<३०>तैर्युज्यमानैर्घटमानैर्व्यायच्छमानैरिदमेव पञ्चगण्डकं पूर्ववत् यावदभिवाद्याश्च संवृत्ताः।
<30>tairyujyamānairghaṭamānairvyāyacchamānairidameva pañcagaṇḍakaṃ pūrvavat yāvadabhivādyāśca saṃvṛttāḥ/
Sanskrit only: no published translation is held for this verse.
यस्तेषाम् ऋषिरववादकः स कथयति--भगवन्, मया अनेन वेषेण महाजनकायो विप्रलब्धः। तम् यावदभिप्रसादयामि पश्चात् प्रव्रजिष्यामीति।
yasteṣām ṛṣiravavādakaḥ sa kathayati--bhagavan, mayā anena veṣeṇa mahājanakāyo vipralabdhaḥ/ tam yāvadabhiprasādayāmi paścāt pravrajiṣyāmīti/
Sanskrit only: no published translation is held for this verse.
ततो भगवान् पञ्चभिरृषिशतैः पूर्वकैश्च पञ्चभिर्भिक्षुःशतैरर्धचन्द्राकारोपगूढस्तत् एव ऋद्ध्या उपरि विहायसा प्रक्रान्तो ऽनुपूर्वेण मुसलकं पर्वतमनुप्राप्तः।
tato bhagavān pañcabhirṛṣiśataiḥ pūrvakaiśca pañcabhirbhikṣuḥśatairardhacandrākāropagūḍhastat eva ṛddhyā upari vihāyasā prakrānto 'nupūrveṇa musalakaṃ parvatamanuprāptaḥ/
Sanskrit only: no published translation is held for this verse.
तेन खलु समयेन मुसलके पर्वते वक्कली नाम ऋषिः प्रतिवसति।
tena khalu samayena musalake parvate vakkalī nāma ṛṣiḥ prativasati/
Sanskrit only: no published translation is held for this verse.
अद्राक्षीत् स ऋषिर्भगवन्तं दूरादेव द्वात्रिंशता महापुरुषलक्षणैः समलंकृतं पूर्ववत् यावत् समन्ततो भद्रकम्।
adrākṣīt sa ṛṣirbhagavantaṃ dūrādeva dvātriṃśatā mahāpuruṣalakṣaṇaiḥ samalaṃkṛtaṃ pūrvavat yāvat samantato bhadrakam/
Sanskrit only: no published translation is held for this verse.
सहदर्शनाच्चानेन भगवतो ऽन्तिके चित्तमभिप्रसादितम्। स प्रसादजातश्चिन्तयति--यन्न्वहं पर्वतादवतीर्य भगवन्तं दर्शनायोपसंक्रमिष्यामि।
sahadarśanāccānena bhagavato 'ntike cittamabhiprasāditam/ sa prasādajātaścintayati--yannvahaṃ parvatādavatīrya bhagavantaṃ darśanāyopasaṃkramiṣyāmi/
Sanskrit only: no published translation is held for this verse.
भगवान् वैनेयापेक्षया अतिक्रमिष्यति।
bhagavān vaineyāpekṣayā atikramiṣyati/
Sanskrit only: no published translation is held for this verse.
यन्न्वहमात्मानं पर्वतान्मुञ्चेयमिति। तेन पर्वतादात्मा मुक्तः। असंमोषधर्माणो बुद्धा भगवन्तः।
yannvahamātmānaṃ parvatānmuñceyamiti/ tena parvatādātmā muktaḥ/ asaṃmoṣadharmāṇo buddhā bhagavantaḥ/
Sanskrit only: no published translation is held for this verse.
भगवता ऋद्ध्या प्रतीष्टः। ततो ऽस्य भगवता आशयानुशयं धातुं प्रकृतिं च ज्ञात्वा तादृशी धर्मदेशना कृता, यां श्रुत्वा वक्कलिना अनागामिफलं साक्षात्कृतम्, ऋद्धिश्चाभिनिर्हृता।
bhagavatā ṛddhyā pratīṣṭaḥ/ tato 'sya bhagavatā āśayānuśayaṃ dhātuṃ prakṛtiṃ ca jñātvā tādṛśī dharmadeśanā kṛtā, yāṃ śrutvā vakkalinā anāgāmiphalaṃ sākṣātkṛtam, ṛddhiścābhinirhṛtā/
Sanskrit only: no published translation is held for this verse.
