गच्छामह्? आनन्द, भिक्षूनारोचय--यो युष्माकमुत्सहते श्वः सूर्पारकं नगरं गत्वा भोक्तुम्, स शलाकां गृह्णातु इति।
gacchāmah? ānanda, bhikṣūnārocaya--yo yuṣmākamutsahate śvaḥ sūrpārakaṃ nagaraṃ gatvā bhoktum, sa śalākāṃ gṛhṇātu iti/
Sanskrit only: no published translation is held for this verse.
एवं भदन्तेति आयुष्मानानन्दो भगवतः प्रतिश्रुत्य शलाकां गृहीत्वा भगवतः पुरस्तात् स्थितः।
evaṃ bhadanteti āyuṣmānānando bhagavataḥ pratiśrutya śalākāṃ gṛhītvā bhagavataḥ purastāt sthitaḥ/
Sanskrit only: no published translation is held for this verse.
भगवता शलाका गृहीता, स्थविरस्थविरैश्च भिक्षुभिः॥
bhagavatā śalākā gṛhītā, sthavirasthaviraiśca bhikṣubhiḥ//
Sanskrit only: no published translation is held for this verse.
तेन खलु समयेनायुष्मान् पूर्णः कुण्डोपधानीयकः स्थविरः प्रज्ञाविमुक्तस् तस्यामेव परिषदि संनिषण्णो ऽभूत्।
tena khalu samayenāyuṣmān pūrṇaḥ kuṇḍopadhānīyakaḥ sthaviraḥ prajñāvimuktas tasyāmeva pariṣadi saṃniṣaṇṇo 'bhūt/
Sanskrit only: no published translation is held for this verse.
संनिपतितः। सो ऽपि शलाकां गृहीतुमारब्धः। तमायुष्मानानन्दो गाथया प्रत्यभाषत--
saṃnipatitaḥ/ so 'pi śalākāṃ gṛhītumārabdhaḥ/ tamāyuṣmānānando gāthayā pratyabhāṣata--
Sanskrit only: no published translation is held for this verse.
नैतद्भोक्तव्यमायुष्मन् कोशलाधिपतेर्गृहे।
naitadbhoktavyamāyuṣman kośalādhipatergṛhe/
Sanskrit only: no published translation is held for this verse.
अगारे वा सुजातस्य मृगारभवने ऽथवा॥९॥
agāre vā sujātasya mṛgārabhavane 'thavā//9//
Sanskrit only: no published translation is held for this verse.
साधिकम् योजनशतं सूर्पारकमितः पुरम्।
sādhikam yojanaśataṃ sūrpārakamitaḥ puram/
Sanskrit only: no published translation is held for this verse.
ऋद्धिभिर्यत्र गन्तव्यं तूष्णी त्वं भव पूर्णक॥१०॥ इति॥
ṛddhibhiryatra gantavyaṃ tūṣṇī tvaṃ bhava pūrṇaka//10// iti//
Sanskrit only: no published translation is held for this verse.
स प्रज्ञाविमुक्तः। तेन ऋद्धिर् नोत्पादिता। तस्यैतदभवत्--येन मया सकलं क्लेशगणं वान्तं छर्दितं त्यक्तं प्रतिनिःसृष्टम्, सो ऽहं तीर्थिकसाधारणायाम् ऋद्ध्यां विषण्णः।
sa prajñāvimuktaḥ/ tena ṛddhir notpāditā/ tasyaitadabhavat--yena mayā sakalaṃ kleśagaṇaṃ vāntaṃ charditaṃ tyaktaṃ pratiniḥsṛṣṭam, so 'haṃ tīrthikasādhāraṇāyām ṛddhyāṃ viṣaṇṇaḥ/
Sanskrit only: no published translation is held for this verse.
तेन वीर्यमास्थाय ऋद्धिमुत्पाद्य यावदायुष्मानानन्दस् तृतीयस्थविरस्य शलाकां न ददाति, तावत् तेन गजभुजसदृशं बाहुमभिप्रसार्य शलाका गृहीता।
tena vīryamāsthāya ṛddhimutpādya yāvadāyuṣmānānandas tṛtīyasthavirasya śalākāṃ na dadāti, tāvat tena gajabhujasadṛśaṃ bāhumabhiprasārya śalākā gṛhītā/
Sanskrit only: no published translation is held for this verse.
ततो गाथां भाषते--
tato gāthāṃ bhāṣate--
Sanskrit only: no published translation is held for this verse.
वपुष्मत्तया श्रुतेन वा न बलात्कारगुणैश्च गौतम।
vapuṣmattayā śrutena vā na balātkāraguṇaiśca gautama/
Sanskrit only: no published translation is held for this verse.
प्रबलैरपि वान्मनोरथैः षडभिज्ञत्वमिहाधिगम्यते॥११॥
prabalairapi vānmanorathaiḥ ṣaḍabhijñatvamihādhigamyate//11//
Sanskrit only: no published translation is held for this verse.
शमशीलविपश्यनाबलैर्विविधैर्ध्यानबलैः परीक्षिताः।
śamaśīlavipaśyanābalairvividhairdhyānabalaiḥ parīkṣitāḥ/
Sanskrit only: no published translation is held for this verse.
जरया हि निपीडितयौवनाः षडभिज्ञा हि भवन्ति मद्विधाः॥१२॥ इति॥
jarayā hi nipīḍitayauvanāḥ ṣaḍabhijñā hi bhavanti madvidhāḥ//12// iti//
Sanskrit only: no published translation is held for this verse.
