<२६३>ततो नृपस्तस्य निशाम्य भावं पुत्राभिधानस्य मनोरथस्य।
<263>tato nṛpastasya niśāmya bhāvaṃ putrābhidhānasya manorathasya/
Sanskrit only: no published translation is held for this verse.
Library·Divyāvadāna·263
Divyāvadāna 263
स्नेहाच्च योग्यं मनसा च बुद्ध्वा आज्ञापयामास विधाय यात्राम्॥१११॥
snehācca yogyaṃ manasā ca buddhvā ājñāpayāmāsa vidhāya yātrām//111//
Sanskrit only: no published translation is held for this verse.
अथ राजा अशोको नगरशोभां मार्गशोभां च कृत्वा जीर्णातुरकृपणानाथांश्च मार्गादपनीय एकरथे ऽभिरुह्य कुमारेण सह पाटलिपुत्रान्निर्गतः।
atha rājā aśoko nagaraśobhāṃ mārgaśobhāṃ ca kṛtvā jīrṇāturakṛpaṇānāthāṃśca mārgādapanīya ekarathe 'bhiruhya kumāreṇa saha pāṭaliputrānnirgataḥ/
Sanskrit only: no published translation is held for this verse.
अनुव्रजित्वा निवर्तमानः कुणालं कण्ठे परिष्वज्य नयनं निरीक्षमाणः प्ररुदन्नुवाच--
anuvrajitvā nivartamānaḥ kuṇālaṃ kaṇṭhe pariṣvajya nayanaṃ nirīkṣamāṇaḥ prarudannuvāca--
Sanskrit only: no published translation is held for this verse.
धन्यानि तस्य चक्षूंषि चक्षुष्मन्तश्च ते जनाः।
dhanyāni tasya cakṣūṃṣi cakṣuṣmantaśca te janāḥ/
Sanskrit only: no published translation is held for this verse.
सततम् ये कुमारस्य द्रक्ष्यन्ति मुखपङ्कजम्॥११२॥
satatam ye kumārasya drakṣyanti mukhapaṅkajam//112//
Sanskrit only: no published translation is held for this verse.
यावन्नैमित्तिको ब्राह्मणह्--कुमारस्य नचिरान्नयनविनाशो भविष्यति। स च राजा अशोकस्तस्य नयनेष्वत्यर्थमनुषक्तः।
yāvannaimittiko brāhmaṇah--kumārasya nacirānnayanavināśo bhaviṣyati/ sa ca rājā aśokastasya nayaneṣvatyarthamanuṣaktaḥ/
Sanskrit only: no published translation is held for this verse.
दृष्ट्वा च कथयति--
dṛṣṭvā ca kathayati--
Sanskrit only: no published translation is held for this verse.
नृपात्मजस्य नयने विशुद्धे महीपतिश्चाप्यनुरक्तमस्य।
nṛpātmajasya nayane viśuddhe mahīpatiścāpyanuraktamasya/
Sanskrit only: no published translation is held for this verse.
श्रिया विवृद्धे हि सुखानुकूले पश्यामि नेत्रे ऽद्य विनश्यमाने॥११३॥
śriyā vivṛddhe hi sukhānukūle paśyāmi netre 'dya vinaśyamāne//113//
Sanskrit only: no published translation is held for this verse.
इदं पुरं स्वर्गामिव प्रहृष्टं कुमारसंदर्शनजातहर्षम्।
idaṃ puraṃ svargāmiva prahṛṣṭaṃ kumārasaṃdarśanajātaharṣam/
Sanskrit only: no published translation is held for this verse.
पुरं विपन्ने नयने तु तस्य भविष्यति शोकपरीतचेताः॥११४॥
puraṃ vipanne nayane tu tasya bhaviṣyati śokaparītacetāḥ//114//
Sanskrit only: no published translation is held for this verse.
अनुपूर्वेण तक्षशिलामनुप्राप्तः। श्रुत्वा च तक्षशिलापौरा अर्धत्रिकाणि योजनानि मार्गशोभां नगरशोभां च कृत्वा पूर्णकुम्भैः प्रत्युद्गताः।
anupūrveṇa takṣaśilāmanuprāptaḥ/ śrutvā ca takṣaśilāpaurā ardhatrikāṇi yojanāni mārgaśobhāṃ nagaraśobhāṃ ca kṛtvā pūrṇakumbhaiḥ pratyudgatāḥ/
Sanskrit only: no published translation is held for this verse.
