<२९४>संतप्तदेहो ऽस्मि मनोहरां विना कुतो ममेदं व्यसनं समागतम्॥१९॥ इति।
<294>saṃtaptadeho 'smi manoharāṃ vinā kuto mamedaṃ vyasanaṃ samāgatam//19// iti/
Sanskrit only: no published translation is held for this verse.
Library·Divyāvadāna·294
Divyāvadāna 294
सा कथयति--पुत्र, कृच्छ्रसंकटसम्बाधप्राप्ता मनोहरेति मया प्रतिमुक्ता। अम्ब, यथा कथम्? तया यथावृत्तं विस्तरेण समाख्यातम्।
sā kathayati--putra, kṛcchrasaṃkaṭasambādhaprāptā manohareti mayā pratimuktā/ amba, yathā katham? tayā yathāvṛttaṃ vistareṇa samākhyātam/
Sanskrit only: no published translation is held for this verse.
स पितुर् नैर्गुण्यमकृतज्ञतां च ज्ञात्वा कथयति--कुत्र गता कतरेण वा पथेति? सा कथयति--
sa pitur nairguṇyamakṛtajñatāṃ ca jñātvā kathayati--kutra gatā katareṇa vā patheti? sā kathayati--
Sanskrit only: no published translation is held for this verse.
एषो ऽसौ पर्वतशैल ऋषिसंघनिषेवितः।
eṣo 'sau parvataśaila ṛṣisaṃghaniṣevitaḥ/
Sanskrit only: no published translation is held for this verse.
उषितो धर्मराजेन यत्र याता मनोहरा॥२०॥ इति।
uṣito dharmarājena yatra yātā manoharā//20// iti/
Sanskrit only: no published translation is held for this verse.
स मनोहरावियोगदुःखार्तः कृच्छ्रं विललाप, करुणं परिदेवते--
sa manoharāviyogaduḥkhārtaḥ kṛcchraṃ vilalāpa, karuṇaṃ paridevate--
Sanskrit only: no published translation is held for this verse.
मनोहरां न पश्यामि मनोरथगुणैर्युताम्।
manoharāṃ na paśyāmi manorathaguṇairyutām/
Sanskrit only: no published translation is held for this verse.
साधुरूपसमायुक्ता क्व गता मे मनोहरा॥२१॥
sādhurūpasamāyuktā kva gatā me manoharā//21//
Sanskrit only: no published translation is held for this verse.
मनसा संप्रधावामि मनो मे संप्रमुह्यते।
manasā saṃpradhāvāmi mano me saṃpramuhyate/
Sanskrit only: no published translation is held for this verse.
हृदयं दह्यते चैव रहितस्य तया भृशम्॥२२॥
hṛdayaṃ dahyate caiva rahitasya tayā bhṛśam//22//
Sanskrit only: no published translation is held for this verse.
मनोभिरामा च मनोहरा च मनोनुकूला च मनोरतिश्च।
manobhirāmā ca manoharā ca manonukūlā ca manoratiśca/
Sanskrit only: no published translation is held for this verse.
संतप्तदेहो ऽस्मि मनोहरां विना कुतो ममेदं व्यसनं समागतम्॥२३॥ इति।
saṃtaptadeho 'smi manoharāṃ vinā kuto mamedaṃ vyasanaṃ samāgatam//23// iti/
Sanskrit only: no published translation is held for this verse.
ततो मात्रा अभिहितह्--पुत्र, सन्त्यस्मिन्नन्तःपुरे तद्विशिष्टतराः स्त्रियः। किमर्थं शोकस् त्रियत इति? कुमारः कथयति--कुतो मे रतिरनुप्राप्यतामिति? स तया समाश्वास्यमानो ऽपि शोकसंतापसंतप्तस्तस्याः प्रवृत्तिं समन्वेषमाण इतश्चामुतश्च परिभ्रमितुमारब्धः।
tato mātrā abhihitah--putra, santyasminnantaḥpure tadviśiṣṭatarāḥ striyaḥ/ kimarthaṃ śokas triyata iti? kumāraḥ kathayati--kuto me ratiranuprāpyatāmiti? sa tayā samāśvāsyamāno 'pi śokasaṃtāpasaṃtaptastasyāḥ pravṛttiṃ samanveṣamāṇa itaścāmutaśca paribhramitumārabdhaḥ/
Sanskrit only: no published translation is held for this verse.
तस्य बुद्धिरुत्पन्ना--यत एव लब्धस्तमेव तावत्पृच्छामि।
tasya buddhirutpannā--yata eva labdhastameva tāvatpṛcchāmi/
Sanskrit only: no published translation is held for this verse.
