Library·Divyāvadāna·285
<२८५>आगत्य अस्य ह्रदस्य चतसृषु दिक्षु खदिरशलाकान्निखन्य नानारङ्गैः सूत्रैर्वेष्टयित्वा मन्त्रानावर्तयिष्यति।
<285>āgatya asya hradasya catasṛṣu dikṣu khadiraśalākānnikhanya nānāraṅgaiḥ sūtrairveṣṭayitvā mantrānāvartayiṣyati/
Sanskrit only: no published translation is held for this verse.
तत्र त्वया प्रच्छन्ने संनिकृष्टे स्थातव्यम्। यदा तेनायमेवम्रूपः प्रयोगः कृतो भवति, तदा ह्रदमध्यात् क्वथमानं पानीयमुत्थास्यति अहं चोत्थास्यामि।
tatra tvayā pracchanne saṃnikṛṣṭe sthātavyam/ yadā tenāyamevamrūpaḥ prayogaḥ kṛto bhavati, tadā hradamadhyāt kvathamānaṃ pānīyamutthāsyati ahaṃ cotthāsyāmi/
Sanskrit only: no published translation is held for this verse.
तदा त्वयासौ अहितुण्डिकः शरेण मर्मणि ताडयितव्यः, आशु चोपसंक्रम्य वक्तव्यह्--मन्त्रानुपसंहर।
tadā tvayāsau ahituṇḍikaḥ śareṇa marmaṇi tāḍayitavyaḥ, āśu copasaṃkramya vaktavyah--mantrānupasaṃhara/
Sanskrit only: no published translation is held for this verse.
मा ते उत्कृत्तमूलं शिरः कृत्वा पृथिव्यां निपातयिष्यामीति।
mā te utkṛttamūlaṃ śiraḥ kṛtvā pṛthivyāṃ nipātayiṣyāmīti/
Sanskrit only: no published translation is held for this verse.
यद्यसौ मन्त्राननुपसंहृत्य प्राणैर्वियोक्ष्यते, मृतं ते ऽहम् यावज्जीवं मन्त्रपाशब्द्धः स्यामिति।
yadyasau mantrānanupasaṃhṛtya prāṇairviyokṣyate, mṛtaṃ te 'ham yāvajjīvaṃ mantrapāśabddhaḥ syāmiti/
Sanskrit only: no published translation is held for this verse.
लुब्धकः प्राह--यदि तवैकस्यैवं गुणः स्यात्, तथाप्यहमेवं कुर्याम्, प्रागेव सराजकस्य राष्ट्रस्य।
lubdhakaḥ prāha--yadi tavaikasyaivaṃ guṇaḥ syāt, tathāpyahamevaṃ kuryām, prāgeva sarājakasya rāṣṭrasya/
Sanskrit only: no published translation is held for this verse.
गच्छ, अहं ते त्रातेति।
gaccha, ahaṃ te trāteti/
Sanskrit only: no published translation is held for this verse.
ततस्तेन नागपोतकेन तस्यैकपार्श्वे गुप्तस्थानमुपदर्शितम्। यावदसौ लुब्धकः सप्तमे दिवसे प्रतिगुप्ते प्रदेशे आत्मानं गोपयित्वा अवस्थितः।
tatastena nāgapotakena tasyaikapārśve guptasthānamupadarśitam/ yāvadasau lubdhakaḥ saptame divase pratigupte pradeśe ātmānaṃ gopayitvā avasthitaḥ/
Sanskrit only: no published translation is held for this verse.
स चाहितुण्डिक आगत्य बल्युपहारं कर्तुमारब्धः।
sa cāhituṇḍika āgatya balyupahāraṃ kartumārabdhaḥ/
Sanskrit only: no published translation is held for this verse.
तेन चतसृषु दिक्षु चत्वारः खदिरकीलका निखाताः। नानारङ्गैः सूत्रैर्वेष्टयित्वा मन्त्रा आवर्तिताः।
tena catasṛṣu dikṣu catvāraḥ khadirakīlakā nikhātāḥ/ nānāraṅgaiḥ sūtrairveṣṭayitvā mantrā āvartitāḥ/
Sanskrit only: no published translation is held for this verse.
