ता अपि भगवतः पादौ शिरसा वन्दित्वैकान्ते निषण्णाः। ततो भगवता तासामाशयानुशयं धातुं प्रकृतिं च ज्ञात्वा यावत् स्रोताअपत्तिफलं साक्षात्कृतम्।
tā api bhagavataḥ pādau śirasā vanditvaikānte niṣaṇṇāḥ/ tato bhagavatā tāsāmāśayānuśayaṃ dhātuṃ prakṛtiṃ ca jñātvā yāvat srotāapattiphalaṃ sākṣātkṛtam/
Sanskrit only: no published translation is held for this verse.
ता दृष्टसत्यास् त्रिरुदानमुदानयन्ति--इदमस्माकं भदन्त न मात्रा कृतं न पित्रा कृतं न राज्ञा नेष्टस्वजनबन्धुवर्गेण न देवताभिर् न पूर्वप्रेतैर् न श्रमणब्राह्मणैर्यद् भगवतास्माकं तत्कृतम्।
tā dṛṣṭasatyās trirudānamudānayanti--idamasmākaṃ bhadanta na mātrā kṛtaṃ na pitrā kṛtaṃ na rājñā neṣṭasvajanabandhuvargeṇa na devatābhir na pūrvapretair na śramaṇabrāhmaṇairyad bhagavatāsmākaṃ tatkṛtam/
Sanskrit only: no published translation is held for this verse.
उच्छोषिता रुधिराश्रुसमुद्राः, लङ्घिता अस्थिपर्वताः, पिहितान्यपायद्वाराणि, प्रतिष्ठापिता वयं देवमनुष्येषु अतिक्रान्तातिक्रान्ताः।
ucchoṣitā rudhirāśrusamudrāḥ, laṅghitā asthiparvatāḥ, pihitānyapāyadvārāṇi, pratiṣṭhāpitā vayaṃ devamanuṣyeṣu atikrāntātikrāntāḥ/
Sanskrit only: no published translation is held for this verse.
एता वयं भगवतं शरणं गच्छामो धर्मं च भिक्षुसंघं च।
etā vayaṃ bhagavataṃ śaraṇaṃ gacchāmo dharmaṃ ca bhikṣusaṃghaṃ ca/
Sanskrit only: no published translation is held for this verse.
उपासिकाश्चास्मान् भगवान् धारयतु। तत उत्थायासनात् येन भगवांस्तेनाञ्जलिं प्रणम्य भगवन्तमिदमवोचन्--अहो बत भगवानस्माकं किंचिदत्र प्रयच्छेत् यत्र वयं कारां करिष्यामः।
upāsikāścāsmān bhagavān dhārayatu/ tata utthāyāsanāt yena bhagavāṃstenāñjaliṃ praṇamya bhagavantamidamavocan--aho bata bhagavānasmākaṃ kiṃcidatra prayacchet yatra vayaṃ kārāṃ kariṣyāmaḥ/
Sanskrit only: no published translation is held for this verse.
ततो भगवता ऋद्ध्या केशनखमुत्सृष्टम्। ताभिर्भगवतः केशनखस्तूपः प्रतिष्ठापितः।
tato bhagavatā ṛddhyā keśanakhamutsṛṣṭam/ tābhirbhagavataḥ keśanakhastūpaḥ pratiṣṭhāpitaḥ/
Sanskrit only: no published translation is held for this verse.
ततस्तया जेतवननिवासिन्या तस्मिन् स्तूपे यष्ट्यां सा बकुलशाखारोपिता। भगवांश्चोक्तह्--भगवन्, अहमस्मिन् स्तूपे कारां कुर्वन्ती तिष्ठामीति।
tatastayā jetavananivāsinyā tasmin stūpe yaṣṭyāṃ sā bakulaśākhāropitā/ bhagavāṃścoktah--bhagavan, ahamasmin stūpe kārāṃ kurvantī tiṣṭhāmīti/
Sanskrit only: no published translation is held for this verse.
सा तत्रैव आस्थिता।
sā tatraiva āsthitā/
Sanskrit only: no published translation is held for this verse.
तत्र केचित् घरिणीस्तूप इति संजानते, केचित् बकुलमेधीति, यमद्यापि चैत्यवन्दका भिकवो वन्दन्ते।
tatra kecit ghariṇīstūpa iti saṃjānate, kecit bakulamedhīti, yamadyāpi caityavandakā bhikavo vandante/
Sanskrit only: no published translation is held for this verse.
ततो भगवान् संप्रस्थितः॥
tato bhagavān saṃprasthitaḥ//
Sanskrit only: no published translation is held for this verse.
यावदन्यस्मिन्नाश्रमपदे पञ्च ऋषिशतानि प्रतिवसन्ति। तत्तेषामाश्रमपदं पुष्पफलसलिलसम्पन्नम्।
yāvadanyasminnāśramapade pañca ṛṣiśatāni prativasanti/ tatteṣāmāśramapadaṃ puṣpaphalasalilasampannam/
Sanskrit only: no published translation is held for this verse.
ते तेन मदेन मत्ता न किंचिन्मन्यन्ते। ततो भगवांस्तेषां विनयकालमवेक्ष्य तदाश्रमपदमुपसंक्रान्तः।
te tena madena mattā na kiṃcinmanyante/ tato bhagavāṃsteṣāṃ vinayakālamavekṣya tadāśramapadamupasaṃkrāntaḥ/
Sanskrit only: no published translation is held for this verse.
