Divyāvadāna 299

<२९९>संदर्शय धनुर्वेदे दृटलक्षादिकौशलम्।

<299>saṃdarśaya dhanurvede dṛṭalakṣādikauśalam/

Sanskrit only: no published translation is held for this verse.

ततः कीर्तिपताकेयं तवायत्ता मनोहरा॥४५॥

tataḥ kīrtipatākeyaṃ tavāyattā manoharā//45//

Sanskrit only: no published translation is held for this verse.

सुधनकुमारो बोधिसत्त्वः। कुशलाश्च भवन्ति बोधिसत्त्वास्तेषु शिल्पस्थानकर्मस्थानेषु।

sudhanakumāro bodhisattvaḥ/ kuśalāśca bhavanti bodhisattvāsteṣu śilpasthānakarmasthāneṣu/

Sanskrit only: no published translation is held for this verse.

देवताश्चैषामौत्सुक्यमापत्स्यन्ते अविघ्नभावाय। ततो बोधिसत्त्वो नृत्तगीतवीणापणवसुघोषकवल्लरीमृदङ्गादिनानाविधेन दैवतोपसंहृतेन वादित्रविशेषेण समन्तादापूर्यमाणे ऽनेकैः किन्नरसहस्रैः पतिवृतः।

devatāścaiṣāmautsukyamāpatsyante avighnabhāvāya/ tato bodhisattvo nṛttagītavīṇāpaṇavasughoṣakavallarīmṛdaṅgādinānāvidhena daivatopasaṃhṛtena vāditraviśeṣeṇa samantādāpūryamāṇe 'nekaiḥ kinnarasahasraiḥ pativṛtaḥ/

Sanskrit only: no published translation is held for this verse.

शतक्रतुसमादिष्टैर्यक्षैः सूकररूपिभिः।

śatakratusamādiṣṭairyakṣaiḥ sūkararūpibhiḥ/

Sanskrit only: no published translation is held for this verse.

उत्पाटिते शरवने समे व्युप्तं तिलाडकम्॥४६॥

utpāṭite śaravane same vyuptaṃ tilāḍakam//46//

Sanskrit only: no published translation is held for this verse.

एकीकृतं समुच्चित्य शक्रसृष्टैः पिपीलकैः।

ekīkṛtaṃ samuccitya śakrasṛṣṭaiḥ pipīlakaiḥ/

Sanskrit only: no published translation is held for this verse.

कुमारः किन्नरेन्द्राय विस्मिताय न्यवेदयत्॥४७॥

kumāraḥ kinnarendrāya vismitāya nyavedayat//47//

Sanskrit only: no published translation is held for this verse.

नीलोत्पलदलाभेनासिना गृहीतेन पश्यतो द्रुमस्य किन्नरराजस्य सौवर्णस्तम्भसमीपं गत्वा तान् स्तम्भान् कदलीच्छेदेन खण्डखण्डं छेत्तुमारब्धः।

nīlotpaladalābhenāsinā gṛhītena paśyato drumasya kinnararājasya sauvarṇastambhasamīpaṃ gatvā tān stambhān kadalīcchedena khaṇḍakhaṇḍaṃ chettumārabdhaḥ/

Sanskrit only: no published translation is held for this verse.

ततस्तांस् तिलशो ऽवकीर्य सप्त तालान् सप्त भेरीः सप्त च सूकरान् बाणेन विध्य सुमेरुवदकम्प्यो ऽवस्थितः।

tatastāṃs tilaśo 'vakīrya sapta tālān sapta bherīḥ sapta ca sūkarān bāṇena vidhya sumeruvadakampyo 'vasthitaḥ/

Sanskrit only: no published translation is held for this verse.

ततो गगनतलस्थाभिर्देवताभिश्च किन्नरशतसहस्रैर्हाहाकारकिलिकिलाप्रक्ष्वेडोच्चैर् नादो मुक्तः, यं दृष्ट्वा च किन्नरराजः परं विस्मयमुपगतः।

tato gaganatalasthābhirdevatābhiśca kinnaraśatasahasrairhāhākārakilikilāprakṣveḍoccair nādo muktaḥ, yaṃ dṛṣṭvā ca kinnararājaḥ paraṃ vismayamupagataḥ/

Sanskrit only: no published translation is held for this verse.

ततः किन्नरीसहस्रस्य मनोहरासमानरूपस्य मध्ये मनोहरां स्थापयित्वा सुधनः कुमारो ऽभिहितह्--एहि कुमार, प्रत्यभिजानासि मनोहरामिति? ततः सुधनः कुमारस्तां प्रत्यभिज्ञाय गाथाभिगीतेनोक्तवान्--

tataḥ kinnarīsahasrasya manoharāsamānarūpasya madhye manoharāṃ sthāpayitvā sudhanaḥ kumāro 'bhihitah--ehi kumāra, pratyabhijānāsi manoharāmiti? tataḥ sudhanaḥ kumārastāṃ pratyabhijñāya gāthābhigītenoktavān--

Sanskrit only: no published translation is held for this verse.