ततो भगवन्तमिदमवोचत्--लभेयाहं भदन्त स्वाख्याते धर्मविनये प्रव्रज्यामुपसम्पदं भिक्षुभावं पूर्ववत् यावत् भगवता एहिभिक्षुकया प्रव्राजितो यावदेवं स्थितो बुद्धमनोरथेन॥
tato bhagavantamidamavocat--labheyāhaṃ bhadanta svākhyāte dharmavinaye pravrajyāmupasampadaṃ bhikṣubhāvaṃ pūrvavat yāvat bhagavatā ehibhikṣukayā pravrājito yāvadevaṃ sthito buddhamanorathena//
Sanskrit only: no published translation is held for this verse.
तत्र भगवान् भिक्षूनामन्त्रयते स्म--एषो ऽग्रो मे भिक्षवो भिक्षूणां मम श्रद्धाधिमुक्तानाम् यदुत वक्कली भिक्षुरिति।
tatra bhagavān bhikṣūnāmantrayate sma--eṣo 'gro me bhikṣavo bhikṣūṇāṃ mama śraddhādhimuktānām yaduta vakkalī bhikṣuriti/
Sanskrit only: no published translation is held for this verse.
ततो भगवान् भिक्षुसहस्रपरिवृतो विचित्राणि प्रातिहार्याणि कुर्वन् सूर्पारकं नगरमनुप्राप्तः।
tato bhagavān bhikṣusahasraparivṛto vicitrāṇi prātihāryāṇi kurvan sūrpārakaṃ nagaramanuprāptaḥ/
Sanskrit only: no published translation is held for this verse.
भग्वान् संलक्षयति--यदि एकेन द्वारेण प्रविशामि, अपरेषां भविष्यति अन्यथात्वम्।
bhagvān saṃlakṣayati--yadi ekena dvāreṇa praviśāmi, apareṣāṃ bhaviṣyati anyathātvam/
Sanskrit only: no published translation is held for this verse.
यन्न्वहम् ऋद्ध्यैव प्रविशेयमिति। तत ऋद्ध्या उपरि विहायसा मध्ये सूर्पारकस्य नगरस्यावतीर्णः।
yannvaham ṛddhyaiva praviśeyamiti/ tata ṛddhyā upari vihāyasā madhye sūrpārakasya nagarasyāvatīrṇaḥ/
Sanskrit only: no published translation is held for this verse.
ततः सूर्पारकाधिपती राजा आयुष्मान् पूर्णो दारुकर्णी स्तवकर्णी त्रपुकर्णी ते च सप्तदश पुत्राः स्वकस्वकेन परिवारेण येन भगवांस्तेनोपसंक्रान्ताः, अनेकानि च प्राणिशतसहस्राणि।
tataḥ sūrpārakādhipatī rājā āyuṣmān pūrṇo dārukarṇī stavakarṇī trapukarṇī te ca saptadaśa putrāḥ svakasvakena parivāreṇa yena bhagavāṃstenopasaṃkrāntāḥ, anekāni ca prāṇiśatasahasrāṇi/
Sanskrit only: no published translation is held for this verse.
ततो भगवाननेकैः प्राणिशतसहस्रैरनुगम्यमानो येन चन्दनमालः प्रासादस् तेनोपसंक्रान्तः।
tato bhagavānanekaiḥ prāṇiśatasahasrairanugamyamāno yena candanamālaḥ prāsādas tenopasaṃkrāntaḥ/
Sanskrit only: no published translation is held for this verse.
उपसंक्रम्य पुरस्ताद्भिक्षुसंघस्य प्रज्ञप्त एवासने निषण्णः।
upasaṃkramya purastādbhikṣusaṃghasya prajñapta evāsane niṣaṇṇaḥ/
Sanskrit only: no published translation is held for this verse.