लुब्धकेन च शरेण मर्मणि ताडितः।
lubdhakena ca śareṇa marmaṇi tāḍitaḥ/
Sanskrit only: no published translation is held for this verse.
निष्कोशं चासिं कृत्वा अभिहितह्--त्वमस्मद्विषयनिवासिनं नागपोतमपहरसि।
niṣkośaṃ cāsiṃ kṛtvā abhihitah--tvamasmadviṣayanivāsinaṃ nāgapotamapaharasi/
Sanskrit only: no published translation is held for this verse.
मा ते उत्कृत्तमूलं शिरः कृत्वा पृथिव्यां निपातयामीति। ततो ऽहितुण्डिकेन दुःखवेदनाभिभूतेन मरणभयभीतेन मन्त्रा व्यावर्तिताः।
mā te utkṛttamūlaṃ śiraḥ kṛtvā pṛthivyāṃ nipātayāmīti/ tato 'hituṇḍikena duḥkhavedanābhibhūtena maraṇabhayabhītena mantrā vyāvartitāḥ/
Sanskrit only: no published translation is held for this verse.
तत्समनन्तरं च लुब्धकेन जीविताद् व्यपरोपितः।
tatsamanantaraṃ ca lubdhakena jīvitād vyaparopitaḥ/
Sanskrit only: no published translation is held for this verse.
ततो नागो मन्त्रपाशविनिर्मुक्तो ह्रदादभ्युद्गम्य लुब्धकं परिष्वक्तवान्, एवं चाह--त्वं मे माता, त्वं मे पिता, यन्मया त्वामागम्य मातापितृवियोगजं दुःखं नोत्पन्नम्।
tato nāgo mantrapāśavinirmukto hradādabhyudgamya lubdhakaṃ pariṣvaktavān, evaṃ cāha--tvaṃ me mātā, tvaṃ me pitā, yanmayā tvāmāgamya mātāpitṛviyogajaṃ duḥkhaṃ notpannam/
Sanskrit only: no published translation is held for this verse.
आगच्छ, भवनं गच्छामः। तेनासौ भवनं नीतः, नानाविधेन चान्नपानेन संतर्पितः, रत्नानि चोपदर्शितानि, मातापित्रोश्च निवेदितः।
āgaccha, bhavanaṃ gacchāmaḥ/ tenāsau bhavanaṃ nītaḥ, nānāvidhena cānnapānena saṃtarpitaḥ, ratnāni copadarśitāni, mātāpitrośca niveditaḥ/
Sanskrit only: no published translation is held for this verse.
अम्ब तात--एष मे सुहृच्छरणं बान्धवः।
amba tāta--eṣa me suhṛccharaṇaṃ bāndhavaḥ/
Sanskrit only: no published translation is held for this verse.
अस्यानुभावाद्युष्माभिः सह वियोगो न जात इति। ताभ्यामसौ वरेण प्रवारितो विविधानि च रत्नानि दत्तानि।
asyānubhāvādyuṣmābhiḥ saha viyogo na jāta iti/ tābhyāmasau vareṇa pravārito vividhāni ca ratnāni dattāni/
Sanskrit only: no published translation is held for this verse.
स तान्यादाय तस्माद् ह्रदाद् व्युथितः। तस्य च ह्रदस्य नातिदूरे पुष्पफलसलिलसम्पन्ने नानाशकुनिकूजिते ऋषेरग्रमाश्रमपदम्।
sa tānyādāya tasmād hradād vyuthitaḥ/ tasya ca hradasya nātidūre puṣpaphalasalilasampanne nānāśakunikūjite ṛṣeragramāśramapadam/
Sanskrit only: no published translation is held for this verse.
तत्र च नागपोतकेन सार्धं वृत्तकं तत्सर्वं विस्तरेण समाख्यातम्।
tatra ca nāgapotakena sārdhaṃ vṛttakaṃ tatsarvaṃ vistareṇa samākhyātam/
Sanskrit only: no published translation is held for this verse.
