आह च--
āha ca--
Sanskrit only: no published translation is held for this verse.
Library·Divyāvadāna·289
Divyāvadāna 289
दृष्ट्वा च तां सुधन इन्दुसमान्वक्त्रां प्रावृडघनान्तरविनिश्चरितेव विद्युत।
dṛṣṭvā ca tāṃ sudhana indusamānvaktrāṃ prāvṛḍaghanāntaraviniścariteva vidyuta/
Sanskrit only: no published translation is held for this verse.
तत्स्नेहमन्मथविलाससमुद्भवेन सद्यः स चेतसि नु रागशरेण विद्धः॥२॥
tatsnehamanmathavilāsasamudbhavena sadyaḥ sa cetasi nu rāgaśareṇa viddhaḥ//2//
Sanskrit only: no published translation is held for this verse.
स तामतिमनोहरां गृहीत्वा हस्तिनापुरं गतः। स च लुब्धः पञ्चग्रामवरेणाच्छादितः।
sa tāmatimanoharāṃ gṛhītvā hastināpuraṃ gataḥ/ sa ca lubdhaḥ pañcagrāmavareṇācchāditaḥ/
Sanskrit only: no published translation is held for this verse.
ततः सुधनो राजकुमारो मनोहरया रूपयौवनगुणेन सुघनः कुमारोनेकैश्चोपचारशतैस्तथा अपहृतो यथा मुहूर्तमपि तां न जहाति।
tataḥ sudhano rājakumāro manoharayā rūpayauvanaguṇena sughanaḥ kumāronekaiścopacāraśataistathā apahṛto yathā muhūrtamapi tāṃ na jahāti/
Sanskrit only: no published translation is held for this verse.
यावदपरेण समयेन जेतवनाद्द्वौ ब्राह्मणौ अभ्यागतौ।
yāvadapareṇa samayena jetavanāddvau brāhmaṇau abhyāgatau/
Sanskrit only: no published translation is held for this verse.
तत्रैको राजानां संश्रितः, द्वितीयः सुधनं कुमारम्। यो राजानं संश्रितः, स राज्ञा पुरोहितः स्थापितो भोगैश्च संविभक्तः।
tatraiko rājānāṃ saṃśritaḥ, dvitīyaḥ sudhanaṃ kumāram/ yo rājānaṃ saṃśritaḥ, sa rājñā purohitaḥ sthāpito bhogaiśca saṃvibhaktaḥ/
Sanskrit only: no published translation is held for this verse.
यस्तु सुधनं कुमारम्, स भोगमात्रेण संविभक्तः।
yastu sudhanaṃ kumāram, sa bhogamātreṇa saṃvibhaktaḥ/
Sanskrit only: no published translation is held for this verse.
स कथयति--यथा तव सहायो ब्राह्मणो मम पित्रा पौरोहित्ये ऽवस्थापितः, एवमहं त्वामपि पौरोहित्ये स्थापयामीति।
sa kathayati--yathā tava sahāyo brāhmaṇo mama pitrā paurohitye 'vasthāpitaḥ, evamahaṃ tvāmapi paurohitye sthāpayāmīti/
Sanskrit only: no published translation is held for this verse.
एष च वृत्तान्तस्तेन ब्राह्मणेन कर्णपरम्परया श्रुतः। तस्यैतदभवत्--अहं तथा करिष्ये, यथा कुमारो राज्यमेव नासादयिष्यति, कुतस्तं पुरोहितं स्थापयिष्यतीति? यावदपरेण समयेन तस्य राज्ञो विजिते ऽन्यतमः कार्वटिकः प्रतिविरुद्धः, तस्य समुच्छित्तये एको दण्डः प्रेषितः।
eṣa ca vṛttāntastena brāhmaṇena karṇaparamparayā śrutaḥ/ tasyaitadabhavat--ahaṃ tathā kariṣye, yathā kumāro rājyameva nāsādayiṣyati, kutastaṃ purohitaṃ sthāpayiṣyatīti? yāvadapareṇa samayena tasya rājño vijite 'nyatamaḥ kārvaṭikaḥ prativiruddhaḥ, tasya samucchittaye eko daṇḍaḥ preṣitaḥ/
Sanskrit only: no published translation is held for this verse.
स हतविहतविध्वस्तः प्रत्यागतः। एवम् यावत्सप्त, ये दण्डाः प्रेषिताः, ते ऽपि हस्तविध्वस्ताः प्रत्यागताः।
sa hatavihatavidhvastaḥ pratyāgataḥ/ evam yāvatsapta, ye daṇḍāḥ preṣitāḥ, te 'pi hastavidhvastāḥ pratyāgatāḥ/
Sanskrit only: no published translation is held for this verse.