तत्र भगवान् भिक्षूनामन्त्रयते स्म--एषो ऽग्रो मे भिक्षवो भिक्षूणां मम श्रावकाणां चैत्यशलाकाग्रहणे।
tatra bhagavān bhikṣūnāmantrayate sma--eṣo 'gro me bhikṣavo bhikṣūṇāṃ mama śrāvakāṇāṃ caityaśalākāgrahaṇe/
Sanskrit only: no published translation is held for this verse.
तत्प्रथमतः शलाकां गृह्णताम् यदुत पूर्णः कुण्डोपधानीयकः स्थविरः। तत्र भगवानायुष्मन्तमानन्दमामन्त्रयते--गच्छ आनन्द भिक्षूणामारोचय।
tatprathamataḥ śalākāṃ gṛhṇatām yaduta pūrṇaḥ kuṇḍopadhānīyakaḥ sthaviraḥ/ tatra bhagavānāyuṣmantamānandamāmantrayate--gaccha ānanda bhikṣūṇāmārocaya/
Sanskrit only: no published translation is held for this verse.
किं चापि उक्तं मया--प्रतिच्छन्नकल्याणैर्वो भिक्षवो विहर्तव्यं विवृतपापैरिति, अपि तु तीर्थिकावस्तब्धं तन्नगरम्।
kiṃ cāpi uktaṃ mayā--praticchannakalyāṇairvo bhikṣavo vihartavyaṃ vivṛtapāpairiti, api tu tīrthikāvastabdhaṃ tannagaram/
Sanskrit only: no published translation is held for this verse.
यो वो यस्या ऋद्धेर्लाभी, तेन तया तत्र सूर्पारकं नगरं गत्वा भोक्तव्यमिति। एवं भदन्तेति आयुष्मानानन्दो भगवतः प्रतिश्रुत्य भिक्षूणामारोचयति--आयुष्मन्तः, भगवानेवमाह--किं चापि उक्तं मया प्रतिच्छन्नकल्याणैर्वो भिक्षवो विहर्तव्यमिति पूर्ववत् यावत् गत्वा भोक्तव्यमिति।
yo vo yasyā ṛddherlābhī, tena tayā tatra sūrpārakaṃ nagaraṃ gatvā bhoktavyamiti/ evaṃ bhadanteti āyuṣmānānando bhagavataḥ pratiśrutya bhikṣūṇāmārocayati--āyuṣmantaḥ, bhagavānevamāha--kiṃ cāpi uktaṃ mayā praticchannakalyāṇairvo bhikṣavo vihartavyamiti pūrvavat yāvat gatvā bhoktavyamiti/
Sanskrit only: no published translation is held for this verse.
ततः सूर्पारकराज्ञा सूर्पारकनगरमपगतपाषाणशर्करकठल्लं व्यवस्थापितं चन्दनवारिपरिषिक्तं नानाविधसुरभिधूपघटिकासमलंकृतमामुक्तपट्टदामकलापं नानापुष्पाभिकीर्णं रमणीयम्।
tataḥ sūrpārakarājñā sūrpārakanagaramapagatapāṣāṇaśarkarakaṭhallaṃ vyavasthāpitaṃ candanavāripariṣiktaṃ nānāvidhasurabhidhūpaghaṭikāsamalaṃkṛtamāmuktapaṭṭadāmakalāpaṃ nānāpuṣpābhikīrṇaṃ ramaṇīyam/
Sanskrit only: no published translation is held for this verse.
सूर्पारकस्य नगरस्याष्टादश द्वाराणि। तस्यापि राज्ञः सप्तदश पुत्राः।
sūrpārakasya nagarasyāṣṭādaśa dvārāṇi/ tasyāpi rājñaḥ saptadaśa putrāḥ/
Sanskrit only: no published translation is held for this verse.
प्रत्येकमेकैकस्मिन् द्वारे परमया विभूत्या राजपुत्रा व्यवस्थिताः। मूलद्वारे च महता राजानुभावेन सूर्पारकाधिपती राजा आयुष्मान् पूर्णो दारुकर्णी स्तवकर्णी त्रपुकर्णी च व्यवस्थितः।
pratyekamekaikasmin dvāre paramayā vibhūtyā rājaputrā vyavasthitāḥ/ mūladvāre ca mahatā rājānubhāvena sūrpārakādhipatī rājā āyuṣmān pūrṇo dārukarṇī stavakarṇī trapukarṇī ca vyavasthitaḥ/
Sanskrit only: no published translation is held for this verse.
यावत् पत्रचारिका ऋद्ध्या हरितचारिका भाजनचारिकाश्चागताः। तान् दृष्ट्वा राजा कथयति--भदन्त पूर्ण, किं भगवानागतह्? आयुष्मान् पूर्णः कथयति--महाराज <२८>पत्रचारिका हरितचारिका भाजनचारिकाश्चैते, न तावत् भगवान्।
yāvat patracārikā ṛddhyā haritacārikā bhājanacārikāścāgatāḥ/ tān dṛṣṭvā rājā kathayati--bhadanta pūrṇa, kiṃ bhagavānāgatah? āyuṣmān pūrṇaḥ kathayati--mahārāja <28>patracārikā haritacārikā bhājanacārikāścaite, na tāvat bhagavān/
Sanskrit only: no published translation is held for this verse.