<२६९>तदस्य नेत्रे निधनं गते ते पुत्रं कुणालेति कथं च वक्ष्ये॥१४६॥
<269>tadasya netre nidhanaṃ gate te putraṃ kuṇāleti kathaṃ ca vakṣye//146//
Sanskrit only: no published translation is held for this verse.
Library·Divyāvadāna·269
Divyāvadāna 269
आह च--
āha ca--
Sanskrit only: no published translation is held for this verse.
कथय कथय साधु पुत्र तावद्वदनमिदं तव चारुनेत्रम्।
kathaya kathaya sādhu putra tāvadvadanamidaṃ tava cārunetram/
Sanskrit only: no published translation is held for this verse.
गगनमिव विपन्नचन्द्रतारव्यपगतशोभमनीक्षकं कृतं ते॥१४७॥
gaganamiva vipannacandratāravyapagataśobhamanīkṣakaṃ kṛtaṃ te//147//
Sanskrit only: no published translation is held for this verse.
अकरुणहृदयेन तेन तात मुनिसदृशस्य न साधु साधुबुद्धेः।
akaruṇahṛdayena tena tāta munisadṛśasya na sādhu sādhubuddheḥ/
Sanskrit only: no published translation is held for this verse.
नरवरनयनेष्ववैरवैरं प्रकृतमिदं मम भूरि शोकमूलम्॥१४८॥
naravaranayaneṣvavairavairaṃ prakṛtamidaṃ mama bhūri śokamūlam//148//
Sanskrit only: no published translation is held for this verse.
वद सुवदन क्षिप्रमेतदर्थं व्रजति शरीरमिदं पुरा विनाशम्।
vada suvadana kṣiprametadarthaṃ vrajati śarīramidaṃ purā vināśam/
Sanskrit only: no published translation is held for this verse.
तव नयनविनाशशोकदग्धं वनमिव नागविमुक्तवज्रदग्धम्॥१४९॥
tava nayanavināśaśokadagdhaṃ vanamiva nāgavimuktavajradagdham//149//
Sanskrit only: no published translation is held for this verse.
ततः कुणालः पितरं प्रणिपत्योवाच--
tataḥ kuṇālaḥ pitaraṃ praṇipatyovāca--
Sanskrit only: no published translation is held for this verse.
राजन्नतीतं खलु नैव शोच्यं किं न श्रुतं ते मुनिवाक्यमेतत्।
rājannatītaṃ khalu naiva śocyaṃ kiṃ na śrutaṃ te munivākyametat/
Sanskrit only: no published translation is held for this verse.
यत्कर्मभिस्ते ऽपि जिना न मुक्ताः प्रत्येकबुद्धाः सुदृढैस्तथैव॥२५०॥
yatkarmabhiste 'pi jinā na muktāḥ pratyekabuddhāḥ sudṛḍhaistathaiva//250//
Sanskrit only: no published translation is held for this verse.
लब्धाः फलस्थाश्च पृथग्जनाश्च कृतानि कामान्यशुभानि देहिनाम्।
labdhāḥ phalasthāśca pṛthagjanāśca kṛtāni kāmānyaśubhāni dehinām/
Sanskrit only: no published translation is held for this verse.
स्वयंकृतानामिह कर्माणां फलं कथं तु वक्ष्यामि परैरिदं कृतम्॥१५१॥
svayaṃkṛtānāmiha karmāṇāṃ phalaṃ kathaṃ tu vakṣyāmi parairidaṃ kṛtam//151//
Sanskrit only: no published translation is held for this verse.
अहमेव महाराज कृतापराधश्च सापराधश्च।
ahameva mahārāja kṛtāparādhaśca sāparādhaśca/
Sanskrit only: no published translation is held for this verse.
विनिवर्तयामि यो ऽहं विनयामि विपत्तिजननानि॥१५२॥
vinivartayāmi yo 'haṃ vinayāmi vipattijananāni//152//
Sanskrit only: no published translation is held for this verse.
न शस्त्रवज्राग्निविषाणि पन्नगाः कुर्वन्ति पीडां नभसो ऽविकारिणः।
na śastravajrāgniviṣāṇi pannagāḥ kurvanti pīḍāṃ nabhaso 'vikāriṇaḥ/
Sanskrit only: no published translation is held for this verse.
शरीरलक्ष्येण धृतेन पार्थिव पतन्ति दुःखान्यशिवानि देहिनाम्॥१५३॥
śarīralakṣyeṇa dhṛtena pārthiva patanti duḥkhānyaśivāni dehinām//153//
Sanskrit only: no published translation is held for this verse.
अथ राजा शोकाग्निना संतापितहृदय उवाच--
atha rājā śokāgninā saṃtāpitahṛdaya uvāca--
Sanskrit only: no published translation is held for this verse.
केनोद्धृतानि नयनानि सुतस्य मह्यं को जीवितं सुमधुरं त्यजितुं व्यवस्तः।
kenoddhṛtāni nayanāni sutasya mahyaṃ ko jīvitaṃ sumadhuraṃ tyajituṃ vyavastaḥ/
Sanskrit only: no published translation is held for this verse.