अन्यतमश्चाभीरस्तादृशेनैव व्याधिना स्पृष्टः।
anyatamaścābhīrastādṛśenaiva vyādhinā spṛṣṭaḥ/
Sanskrit only: no published translation is held for this verse.
Library·Divyāvadāna·264
Divyāvadāna 264
तस्य पत्न्या वैद्याय व्याधिर् निवेदितः। वैद्येनाभिहितम्--स एवागच्छतु आतुरः।
tasya patnyā vaidyāya vyādhir niveditaḥ/ vaidyenābhihitam--sa evāgacchatu āturaḥ/
Sanskrit only: no published translation is held for this verse.
व्याधिं दृष्ट्वा भैषज्यमुपदेक्ष्यामि। यावदाभीरो वैद्यसकाशामभिगतः।
vyādhiṃ dṛṣṭvā bhaiṣajyamupadekṣyāmi/ yāvadābhīro vaidyasakāśāmabhigataḥ/
Sanskrit only: no published translation is held for this verse.
वैद्येन च तिष्यरक्षितायाः समीपमुपनीतः। ततस्तिष्यरक्षितया प्रतिगुप्ते प्रदेशे जीविताद् व्यपरोपितः।
vaidyena ca tiṣyarakṣitāyāḥ samīpamupanītaḥ/ tatastiṣyarakṣitayā pratigupte pradeśe jīvitād vyaparopitaḥ/
Sanskrit only: no published translation is held for this verse.
जीविताद् व्यपरोप्य कुक्षिं पाटयित्वा पश्यति च तस्य पक्वाशयस्थाने अन्त्रायां कृमिर्महान् प्रादुर्भूतः।
jīvitād vyaparopya kukṣiṃ pāṭayitvā paśyati ca tasya pakvāśayasthāne antrāyāṃ kṛmirmahān prādurbhūtaḥ/
Sanskrit only: no published translation is held for this verse.
यावत् तत्र मरिचान् पेषयित्वा दत्तं न च म्रियते। एवं पिप्पली शृङ्गवेरं च।
yāvat tatra maricān peṣayitvā dattaṃ na ca mriyate/ evaṃ pippalī śṛṅgaveraṃ ca/
Sanskrit only: no published translation is held for this verse.
विस्तरेण यावत् पलाण्डुर्दत्तः। स्पृष्टश्च मृत उच्चारमार्गेण निर्गतः। एतच्च प्रकरणं तया रज्ञे निवेदितम्--देव पालाण्डुं परिमुङ्क्ष्व, स्वास्थ्यं भविष्यति।
vistareṇa yāvat palāṇḍurdattaḥ/ spṛṣṭaśca mṛta uccāramārgeṇa nirgataḥ/ etacca prakaraṇaṃ tayā rajñe niveditam--deva pālāṇḍuṃ parimuṅkṣva, svāsthyaṃ bhaviṣyati/
Sanskrit only: no published translation is held for this verse.
राजा आह--देवि, अहं क्षत्रियः।
rājā āha--devi, ahaṃ kṣatriyaḥ/
Sanskrit only: no published translation is held for this verse.
कथं पलाण्डुं परिभक्षयामि? देव्युवाच--देव, परिभोक्तव्यं जीवितस्यार्थे, भैषज्यमेतत्।
kathaṃ palāṇḍuṃ paribhakṣayāmi? devyuvāca--deva, paribhoktavyaṃ jīvitasyārthe, bhaiṣajyametat/
Sanskrit only: no published translation is held for this verse.
राज्ञा परिभुक्तम्। स च कृमिर्मृतम् उच्चारमार्गेण निर्गतः। स्वस्थीभूतश्च राजा।
rājñā paribhuktam/ sa ca kṛmirmṛtam uccāramārgeṇa nirgataḥ/ svasthībhūtaśca rājā/
Sanskrit only: no published translation is held for this verse.
तेन परितुष्टेन तिष्यरक्षिता वरेण प्रवारिता--किं ते वरं प्रयच्छामि? तया अभिहितम्--सप्ताहं देवो राज्यं प्रयच्छतु।
tena parituṣṭena tiṣyarakṣitā vareṇa pravāritā--kiṃ te varaṃ prayacchāmi? tayā abhihitam--saptāhaṃ devo rājyaṃ prayacchatu/
Sanskrit only: no published translation is held for this verse.
राजा आह--अहं को भविष्यामि? देव्युवाच--सप्ताहस्यात्ययाद्देव एव राजा भविष्यति।
rājā āha--ahaṃ ko bhaviṣyāmi? devyuvāca--saptāhasyātyayāddeva eva rājā bhaviṣyati/
Sanskrit only: no published translation is held for this verse.
यावद्राज्ञा तिष्यरक्षितायाः सप्ताहं राज्यं दत्तम्। तस्या बुद्धिरुत्पन्ना--इदानीं मया अस्य कुणालस्य वैरं निर्यातितव्यम्।
yāvadrājñā tiṣyarakṣitāyāḥ saptāhaṃ rājyaṃ dattam/ tasyā buddhirutpannā--idānīṃ mayā asya kuṇālasya vairaṃ niryātitavyam/
Sanskrit only: no published translation is held for this verse.
