<२७६>भूतेषु संसर्गगतेषु नित्यं दृष्ट्वापि मां नैति यथा विकारम्।
<276>bhūteṣu saṃsargagateṣu nityaṃ dṛṣṭvāpi māṃ naiti yathā vikāram/
Sanskrit only: no published translation is held for this verse.
Library·Divyāvadāna·276
Divyāvadāna 276
विवेकवेगाधिगतस्य शङ्के प्रज्ञारसस्यातिरसस्य तृप्तः॥१६॥
vivekavegādhigatasya śaṅke prajñārasasyātirasasya tṛptaḥ//16//
Sanskrit only: no published translation is held for this verse.
अथ राज्ञो ऽशोकस्य राधगुप्तो नामाग्रामात्यः। स पश्यति--आयुष्मतो वीतशोकस्य पांशुकूलं च चीवरं मृण्मयं पात्रम् यावदन्नं भैक्ष्यं लूहप्रणीतम्।
atha rājño 'śokasya rādhagupto nāmāgrāmātyaḥ/ sa paśyati--āyuṣmato vītaśokasya pāṃśukūlaṃ ca cīvaraṃ mṛṇmayaṃ pātram yāvadannaṃ bhaikṣyaṃ lūhapraṇītam/
Sanskrit only: no published translation is held for this verse.
दृष्ट्वा च राज्ञः पादयोर् निपत्य कृताञ्जलिरुवाच--देव, यथा अयमल्पेच्छः संतुष्टश्च, नियतमयं कृतकरणीयो भविष्यति, प्रीतिरुत्पाद्येत।
dṛṣṭvā ca rājñaḥ pādayor nipatya kṛtāñjaliruvāca--deva, yathā ayamalpecchaḥ saṃtuṣṭaśca, niyatamayaṃ kṛtakaraṇīyo bhaviṣyati, prītirutpādyeta/
Sanskrit only: no published translation is held for this verse.
कृतह्?
kṛtah?
Sanskrit only: no published translation is held for this verse.
भैक्षान्नभोजनम् यस्य पांशुकूलं च चीवरम्।
bhaikṣānnabhojanam yasya pāṃśukūlaṃ ca cīvaram/
Sanskrit only: no published translation is held for this verse.
निवासो वृक्षमूलं च तस्यानियतं कथम्॥१७॥
nivāso vṛkṣamūlaṃ ca tasyāniyataṃ katham//17//
Sanskrit only: no published translation is held for this verse.
निराश्रवम् यस्य मनो विशालं निरामयं चोपचितं शरीरम्।
nirāśravam yasya mano viśālaṃ nirāmayaṃ copacitaṃ śarīram/
Sanskrit only: no published translation is held for this verse.
स्वच्छन्दतो जीवितसाधनं च नित्योत्सवं तस्य मनुष्यलोके॥१८॥
svacchandato jīvitasādhanaṃ ca nityotsavaṃ tasya manuṣyaloke//18//
Sanskrit only: no published translation is held for this verse.
श्रुत्वा ततो राजा प्रीतमना उवाच--
śrutvā tato rājā prītamanā uvāca--
Sanskrit only: no published translation is held for this verse.
अपहाय मौर्यवंशं मगधपुरं सर्वरत्ननिचयं च।
apahāya mauryavaṃśaṃ magadhapuraṃ sarvaratnanicayaṃ ca/
Sanskrit only: no published translation is held for this verse.
दृष्ट्वा वंशानिवहं प्रहीणमदमानमोहसारम्भम्॥१९॥
dṛṣṭvā vaṃśānivahaṃ prahīṇamadamānamohasārambham//19//
Sanskrit only: no published translation is held for this verse.
अत्युद्धृतमिव मन्ये यशसा पूतं पुरमिव महं च।
atyuddhṛtamiva manye yaśasā pūtaṃ puramiva mahaṃ ca/
Sanskrit only: no published translation is held for this verse.
प्रतिपद्यतां त्वया दशबलधरशासनमुदारेण॥२०॥
pratipadyatāṃ tvayā daśabaladharaśāsanamudāreṇa//20//
Sanskrit only: no published translation is held for this verse.
अथ राजा अशोकः सर्वाङ्गेन परिगृह्य प्रज्ञप्त एवासने निषादयामास, प्रणीतेन चाहारेण स्वहस्तं संतर्पयति।
atha rājā aśokaḥ sarvāṅgena parigṛhya prajñapta evāsane niṣādayāmāsa, praṇītena cāhāreṇa svahastaṃ saṃtarpayati/
Sanskrit only: no published translation is held for this verse.
भुक्तवन्तं विदित्वा धौतहस्तमपनीतपात्रमायुष्मतो वीतशोकस्य पुरतो निषण्णो धर्मश्रवणाय।
bhuktavantaṃ viditvā dhautahastamapanītapātramāyuṣmato vītaśokasya purato niṣaṇṇo dharmaśravaṇāya/
Sanskrit only: no published translation is held for this verse.
अथायुष्मान् वीतशोको राजानमशोकं धर्म्यया कथया संदर्शयन्नुवाच--
athāyuṣmān vītaśoko rājānamaśokaṃ dharmyayā kathayā saṃdarśayannuvāca--
Sanskrit only: no published translation is held for this verse.
अप्रमादेन संपाद्य राज्यैश्वर्यं प्रवर्तताम्।
apramādena saṃpādya rājyaiśvaryaṃ pravartatām/
Sanskrit only: no published translation is held for this verse.
दुर्लभा त्रीणि रत्नानि नित्यं पूजय पार्थिव॥२१॥
durlabhā trīṇi ratnāni nityaṃ pūjaya pārthiva//21//
Sanskrit only: no published translation is held for this verse.
स यावधर्म्यया कथया संहर्षयित्वा संप्रस्थितः॥
sa yāvadharmyayā kathayā saṃharṣayitvā saṃprasthitaḥ//
Sanskrit only: no published translation is held for this verse.
अथ राजा अशोकः कृतकरपुटः पञ्चभिरमात्यशतैः परिवृतो ऽनेकैश्च पौरजनपदसहस्रैः परिवृतः पुरस्कृत आयुष्मन्तं वीतशोकमनुव्रजितुमारब्धः।
atha rājā aśokaḥ kṛtakarapuṭaḥ pañcabhiramātyaśataiḥ parivṛto 'nekaiśca paurajanapadasahasraiḥ parivṛtaḥ puraskṛta āyuṣmantaṃ vītaśokamanuvrajitumārabdhaḥ/
Sanskrit only: no published translation is held for this verse.
वक्ष्यति हि--
vakṣyati hi--
Sanskrit only: no published translation is held for this verse.
भ्राता ज्येष्ठेन राज्ञा तु गौरवेणानुगम्यते।
bhrātā jyeṣṭhena rājñā tu gauraveṇānugamyate/
Sanskrit only: no published translation is held for this verse.
प्रव्रज्यायाः खलु श्लाध्यं संदृष्टिकमिदं फलम्॥२२॥
pravrajyāyāḥ khalu ślādhyaṃ saṃdṛṣṭikamidaṃ phalam//22//
Sanskrit only: no published translation is held for this verse.