दिव्३१ तोयिकामहावदानम्।
div31 toyikāmahāvadānam/
Sanskrit only: no published translation is held for this verse.
Library·Divyāvadāna·301
Divyāvadāna 301
तत्र भगव्बानायुष्मन्तमामन्त्रयते--स्म आगमय आनन्द येन श्राअवस्तीति। एवं भदन्तेत्यायुच्मानानन्दो भगवतः प्रत्यश्रौषीत्।
tatra bhagavbānāyuṣmantamāmantrayate--sma āgamaya ānanda yena śrāavastīti/ evaṃ bhadantetyāyucmānānando bhagavataḥ pratyaśrauṣīt/
Sanskrit only: no published translation is held for this verse.
अथ भगवान् येन श्रावस्ती तेन चारिकां प्रक्रान्तः।
atha bhagavān yena śrāvastī tena cārikāṃ prakrāntaḥ/
Sanskrit only: no published translation is held for this verse.
यावदन्यतमस्मिन् प्रदेशे ब्राह्मणश्छिन्नभक्तो हलं वाहयति, तस्यार्थाय दारिका पेयामादाय गता।
yāvadanyatamasmin pradeśe brāhmaṇaśchinnabhakto halaṃ vāhayati, tasyārthāya dārikā peyāmādāya gatā/
Sanskrit only: no published translation is held for this verse.
भगवांश्च प्रदेशमनुप्राप्तः। ददर्श स ब्राह्मणो बुद्धं भगवन्तं द्वात्रिंशता महापुरुषलक्चणैः समलंकृतमशीत्यानुव्यञ्जनैर्विराजितगात्रं व्यामप्रभालंकृतं सूर्यसहस्रातिरेकप्रभं जङ्गममिव रत्नपर्वतं समन्ततो भद्रकम्।
bhagavāṃśca pradeśamanuprāptaḥ/ dadarśa sa brāhmaṇo buddhaṃ bhagavantaṃ dvātriṃśatā mahāpuruṣalakcaṇaiḥ samalaṃkṛtamaśītyānuvyañjanairvirājitagātraṃ vyāmaprabhālaṃkṛtaṃ sūryasahasrātirekaprabhaṃ jaṅgamamiva ratnaparvataṃ samantato bhadrakam/
Sanskrit only: no published translation is held for this verse.
सहदर्शनाच्चास्य भगवति प्रसाद उत्पन्नः।
sahadarśanāccāsya bhagavati prasāda utpannaḥ/
Sanskrit only: no published translation is held for this verse.
न तथा द्वादशवर्षाभ्यस्तः शमथश्चत्तस्य कल्यतां जनयति, अपुत्रस्य वा पुत्रप्रतिलम्भः, दरिद्रस्य वा निधिदर्शनम्, राज्याभिनन्दनो वा राज्याभिषेकः, यथोपचितकुशलमूलस्य सत्त्वस्य तत्प्रथमतो बुद्धदर्शनम्।
na tathā dvādaśavarṣābhyastaḥ śamathaścattasya kalyatāṃ janayati, aputrasya vā putrapratilambhaḥ, daridrasya vā nidhidarśanam, rājyābhinandano vā rājyābhiṣekaḥ, yathopacitakuśalamūlasya sattvasya tatprathamato buddhadarśanam/
Sanskrit only: no published translation is held for this verse.
स तां पेयामादाय लघुलध्वेव येन भगवांस्तेनोपसंक्रान्तः।
sa tāṃ peyāmādāya laghuladhveva yena bhagavāṃstenopasaṃkrāntaḥ/
Sanskrit only: no published translation is held for this verse.
उपसंक्रम्य भगवन्तमेतदवोचत्--इयं भो गौतम पेया। यद्यस्ति ममान्तिके ऽनुकम्पा, पिबेद्भगवान् गौतमः पेयामिति।
upasaṃkramya bhagavantametadavocat--iyaṃ bho gautama peyā/ yadyasti mamāntike 'nukampā, pibedbhagavān gautamaḥ peyāmiti/
Sanskrit only: no published translation is held for this verse.
