Library·Divyāvadāna·298

Divyāvadāna 298

Divy 298.1

<२९८>किं भो महार्णवजलं न विगाहितव्यं किं सर्पदष्ट इति नैव चिकित्सनीयः॥

<298>kiṃ bho mahārṇavajalaṃ na vigāhitavyaṃ kiṃ sarpadaṣṭa iti naiva cikitsanīyaḥ//

Sanskrit only: no published translation is held for this verse.

Divy 298.3

वीर्यं भजेत्सुमहदूर्जितसत्त्वदृष्टम् यत्ने कृते यदि न सिद्ध्यति को ऽत्र दोषः॥४२॥ इति।

vīryaṃ bhajetsumahadūrjitasattvadṛṣṭam yatne kṛte yadi na siddhyati ko 'tra doṣaḥ//42// iti/

Sanskrit only: no published translation is held for this verse.

Divy 298.5

ततः सुधनः कुमारो मनोहरोपदिष्टेन संप्रस्थितः। अनुपूर्वेण पर्वतनदीगुहाप्रपातादीनि भैषज्यमन्त्रागदप्रयोगेण विनिर्जित्य द्रुमस्य किन्नरराजस्य भवनसमीपं गतः।

tataḥ sudhanaḥ kumāro manoharopadiṣṭena saṃprasthitaḥ/ anupūrveṇa parvatanadīguhāprapātādīni bhaiṣajyamantrāgadaprayogeṇa vinirjitya drumasya kinnararājasya bhavanasamīpaṃ gataḥ/

Sanskrit only: no published translation is held for this verse.

Divy 298.7

कुमारो ऽपश्यन्नगरमदूरं श्रीमदुद्यानोपशोभितं नानापुष्पफलोपेतं नानाविहगसेवितं तडागदीर्घिकावापिकिन्नरैः समुपावृतम्।

kumāro 'paśyannagaramadūraṃ śrīmadudyānopaśobhitaṃ nānāpuṣpaphalopetaṃ nānāvihagasevitaṃ taḍāgadīrghikāvāpikinnaraiḥ samupāvṛtam/

Sanskrit only: no published translation is held for this verse.

Divy 298.8

किन्नरीस्तत्र चापश्यत् पानीयार्थमुपगताः। ततस्ताः सुधनकुमारेणाभिहिताह्--किमनेन बहुना पानीयेन क्रियत इति? ताः कथयन्ति--अस्ति द्रुमस्य किन्नरराजस्य दुहिता मनोहरा नाम।

kinnarīstatra cāpaśyat pānīyārthamupagatāḥ/ tatastāḥ sudhanakumāreṇābhihitāh--kimanena bahunā pānīyena kriyata iti? tāḥ kathayanti--asti drumasya kinnararājasya duhitā manoharā nāma/

Sanskrit only: no published translation is held for this verse.

Divy 298.10

सा मनुष्यहस्तगता बभूव। तस्याः स मनुष्यगन्धो नश्यति।

sā manuṣyahastagatā babhūva/ tasyāḥ sa manuṣyagandho naśyati/

Sanskrit only: no published translation is held for this verse.

Divy 298.11

सुधनः कुमारः पृच्छति--किमेते घटाः समस्ताः सर्वे तस्या उपरि निपात्यन्ते, आहोस्विदनुपूर्वेणेति? ताः कथयन्ति--अनुपूर्व्या।

sudhanaḥ kumāraḥ pṛcchati--kimete ghaṭāḥ samastāḥ sarve tasyā upari nipātyante, āhosvidanupūrveṇeti? tāḥ kathayanti--anupūrvyā/

Sanskrit only: no published translation is held for this verse.

Divy 298.12

स संलक्षयति--शोभनो ऽयमुपायः।

sa saṃlakṣayati--śobhano 'yamupāyaḥ/

Sanskrit only: no published translation is held for this verse.

Divy 298.13

इमामङ्गुलिमुद्रामेकस्मिन् घटे प्रक्षिपामीति। तेनैकस्याः किन्नर्या घटे ऽनालक्षितं प्रक्षिप्ता।

imāmaṅgulimudrāmekasmin ghaṭe prakṣipāmīti/ tenaikasyāḥ kinnaryā ghaṭe 'nālakṣitaṃ prakṣiptā/

Sanskrit only: no published translation is held for this verse.

Divy 298.14

सा च किन्नरी अभिहिता--अनेन त्वया घटेन मनोहरा तत्प्रथमतरं स्नापयितव्या। सा संलक्षयति--नूनमत्र कार्येण भवितव्यम्।

sā ca kinnarī abhihitā--anena tvayā ghaṭena manoharā tatprathamataraṃ snāpayitavyā/ sā saṃlakṣayati--nūnamatra kāryeṇa bhavitavyam/

Sanskrit only: no published translation is held for this verse.

