यावत् स्थविरस्थविरा भिक्षवो ऽनेकविधाभिर्ध्यानसमापत्तिभिः संप्राप्तः।
yāvat sthavirasthavirā bhikṣavo 'nekavidhābhirdhyānasamāpattibhiḥ saṃprāptaḥ/
Sanskrit only: no published translation is held for this verse.
Divyāvadāna 28
पुनरपि पृच्छति--भदन्त पूर्ण, किं भगवानागतह्? आयुष्मान् पूर्णः कथयति--महाराज न भगवान्, अपि तु खलु स्थविरस्थविरा एव ते भिक्षव इति।
punarapi pṛcchati--bhadanta pūrṇa, kiṃ bhagavānāgatah? āyuṣmān pūrṇaḥ kathayati--mahārāja na bhagavān, api tu khalu sthavirasthavirā eva te bhikṣava iti/
Sanskrit only: no published translation is held for this verse.
अथान्यतमोपासकस्तस्यां वेलायां गाथां भाषते--
athānyatamopāsakastasyāṃ velāyāṃ gāthāṃ bhāṣate--
Sanskrit only: no published translation is held for this verse.
सिंहव्याघ्रगजाश्वनागवृषभानाश्रित्य केचित् शुभान् केचिद्रत्नविमानपर्वततरूंश्चित्रान् रथांश्चोज्ज्वलान्।
siṃhavyāghragajāśvanāgavṛṣabhānāśritya kecit śubhān kecidratnavimānaparvatatarūṃścitrān rathāṃścojjvalān/
Sanskrit only: no published translation is held for this verse.
अन्ये तोयधरा इवाम्बरतले विद्युल्लतालंकृता ऋद्ध्या देवपुरीमिव प्रमुदिता गन्तुं समभ्युद्यताः॥१३॥
anye toyadharā ivāmbaratale vidyullatālaṃkṛtā ṛddhyā devapurīmiva pramuditā gantuṃ samabhyudyatāḥ//13//
Sanskrit only: no published translation is held for this verse.
गां भित्त्वा ह्युत्पतन्त्येके पतन्त्यन्त्ये नभस्तलात्।
gāṃ bhittvā hyutpatantyeke patantyantye nabhastalāt/
Sanskrit only: no published translation is held for this verse.
आसने निर्मिताश्चैके पश्य ऋद्धिमतां बलम्॥१४॥ इति॥
āsane nirmitāścaike paśya ṛddhimatāṃ balam//14// iti//
Sanskrit only: no published translation is held for this verse.
ततो भगवान् बहिर्विहारस्य पादौ प्रक्षाल्य विहारं प्रविश्य ऋजुं कायं प्रणिधाय प्रतिमुखं स्मृतिमुपस्थाप्य प्रज्ञप्त एवासने निषण्णः।
tato bhagavān bahirvihārasya pādau prakṣālya vihāraṃ praviśya ṛjuṃ kāyaṃ praṇidhāya pratimukhaṃ smṛtimupasthāpya prajñapta evāsane niṣaṇṇaḥ/
Sanskrit only: no published translation is held for this verse.
यावद् भगवता गन्धकुट्यां साभिसंस्कारं पादो न्यस्तः, षड्विकारः पृथिवीकम्पो जातह्--इयं महापृथिवी चलति संचलति संप्रचलति।
yāvad bhagavatā gandhakuṭyāṃ sābhisaṃskāraṃ pādo nyastaḥ, ṣaḍvikāraḥ pṛthivīkampo jātah--iyaṃ mahāpṛthivī calati saṃcalati saṃpracalati/
Sanskrit only: no published translation is held for this verse.
व्यधति प्रव्यधति संप्रव्यधति। पूर्वदिग्भाग उन्नमति, पश्चिमो ऽवनमति।
vyadhati pravyadhati saṃpravyadhati/ pūrvadigbhāga unnamati, paścimo 'vanamati/
Sanskrit only: no published translation is held for this verse.
पश्चिम उन्नमति, पूर्वो ऽवनमति। दक्षिण उन्नमति, उत्तरो ऽवनमति। उत्तर उन्नमति, दक्षिणो ऽवनमति।
paścima unnamati, pūrvo 'vanamati/ dakṣiṇa unnamati, uttaro 'vanamati/ uttara unnamati, dakṣiṇo 'vanamati/
Sanskrit only: no published translation is held for this verse.
अन्त उन्नमति, मध्यो ऽवनमति। मध्य उन्नमति, अन्तो ऽवनमति। राजा आयुष्मन्तं पूर्णं पृच्छति--आर्य पूर्ण, किमेतत्? स कथयति--महाराज, भगवता गन्धकुट्यां साभिसंस्कारः पादो न्यस्तः, तेन षट्विकारः पृथिवीकम्पो जातः।
anta unnamati, madhyo 'vanamati/ madhya unnamati, anto 'vanamati/ rājā āyuṣmantaṃ pūrṇaṃ pṛcchati--ārya pūrṇa, kimetat? sa kathayati--mahārāja, bhagavatā gandhakuṭyāṃ sābhisaṃskāraḥ pādo nyastaḥ, tena ṣaṭvikāraḥ pṛthivīkampo jātaḥ/
Sanskrit only: no published translation is held for this verse.