ततो भगवता ब्राह्मणस्य जीर्णकूपो दर्शितह्--सचेत्ते ब्राह्मण परित्यक्ता, अस्मिञ् जीर्णकूपे प्रक्षिपेति।
tato bhagavatā brāhmaṇasya jīrṇakūpo darśitah--sacette brāhmaṇa parityaktā, asmiñ jīrṇakūpe prakṣipeti/
Sanskrit only: no published translation is held for this verse.
तेन तस्मिञ् जीर्णकूपे प्रक्षिप्ता। स जीर्णकूपो वाप्यायमानः पेयापूर्णः, यथापि तद्बुद्धानां बुद्धानुभावेन देवतानां च देवतानुभावेन।
tena tasmiñ jīrṇakūpe prakṣiptā/ sa jīrṇakūpo vāpyāyamānaḥ peyāpūrṇaḥ, yathāpi tadbuddhānāṃ buddhānubhāvena devatānāṃ ca devatānubhāvena/
Sanskrit only: no published translation is held for this verse.
ततो भगवता स ब्राह्मणो ऽभिहितह्--चारय महाब्राह्मण पेयामिति।
tato bhagavatā sa brāhmaṇo 'bhihitah--cāraya mahābrāhmaṇa peyāmiti/
Sanskrit only: no published translation is held for this verse.
स चारयितुमारब्धः। भगवता तथा अधिष्ठिता यथा सर्वसंघेन पीता।
sa cārayitumārabdhaḥ/ bhagavatā tathā adhiṣṭhitā yathā sarvasaṃghena pītā/
Sanskrit only: no published translation is held for this verse.
स च जीर्णकूपो वाप्यायमानस्तथैव पेयापूर्णो ऽवस्थितः।
sa ca jīrṇakūpo vāpyāyamānastathaiva peyāpūrṇo 'vasthitaḥ/
Sanskrit only: no published translation is held for this verse.
ततो ऽसौ ब्राह्मणो भूयस्या मात्रया अभिप्रसन्नो भगवतः पादाभिवन्दनं कृत्वा पुरस्तान्निषण्णो धर्मश्रवणाय।
tato 'sau brāhmaṇo bhūyasyā mātrayā abhiprasanno bhagavataḥ pādābhivandanaṃ kṛtvā purastānniṣaṇṇo dharmaśravaṇāya/
Sanskrit only: no published translation is held for this verse.
तस्य भगवता आशयानुशयं धातुं प्रकृतिं च ज्ञात्वा तादृशी चतुरायसत्यसम्प्रतिवेधिकी धर्मदेशना कृता, पूर्ववद्यावदनादिकालोपचितं सत्कायदृष्टिशैलं ज्ञानवज्रेण भित्त्वा स्रोताअपत्तिफलं साक्षात्कृतम्।
tasya bhagavatā āśayānuśayaṃ dhātuṃ prakṛtiṃ ca jñātvā tādṛśī caturāyasatyasamprativedhikī dharmadeśanā kṛtā, pūrvavadyāvadanādikālopacitaṃ satkāyadṛṣṭiśailaṃ jñānavajreṇa bhittvā srotāapattiphalaṃ sākṣātkṛtam/
Sanskrit only: no published translation is held for this verse.
अतिक्रान्तो ऽहं भदन्त, अतिक्रान्तः। एषो ऽहं भगवन्तं बुद्धं शरणं गच्छामि धर्मं च भिक्षुसंघं च।
atikrānto 'haṃ bhadanta, atikrāntaḥ/ eṣo 'haṃ bhagavantaṃ buddhaṃ śaraṇaṃ gacchāmi dharmaṃ ca bhikṣusaṃghaṃ ca/
Sanskrit only: no published translation is held for this verse.
