Library·Divyāvadāna·280
तस्य सुवर्णभाजनं प्रतिषिद्धम्। रूप्यभाजने आहारमुपनाम्यते, तान्यपि कुर्कुटारामं प्रेषयति।
tasya suvarṇabhājanaṃ pratiṣiddham/ rūpyabhājane āhāramupanāmyate, tānyapi kurkuṭārāmaṃ preṣayati/
Sanskrit only: no published translation is held for this verse.
ततो रूप्यभाजनमपि प्रतिषिद्धम्, यावल्लोहभाजन आहारमुपनाम्यते।
tato rūpyabhājanamapi pratiṣiddham, yāvallohabhājana āhāramupanāmyate/
Sanskrit only: no published translation is held for this verse.
तान्यपि राजा अशोकः कुर्कुटारामं प्रेषयति। तस्य यावन्मृद्भाजन आहारमुपनाम्यते।
tānyapi rājā aśokaḥ kurkuṭārāmaṃ preṣayati/ tasya yāvanmṛdbhājana āhāramupanāmyate/
Sanskrit only: no published translation is held for this verse.
तस्मिंश्च समये राज्ञो ऽशोकस्य अर्धामलकं करान्तरगतम्। अथ राजा अशोकः संविग्नो ऽमात्यान् पौरांश्च संनिपात्य कथयति--कः साम्प्रतं पृथिव्यामीश्वरह्? ततो ऽमात्य उत्थायासनाद्येन राजा अशोकस्तेनाञ्जलिं प्रणम्योवाच--देव, पृथिव्यामीश्वरः।
tasmiṃśca samaye rājño 'śokasya ardhāmalakaṃ karāntaragatam/ atha rājā aśokaḥ saṃvigno 'mātyān paurāṃśca saṃnipātya kathayati--kaḥ sāmprataṃ pṛthivyāmīśvarah? tato 'mātya utthāyāsanādyena rājā aśokastenāñjaliṃ praṇamyovāca--deva, pṛthivyāmīśvaraḥ/
Sanskrit only: no published translation is held for this verse.
अथ राजा अशोकः साश्रुदुर्दिननयनवदनो ऽमात्यानुवाच--
atha rājā aśokaḥ sāśrudurdinanayanavadano 'mātyānuvāca--
Sanskrit only: no published translation is held for this verse.
दाक्षिण्यादनृतं हि किं कथयत भ्रष्टाधिराज्या वयं शेषं त्वामलकार्धमित्यवसितम् यत्र प्रभुत्वं मम।
dākṣiṇyādanṛtaṃ hi kiṃ kathayata bhraṣṭādhirājyā vayaṃ śeṣaṃ tvāmalakārdhamityavasitam yatra prabhutvaṃ mama/
Sanskrit only: no published translation is held for this verse.
एश्वर्यं धिग्नार्यमुद्धतनदीतोयप्रवेशोपमं मर्त्येन्द्रस्य ममापि यत्प्रतिभयं दारिद्र्यमभ्यागतम्॥३॥
eśvaryaṃ dhignāryamuddhatanadītoyapraveśopamaṃ martyendrasya mamāpi yatpratibhayaṃ dāridryamabhyāgatam//3//
Sanskrit only: no published translation is held for this verse.
अथवा को भगवतो वाक्यमन्यथा करिष्यति? संपत्तयो हि सर्वा विपत्तिनिधना इति प्रतिज्ञातम् यदवितथवादिना गौतमेन, न हि तद्विसंवदति॥
athavā ko bhagavato vākyamanyathā kariṣyati? saṃpattayo hi sarvā vipattinidhanā iti pratijñātam yadavitathavādinā gautamena, na hi tadvisaṃvadati//
Sanskrit only: no published translation is held for this verse.
प्रतिशिष्यते ऽस्मन्ने चिरादाज्ञा मम यावती यथा मनसा।
pratiśiṣyate 'smanne cirādājñā mama yāvatī yathā manasā/
Sanskrit only: no published translation is held for this verse.
साद्यैव महाद्रिशिलातलविहतनदीवत् प्रतिनिवृत्ता ॥४॥
sādyaiva mahādriśilātalavihatanadīvat pratinivṛttā //4//
Sanskrit only: no published translation is held for this verse.