वक्ष्यति च--
vakṣyati ca--
Sanskrit only: no published translation is held for this verse.
श्रुत्वा तक्षशिलापौरो रत्नपूर्णघटादिकान्।
śrutvā takṣaśilāpauro ratnapūrṇaghaṭādikān/
Sanskrit only: no published translation is held for this verse.
गृह्य प्रत्युज्जगामाशु बहुमान्यो नृपात्मजम्॥११५॥
gṛhya pratyujjagāmāśu bahumānyo nṛpātmajam//115//
Sanskrit only: no published translation is held for this verse.
प्रत्युद्गम्य कृताञ्जलिरुवाच--न वयं कुमारस्य विरुद्धाः, न राज्ञो ऽशोकस्य, अपि तु दुष्टात्मानो ऽमात्या आगत्यास्माकमपमानं कुर्वन्ति।
pratyudgamya kṛtāñjaliruvāca--na vayaṃ kumārasya viruddhāḥ, na rājño 'śokasya, api tu duṣṭātmāno 'mātyā āgatyāsmākamapamānaṃ kurvanti/
Sanskrit only: no published translation is held for this verse.
यावत्कुणालो महता संमानेन तक्षशिलां प्रवेशितः॥
yāvatkuṇālo mahatā saṃmānena takṣaśilāṃ praveśitaḥ//
Sanskrit only: no published translation is held for this verse.
राज्ञश्चाशोकस्य महान् व्याधिरुत्पन्नः। तस्य मुखादुच्चारो निर्गन्त्मारब्धः।
rājñaścāśokasya mahān vyādhirutpannaḥ/ tasya mukhāduccāro nirgantmārabdhaḥ/
Sanskrit only: no published translation is held for this verse.
सर्वरोमकूपेभ्यश्चाशुचि प्रघरति। न च शक्यते चिकित्सितुम्। ततो राज्ञा अभिहितम्--कुणालमानयत, राज्ये प्रतिष्ठापयिष्यामीति।
sarvaromakūpebhyaścāśuci pragharati/ na ca śakyate cikitsitum/ tato rājñā abhihitam--kuṇālamānayata, rājye pratiṣṭhāpayiṣyāmīti/
Sanskrit only: no published translation is held for this verse.
किं ममेदृशेन जीवितेन प्रयोजनम्? श्रुत्वा च तिष्यरक्षिता चिन्तयति--यदि कुणालं राज्ये प्रतिष्ठास्यति, नास्ति मम जीवितम्।
kiṃ mamedṛśena jīvitena prayojanam? śrutvā ca tiṣyarakṣitā cintayati--yadi kuṇālaṃ rājye pratiṣṭhāsyati, nāsti mama jīvitam/
Sanskrit only: no published translation is held for this verse.
तया अभिहितम्--अहं ते स्वस्थं करिष्यामि। किं तु वैद्यानां प्रवेशः प्रतिषिध्यताम्।
tayā abhihitam--ahaṃ te svasthaṃ kariṣyāmi/ kiṃ tu vaidyānāṃ praveśaḥ pratiṣidhyatām/
Sanskrit only: no published translation is held for this verse.
यावद्राज्ञा वैद्यानां प्रवेशः प्रतिषिद्धः। ततस्तिष्यरक्षितया वैद्यानामभिहितम्--यदि कश्चिदीदृशेन<२६४> व्याधिना स्पृष्टः स्त्री वा पुरुषो वा आगच्छति, मम दर्शयितव्यः।
yāvadrājñā vaidyānāṃ praveśaḥ pratiṣiddhaḥ/ tatastiṣyarakṣitayā vaidyānāmabhihitam--yadi kaścidīdṛśena<264> vyādhinā spṛṣṭaḥ strī vā puruṣo vā āgacchati, mama darśayitavyaḥ/
Sanskrit only: no published translation is held for this verse.