Library·Divyāvadāna·274
एभिः पञ्चभिर्दुःखैस्त्रैलोक्यमनुषक्तम्। शारीरमानसैर्दुःखैरुत्पीडिता वधकभूतान् स्कन्धान् पश्यन्ति, शून्यग्रामभूतान्यायतनानि, चौरिभूतानि विषयाणि, कृत्स्नं च त्रैधातुकमनित्यताग्निना प्रदीप्तं पश्यन्ति।
ebhiḥ pañcabhirduḥkhaistrailokyamanuṣaktam/ śārīramānasairduḥkhairutpīḍitā vadhakabhūtān skandhān paśyanti, śūnyagrāmabhūtānyāyatanāni, cauribhūtāni viṣayāṇi, kṛtsnaṃ ca traidhātukamanityatāgninā pradīptaṃ paśyanti/
Sanskrit only: no published translation is held for this verse.
तेषां रागाः कथमुत्पद्यते? आह च--
teṣāṃ rāgāḥ kathamutpadyate? āha ca--
Sanskrit only: no published translation is held for this verse.
मा तावदेकजन्मिकस्य मरणभयात्तव न जायते हर्षः।
mā tāvadekajanmikasya maraṇabhayāttava na jāyate harṣaḥ/
Sanskrit only: no published translation is held for this verse.
मनसि विषयैर्मनोज्ञैः सततं खलु पश्यमानस्य॥८॥
manasi viṣayairmanojñaiḥ satataṃ khalu paśyamānasya//8//
Sanskrit only: no published translation is held for this verse.
किं पुनर्जन्मशतानां मरणभयमनागतं विचिन्तयताम्।
kiṃ punarjanmaśatānāṃ maraṇabhayamanāgataṃ vicintayatām/
Sanskrit only: no published translation is held for this verse.
मनसि भविष्यति हर्षो भिक्षूणां भोजनाद्येषु ॥९॥
manasi bhaviṣyati harṣo bhikṣūṇāṃ bhojanādyeṣu //9//
Sanskrit only: no published translation is held for this verse.
तेषां तु वस्त्रशयनासनभोजनादि मोक्षो ऽभियुक्तमनसां जनयेत सङ्गम्।
teṣāṃ tu vastraśayanāsanabhojanādi mokṣo 'bhiyuktamanasāṃ janayeta saṅgam/
Sanskrit only: no published translation is held for this verse.
पश्यन्ति ये वधकशत्रुनिभं शरीरमादीप्तवेश्मसदृशांश्च भवाननित्यान् ॥१०॥
paśyanti ye vadhakaśatrunibhaṃ śarīramādīptaveśmasadṛśāṃśca bhavānanityān //10//
Sanskrit only: no published translation is held for this verse.
कथं च तेषां न भवेद्विमोक्षो मोक्षार्थिनां जन्मपरान्मुखानाम्।
kathaṃ ca teṣāṃ na bhavedvimokṣo mokṣārthināṃ janmaparānmukhānām/
Sanskrit only: no published translation is held for this verse.
येषां मनः सर्वसुखाश्रयेषु व्यावर्तते पद्मदलादिवाम्भः॥११॥
yeṣāṃ manaḥ sarvasukhāśrayeṣu vyāvartate padmadalādivāmbhaḥ//11//
Sanskrit only: no published translation is held for this verse.
यदा वीतशोको राज्ञा अशोकेनोपायेन भगवच्छासने ऽभिप्रसादितः, स कृतकरपुट उवाच--देव, एषो ऽहं तं भगवन्तं तथागतमर्हन्तं सम्यक्सम्बुद्धं शरणं गच्छामि धर्मं च भिक्षुसंघं चेति।
yadā vītaśoko rājñā aśokenopāyena bhagavacchāsane 'bhiprasāditaḥ, sa kṛtakarapuṭa uvāca--deva, eṣo 'haṃ taṃ bhagavantaṃ tathāgatamarhantaṃ samyaksambuddhaṃ śaraṇaṃ gacchāmi dharmaṃ ca bhikṣusaṃghaṃ ceti/
Sanskrit only: no published translation is held for this verse.