आज्ञाप्य व्यवधूतडिम्बडमरामेकातपत्रां महीमुत्पाट्य प्रतिगर्वितानरिगणानाश्वास्य दीनातुरान्।
ājñāpya vyavadhūtaḍimbaḍamarāmekātapatrāṃ mahīmutpāṭya pratigarvitānarigaṇānāśvāsya dīnāturān/
Sanskrit only: no published translation is held for this verse.
भ्रष्टस्वायतनो न भाति कृपणः संप्रत्यशोको नृपह् छिन्नाम्लानविशीर्णपत्रकुसुमः शुष्यत्यशोको यथा॥५॥
bhraṣṭasvāyatano na bhāti kṛpaṇaḥ saṃpratyaśoko nṛpah chinnāmlānaviśīrṇapatrakusumaḥ śuṣyatyaśoko yathā//5//
Sanskrit only: no published translation is held for this verse.
ततो राजा अशोकः समीपो गतं पुरुषमाहूयोवाच--भद्रमुख, पूर्वगुणानुरागाद्भ्रष्टैश्वर्यस्यापि मम इमं तावदपश्चिमं व्यापारं कुरु।
tato rājā aśokaḥ samīpo gataṃ puruṣamāhūyovāca--bhadramukha, pūrvaguṇānurāgādbhraṣṭaiśvaryasyāpi mama imaṃ tāvadapaścimaṃ vyāpāraṃ kuru/
Sanskrit only: no published translation is held for this verse.
इदं ममार्धामलकं ग्रहाय कुर्कुटारामं गत्वा संघे निर्यातय।
idaṃ mamārdhāmalakaṃ grahāya kurkuṭārāmaṃ gatvā saṃghe niryātaya/
Sanskrit only: no published translation is held for this verse.
मद्वचनाच्च संघस्य पादाभिवन्दनं कृत्वा वक्तव्यम्--जम्बुद्वीपैश्वर्यस्य राज्ञ एष साम्प्रतं विभव इति।
madvacanācca saṃghasya pādābhivandanaṃ kṛtvā vaktavyam--jambudvīpaiśvaryasya rājña eṣa sāmprataṃ vibhava iti/
Sanskrit only: no published translation is held for this verse.
इदं तावदपश्चिमं दानं तथा परिभोक्तव्यम् यथा मे संघगता दक्षिणा विस्तीर्णा स्यादिति।
idaṃ tāvadapaścimaṃ dānaṃ tathā paribhoktavyam yathā me saṃghagatā dakṣiṇā vistīrṇā syāditi/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
इदं प्रदानं चरमं ममाद्य राज्यं च तं चैव गतं स्वभावम्।
idaṃ pradānaṃ caramaṃ mamādya rājyaṃ ca taṃ caiva gataṃ svabhāvam/
Sanskrit only: no published translation is held for this verse.
आरोग्यवैद्योषधिवर्जितस्य त्राता न मे ऽस्त्यार्यगणाद्बहिर्धा॥६॥
ārogyavaidyoṣadhivarjitasya trātā na me 'styāryagaṇādbahirdhā//6//
Sanskrit only: no published translation is held for this verse.
ततथा भुज्यताम् येन प्रदानं मम पश्चिमम्।
tatathā bhujyatām yena pradānaṃ mama paścimam/
Sanskrit only: no published translation is held for this verse.
यथा संघगता मे ऽद्य विस्तीर्णा दक्षिणा भवेत्॥७॥
yathā saṃghagatā me 'dya vistīrṇā dakṣiṇā bhavet//7//
Sanskrit only: no published translation is held for this verse.
एवं देवेति स् पुरुषो राज्ञो ऽशोकस्य प्रतिश्रुत्य तदर्धामलकं कुरुकुटारामं गत्वा वृद्धान्ते स्थित्वा कृताञ्जलिस्तदर्धामलकं संघे निर्यातयन्नुवाच--
evaṃ deveti s puruṣo rājño 'śokasya pratiśrutya tadardhāmalakaṃ kurukuṭārāmaṃ gatvā vṛddhānte sthitvā kṛtāñjalistadardhāmalakaṃ saṃghe niryātayannuvāca--
Sanskrit only: no published translation is held for this verse.