यथा द्रुमस्य दुहिता ममेह त्वं मनोहरा।

yathā drumasya duhitā mameha tvaṃ manoharā/

Sanskrit only: no published translation is held for this verse.

शीघ्रमेतेन सत्येन पदं व्रज मनोहरे॥४८॥

śīghrametena satyena padaṃ vraja manohare//48//

Sanskrit only: no published translation is held for this verse.

ततः सा द्रुतपदमभिक्रान्ता। किन्नराः कथयन्ति--देव, अयं सुधनः कुमारो बलवीर्यपराक्रमसमन्वितो मनोहरायाः प्रतिरूपः।

tataḥ sā drutapadamabhikrāntā/ kinnarāḥ kathayanti--deva, ayaṃ sudhanaḥ kumāro balavīryaparākramasamanvito manoharāyāḥ pratirūpaḥ/

Sanskrit only: no published translation is held for this verse.

किमर्थं विप्रलभ्य? दीयतामस्य मनोहरेति।

kimarthaṃ vipralabhya? dīyatāmasya manohareti/

Sanskrit only: no published translation is held for this verse.

ततो द्रुमः किन्नरराजः किन्नरगणेन संवर्णितः सुधनं किन्नराभिमेतेन महता सत्कारेण पुरस्कृत्य मनोहरां दिव्यालंकारविभूषितां वामेन पाणिना गृहीत्वा दक्षिणेन सौवर्णभृङ्गारं सुधनं कुमारमभिहितह्--कुमार, एषा ते मनोहरा किन्नरीपतिवृता भार्यार्थाय दत्ता।

tato drumaḥ kinnararājaḥ kinnaragaṇena saṃvarṇitaḥ sudhanaṃ kinnarābhimetena mahatā satkāreṇa puraskṛtya manoharāṃ divyālaṃkāravibhūṣitāṃ vāmena pāṇinā gṛhītvā dakṣiṇena sauvarṇabhṛṅgāraṃ sudhanaṃ kumāramabhihitah--kumāra, eṣā te manoharā kinnarīpativṛtā bhāryārthāya dattā/

Sanskrit only: no published translation is held for this verse.

अपरिचिता मानुषाः, यथैनां न परित्यक्षसीति।

aparicitā mānuṣāḥ, yathaināṃ na parityakṣasīti/

Sanskrit only: no published translation is held for this verse.

परं तातेति सुधनः कुमारो द्रुमस्य किन्नरराजस्य प्रतिश्रुत्य किन्नरभवनस्थो मनोहरया सार्धं निष्पुरुषेण तूर्येण क्रीडते रमते परिचारयति।

paraṃ tāteti sudhanaḥ kumāro drumasya kinnararājasya pratiśrutya kinnarabhavanastho manoharayā sārdhaṃ niṣpuruṣeṇa tūryeṇa krīḍate ramate paricārayati/

Sanskrit only: no published translation is held for this verse.

सो ऽपरेण समयेन स्वदेशमनुस्मृत्य मातापितृवियोगजेन दुःखेनात्याहतो मनोहराया निवेदयति--मातापितृवियोगजं मे दुःखं बाधत इति।

so 'pareṇa samayena svadeśamanusmṛtya mātāpitṛviyogajena duḥkhenātyāhato manoharāyā nivedayati--mātāpitṛviyogajaṃ me duḥkhaṃ bādhata iti/

Sanskrit only: no published translation is held for this verse.

ततो मनोहरया एष वृत्तान्तो विस्तरेण पितुर् निवेदितः।

tato manoharayā eṣa vṛttānto vistareṇa pitur niveditaḥ/

Sanskrit only: no published translation is held for this verse.

स कथयति--गच्छ कुमारेण सार्धम्। अपक्रान्तया ते भवितव्यम्। विप्रलम्भका मनुष्याः।

sa kathayati--gaccha kumāreṇa sārdham/ apakrāntayā te bhavitavyam/ vipralambhakā manuṣyāḥ/

Sanskrit only: no published translation is held for this verse.

ततो द्रुमेण किन्नरराजेन प्रभूतं मणिमुक्तासुवर्णादीन् दत्त्वा अनुप्रेषितः। स मनोहरया सार्धमुपरिविहायसा किन्नरखगपथेन संप्रस्थितः।

tato drumeṇa kinnararājena prabhūtaṃ maṇimuktāsuvarṇādīn dattvā anupreṣitaḥ/ sa manoharayā sārdhamuparivihāyasā kinnarakhagapathena saṃprasthitaḥ/

Sanskrit only: no published translation is held for this verse.

अनुपूर्वेण हस्तिनापुरनगरमनुप्राप्तह्<३००>।

anupūrveṇa hastināpuranagaramanuprāptah<300>/

Sanskrit only: no published translation is held for this verse.