ततो भगवता कनकमरीचिवर्णप्रभा उत्सृष्टा यया जम्बुद्वीपो विलीनकनकावभासः संवृत्तः।
tato bhagavatā kanakamarīcivarṇaprabhā utsṛṣṭā yayā jambudvīpo vilīnakanakāvabhāsaḥ saṃvṛttaḥ/
Sanskrit only: no published translation is held for this verse.
पुनरपि राजा विस्मयोत्फुल्ललोचनः पृच्छति--आर्य पूर्ण, इदं किम्? स कथयति--महाराज भगवता कनकमरीचिवर्णप्रभा उत्सृष्टेति॥
punarapi rājā vismayotphullalocanaḥ pṛcchati--ārya pūrṇa, idaṃ kim? sa kathayati--mahārāja bhagavatā kanakamarīcivarṇaprabhā utsṛṣṭeti//
Sanskrit only: no published translation is held for this verse.
ततो भगवान् दान्तो दान्तपरिवारः शान्तः शान्तपरिवारः पञ्चभिरर्हच्छान्तैः सार्धं सूर्पारकाभिमुखः संप्रस्थितः।
tato bhagavān dānto dāntaparivāraḥ śāntaḥ śāntaparivāraḥ pañcabhirarhacchāntaiḥ sārdhaṃ sūrpārakābhimukhaḥ saṃprasthitaḥ/
Sanskrit only: no published translation is held for this verse.
अथ वा जेतवननिवासिनी देवता, सा बकुलशाखां गृहीत्वा भगवतश्छायां कुर्वन्ती पृष्टतः संप्रस्थिता।
atha vā jetavananivāsinī devatā, sā bakulaśākhāṃ gṛhītvā bhagavataśchāyāṃ kurvantī pṛṣṭataḥ saṃprasthitā/
Sanskrit only: no published translation is held for this verse.
तस्या भगवता आशयं धातुं प्रकृतिं च ज्ञात्वा तादृशी चतुरार्यसत्यसम्प्रतिवेधकी धर्मदेशना कृता, यां श्रुत्वा तया देवतया विंशतिशिखरसमुद्गतं सत्कायदृष्टिशैलं ज्ञानवज्रेण भित्त्वा श्रोतापत्तिफलं साक्षात्कृतम्।
tasyā bhagavatā āśayaṃ dhātuṃ prakṛtiṃ ca jñātvā tādṛśī caturāryasatyasamprativedhakī dharmadeśanā kṛtā, yāṃ śrutvā tayā devatayā viṃśatiśikharasamudgataṃ satkāyadṛṣṭiśailaṃ jñānavajreṇa bhittvā śrotāpattiphalaṃ sākṣātkṛtam/
Sanskrit only: no published translation is held for this verse.
यावदन्यतमस्मिन् प्रदेशे पञ्चमात्राणि घरिणीशतानि प्रतिवसन्ति।
yāvadanyatamasmin pradeśe pañcamātrāṇi ghariṇīśatāni prativasanti/
Sanskrit only: no published translation is held for this verse.
अद्राक्षुस्ता बुद्धं भगवन्तं द्वात्रिंशता महापुरुषलक्षणैः समलंकृतमशीत्यानुव्यञ्जनैर्विराजितगात्रं व्यामप्रभालंकृतं सूर्यसहस्रातिरेकप्रभं जङ्गममिव रत्नपर्वतं समन्ततो भद्रकम्।
adrākṣustā buddhaṃ bhagavantaṃ dvātriṃśatā mahāpuruṣalakṣaṇaiḥ samalaṃkṛtamaśītyānuvyañjanairvirājitagātraṃ vyāmaprabhālaṃkṛtaṃ sūryasahasrātirekaprabhaṃ jaṅgamamiva ratnaparvataṃ samantato bhadrakam/
Sanskrit only: no published translation is held for this verse.
सहदर्शनाच्च तासां भगवति महाप्रसाद उत्पन्नः।
sahadarśanācca tāsāṃ bhagavati mahāprasāda utpannaḥ/
Sanskrit only: no published translation is held for this verse.
धर्मतैषा--न तथा द्वादशवर्षाभ्यस्तः शमथश्चित्तस्य कल्यतां जनयति अपुत्रस्य च पुत्रलाभो दरिद्रस्य वा निधिदर्शनं राज्याभिनन्दिनो वा राज्याभिषेको यथोपचितकुशलमूलहेतुकस्य सत्त्वस्य तत्प्रथमतो बुद्धदर्शनम्।
dharmataiṣā--na tathā dvādaśavarṣābhyastaḥ śamathaścittasya kalyatāṃ janayati aputrasya ca putralābho daridrasya vā nidhidarśanaṃ rājyābhinandino vā rājyābhiṣeko yathopacitakuśalamūlahetukasya sattvasya tatprathamato buddhadarśanam/
Sanskrit only: no published translation is held for this verse.
ततो भगवांस्तासां विनयकालमवेक्ष्य पुरस्ताद् भिक्षुसंघस्य <२९>प्रज्ञप्त एवासने निषण्णः।
tato bhagavāṃstāsāṃ vinayakālamavekṣya purastād bhikṣusaṃghasya <29>prajñapta evāsane niṣaṇṇaḥ/
Sanskrit only: no published translation is held for this verse.