उपसंक्रम्य तस्मादाश्रमपदात् पुष्पफलमृद्ध्या शामितम्, सलिलं शोषितम्, हरितशाड्वलं कृष्णं स्थण्डिलानि पातितानि।
upasaṃkramya tasmādāśramapadāt puṣpaphalamṛddhyā śāmitam, salilaṃ śoṣitam, haritaśāḍvalaṃ kṛṣṇaṃ sthaṇḍilāni pātitāni/
Sanskrit only: no published translation is held for this verse.
ततस्ते ऋषयः करे कपोलं दत्त्वा चिन्तापरा व्यवस्थिताः।
tataste ṛṣayaḥ kare kapolaṃ dattvā cintāparā vyavasthitāḥ/
Sanskrit only: no published translation is held for this verse.
ततो भगवता अभिहिताह्--महर्षयः, किमर्थं चिन्तापरास्तिष्ठतेति। ते कथयन्ति--भगवंस्त्वं द्विपादकं पुण्यक्षेत्रमिह प्रविष्टो ऽस्माकं चेदृशी समवस्था।
tato bhagavatā abhihitāh--maharṣayaḥ, kimarthaṃ cintāparāstiṣṭhateti/ te kathayanti--bhagavaṃstvaṃ dvipādakaṃ puṇyakṣetramiha praviṣṭo 'smākaṃ cedṛśī samavasthā/
Sanskrit only: no published translation is held for this verse.
भगवानाह--किम्? ते कथयन्ति--भगवन्, पुष्पफलसलिलसम्पन्नमाश्रमपदं विनष्टम् यथापौराणं भवतु।
bhagavānāha--kim? te kathayanti--bhagavan, puṣpaphalasalilasampannamāśramapadaṃ vinaṣṭam yathāpaurāṇaṃ bhavatu/
Sanskrit only: no published translation is held for this verse.
भवतु इत्याह भगवान्। ततो भगवता ऋद्धिः प्रस्रब्धा, यथापौराणं संवृत्तम्। ततस्ते परं विस्मयमुपगता भगवति चित्तमभिप्रसादयामासुः।
bhavatu ityāha bhagavān/ tato bhagavatā ṛddhiḥ prasrabdhā, yathāpaurāṇaṃ saṃvṛttam/ tataste paraṃ vismayamupagatā bhagavati cittamabhiprasādayāmāsuḥ/
Sanskrit only: no published translation is held for this verse.
ततो भगवता तेषामाशयानुशयं धातुं प्रकृतिं च ज्ञात्वा तादृशी चतुरार्यसत्यसम्प्रतिवेधिकी धर्मदेशना कृता, यां श्रुत्वा तैः पञ्चभिरृषिशतैरनागामिफलं साक्षात्कृतम्, ऋद्धिश्चाभिनिर्हृता।
tato bhagavatā teṣāmāśayānuśayaṃ dhātuṃ prakṛtiṃ ca jñātvā tādṛśī caturāryasatyasamprativedhikī dharmadeśanā kṛtā, yāṃ śrutvā taiḥ pañcabhirṛṣiśatairanāgāmiphalaṃ sākṣātkṛtam, ṛddhiścābhinirhṛtā/
Sanskrit only: no published translation is held for this verse.
ततो येन भगवांस्तेनाञ्जलिं प्रणम्य भगवन्तमिदमवोचन्--लभेम वयं भदन्त स्वाख्याते धर्मविनये प्रव्रज्यामुपसम्पदं भिक्षुभावम्।
tato yena bhagavāṃstenāñjaliṃ praṇamya bhagavantamidamavocan--labhema vayaṃ bhadanta svākhyāte dharmavinaye pravrajyāmupasampadaṃ bhikṣubhāvam/
Sanskrit only: no published translation is held for this verse.
चरेम वयं भगवतो ऽन्तिके ब्रह्मचर्यम्। ततस्ते भगवता एहिभिक्षुकया आभाषिताह्--एत भिक्षवश्चरत ब्रह्मचर्यमिति।
carema vayaṃ bhagavato 'ntike brahmacaryam/ tataste bhagavatā ehibhikṣukayā ābhāṣitāh--eta bhikṣavaścarata brahmacaryamiti/
Sanskrit only: no published translation is held for this verse.
भगवतो वाचावसाने मुण्डाः संवृत्ताः संघाटिप्रावृताः पात्रकरव्यग्रहस्ताः सप्ताहावरोपितकेशश्मश्रवो वर्षशतोपसम्पन्नस्य भिक्षोरीर्यापथेन अवस्थिताः।
bhagavato vācāvasāne muṇḍāḥ saṃvṛttāḥ saṃghāṭiprāvṛtāḥ pātrakaravyagrahastāḥ saptāhāvaropitakeśaśmaśravo varṣaśatopasampannasya bhikṣorīryāpathena avasthitāḥ/
Sanskrit only: no published translation is held for this verse.
एहीति चोक्ता हि तथागतेन मुण्डाश्च संघाटिपरीतदेहाः।
ehīti coktā hi tathāgatena muṇḍāśca saṃghāṭiparītadehāḥ/
Sanskrit only: no published translation is held for this verse.
सद्यः प्रशान्तेन्द्रिया एव तस्थुरेवं स्थिता बुद्धमनोरथेन॥१५॥
sadyaḥ praśāntendriyā eva tasthurevaṃ sthitā buddhamanorathena//15//
Sanskrit only: no published translation is held for this verse.