स जनकायो भगवन्तमपश्यंश् चन्दनमालं प्रासादं भेत्तुमारब्धः। भगवान् संलक्षयति--यदि चन्दनमालः प्रासादो भेत्स्यते, दातृर्णां पुण्यान्तरायो भविष्यति।
sa janakāyo bhagavantamapaśyaṃś candanamālaṃ prāsādaṃ bhettumārabdhaḥ/ bhagavān saṃlakṣayati--yadi candanamālaḥ prāsādo bhetsyate, dātṛrṇāṃ puṇyāntarāyo bhaviṣyati/
Sanskrit only: no published translation is held for this verse.
यन्न्वहमेनं स्फटिकमयं निर्मिनुयामिति।
yannvahamenaṃ sphaṭikamayaṃ nirminuyāmiti/
Sanskrit only: no published translation is held for this verse.
स भगवता स्फटिकमयो निर्मितः। ततो भगवता तस्याः परिषद् आशयानुशयं धातुं प्रकृतिं च ज्ञात्वा तादृशी धर्मदेशना कृता, यां श्रुत्वा अनेकैः प्राणिशतसहस्रैर्महान् विशेषो ऽधिगतः।
sa bhagavatā sphaṭikamayo nirmitaḥ/ tato bhagavatā tasyāḥ pariṣad āśayānuśayaṃ dhātuṃ prakṛtiṃ ca jñātvā tādṛśī dharmadeśanā kṛtā, yāṃ śrutvā anekaiḥ prāṇiśatasahasrairmahān viśeṣo 'dhigataḥ/
Sanskrit only: no published translation is held for this verse.
कैश्चिन्मोक्षभागीयानि कुशलमूलानि उत्पादितानि, कैश्चिन्निर्वेधभागीयानि, कैश्चित् स्रोतापत्तिफलं साक्षात्कृतम्, कैश्चित् सकृदागामिफलम्, कैश्चिदनागामिफलम्, कैश्चित् सर्वक्लेशप्रहाणादर्हत्त्वं साक्षात्कृतम्, कैश्चित् श्रावकबोधौ चित्तान्युत्पादितानि, कैश्चित् प्रत्येकबोधौ, कैश्चिदनुत्तरायां सम्यक्सम्बोधौ चित्तान्युत्पादितानि।
kaiścinmokṣabhāgīyāni kuśalamūlāni utpāditāni, kaiścinnirvedhabhāgīyāni, kaiścit srotāpattiphalaṃ sākṣātkṛtam, kaiścit sakṛdāgāmiphalam, kaiścidanāgāmiphalam, kaiścit sarvakleśaprahāṇādarhattvaṃ sākṣātkṛtam, kaiścit śrāvakabodhau cittānyutpāditāni, kaiścit pratyekabodhau, kaiścidanuttarāyāṃ samyaksambodhau cittānyutpāditāni/
Sanskrit only: no published translation is held for this verse.
यद्भूयसा सा पर्षद् बुद्धनिंना धर्मप्रवणा संघप्राग्भारा व्यवस्थापिता॥
yadbhūyasā sā parṣad buddhaniṃnā dharmapravaṇā saṃghaprāgbhārā vyavasthāpitā//
Sanskrit only: no published translation is held for this verse.
अथ दारुकर्णी स्तवकर्णी त्रपुकर्णी च प्रणीतं खादनीयं भोजनीयं समुदानीय आसनानि प्रज्ञाप्य भगवतो दूतेन कालमारोचयन्ति--समयो भदन्त, सज्जं भक्तम् यस्येदानीं भगवान् कालम् <३१>मन्यत इति।
atha dārukarṇī stavakarṇī trapukarṇī ca praṇītaṃ khādanīyaṃ bhojanīyaṃ samudānīya āsanāni prajñāpya bhagavato dūtena kālamārocayanti--samayo bhadanta, sajjaṃ bhaktam yasyedānīṃ bhagavān kālam <31>manyata iti/
Sanskrit only: no published translation is held for this verse.