Library·Divyāvadāna·282
ततो ऽमात्यैरभिहितम्--किमर्थमिति? राधगुप्त उवाच--एष राज्ञो ऽशोकस्य मनोरथे बभूव--कोटिशतं भगवच्छासेन दानं दास्यामीति।
tato 'mātyairabhihitam--kimarthamiti? rādhagupta uvāca--eṣa rājño 'śokasya manorathe babhūva--koṭiśataṃ bhagavacchāsena dānaṃ dāsyāmīti/
Sanskrit only: no published translation is held for this verse.
तेन षण्णवितिकोट्यो दत्ता यावद्राज्ञ्या प्रतिषिद्धा।
tena ṣaṇṇavitikoṭyo dattā yāvadrājñyā pratiṣiddhā/
Sanskrit only: no published translation is held for this verse.
तदभिप्रायेण राज्ञा महापृथिवी संघे दत्ता। यावदमात्यैश्चतस्रः कोट्यो भगवच्छासने दत्त्वा पृथिवीं निष्क्रीय संपदी राज्ये प्रतिष्ठापितः।
tadabhiprāyeṇa rājñā mahāpṛthivī saṃghe dattā/ yāvadamātyaiścatasraḥ koṭyo bhagavacchāsane dattvā pṛthivīṃ niṣkrīya saṃpadī rājye pratiṣṭhāpitaḥ/
Sanskrit only: no published translation is held for this verse.
संपदेर्बृहस्पतिः पुत्रः, बृहस्पतेर्वृषसेनः, वृषसेनस्य पुष्यधर्मा, पुष्यधर्मणः पुष्यमित्रः।
saṃpaderbṛhaspatiḥ putraḥ, bṛhaspatervṛṣasenaḥ, vṛṣasenasya puṣyadharmā, puṣyadharmaṇaḥ puṣyamitraḥ/
Sanskrit only: no published translation is held for this verse.
सो ऽमात्यानामन्त्रयते--क उअपायः स्याद्यदस्माकं नाम चिरं तिष्ठेत्? नैरभिहितम्--देवस्य च वंशादशोको नांना राजा बभूवेति।
so 'mātyānāmantrayate--ka uapāyaḥ syādyadasmākaṃ nāma ciraṃ tiṣṭhet? nairabhihitam--devasya ca vaṃśādaśoko nāṃnā rājā babhūveti/
Sanskrit only: no published translation is held for this verse.
तेन चतुरशीतिधर्मराजिकासहस्रं प्रतिष्ठापितम्।
tena caturaśītidharmarājikāsahasraṃ pratiṣṭhāpitam/
Sanskrit only: no published translation is held for this verse.
यावद्भगवच्छासनं प्राप्यते, तावत्तस्य यशः स्थास्यति।
yāvadbhagavacchāsanaṃ prāpyate, tāvattasya yaśaḥ sthāsyati/
Sanskrit only: no published translation is held for this verse.
देवो ऽपि चतुरशीतिधर्मराजिकासहस्रं प्रतिष्ठापयतु। राजा आह--महेशाख्यो राजा अशोको बभूव।
devo 'pi caturaśītidharmarājikāsahasraṃ pratiṣṭhāpayatu/ rājā āha--maheśākhyo rājā aśoko babhūva/
Sanskrit only: no published translation is held for this verse.
अन्यः कश्चिदुपाय इति? तस्य ब्राह्मणपुरोहितः पृथग्जनो ऽश्राद्धः।
anyaḥ kaścidupāya iti? tasya brāhmaṇapurohitaḥ pṛthagjano 'śrāddhaḥ/
Sanskrit only: no published translation is held for this verse.
तेनाभिहितम्--देव, द्वाभ्यां कारणाभ्यां नाम चिरं स्थास्यति। यावद्राजा पुष्यमित्रश्चतुरङ्गबलकायं संनाहयित्वा भगवच्छासनं विनाशयिष्यामीति कुक्कुटारामं निर्गतः।
tenābhihitam--deva, dvābhyāṃ kāraṇābhyāṃ nāma ciraṃ sthāsyati/ yāvadrājā puṣyamitraścaturaṅgabalakāyaṃ saṃnāhayitvā bhagavacchāsanaṃ vināśayiṣyāmīti kukkuṭārāmaṃ nirgataḥ/
Sanskrit only: no published translation is held for this verse.
द्वारे च सिंहनादो मुक्तः।
dvāre ca siṃhanādo muktaḥ/
Sanskrit only: no published translation is held for this verse.
यावत्स राजा भीतः पाटलिपुत्रं प्रविष्टः। एवं द्विरपि त्रिरपि। यावद्भिक्षूंश्च संघमाहूय कथयति--भगवच्छासनं नाशायिष्यामीति।
yāvatsa rājā bhītaḥ pāṭaliputraṃ praviṣṭaḥ/ evaṃ dvirapi trirapi/ yāvadbhikṣūṃśca saṃghamāhūya kathayati--bhagavacchāsanaṃ nāśāyiṣyāmīti/
Sanskrit only: no published translation is held for this verse.