उपासकं च मां धारय अद्याग्रेण यावज्जीवं प्राणोपेतं शरणं गतमभिप्रसन्नम्।
upāsakaṃ ca māṃ dhāraya adyāgreṇa yāvajjīvaṃ prāṇopetaṃ śaraṇaṃ gatamabhiprasannam/
Sanskrit only: no published translation is held for this verse.
अथासौ ब्राह्मणो वणिगिव लब्धलाभः शस्यसम्पन्न इव कृषीवलः शूर इव विजितसंग्रामः सर्वरोगनिर्मुक्त इवातुरो भगवतो भाषितमभ्यानन्द्यानुमोद्य भगवतः पादौ शिरसा वन्दित्वा भगवतो ऽन्तिकात् प्रक्रान्तो यावत्क्षेत्रं गतः।
athāsau brāhmaṇo vaṇigiva labdhalābhaḥ śasyasampanna iva kṛṣīvalaḥ śūra iva vijitasaṃgrāmaḥ sarvaroganirmukta ivāturo bhagavato bhāṣitamabhyānandyānumodya bhagavataḥ pādau śirasā vanditvā bhagavato 'ntikāt prakrānto yāvatkṣetraṃ gataḥ/
Sanskrit only: no published translation is held for this verse.
पश्यति तस्मिन् क्षेत्रे सौवर्णान् यवान् संपन्नान्। दृष्ट्वा च पुनर्विस्मयोत्फुल्ललोचनो गाथां भाषते--
paśyati tasmin kṣetre sauvarṇān yavān saṃpannān/ dṛṣṭvā ca punarvismayotphullalocano gāthāṃ bhāṣate--
Sanskrit only: no published translation is held for this verse.
अहो गुणमयं क्षेत्रं सर्वदोषविवर्जितम्।
aho guṇamayaṃ kṣetraṃ sarvadoṣavivarjitam/
Sanskrit only: no published translation is held for this verse.
अद्यैव वापितं बीजमद्यैव फलदायकम्॥१॥
adyaiva vāpitaṃ bījamadyaiva phaladāyakam//1//
Sanskrit only: no published translation is held for this verse.
ततो ऽसौ ब्राह्मणस्त्वरितत्वरितं राज्ञः सकाशमुपसंक्रान्तः। उपसंक्रम्य जयेनायुषा वर्धयित्वा राजानमुवाच--देव, मया यवाः प्रकीर्णाः, ते सौवर्णाः संवृत्ताः।
tato 'sau brāhmaṇastvaritatvaritaṃ rājñaḥ sakāśamupasaṃkrāntaḥ/ upasaṃkramya jayenāyuṣā vardhayitvā rājānamuvāca--deva, mayā yavāḥ prakīrṇāḥ, te sauvarṇāḥ saṃvṛttāḥ/
Sanskrit only: no published translation is held for this verse.
तस्याधिष्ठायकेन प्रसादः क्रियतामिति।
tasyādhiṣṭhāyakena prasādaḥ kriyatāmiti/
Sanskrit only: no published translation is held for this verse.
राज्ञा अधिष्ठायको ऽनुप्रेषितः। ब्राह्मणेन राशीकृत्य भाजितः। राजभागः स्वाभाविका यवाः संवृत्ताः।
rājñā adhiṣṭhāyako 'nupreṣitaḥ/ brāhmaṇena rāśīkṛtya bhājitaḥ/ rājabhāgaḥ svābhāvikā yavāḥ saṃvṛttāḥ/
Sanskrit only: no published translation is held for this verse.
अधिष्ठायकेन राज्ञे निवेदितम्। राज्ञा समादिष्टम्--<३०२>पुनर्भाजयतेति।
adhiṣṭhāyakena rājñe niveditam/ rājñā samādiṣṭam--<302>punarbhājayateti/
Sanskrit only: no published translation is held for this verse.