<२६१>प्रीतिः परा मे विपुला ह्यवाप्ता मौर्यस्य वंशस्य परा विभूतिः।
<261>prītiḥ parā me vipulā hyavāptā mauryasya vaṃśasya parā vibhūtiḥ/
Sanskrit only: no published translation is held for this verse.
Library·Divyāvadāna·261
Divyāvadāna 261
धर्मेण राज्यं मम कुर्वतो हि जातो धर्मविवर्धनो ऽस्तु॥१०१॥
dharmeṇa rājyaṃ mama kurvato hi jāto dharmavivardhano 'stu//101//
Sanskrit only: no published translation is held for this verse.
तस्य धर्मविवर्धन इति नाम कृतम्। यावत् कुमारो राज्ञो ऽशोकस्योपनामितः। अथ राजा कुमारं निरीक्ष्य प्रीतमनाः कथयति--
tasya dharmavivardhana iti nāma kṛtam/ yāvat kumāro rājño 'śokasyopanāmitaḥ/ atha rājā kumāraṃ nirīkṣya prītamanāḥ kathayati--
Sanskrit only: no published translation is held for this verse.
सुतस्य मे नेत्रवराः सुपुण्याः सुजातनीलोत्पलसंनिकाशाः।
sutasya me netravarāḥ supuṇyāḥ sujātanīlotpalasaṃnikāśāḥ/
Sanskrit only: no published translation is held for this verse.
अलंकृतं शोभति यस्य वक्त्रं संपूर्णचन्द्रप्रतिमं विभाति॥१०२॥
alaṃkṛtaṃ śobhati yasya vaktraṃ saṃpūrṇacandrapratimaṃ vibhāti//102//
Sanskrit only: no published translation is held for this verse.
यावद्राजा अमात्यानुवाच--दृष्टानि भवद्भिः कस्येदृशानि नयनानि? अमात्या ऊचुह्--देव, मनुष्यभूतस्य न दृष्टानि, अपि तु देव, अस्ति हिमवति पर्वतराजे कुणाले नाम पक्षी प्रतिवसति, तस्य सदृशानि नयनानि।
yāvadrājā amātyānuvāca--dṛṣṭāni bhavadbhiḥ kasyedṛśāni nayanāni? amātyā ūcuh--deva, manuṣyabhūtasya na dṛṣṭāni, api tu deva, asti himavati parvatarāje kuṇāle nāma pakṣī prativasati, tasya sadṛśāni nayanāni/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
हिमेन्द्रराजे गिरिशैलशृङ्गे प्रवालपुष्पप्रसवे जलाढ्ये।
himendrarāje giriśailaśṛṅge pravālapuṣpaprasave jalāḍhye/
Sanskrit only: no published translation is held for this verse.
कुणालनांनेति निवासपक्षी नेत्राणि तेनास्य समान्यमूनि॥१०३॥
kuṇālanāṃneti nivāsapakṣī netrāṇi tenāsya samānyamūni//103//
Sanskrit only: no published translation is held for this verse.
ततो राज्ञा अभिहितम्--कुणालः पक्षी आनीयतामीति। तस्योर्ध्वतो योजनम् यक्षाः शृण्वन्त्यधो योजनं नागाः।
tato rājñā abhihitam--kuṇālaḥ pakṣī ānīyatāmīti/ tasyordhvato yojanam yakṣāḥ śṛṇvantyadho yojanaṃ nāgāḥ/
Sanskrit only: no published translation is held for this verse.
ततो यक्षैस्तत्क्षणेन कुणालः पक्षी आनीतः। अथ राजा कुणालस्य नेत्राणि सुचिरं निरीक्ष्य न किंचिद्विशेषं पश्यति।
tato yakṣaistatkṣaṇena kuṇālaḥ pakṣī ānītaḥ/ atha rājā kuṇālasya netrāṇi suciraṃ nirīkṣya na kiṃcidviśeṣaṃ paśyati/
Sanskrit only: no published translation is held for this verse.
ततो राज्ञाभिहितम्--कुमारस्य कुणालसदृशानि नयनानि।
tato rājñābhihitam--kumārasya kuṇālasadṛśāni nayanāni/
Sanskrit only: no published translation is held for this verse.
भवतु कुमारस्य कुणाल इति नाम। वक्ष्यति हि--
bhavatu kumārasya kuṇāla iti nāma/ vakṣyati hi--
Sanskrit only: no published translation is held for this verse.
नेत्रानुरागेण स पार्थिवेन्द्रः सुतः कुणालेति तदा बभाषे।
netrānurāgeṇa sa pārthivendraḥ sutaḥ kuṇāleti tadā babhāṣe/
Sanskrit only: no published translation is held for this verse.
ततो ऽस्य नाम प्रथितं पृथिव्यां तस्यार्यसत्त्वस्य नृपात्मजस्य॥१०४॥
tato 'sya nāma prathitaṃ pṛthivyāṃ tasyāryasattvasya nṛpātmajasya//104//
Sanskrit only: no published translation is held for this verse.
विस्तरेण यावत् कुमारो महान् संवृत्तः। तस्य काञ्चनमाला नाम दारिका पत्न्यर्थे आनीता।
vistareṇa yāvat kumāro mahān saṃvṛttaḥ/ tasya kāñcanamālā nāma dārikā patnyarthe ānītā/
Sanskrit only: no published translation is held for this verse.
यावद्राजा अशोकः कुणालेन सह कुर्कुटारामं गतः। तत्र यशो नांना संघस्थविरो ऽर्हन् षडभिज्ञः।
yāvadrājā aśokaḥ kuṇālena saha kurkuṭārāmaṃ gataḥ/ tatra yaśo nāṃnā saṃghasthaviro 'rhan ṣaḍabhijñaḥ/
Sanskrit only: no published translation is held for this verse.
स पश्यति--कुणालस्य नचिरान्नयनविनाशो भविष्यति। तेन राज्ञो ऽभिहितम्--किमर्थं कुणालः स्वकर्मणि न नियुज्यते? ततो राज्ञा अभिहितह्--कुणाल, संघस्थविरो यदाज्ञापयति तत्परिपालयितव्यम्।
sa paśyati--kuṇālasya nacirānnayanavināśo bhaviṣyati/ tena rājño 'bhihitam--kimarthaṃ kuṇālaḥ svakarmaṇi na niyujyate? tato rājñā abhihitah--kuṇāla, saṃghasthaviro yadājñāpayati tatparipālayitavyam/
Sanskrit only: no published translation is held for this verse.
ततः कुणालः स्थविरस्य पादयोर् निपत्य कथयति--स्थविर, किमाज्ञापयसि? स्थविर उवाच--चक्षुः कुणाल अनित्यमिति कुरु।
tataḥ kuṇālaḥ sthavirasya pādayor nipatya kathayati--sthavira, kimājñāpayasi? sthavira uvāca--cakṣuḥ kuṇāla anityamiti kuru/
Sanskrit only: no published translation is held for this verse.
आह--
āha--
Sanskrit only: no published translation is held for this verse.