किमिच्छथ स्तूपं संघारामान् वा? भिक्षुभिः परिगृहीताः।
kimicchatha stūpaṃ saṃghārāmān vā? bhikṣubhiḥ parigṛhītāḥ/
Sanskrit only: no published translation is held for this verse.
यावत्पुष्यमित्रो यावत् संघारामं भिक्षूंश्च प्रघातयन् प्रस्थितः।
yāvatpuṣyamitro yāvat saṃghārāmaṃ bhikṣūṃśca praghātayan prasthitaḥ/
Sanskrit only: no published translation is held for this verse.
स यावच्छाकलमनुप्राप्तः। तेनाभिहितम्--यो मे श्रमणशिरो दास्यति, तस्याहं दीनारशतं दास्यामि।
sa yāvacchākalamanuprāptaḥ/ tenābhihitam--yo me śramaṇaśiro dāsyati, tasyāhaṃ dīnāraśataṃ dāsyāmi/
Sanskrit only: no published translation is held for this verse.
धर्मराजिकावार्हद्बुद्ध्या(?) शिरो दातुमारब्धम्। श्रुत्वा च राजा अर्हत्प्रघातयितुमारब्धः।
dharmarājikāvārhadbuddhyā(?) śiro dātumārabdham/ śrutvā ca rājā arhatpraghātayitumārabdhaḥ/
Sanskrit only: no published translation is held for this verse.
स च निरोधं समापन्नः। तस्य परोपकर्मो न क्रमते। स यत्नमुत्सृज्य यावत्कोष्ठकं गतः।
sa ca nirodhaṃ samāpannaḥ/ tasya paropakarmo na kramate/ sa yatnamutsṛjya yāvatkoṣṭhakaṃ gataḥ/
Sanskrit only: no published translation is held for this verse.
दंष्ठ्रानिवासी यक्षश्चिन्तयति--इदं भगवच्छासनं विनश्यति। अहं च शिक्षां धारयामि।
daṃṣṭhrānivāsī yakṣaścintayati--idaṃ bhagavacchāsanaṃ vinaśyati/ ahaṃ ca śikṣāṃ dhārayāmi/
Sanskrit only: no published translation is held for this verse.
न मया शक्यं कस्यचिदप्रियं कर्तुम्। तस्य दुहिता कृमिशेन यक्षेण याच्यते, न चानुप्रयच्छति--त्वं पापकर्मकारीति।
na mayā śakyaṃ kasyacidapriyaṃ kartum/ tasya duhitā kṛmiśena yakṣeṇa yācyate, na cānuprayacchati--tvaṃ pāpakarmakārīti/
Sanskrit only: no published translation is held for this verse.
यावत्सा दुहिता तेन कृमिशस्य दत्ता भगवच्छासनपरित्राणार्यं परिग्रहपरिपालनार्थं च।
yāvatsā duhitā tena kṛmiśasya dattā bhagavacchāsanaparitrāṇāryaṃ parigrahaparipālanārthaṃ ca/
Sanskrit only: no published translation is held for this verse.
पुष्यमित्रस्य राज्ञः पृष्ठतो यक्षो महान् प्रमाणे यूयम्(?)।
puṣyamitrasya rājñaḥ pṛṣṭhato yakṣo mahān pramāṇe yūyam(?)/
Sanskrit only: no published translation is held for this verse.
तस्यानुभावात्स राजा न प्रतिहन्यते। यावद्दंष्ट्रानिवासी यक्षस्तं पुष्यमित्रानुबन्धयक्षं ग्रहाय पर्वतचर्ये ऽचरत्।
tasyānubhāvātsa rājā na pratihanyate/ yāvaddaṃṣṭrānivāsī yakṣastaṃ puṣyamitrānubandhayakṣaṃ grahāya parvatacarye 'carat/
Sanskrit only: no published translation is held for this verse.
यावद्दक्षिणा महासमुद्रं गतः। कृमिशेन च यक्षेण महान्तं पर्वतमानयित्वा पुष्यमित्रो राजा सबलवाहनो ऽवष्टब्धः।
yāvaddakṣiṇā mahāsamudraṃ gataḥ/ kṛmiśena ca yakṣeṇa mahāntaṃ parvatamānayitvā puṣyamitro rājā sabalavāhano 'vaṣṭabdhaḥ/
Sanskrit only: no published translation is held for this verse.
तस्य मुनिहत इति संज्ञा व्यवस्थापिता। यदा पुष्यमित्रो राजा प्रघातितस्तदा मौर्यवंशः समुच्छिन्नः॥
tasya munihata iti saṃjñā vyavasthāpitā/ yadā puṣyamitro rājā praghātitastadā mauryavaṃśaḥ samucchinnaḥ//
Sanskrit only: no published translation is held for this verse.
इति श्रीदिव्यावदाने अशोकावदानं समाप्तम्॥
iti śrīdivyāvadāne aśokāvadānaṃ samāptam//
Sanskrit only: no published translation is held for this verse.