Library·Divyāvadāna·271
<२७१>भिक्षवः संशयजाताः सर्वसशयच्छेत्तारमायुष्मन्तं स्थविरोपगुप्तं पृच्छन्ति--किं कुणालेन कर्म कृतम् यस्य कर्मणो विपाकेन नयनान्युत्पाटितानि? स्थविर उवाच--तेन ह्यायुष्मन्तः श्रूयताम्--
<271>bhikṣavaḥ saṃśayajātāḥ sarvasaśayacchettāramāyuṣmantaṃ sthaviropaguptaṃ pṛcchanti--kiṃ kuṇālena karma kṛtam yasya karmaṇo vipākena nayanānyutpāṭitāni? sthavira uvāca--tena hyāyuṣmantaḥ śrūyatām--
Sanskrit only: no published translation is held for this verse.
भूतपूर्वमतीते ऽध्वनि वाराणस्यामन्यतमो लुब्धकः।
bhūtapūrvamatīte 'dhvani vārāṇasyāmanyatamo lubdhakaḥ/
Sanskrit only: no published translation is held for this verse.
स हिमवन्तं गत्वा मृगान् प्रघातयति।
sa himavantaṃ gatvā mṛgān praghātayati/
Sanskrit only: no published translation is held for this verse.
सो ऽपरेण समयेन हिमवन्तं गतः। तत्र पाशनिपतितान्येकस्यां गुहायां प्रविष्टान्यासादितानि।
so 'pareṇa samayena himavantaṃ gataḥ/ tatra pāśanipatitānyekasyāṃ guhāyāṃ praviṣṭānyāsāditāni/
Sanskrit only: no published translation is held for this verse.
तेन वागुरया सर्वे गृहीताः। तस्य बुद्धिरुत्पन्ना--यदि प्रघातयिष्यामि, मांसः क्लेदंमुपयास्यति।
tena vāgurayā sarve gṛhītāḥ/ tasya buddhirutpannā--yadi praghātayiṣyāmi, māṃsaḥ kledaṃmupayāsyati/
Sanskrit only: no published translation is held for this verse.
तेन पञ्चानां मृगशतानां नयनात्युत्पाटितानि॥
tena pañcānāṃ mṛgaśatānāṃ nayanātyutpāṭitāni//
Sanskrit only: no published translation is held for this verse.
किं मन्यध्वमायुष्मन्तह्? यो ऽसौ लुब्धकः, स एष कुणालः। यत्तत्रानेन बहूनां मृगशतानां नयनान्युत्पाटितानि, तस्य कर्मणो विपाकेन बहूनि वर्षशतसहस्राणि नरकेषु दुःखमनुभूय ततः कर्मावशेषेण पञ्च जन्मशतानि तस्य नयनान्युत्पाटितानि॥
kiṃ manyadhvamāyuṣmantah? yo 'sau lubdhakaḥ, sa eṣa kuṇālaḥ/ yattatrānena bahūnāṃ mṛgaśatānāṃ nayanānyutpāṭitāni, tasya karmaṇo vipākena bahūni varṣaśatasahasrāṇi narakeṣu duḥkhamanubhūya tataḥ karmāvaśeṣeṇa pañca janmaśatāni tasya nayanānyutpāṭitāni//
Sanskrit only: no published translation is held for this verse.
किं कर्म कृतम् यस्य कर्मणो विपाकेनोच्चे कुले उपपन्नः, प्रसादिकश्च संवृत्तः, सत्यदर्शनं च कृतम्?
kiṃ karma kṛtam yasya karmaṇo vipākenocce kule upapannaḥ, prasādikaśca saṃvṛttaḥ, satyadarśanaṃ ca kṛtam?
Sanskrit only: no published translation is held for this verse.
तेन ह्यायुच्मन्तः श्रूयताम्--भूतपूर्वमतीते ऽध्वनि चत्वारिंशद्वर्षसहस्रायुषि प्रजायां क्रकुच्छन्दो नाम सम्यक्सम्बुद्धो लोक उदपादि।
tena hyāyucmantaḥ śrūyatām--bhūtapūrvamatīte 'dhvani catvāriṃśadvarṣasahasrāyuṣi prajāyāṃ krakucchando nāma samyaksambuddho loka udapādi/
Sanskrit only: no published translation is held for this verse.