Divy 298.15

ततस्तयासौ घटः प्रथमतरं मनोहराया मूर्ध्नि निपातितो यावदङ्गुलिमुद्रा उत्सङ्गे निपतिता।

tatastayāsau ghaṭaḥ prathamataraṃ manoharāyā mūrdhni nipātito yāvadaṅgulimudrā utsaṅge nipatitā/

Sanskrit only: no published translation is held for this verse.

Divy 298.16

सा मनोहरया प्रत्यभिज्ञाता। ततः किन्नरीं पृच्छति--मा तत्र कश्चिन्मनुष्यो ऽभ्यागतह्? सा आह--उभ्याग्तः।

sā manoharayā pratyabhijñātā/ tataḥ kinnarīṃ pṛcchati--mā tatra kaścinmanuṣyo 'bhyāgatah? sā āha--ubhyāgtaḥ/

Sanskrit only: no published translation is held for this verse.

Divy 298.17

गच्छ, एनं प्रच्छन्नं प्रवेशय।

gaccha, enaṃ pracchannaṃ praveśaya/

Sanskrit only: no published translation is held for this verse.

Divy 298.18

तया प्रवेशितः, सुगुप्ते प्रदेशे स्थापितः। ततो मनोहरा पितुः पादयोर् निपत्य कथयति--तात, यद्यसौ सुधनः कुमार आगच्छेत्, येनाहं हृता, तस्य त्वं किं कुर्याह्? स कथयति--तमहं खण्डशतं कृत्वा चतसृषु शिक्षु क्षिपेयम्।

tayā praveśitaḥ, sugupte pradeśe sthāpitaḥ/ tato manoharā pituḥ pādayor nipatya kathayati--tāta, yadyasau sudhanaḥ kumāra āgacchet, yenāhaṃ hṛtā, tasya tvaṃ kiṃ kuryāh? sa kathayati--tamahaṃ khaṇḍaśataṃ kṛtvā catasṛṣu śikṣu kṣipeyam/

Sanskrit only: no published translation is held for this verse.

Divy 298.20

मनुष्यो ऽसौ, किं तेनेति। मनोहरा कथयति--तात, मनुष्यभूतस्य कुत इहागमनम्? अहमेवं ब्रवीमीति।

manuṣyo 'sau, kiṃ teneti/ manoharā kathayati--tāta, manuṣyabhūtasya kuta ihāgamanam? ahamevaṃ bravīmīti/

Sanskrit only: no published translation is held for this verse.

Divy 298.21

ततो द्रुमस्य किन्नरराजस्य पर्यवस्थानो विगतः।

tato drumasya kinnararājasya paryavasthāno vigataḥ/

Sanskrit only: no published translation is held for this verse.

Divy 298.22

ततो विगतपर्यवस्थानः कथयति--यद्यसौ कुमार आगच्छेत्, तस्याहं त्वां सर्वालंकारविभूषितां प्रभूतचित्रोपकरणैः किन्नरीसहस्रपरिवृतां भार्यार्थं दद्यामिति।

tato vigataparyavasthānaḥ kathayati--yadyasau kumāra āgacchet, tasyāhaṃ tvāṃ sarvālaṃkāravibhūṣitāṃ prabhūtacitropakaraṇaiḥ kinnarīsahasraparivṛtāṃ bhāryārthaṃ dadyāmiti/

Sanskrit only: no published translation is held for this verse.

Divy 298.24

ततो मनोहरया हृष्टतुष्टप्रमुदितया सुधनं कुमारो दिव्यालंकारविभूषितो द्रुमस्य किन्नरराजस्योपदर्शितः।

tato manoharayā hṛṣṭatuṣṭapramuditayā sudhanaṃ kumāro divyālaṃkāravibhūṣito drumasya kinnararājasyopadarśitaḥ/

Sanskrit only: no published translation is held for this verse.

Divy 298.25

ततो द्रुमः किन्न्नरराजः सुधनं कुमारं ददर्श अभिरूपं दर्शनीयं प्रसादिकं परमया शुभवर्णपुष्कलतया समन्वागतम्।

tato drumaḥ kinnnararājaḥ sudhanaṃ kumāraṃ dadarśa abhirūpaṃ darśanīyaṃ prasādikaṃ paramayā śubhavarṇapuṣkalatayā samanvāgatam/

Sanskrit only: no published translation is held for this verse.

Divy 298.26

दृष्ट्वा च पुनः परं विस्मयमुपगतः।

dṛṣṭvā ca punaḥ paraṃ vismayamupagataḥ/