श्रुत्वा राजा मूर्च्छितो भूमौ पतितः। यावज्जलसेकं दत्वा स्थापितः।
śrutvā rājā mūrcchito bhūmau patitaḥ/ yāvajjalasekaṃ datvā sthāpitaḥ/
Sanskrit only: no published translation is held for this verse.
Library·Divyāvadāna·278
Divyāvadāna 278
अमात्यैश्चाभिहितम्--देव, वीतरागाणामप्यत्र पीडा। दीयतां सर्वसत्त्वेष्वभयप्रदानम्।
amātyaiścābhihitam--deva, vītarāgāṇāmapyatra pīḍā/ dīyatāṃ sarvasattveṣvabhayapradānam/
Sanskrit only: no published translation is held for this verse.
यावद्राज्ञा अभयप्रदानं दत्तम्--न भूयः कश्चित् प्रघातयितव्यः॥
yāvadrājñā abhayapradānaṃ dattam--na bhūyaḥ kaścit praghātayitavyaḥ//
Sanskrit only: no published translation is held for this verse.
ततो भिक्षवः संशयजाताः सर्वसंशयच्छेत्तारमायुष्मन्तमुपगुप्तं पृच्छन्ति--किं कर्म कृतमायुष्मता वीतशोकेन यस्य कर्मणो विपाकेन शस्त्रेण प्रघातितह्? स्थविर उवाच--तेन ह्यायुष्मन्तः कर्माणि कृतानि पूर्वमन्यासु जातिषु।
tato bhikṣavaḥ saṃśayajātāḥ sarvasaṃśayacchettāramāyuṣmantamupaguptaṃ pṛcchanti--kiṃ karma kṛtamāyuṣmatā vītaśokena yasya karmaṇo vipākena śastreṇa praghātitah? sthavira uvāca--tena hyāyuṣmantaḥ karmāṇi kṛtāni pūrvamanyāsu jātiṣu/
Sanskrit only: no published translation is held for this verse.
श्रूयताम्--
śrūyatām--
Sanskrit only: no published translation is held for this verse.
भुतपूर्वं भिक्षवो ऽतीते ऽध्वनि अन्यतमो लुब्धो मृगान् प्रघातयित्वा जीविकां कल्पयति।
bhutapūrvaṃ bhikṣavo 'tīte 'dhvani anyatamo lubdho mṛgān praghātayitvā jīvikāṃ kalpayati/
Sanskrit only: no published translation is held for this verse.
अटव्यामुदपानम्। स तत्र लुब्धो गत्वा पाशान् यन्त्रांश्च स्थापयित्वा मृगान् प्रघातयति।
aṭavyāmudapānam/ sa tatra lubdho gatvā pāśān yantrāṃśca sthāpayitvā mṛgān praghātayati/
Sanskrit only: no published translation is held for this verse.
अस्ति बुद्धानामुत्पादे प्रत्येकबुद्धा लोके उत्पद्यन्ते। विस्तरः। अन्यतरः प्रत्येकबुद्धस्तस्मिन्नुदपाने आहारकृत्यं कृत्वा उदपानादुत्तीर्य वृक्षमूले पर्यङ्केन निषण्णः।
asti buddhānāmutpāde pratyekabuddhā loke utpadyante/ vistaraḥ/ anyataraḥ pratyekabuddhastasminnudapāne āhārakṛtyaṃ kṛtvā udapānāduttīrya vṛkṣamūle paryaṅkena niṣaṇṇaḥ/
Sanskrit only: no published translation is held for this verse.
तस्य गन्धेन मृगास्तस्मिन्नुदपाने नाभ्यागताः।
tasya gandhena mṛgāstasminnudapāne nābhyāgatāḥ/
Sanskrit only: no published translation is held for this verse.
स लुब्ध आगत्य पश्यति--नेइव मृगा उदपानमभ्यागताः।
sa lubdha āgatya paśyati--neiva mṛgā udapānamabhyāgatāḥ/
Sanskrit only: no published translation is held for this verse.
पदानुसारेण च तं प्रत्येकबुद्धमभिगतः। दृष्ट्वा चास्य बुद्धिरुत्पन्ना--अनेनैष आदीनव उत्पादितः।
padānusāreṇa ca taṃ pratyekabuddhamabhigataḥ/ dṛṣṭvā cāsya buddhirutpannā--anenaiṣa ādīnava utpāditaḥ/
Sanskrit only: no published translation is held for this verse.