यदा क्रकुच्छन्दः सम्यक्सम्बुद्धः सकलं बुद्धकार्यं कृत्वा निरुपधिशेषे निर्वाणधातौ परिनिर्वृतः, तस्य अशोकेन राज्ञा चतूरत्नमयं स्तूपं कारितम्।
yadā krakucchandaḥ samyaksambuddhaḥ sakalaṃ buddhakāryaṃ kṛtvā nirupadhiśeṣe nirvāṇadhātau parinirvṛtaḥ, tasya aśokena rājñā catūratnamayaṃ stūpaṃ kāritam/
Sanskrit only: no published translation is held for this verse.
यदा राजा अशोकः कालगतः, अश्राद्धो राजा राज्यं प्रतिष्ठितः। तानि रत्नान्यदत्तादायिकैर्हृतानि।
yadā rājā aśokaḥ kālagataḥ, aśrāddho rājā rājyaṃ pratiṣṭhitaḥ/ tāni ratnānyadattādāyikairhṛtāni/
Sanskrit only: no published translation is held for this verse.
पांशुकाष्टं चावशिष्टम्। अत्र जनकायो गत्वा विशीर्णं दृष्ट्वा शोचितुमारब्धः।
pāṃśukāṣṭaṃ cāvaśiṣṭam/ atra janakāyo gatvā viśīrṇaṃ dṛṣṭvā śocitumārabdhaḥ/
Sanskrit only: no published translation is held for this verse.
तस्मिंश्च समये ऽन्यतमश्च श्रेष्ठिपुत्रः। तेनोक्रह्--किमर्थं रुद्यत इति? तैरभिहितम्--क्रकुच्छन्दस्य सम्यक्सम्बुद्धस्य स्तूपं चतूरत्नमयमासीत्, स इदानीं विशीर्ण इति।
tasmiṃśca samaye 'nyatamaśca śreṣṭhiputraḥ/ tenokrah--kimarthaṃ rudyata iti? tairabhihitam--krakucchandasya samyaksambuddhasya stūpaṃ catūratnamayamāsīt, sa idānīṃ viśīrṇa iti/
Sanskrit only: no published translation is held for this verse.
ततस्तेन च तत्र क्रकुच्छन्दस्य सम्यक्सम्बुद्धस्य कायप्रमाणिका प्रतिमा बभूव विशीर्णा, सा अभिसंस्कृता, सम्यक्प्रणिधानं च कृतम्--यादृशः क्रकुच्छन्दः शास्ता, ईदृशमेव शास्तारमारागयेयं मा विरागयेयमिति॥
tatastena ca tatra krakucchandasya samyaksambuddhasya kāyapramāṇikā pratimā babhūva viśīrṇā, sā abhisaṃskṛtā, samyakpraṇidhānaṃ ca kṛtam--yādṛśaḥ krakucchandaḥ śāstā, īdṛśameva śāstāramārāgayeyaṃ mā virāgayeyamiti//
Sanskrit only: no published translation is held for this verse.
किं मन्यध्वमायुष्मन्तह्? यो ऽसौ श्रेष्ठिपुत्रः, स एष कुणालः। यत्रानेन क्रकुच्छन्दस्य स्तूपमभिसंस्कृतम्, तस्य कर्मणो विपाकेनोच्चकुले उपपन्नः।
kiṃ manyadhvamāyuṣmantah? yo 'sau śreṣṭhiputraḥ, sa eṣa kuṇālaḥ/ yatrānena krakucchandasya stūpamabhisaṃskṛtam, tasya karmaṇo vipākenoccakule upapannaḥ/
Sanskrit only: no published translation is held for this verse.
यत्प्रतिमा अभिसंस्कृता, तेन कर्मणो विपाकेन कुणाकः प्रासादिकः समृत्तः।
yatpratimā abhisaṃskṛtā, tena karmaṇo vipākena kuṇākaḥ prāsādikaḥ samṛttaḥ/
Sanskrit only: no published translation is held for this verse.
यत् प्रणिधानं कृतम्, तस्य कर्मणो विपाकेन कुणालेन शाक्यमुनिः सम्यक्सम्बुद्धस्तादृश एव शास्ता समारागितो न विरागितः, सत्यदर्शनं च कृतम्॥
yat praṇidhānaṃ kṛtam, tasya karmaṇo vipākena kuṇālena śākyamuniḥ samyaksambuddhastādṛśa eva śāstā samārāgito na virāgitaḥ, satyadarśanaṃ ca kṛtam//
Sanskrit only: no published translation is held for this verse.
इति श्रीदिव्यावदाने कुणालावदानं सप्तविंशतिमं समाप्तम्॥
iti śrīdivyāvadāne kuṇālāvadānaṃ saptaviṃśatimaṃ samāptam//
Sanskrit only: no published translation is held for this verse.