स हलकस्य सकाशं गतः पृच्छति--मनोहरा कुतस्त्वया लब्धेति? स कथयति--अमुष्मिन् प्रदेशे ऋषिः प्रतिवसति।
sa halakasya sakāśaṃ gataḥ pṛcchati--manoharā kutastvayā labdheti? sa kathayati--amuṣmin pradeśe ṛṣiḥ prativasati/
Sanskrit only: no published translation is held for this verse.
तस्याश्रमपदे ब्रह्मसभा नाम पुष्किरिणी।
tasyāśramapade brahmasabhā nāma puṣkiriṇī/
Sanskrit only: no published translation is held for this verse.
तस्यां स्नातुमवतीर्णा ऋषिव्यपदेशेन लब्धेति। स संलक्षयति--ऋषिरिदानीमभिगन्तव्यः, तस्मात्प्रवृत्तिर्भविष्यतीति।
tasyāṃ snātumavatīrṇā ṛṣivyapadeśena labdheti/ sa saṃlakṣayati--ṛṣiridānīmabhigantavyaḥ, tasmātpravṛttirbhaviṣyatīti/
Sanskrit only: no published translation is held for this verse.
एष च वृत्तान्तो राज्ञा श्रुतह्--मनोहरावियोगात्कुमारो ऽतीव विक्लव इति।
eṣa ca vṛttānto rājñā śrutah--manoharāviyogātkumāro 'tīva viklava iti/
Sanskrit only: no published translation is held for this verse.
ततो राज्ञा अभिहितह्--कुमार, किमसि विक्लवह्? इदानीं तद्विशिष्टतरमन्तःपुरं व्यवस्थापयिष्यामीति।
tato rājñā abhihitah--kumāra, kimasi viklavah? idānīṃ tadviśiṣṭataramantaḥpuraṃ vyavasthāpayiṣyāmīti/
Sanskrit only: no published translation is held for this verse.
स कथयति--तात, न शक्यं मया तामनानीय अन्तःपुरस्थेन भवितुम्।
sa kathayati--tāta, na śakyaṃ mayā tāmanānīya antaḥpurasthena bhavitum/
Sanskrit only: no published translation is held for this verse.
स राज्ञा बह्वप्युच्यमानो न निवर्तते। ततो राज्ञा नगरप्राकारशृङ्गेष्वारक्षकाः पुरुषाः स्थापिताः, यथा कुमारो न निष्कासतीति।
sa rājñā bahvapyucyamāno na nivartate/ tato rājñā nagaraprākāraśṛṅgeṣvārakṣakāḥ puruṣāḥ sthāpitāḥ, yathā kumāro na niṣkāsatīti/
Sanskrit only: no published translation is held for this verse.
कुमारः कृत्स्नां रात्रिं जागर्तुकामः।
kumāraḥ kṛtsnāṃ rātriṃ jāgartukāmaḥ/
Sanskrit only: no published translation is held for this verse.
उक्तं च--पञ्चेमे रात्र्या अल्पं स्वपन्ति बहु जागार्ति। कतमे पञ्च पुरुषाह्? स्त्रियामवेक्ष्य(पेक्षा?)वान् प्रतिबद्धचित्तः।
uktaṃ ca--pañceme rātryā alpaṃ svapanti bahu jāgārti/ katame pañca puruṣāh? striyāmavekṣya(pekṣā?)vān pratibaddhacittaḥ/
Sanskrit only: no published translation is held for this verse.
स्त्रीपुरुष उत्कोशः, ऋणी, चौरसेनापतिः, भिक्षुश्चालब्धवीर्य इति।
strīpuruṣa utkośaḥ, ṛṇī, caurasenāpatiḥ, bhikṣuścālabdhavīrya iti/
Sanskrit only: no published translation is held for this verse.
अथ कुमारस्यैतदभवत्--यदि द्वारेण यास्यामि, राजा द्वारपालकान् रक्षकांश्च दण्डेनोत्सादयिष्यति।
atha kumārasyaitadabhavat--yadi dvāreṇa yāsyāmi, rājā dvārapālakān rakṣakāṃśca daṇḍenotsādayiṣyati/
Sanskrit only: no published translation is held for this verse.
यन्न्वहमरक्षितेन पथा गच्छेयमिति। स रात्र्या व्युत्थाय नीलोत्पलमालाबद्धशिरा<२९५> येन रक्षिणः पुरुषा न सन्ति, तेन तां मालां ध्वजे बद्ध्वा अवतीर्णः।
yannvahamarakṣitena pathā gaccheyamiti/ sa rātryā vyutthāya nīlotpalamālābaddhaśirā<295> yena rakṣiṇaḥ puruṣā na santi, tena tāṃ mālāṃ dhvaje baddhvā avatīrṇaḥ/
Sanskrit only: no published translation is held for this verse.