तया कपटलेखो लिखितस्तक्षशिलकानां पौराणाम्--कुणालस्य नयनं विनाशयितव्यमिति।
tayā kapaṭalekho likhitastakṣaśilakānāṃ paurāṇām--kuṇālasya nayanaṃ vināśayitavyamiti/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
राजा ह्यशोको बलवान् प्रचण्ड आज्ञापयत्तक्षशिलाजनं हि।
rājā hyaśoko balavān pracaṇḍa ājñāpayattakṣaśilājanaṃ hi/
Sanskrit only: no published translation is held for this verse.
उद्धार्यतां लोचनमस्य शत्रोर्मौर्यस्य वंशस्य कलङ्क एषः॥११६॥
uddhāryatāṃ locanamasya śatrormauryasya vaṃśasya kalaṅka eṣaḥ//116//
Sanskrit only: no published translation is held for this verse.
राज्ञो ऽशोक्स्य यत्र कार्यमाशु परिप्राप्यं भवति, दन्तमुद्रया मुद्रयति। यावत् तिष्यरक्षिता शयितस्य राज्ञस्तं लेखं दन्तमुद्रया मुद्रयिष्यामीति राज्ञः सकाशमभिगता।
rājño 'śoksya yatra kāryamāśu pariprāpyaṃ bhavati, dantamudrayā mudrayati/ yāvat tiṣyarakṣitā śayitasya rājñastaṃ lekhaṃ dantamudrayā mudrayiṣyāmīti rājñaḥ sakāśamabhigatā/
Sanskrit only: no published translation is held for this verse.
राजा च भीतः प्रतिबुद्धः।
rājā ca bhītaḥ pratibuddhaḥ/
Sanskrit only: no published translation is held for this verse.
देवी कथयति--किमिदमिति? राजा कथयति--देवि, स्वप्नं मे ऽशोभनं दृष्टम्।
devī kathayati--kimidamiti? rājā kathayati--devi, svapnaṃ me 'śobhanaṃ dṛṣṭam/
Sanskrit only: no published translation is held for this verse.
पश्यामि द्वौ गृध्रौ कुणालस्य नयनमुत्पाटयितुमिच्छतः। देवी कथयति--स्वास्थ्यं कुमारस्येति।
paśyāmi dvau gṛdhrau kuṇālasya nayanamutpāṭayitumicchataḥ/ devī kathayati--svāsthyaṃ kumārasyeti/
Sanskrit only: no published translation is held for this verse.
एवं द्विरपि राजा भीतः प्रतिबुद्धः कथयति--देवि, स्वप्नो मे न शोभनो दृष्ट इति।
evaṃ dvirapi rājā bhītaḥ pratibuddhaḥ kathayati--devi, svapno me na śobhano dṛṣṭa iti/
Sanskrit only: no published translation is held for this verse.
तिष्यरक्षिता कथयति--कीदृशः स्वप्न इति। राजा आह--पश्यामि कुणालम्--दीर्घकेशनखश्मश्रुः पुरं प्रविष्टः।
tiṣyarakṣitā kathayati--kīdṛśaḥ svapna iti/ rājā āha--paśyāmi kuṇālam--dīrghakeśanakhaśmaśruḥ puraṃ praviṣṭaḥ/
Sanskrit only: no published translation is held for this verse.
देव्याह--स्वास्थ्यं कुमारस्येति। यावत् तिष्यरक्षितया राज्ञः शयितस्य स लेखो दन्तमुद्रया मुद्रयित्वा तक्षशिलां प्रेषितः।
devyāha--svāsthyaṃ kumārasyeti/ yāvat tiṣyarakṣitayā rājñaḥ śayitasya sa lekho dantamudrayā mudrayitvā takṣaśilāṃ preṣitaḥ/
Sanskrit only: no published translation is held for this verse.
यावद्राज्ञा शयितेन स्वप्ने दृष्टं दन्ता विशीर्णाः।
yāvadrājñā śayitena svapne dṛṣṭaṃ dantā viśīrṇāḥ/
Sanskrit only: no published translation is held for this verse.
ततो राजा तस्या एव रात्रेरत्यये नैमित्तिकानाहूय कथयति--कीदृश एषां स्वप्नानां विपाक इति? नैमित्तिकाः कथयति--देव, य ईदृशस्वप्नानि पश्यति।
tato rājā tasyā eva rātreratyaye naimittikānāhūya kathayati--kīdṛśa eṣāṃ svapnānāṃ vipāka iti? naimittikāḥ kathayati--deva, ya īdṛśasvapnāni paśyati/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
दन्ता यस्य विशीर्यन्ते स्वप्नान्ते प्रपतन्ति च।
dantā yasya viśīryante svapnānte prapatanti ca/
Sanskrit only: no published translation is held for this verse.
चक्षुर्भेदं च पुत्रस्य पुत्रनाशं च पश्यति॥११७॥
cakṣurbhedaṃ ca putrasya putranāśaṃ ca paśyati//117//
Sanskrit only: no published translation is held for this verse.