अमात्यै राजा विज्ञापितः सर्वो ऽसौ आहूयतामिति।
amātyai rājā vijñāpitaḥ sarvo 'sau āhūyatāmiti/
Sanskrit only: no published translation is held for this verse.
ब्राह्मण पुरोहितः संलक्षयति--अयं स कुमारस्य वधोपायकाल इति। तेन राजा विज्ञप्तह्--देव, नैवमसौ शक्यः संनामयितुम्।
brāhmaṇa purohitaḥ saṃlakṣayati--ayaṃ sa kumārasya vadhopāyakāla iti/ tena rājā vijñaptah--deva, naivamasau śakyaḥ saṃnāmayitum/
Sanskrit only: no published translation is held for this verse.
राजा कथयति--किं मया स्वयं गन्तव्यम्? पुरोहितः कथयति--किमर्थं देवः स्वयं गच्छति? अयं सुधनः कुमारो युवा बलदर्पयुक्तः।
rājā kathayati--kiṃ mayā svayaṃ gantavyam? purohitaḥ kathayati--kimarthaṃ devaḥ svayaṃ gacchati? ayaṃ sudhanaḥ kumāro yuvā baladarpayuktaḥ/
Sanskrit only: no published translation is held for this verse.
एष दण्डसहायः प्रेष्यतामिति। राजा कथयति--एवमस्त्विति। ततो राजा कुमारमाहूय कथयति--गच्छ कुमार, दण्डसहायः कार्वटिकं संनामय।
eṣa daṇḍasahāyaḥ preṣyatāmiti/ rājā kathayati--evamastviti/ tato rājā kumāramāhūya kathayati--gaccha kumāra, daṇḍasahāyaḥ kārvaṭikaṃ saṃnāmaya/
Sanskrit only: no published translation is held for this verse.
एवं देवेति सुधनः कुमारो राज्ञः प्रतिश्रुत्य अन्तःपुरं प्रविष्टः।
evaṃ deveti sudhanaḥ kumāro rājñaḥ pratiśrutya antaḥpuraṃ praviṣṭaḥ/
Sanskrit only: no published translation is held for this verse.
मनोहरादर्शनाच्चास्य सर्वं विस्मृतम्। पुनरपि राज्ञा अभिहितह्--पुनरपि तद्दर्शनात्सर्वं विस्मृतम्।
manoharādarśanāccāsya sarvaṃ vismṛtam/ punarapi rājñā abhihitah--punarapi taddarśanātsarvaṃ vismṛtam/
Sanskrit only: no published translation is held for this verse.
पुरोहितेन चाभिहितह्--देव, सुधनः कुमारो मनोहरया अतीव सक्तो न शक्यते प्रेषयितुम्।
purohitena cābhihitah--deva, sudhanaḥ kumāro manoharayā atīva sakto na śakyate preṣayitum/
Sanskrit only: no published translation is held for this verse.
राजा कथयति--साधनं सज्जं क्रियताम्। निर्गतः कुमारो ऽन्तःपुरात् प्रेषयितव्यो यथा मनोहरायाः सकाशं न प्रतिवसतीति।
rājā kathayati--sādhanaṃ sajjaṃ kriyatām/ nirgataḥ kumāro 'ntaḥpurāt preṣayitavyo yathā manoharāyāḥ sakāśaṃ na prativasatīti/
Sanskrit only: no published translation is held for this verse.
एवं देवेति अमात्यै राज्ञः प्रतिश्रुत्य बलौघो हस्त्यश्वरथपदातिसम्पन्नो ऽनकप्रहरणोपकरणयुक्तः सज्जीकृतः।
evaṃ deveti amātyai rājñaḥ pratiśrutya balaugho hastyaśvarathapadātisampanno 'nakapraharaṇopakaraṇayuktaḥ sajjīkṛtaḥ/
Sanskrit only: no published translation is held for this verse.
ततः कुमारो निर्गतह् उक्तह्--गच्छ कुमार, सज्जो बलौघ इति। स कथयति--देव, गमिष्यामि <२९०>मनोहरां दृष्ट्वा।
tataḥ kumāro nirgatah uktah--gaccha kumāra, sajjo balaugha iti/ sa kathayati--deva, gamiṣyāmi <290>manoharāṃ dṛṣṭvā/
Sanskrit only: no published translation is held for this verse.