तत ऋषिः कथयति--किं रत्नैः किं वा ते सुवर्णेन? तस्य भवने ऽमोघो नां पाशस्तिष्ठति, तम् याचस्व।
tata ṛṣiḥ kathayati--kiṃ ratnaiḥ kiṃ vā te suvarṇena? tasya bhavane 'mogho nāṃ pāśastiṣṭhati, tam yācasva/
Sanskrit only: no published translation is held for this verse.
ततो लुब्धको ऽमोघपाशे संजाततृष्णह् ऋषिवचनमुपश्रुत्य पुनरपि नागभवनं गतः।
tato lubdhako 'moghapāśe saṃjātatṛṣṇah ṛṣivacanamupaśrutya punarapi nāgabhavanaṃ gataḥ/
Sanskrit only: no published translation is held for this verse.
यावत्पश्यति भवनद्वारे तममोघपाशम्।
yāvatpaśyati bhavanadvāre tamamoghapāśam/
Sanskrit only: no published translation is held for this verse.
तस्यैतदभवत्--एष स पाशो यो मया प्रार्थनीयः। इति विदित्वा नागभवनं प्रविष्टः। ततो जन्मचित्रेण नागपोतकेन अन्यैश्च नागैः ससम्भ्रमैः प्रतिसंमोदितो रत्नैश्च प्रवारितः।
tasyaitadabhavat--eṣa sa pāśo yo mayā prārthanīyaḥ/ iti viditvā nāgabhavanaṃ praviṣṭaḥ/ tato janmacitreṇa nāgapotakena anyaiśca nāgaiḥ sasambhramaiḥ pratisaṃmodito ratnaiśca pravāritaḥ/
Sanskrit only: no published translation is held for this verse.
स कथयति--अलं मम रत्नैः।
sa kathayati--alaṃ mama ratnaiḥ/
Sanskrit only: no published translation is held for this verse.
किं तु एतममोघपाशं प्रयच्छथेति। स नाग आह--तवानेन किं प्रयोजनम्? यदा गरुत्मतोपद्रुता भवामः, तदा अनेनात्मानं रक्षामः।
kiṃ tu etamamoghapāśaṃ prayacchatheti/ sa nāga āha--tavānena kiṃ prayojanam? yadā garutmatopadrutā bhavāmaḥ, tadā anenātmānaṃ rakṣāmaḥ/
Sanskrit only: no published translation is held for this verse.
लुब्धक आह--युष्माकमेष कदाचित् कर्हिचित् गरुत्मतोपद्रुतानामुपयोगं गच्छति।
lubdhaka āha--yuṣmākameṣa kadācit karhicit garutmatopadrutānāmupayogaṃ gacchati/
Sanskrit only: no published translation is held for this verse.
मम तु अनेन सततमेव प्रयोजनम्।
mama tu anena satatameva prayojanam/
Sanskrit only: no published translation is held for this verse.
यदस्ति कृतमुपकृतं च, अनुप्रयच्छेति। जन्मचित्रस्य नागपोतकस्यैतदभवत्--ममानेन बहूपकृतम्।
yadasti kṛtamupakṛtaṃ ca, anuprayaccheti/ janmacitrasya nāgapotakasyaitadabhavat--mamānena bahūpakṛtam/
Sanskrit only: no published translation is held for this verse.
मातापितरौ अवलोक्य ददामीति। तेन् मातापितरौ अवलोक्य स पाशो दत्तः।
mātāpitarau avalokya dadāmīti/ ten mātāpitarau avalokya sa pāśo dattaḥ/
Sanskrit only: no published translation is held for this verse.
ततो ऽसौ लुब्धकः पृथिवीलब्धप्रख्येन सुखसौमनस्येनाप्यायितमना अमोघपाशमादाय नागभवनादभ्युद्गम्य स्वगृहं गतः॥
tato 'sau lubdhakaḥ pṛthivīlabdhaprakhyena sukhasaumanasyenāpyāyitamanā amoghapāśamādāya nāgabhavanādabhyudgamya svagṛhaṃ gataḥ//
Sanskrit only: no published translation is held for this verse.