Library·Divyāvadāna·273
<२७३>यावद्वीतशोक उच्यते--सशस्त्रैर्वध्यघातैरस्माभिः परिवृतो ऽसीति। ततो ऽमात्या राज्ञः पादयोर् निपल्योवाच--देव, मर्षय वीतशोकम्।
<273>yāvadvītaśoka ucyate--saśastrairvadhyaghātairasmābhiḥ parivṛto 'sīti/ tato 'mātyā rājñaḥ pādayor nipalyovāca--deva, marṣaya vītaśokam/
Sanskrit only: no published translation is held for this verse.
देवस्यैष भ्राता। ततो राज्ञा अभिहितम्--सप्ताहमस्य मर्षयामि।
devasyaiṣa bhrātā/ tato rājñā abhihitam--saptāhamasya marṣayāmi/
Sanskrit only: no published translation is held for this verse.
भ्राता चैषः। मम भ्रातुः स्नेहादस्य सप्ताहं राज्यं प्रयच्छामि। यावत् तूर्यशतानि संप्रवादितानि, जयशब्दैश्चानन्दितम्, प्राणिशतसहस्रैश्चाञ्जलिः कृतः, स्त्रीशतैश्च परिवृतः।
bhrātā caiṣaḥ/ mama bhrātuḥ snehādasya saptāhaṃ rājyaṃ prayacchāmi/ yāvat tūryaśatāni saṃpravāditāni, jayaśabdaiścānanditam, prāṇiśatasahasraiścāñjaliḥ kṛtaḥ, strīśataiśca parivṛtaḥ/
Sanskrit only: no published translation is held for this verse.
वध्यघातकाश्च द्वारि तिष्ठन्ति। दिवसे गते वीतशोकस्याग्रतः स्थित्वा आरोचयन्ति--निर्गतं वीतशोक एकं दिवसम्।
vadhyaghātakāśca dvāri tiṣṭhanti/ divase gate vītaśokasyāgrataḥ sthitvā ārocayanti--nirgataṃ vītaśoka ekaṃ divasam/
Sanskrit only: no published translation is held for this verse.
षडहान्यवशिष्टानि। एवं द्वितीये दिवसे। विस्तरेण यावत्सप्ताहदिवसे वीतशोको राजालंकारविभूषितो राज्ञो ऽशोकस्य समीपमुपनीतः।
ṣaḍahānyavaśiṣṭāni/ evaṃ dvitīye divase/ vistareṇa yāvatsaptāhadivase vītaśoko rājālaṃkāravibhūṣito rājño 'śokasya samīpamupanītaḥ/
Sanskrit only: no published translation is held for this verse.
ततो राज्ञा अशोकेनाभिहितम्--वीतशोक, कञ्चित्सुगीतं सुनृत्यं सुवादितमिति ? वीतशोक उवाच--न मे दृष्टं वा स्याच्छ्रुतं वेति।
tato rājñā aśokenābhihitam--vītaśoka, kañcitsugītaṃ sunṛtyaṃ suvāditamiti ? vītaśoka uvāca--na me dṛṣṭaṃ vā syācchrutaṃ veti/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
येन श्रुतं भवेद्गीतं नृत्यं चापि निरीक्षितम्।
yena śrutaṃ bhavedgītaṃ nṛtyaṃ cāpi nirīkṣitam/
Sanskrit only: no published translation is held for this verse.
रसाश्चास्वादिता येन स भूयात्तव निर्णयम्॥२॥
rasāścāsvāditā yena sa bhūyāttava nirṇayam//2//
Sanskrit only: no published translation is held for this verse.
राजा आह--वीतशोक, इदं मया राज्यं सप्ताहं तव दत्तम्, तूर्यशतानि संप्रवादितानि, जयशब्दैश्चानन्दितम्, अञ्जलिशतानि प्रगृहीतानि, स्त्रीशतैश्च परिचीर्णः।
rājā āha--vītaśoka, idaṃ mayā rājyaṃ saptāhaṃ tava dattam, tūryaśatāni saṃpravāditāni, jayaśabdaiścānanditam, añjaliśatāni pragṛhītāni, strīśataiśca paricīrṇaḥ/
Sanskrit only: no published translation is held for this verse.
कथं त्वं कथयसि--नैव मे दृष्टं न श्रुतमिति? वीतशोक उवाच--
kathaṃ tvaṃ kathayasi--naiva me dṛṣṭaṃ na śrutamiti? vītaśoka uvāca--
Sanskrit only: no published translation is held for this verse.