एष व्रजामि शरणं विबुद्धनवकमलविमलनिभनेत्रम्।
eṣa vrajāmi śaraṇaṃ vibuddhanavakamalavimalanibhanetram/
Sanskrit only: no published translation is held for this verse.
बुधविबुधमनुजमहितं जिनं विरागं च संघं च॥१२॥इति।
budhavibudhamanujamahitaṃ jinaṃ virāgaṃ ca saṃghaṃ ca//12//iti/
Sanskrit only: no published translation is held for this verse.
अथ राजा अशोको वीतशोकं कण्ठे परिष्वज्योवाच--न त्वं मया परित्यक्तः, अपि तु बुद्धशासनाभिप्रसादार्थं तव मया एष उपायः प्रदर्शितः।
atha rājā aśoko vītaśokaṃ kaṇṭhe pariṣvajyovāca--na tvaṃ mayā parityaktaḥ, api tu buddhaśāsanābhiprasādārthaṃ tava mayā eṣa upāyaḥ pradarśitaḥ/
Sanskrit only: no published translation is held for this verse.
ततो वीतशोको गन्धपुष्पमाल्यादिवादित्रसमुदयेन भगवतश्चैत्यानर्चयति, सद्धर्मं च शृणोति, संघे च कारां कुरुते।
tato vītaśoko gandhapuṣpamālyādivāditrasamudayena bhagavataścaityānarcayati, saddharmaṃ ca śṛṇoti, saṃghe ca kārāṃ kurute/
Sanskrit only: no published translation is held for this verse.
स कुर्कुटारामं गतः। तत्र यशो नां स्थविरो ऽर्हन् षडभिज्ञः। स तस्य पुरतो निषण्णो धर्मश्रवणाय।
sa kurkuṭārāmaṃ gataḥ/ tatra yaśo nāṃ sthaviro 'rhan ṣaḍabhijñaḥ/ sa tasya purato niṣaṇṇo dharmaśravaṇāya/
Sanskrit only: no published translation is held for this verse.
स्थविरश्च तमवलोलयितुमारब्धः। स पश्यति वीतशोकमुपचितहेतुकं चरमभविकम्।
sthaviraśca tamavalolayitumārabdhaḥ/ sa paśyati vītaśokamupacitahetukaṃ caramabhavikam/
Sanskrit only: no published translation is held for this verse.
तेनैवाश्रयेनार्हत्त्वं प्राप्तव्यम्। तेन तस्य प्रव्रज्याया वर्णो भाषितः।
tenaivāśrayenārhattvaṃ prāptavyam/ tena tasya pravrajyāyā varṇo bhāṣitaḥ/
Sanskrit only: no published translation is held for this verse.
तस्य श्रुत्वा स्पृहा जाता--प्रव्रजेयं भगवच्छासने। तत उत्थाय कृताञ्जलिः स्थवितमुवाच--लभेयाहं स्वख्याते धर्मविनये प्रव्रज्यामुपसम्पदं भिक्षुभावम्।
tasya śrutvā spṛhā jātā--pravrajeyaṃ bhagavacchāsane/ tata utthāya kṛtāñjaliḥ sthavitamuvāca--labheyāhaṃ svakhyāte dharmavinaye pravrajyāmupasampadaṃ bhikṣubhāvam/
Sanskrit only: no published translation is held for this verse.
चरेयमहं भवतो ऽन्तिके ब्रह्मचर्यम्।
careyamahaṃ bhavato 'ntike brahmacaryam/
Sanskrit only: no published translation is held for this verse.
स्थविर उवाच--वत्स, राजानमशोकमनुज्ञापयस्वेति। ततो वीतशोको येन राजा अशोकस्तेनोपसंक्रम्य कृताञ्जलिरुवाच--देव, अनुजानीहि माम्।
sthavira uvāca--vatsa, rājānamaśokamanujñāpayasveti/ tato vītaśoko yena rājā aśokastenopasaṃkramya kṛtāñjaliruvāca--deva, anujānīhi mām/
Sanskrit only: no published translation is held for this verse.
प्रव्रजिष्यामि स्वाख्याते धर्मविनये सम्यगेव श्रद्धया अगारादनगारिकाम्।
pravrajiṣyāmi svākhyāte dharmavinaye samyageva śraddhayā agārādanagārikām/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.