालक्रीडया क्रीडतः। यावद्राज्ञा भिक्षुसंघं परिवेष्य वृद्धान्तमारूढः।
imau śrāmaṇerau bālakrīḍayā krīḍataḥ/ yāvadrājñā bhikṣusaṃghaṃ pariveṣya vṛddhāntamārūḍhaḥ/
Sanskrit only: no published translation is held for this verse.
स्थविरेण चानुयुक्तह्--मा देवेन कुत्रचिदप्रसादमुत्पादित इति। राजा आह--न इति।
sthavireṇa cānuyuktah--mā devena kutracidaprasādamutpādita iti/ rājā āha--na iti/
Sanskrit only: no published translation is held for this verse.
अपि तु अस्ति द्वौ श्रामणेरौ बालक्रीडया क्रीडतः।
api tu asti dvau śrāmaṇerau bālakrīḍayā krīḍataḥ/
Sanskrit only: no published translation is held for this verse.
स्थविर उवाच--अलं महाराज, उभौ हि तौ उभयतोभागविमुक्तौ अर्हन्तौ।
sthavira uvāca--alaṃ mahārāja, ubhau hi tau ubhayatobhāgavimuktau arhantau/
Sanskrit only: no published translation is held for this verse.
श्रुत्वा च राज्ञः प्रीतिमनसो बुद्धिरुत्पन्ना--तौ श्रामणेरौ आगम्य भिक्षुसंघं पटेनाच्छादयिष्यामि।
śrutvā ca rājñaḥ prītimanaso buddhirutpannā--tau śrāmaṇerau āgamya bhikṣusaṃghaṃ paṭenācchādayiṣyāmi/
Sanskrit only: no published translation is held for this verse.
ततस्तौ श्रामणेरौ राज्ञो ऽभिप्रायमवगम्य भूयो ऽन्ये ऽस्माभिः स्वगुणा उद्भवयितव्या इति, तयोरेकेन कटाहका उपस्थापिता, द्वितीयेन रङ्गः समुदानीतः।
tatastau śrāmaṇerau rājño 'bhiprāyamavagamya bhūyo 'nye 'smābhiḥ svaguṇā udbhavayitavyā iti, tayorekena kaṭāhakā upasthāpitā, dvitīyena raṅgaḥ samudānītaḥ/
Sanskrit only: no published translation is held for this verse.
राज्ञा दृष्टौ श्रामणेरकौ। किमिदमारब्धम्? तयोरभिहितम्--देवो ऽस्माकमवगम्य भिक्षुसंघं पटेनाच्छादयितुकामः।
rājñā dṛṣṭau śrāmaṇerakau/ kimidamārabdham? tayorabhihitam--devo 'smākamavagamya bhikṣusaṃghaṃ paṭenācchādayitukāmaḥ/
Sanskrit only: no published translation is held for this verse.
तान् पटान् रञ्जयिष्यामः।
tān paṭān rañjayiṣyāmaḥ/
Sanskrit only: no published translation is held for this verse.
श्रुत्वा च राज्ञो बुद्धिरुत्पन्ना--मया केवलं चिन्तितम्, न तु वाग्निश्चारिता। परचित्तवादौ एतौ महात्मानौ।
śrutvā ca rājño buddhirutpannā--mayā kevalaṃ cintitam, na tu vāgniścāritā/ paracittavādau etau mahātmānau/
Sanskrit only: no published translation is held for this verse.
ततः सर्वशरीरेण पादयोर् निपत्य कृताञ्जलिरुवाच--
tataḥ sarvaśarīreṇa pādayor nipatya kṛtāñjaliruvāca--
Sanskrit only: no published translation is held for this verse.
मौर्यः समृत्यः सजनः सपौरः सुलब्धलाभार्थसुयष्टयज्ञः।
mauryaḥ samṛtyaḥ sajanaḥ sapauraḥ sulabdhalābhārthasuyaṣṭayajñaḥ/
Sanskrit only: no published translation is held for this verse.
यस्येदृशः साधुजने प्रसादः काले तथोत्साहि कृतं च दानम्॥१००॥
yasyedṛśaḥ sādhujane prasādaḥ kāle tathotsāhi kṛtaṃ ca dānam//100//
Sanskrit only: no published translation is held for this verse.
यावद्राज्ञा अभिहितम्--युष्माकमागम्य त्रिचीवरेण भिक्षुसंघमाच्छादयिष्यामीति।
yāvadrājñā abhihitam--yuṣmākamāgamya tricīvareṇa bhikṣusaṃghamācchādayiṣyāmīti/
Sanskrit only: no published translation is held for this verse.
ततो राजा अशोकः पञ्चवार्षिके पर्यवसिते सर्वभिक्षूंस् त्रिचीवरेणाच्छाद्य चत्वारि शतसहस्राणि संघस्याच्छादनं दत्वा पृथिवीमन्तःपुरममात्यगणमात्मानं च कुणालं च निष्क्रीतवान्।
tato rājā aśokaḥ pañcavārṣike paryavasite sarvabhikṣūṃs tricīvareṇācchādya catvāri śatasahasrāṇi saṃghasyācchādanaṃ datvā pṛthivīmantaḥpuramamātyagaṇamātmānaṃ ca kuṇālaṃ ca niṣkrītavān/
Sanskrit only: no published translation is held for this verse.
भूयसा भगवच्छासने श्रद्धा प्रतिलब्धा चतुरशीतिधर्मराजिकासहस्रं प्रतिष्ठापितमिति॥
bhūyasā bhagavacchāsane śraddhā pratilabdhā caturaśītidharmarājikāsahasraṃ pratiṣṭhāpitamiti//
Sanskrit only: no published translation is held for this verse.
यस्मिन्नेव दिवसे राज्ञा अशोकेन चतुरशीतिधर्मराजिकासहस्रं प्रतिष्ठापितम्, तस्मिन्नेव दिवसे राज्ञो ऽशोकस्य पद्मावती नांना देवी प्रसूता।
yasminneva divase rājñā aśokena caturaśītidharmarājikāsahasraṃ pratiṣṭhāpitam, tasminneva divase rājño 'śokasya padmāvatī nāṃnā devī prasūtā/
Sanskrit only: no published translation is held for this verse.
पुत्रो जातो ऽभिरूपो दर्शनीयः प्रासादिकः।
putro jāto 'bhirūpo darśanīyaḥ prāsādikaḥ/
Sanskrit only: no published translation is held for this verse.
नयनानि चास्य परमशोभनानि। यावद्राज्ञो ऽशोकस्य निवेदितम्--देव, दिष्ट्या वृद्धिः।
nayanāni cāsya paramaśobhanāni/ yāvadrājño 'śokasya niveditam--deva, diṣṭyā vṛddhiḥ/
Sanskrit only: no published translation is held for this verse.
देवस्य पुत्रो जातः। श्रुत्वा राजा आत्तमनाः कथयति--
devasya putro jātaḥ/ śrutvā rājā āttamanāḥ kathayati--
Sanskrit only: no published translation is held for this verse.