न मे दृष्टं नृत्यं न च नृप श्रुतो गीतनिनदो न मे गन्धा घ्राता न खलु रसा मे ऽद्य विदिताः।
na me dṛṣṭaṃ nṛtyaṃ na ca nṛpa śruto gītaninado na me gandhā ghrātā na khalu rasā me 'dya viditāḥ/
Sanskrit only: no published translation is held for this verse.
न मे स्पृष्टः स्पर्शः कनकमणिहाराङ्गजनितः समूहो नारीणां मरणपरिबद्धेन मनसा॥३॥
na me spṛṣṭaḥ sparśaḥ kanakamaṇihārāṅgajanitaḥ samūho nārīṇāṃ maraṇaparibaddhena manasā//3//
Sanskrit only: no published translation is held for this verse.
स्त्रियो नृत्तं गीतं भवशयनान्यासनविधिर्वयो रूपं लक्ष्मीर्बहुविविधरत्ना च वसुधा।
striyo nṛttaṃ gītaṃ bhavaśayanānyāsanavidhirvayo rūpaṃ lakṣmīrbahuvividharatnā ca vasudhā/
Sanskrit only: no published translation is held for this verse.
निरानन्दा शून्या मम नृप वरशय्या गतसुखा स्थितान् दृष्ट्वा द्वारे वधकपुरुषान्नीलवसनान्॥४॥
nirānandā śūnyā mama nṛpa varaśayyā gatasukhā sthitān dṛṣṭvā dvāre vadhakapuruṣānnīlavasanān//4//
Sanskrit only: no published translation is held for this verse.
श्रुत्वा घण्टारवं घोरं नीलाम्बरधरस्य हि।
śrutvā ghaṇṭāravaṃ ghoraṃ nīlāmbaradharasya hi/
Sanskrit only: no published translation is held for this verse.
भयं मे मरणाज्जातं पार्थिवेन्द्र सुदारुणम्॥५॥
bhayaṃ me maraṇājjātaṃ pārthivendra sudāruṇam//5//
Sanskrit only: no published translation is held for this verse.
मृत्युशल्यपरीतो ऽहं नाश्रौषीद्गीतमुत्तमम्।
mṛtyuśalyaparīto 'haṃ nāśrauṣīdgītamuttamam/
Sanskrit only: no published translation is held for this verse.
नाद्राक्षं नृपते नृत्तं न च भोक्तुं मनःस्पृहा॥६॥
nādrākṣaṃ nṛpate nṛttaṃ na ca bhoktuṃ manaḥspṛhā//6//
Sanskrit only: no published translation is held for this verse.
मृत्युज्वरगृहीतस्य न मे स्वप्नो ऽपि विद्यते।
mṛtyujvaragṛhītasya na me svapno 'pi vidyate/
Sanskrit only: no published translation is held for this verse.
कृत्स्ना मे रजनी याता मृत्युमेवानुचिन्तयन्॥७॥
kṛtsnā me rajanī yātā mṛtyumevānucintayan//7//
Sanskrit only: no published translation is held for this verse.
राजा आह--वीतशोक, मा तावत् तवैकजन्मिकस्य मरणभयात्तव राजश्रियं प्राप्य हर्षो नोत्पन्नः।
rājā āha--vītaśoka, mā tāvat tavaikajanmikasya maraṇabhayāttava rājaśriyaṃ prāpya harṣo notpannaḥ/
Sanskrit only: no published translation is held for this verse.
किं पुनर्भिक्षवो जन्मशतमरणभयभीताः सर्वाण्युपपत्त्यायतनानि दुःखान्यनुसृतानि पश्यन्ति।
kiṃ punarbhikṣavo janmaśatamaraṇabhayabhītāḥ sarvāṇyupapattyāyatanāni duḥkhānyanusṛtāni paśyanti/
Sanskrit only: no published translation is held for this verse.
नरके तावच्छरीरसंतापकृतमग्निदाहदुःखं च, तिर्यक्षु अन्योन्यभक्षणपरित्रासदुःखम्, प्रेतेषु क्षुत्तर्षदुःखम्, पर्येष्टिसमुदाचारदुःखं मनुष्येषु, च्यवनपतनभ्रंशदुःखम्<२७४> देवेषु।
narake tāvaccharīrasaṃtāpakṛtamagnidāhaduḥkhaṃ ca, tiryakṣu anyonyabhakṣaṇaparitrāsaduḥkham, preteṣu kṣuttarṣaduḥkham, paryeṣṭisamudācāraduḥkhaṃ manuṣyeṣu, cyavanapatanabhraṃśaduḥkham<274> deveṣu/
Sanskrit only: no published translation is held for this verse.