<२६२>चक्षुः कुमारं सततं परीक्ष्यं चलात्मकं दुःखसहस्रयुक्तम्।
<262>cakṣuḥ kumāraṃ satataṃ parīkṣyaṃ calātmakaṃ duḥkhasahasrayuktam/
Sanskrit only: no published translation is held for this verse.
Library·Divyāvadāna·262
Divyāvadāna 262
यत्रानुरक्ता बहवः पृथग्जनाः कुर्वन्ति कर्माण्यहितावहानि॥१०५॥
yatrānuraktā bahavaḥ pṛthagjanāḥ kurvanti karmāṇyahitāvahāni//105//
Sanskrit only: no published translation is held for this verse.
स च तथा अभ्यासं करोति मनसिकारप्रयुक्तः। एकाभिरामह् एकामिराभिरामः प्रशमारामश्च संवृत्तः।
sa ca tathā abhyāsaṃ karoti manasikāraprayuktaḥ/ ekābhirāmah ekāmirābhirāmaḥ praśamārāmaśca saṃvṛttaḥ/
Sanskrit only: no published translation is held for this verse.
स राजकुले विविक्ते स्थाने ऽवस्थितश्चक्षुरादीन्यायतनान्यनित्यादिभिराकारैः परीक्षते। तिष्यरक्षिता च नांना अशोकस्याग्रमहिषा तं प्रदेशमभिगता।
sa rājakule vivikte sthāne 'vasthitaścakṣurādīnyāyatanānyanityādibhirākāraiḥ parīkṣate/ tiṣyarakṣitā ca nāṃnā aśokasyāgramahiṣā taṃ pradeśamabhigatā/
Sanskrit only: no published translation is held for this verse.
सा तं कुणालमेकाकिनं दृष्ट्वा नयनानुरागेण गात्रेषु परिष्वज्य कथयति--
sā taṃ kuṇālamekākinaṃ dṛṣṭvā nayanānurāgeṇa gātreṣu pariṣvajya kathayati--
Sanskrit only: no published translation is held for this verse.
दृष्ट्वा तवेदं नयनाभिरामं श्रीमद्वपुर्नेत्रयुगं च कान्तम्।
dṛṣṭvā tavedaṃ nayanābhirāmaṃ śrīmadvapurnetrayugaṃ ca kāntam/
Sanskrit only: no published translation is held for this verse.
दंदग्यते मे हृदयं समन्ताद्दावाग्निना प्रज्वलतेव कक्षम्॥१०६॥
daṃdagyate me hṛdayaṃ samantāddāvāgninā prajvalateva kakṣam//106//
Sanskrit only: no published translation is held for this verse.
श्रुत्वा कुणाल उभाभ्यां पाणिभ्यां कर्णौ पिधाय कथयति--
śrutvā kuṇāla ubhābhyāṃ pāṇibhyāṃ karṇau pidhāya kathayati--
Sanskrit only: no published translation is held for this verse.
वाक्यं न युक्तं तव वक्तुमेतत् सूनोः पुरस्ताज्जननी ममासि।
vākyaṃ na yuktaṃ tava vaktumetat sūnoḥ purastājjananī mamāsi/
Sanskrit only: no published translation is held for this verse.
अधर्मरागं परिवर्जयस्व अपायमार्गस्य हि एष हेतुः॥१०७॥
adharmarāgaṃ parivarjayasva apāyamārgasya hi eṣa hetuḥ//107//
Sanskrit only: no published translation is held for this verse.
ततस्तिष्यरक्षिता तत्कालमलभमाना क्रुद्धा कथयति--
tatastiṣyarakṣitā tatkālamalabhamānā kruddhā kathayati--
Sanskrit only: no published translation is held for this verse.
अभिकामामभिगताम् यत्त्वं नेच्छसि मामिह।
abhikāmāmabhigatām yattvaṃ necchasi māmiha/
Sanskrit only: no published translation is held for this verse.
नचिरादेव दुर्बुद्धे सर्वथा न भविष्यसि॥१०८॥
nacirādeva durbuddhe sarvathā na bhaviṣyasi//108//
Sanskrit only: no published translation is held for this verse.
कुणाल उवाच--
kuṇāla uvāca--
Sanskrit only: no published translation is held for this verse.
मम भवतु मरणं मा तु स्थितस्य धर्मे विशुद्धभावस्य।
mama bhavatu maraṇaṃ mā tu sthitasya dharme viśuddhabhāvasya/
Sanskrit only: no published translation is held for this verse.
न तु जीवितेन कार्यं सज्जनधिक्कृतेन मम॥१०९॥
na tu jīvitena kāryaṃ sajjanadhikkṛtena mama//109//
Sanskrit only: no published translation is held for this verse.
स्वर्गस्य धर्मलोपो यतो भवति जीवितेन किं तेन।
svargasya dharmalopo yato bhavati jīvitena kiṃ tena/
Sanskrit only: no published translation is held for this verse.
मम मरणहेतुना वै बुधपरिभूतेन धिक्कृतेन॥११०॥
mama maraṇahetunā vai budhaparibhūtena dhikkṛtena//110//
Sanskrit only: no published translation is held for this verse.
यावत् तिष्यरक्षिता कुणालस्य च्छिद्रान्वेषिणी अवस्थिता। राज्ञो ऽशोकस्योत्तरापथे तक्षशिला नगरं विरुद्धम्।
yāvat tiṣyarakṣitā kuṇālasya cchidrānveṣiṇī avasthitā/ rājño 'śokasyottarāpathe takṣaśilā nagaraṃ viruddham/
Sanskrit only: no published translation is held for this verse.
श्रुत्वा च राजा स्वयमेवाभिप्रस्थितः। ततो ऽमात्यैरभिहितह्--देव, कुमारः प्रेष्यतम्।
śrutvā ca rājā svayamevābhiprasthitaḥ/ tato 'mātyairabhihitah--deva, kumāraḥ preṣyatam/
Sanskrit only: no published translation is held for this verse.
स संतामयिष्यति। अथ राजा कुणालमाहूय कथयति--वत्स कुणाल, गमिष्यसि तक्षशिलानगरं संनामयितुम्? कुणाल उवाच--परं देव गमिष्यामि।
sa saṃtāmayiṣyati/ atha rājā kuṇālamāhūya kathayati--vatsa kuṇāla, gamiṣyasi takṣaśilānagaraṃ saṃnāmayitum? kuṇāla uvāca--paraṃ deva gamiṣyāmi/
Sanskrit only: no published translation is held for this verse.