तेनासिं निष्कोषं कृत्वा स प्रत्येकबुद्धः प्रघातितः॥
tenāsiṃ niṣkoṣaṃ kṛtvā sa pratyekabuddhaḥ praghātitaḥ//
Sanskrit only: no published translation is held for this verse.
किं मन्यध्वे आयुष्मन्तह्? यो ऽसौ लुब्धः स एष वीतशोकः। यत्रानेन मेगाः प्रघातिताः, तस्य कर्मणो विपाकेन महान् व्याधिरुत्पन्नः।
kiṃ manyadhve āyuṣmantah? yo 'sau lubdhaḥ sa eṣa vītaśokaḥ/ yatrānena megāḥ praghātitāḥ, tasya karmaṇo vipākena mahān vyādhirutpannaḥ/
Sanskrit only: no published translation is held for this verse.
यत्प्रत्येकबुद्धः शस्त्रेण प्रघातितः, तस्य कर्मणो विपाकेन बहूनि वर्षसहस्राणि नरकेषु दुःखमनुभूय पञ्च जन्मशतानि मनुष्येषूपपन्नः शस्त्रेण प्रघातितः।
yatpratyekabuddhaḥ śastreṇa praghātitaḥ, tasya karmaṇo vipākena bahūni varṣasahasrāṇi narakeṣu duḥkhamanubhūya pañca janmaśatāni manuṣyeṣūpapannaḥ śastreṇa praghātitaḥ/
Sanskrit only: no published translation is held for this verse.
तत्कर्मावशेषेणैतर्हि अर्हत्प्राप्तो ऽपि शस्त्रेण प्रघातितः॥
tatkarmāvaśeṣeṇaitarhi arhatprāpto 'pi śastreṇa praghātitaḥ//
Sanskrit only: no published translation is held for this verse.
किं कर्म कृतम् येनोच्चकुले उपपन्नः, अर्हत्त्वं च प्राप्तम्? स्थविर उवाच--काश्यपे सम्यक्सम्बुद्धे प्रव्रजितो ऽभूत् प्रदानरुचिः।
kiṃ karma kṛtam yenoccakule upapannaḥ, arhattvaṃ ca prāptam? sthavira uvāca--kāśyape samyaksambuddhe pravrajito 'bhūt pradānaruciḥ/
Sanskrit only: no published translation is held for this verse.
तेन दायकदानपतयः संघभक्तं कारापितास्तर्पणानि यवागूपानानि निमन्त्रणकानि।
tena dāyakadānapatayaḥ saṃghabhaktaṃ kārāpitāstarpaṇāni yavāgūpānāni nimantraṇakāni/
Sanskrit only: no published translation is held for this verse.
स्तूपेषु च च्छत्राण्यवरोपितानि, ध्वजाः पताकाः।
stūpeṣu ca cchatrāṇyavaropitāni, dhvajāḥ patākāḥ/
Sanskrit only: no published translation is held for this verse.
गन्धमाल्यपुष्पवादित्रसमुदयेन पूजाः कृताः। तस्य कर्मणो विपाकेनोच्चकुले उपपन्नः।
gandhamālyapuṣpavāditrasamudayena pūjāḥ kṛtāḥ/ tasya karmaṇo vipākenoccakule upapannaḥ/
Sanskrit only: no published translation is held for this verse.
यावद्दशवर्षसहस्राणि ब्रह्मचर्यं चरित्वा सम्यक्प्रणिधानं कृतम्, तस्य कर्मणो विपाकेनार्हत्त्वं प्राप्तमिति॥
yāvaddaśavarṣasahasrāṇi brahmacaryaṃ caritvā samyakpraṇidhānaṃ kṛtam, tasya karmaṇo vipākenārhattvaṃ prāptamiti//
Sanskrit only: no published translation is held for this verse.
इति श्रीदिव्यावदाने वीतशोकावदानमष्टाविंशतिमम्॥
iti śrīdivyāvadāne vītaśokāvadānamaṣṭāviṃśatimam//
Sanskrit only: no published translation is held for this verse.