Library·Divyāvadāna·302
तैः पुनर्भाजितम्। तथैव राजभागः स्वाभाविका यवाः संवृत्ताः। एवम् यावत् सप्तकृत्वो भाजितम्।
taiḥ punarbhājitam/ tathaiva rājabhāgaḥ svābhāvikā yavāḥ saṃvṛttāḥ/ evam yāvat saptakṛtvo bhājitam/
Sanskrit only: no published translation is held for this verse.
तथैव। राजा कुतूहलजातः स्वयमेव पश्यति--तथैव।
tathaiva/ rājā kutūhalajātaḥ svayameva paśyati--tathaiva/
Sanskrit only: no published translation is held for this verse.
तेनासौ ब्राह्मणो ऽभिहितह्--ब्राह्मण, तवैतत्पुण्यनिर्जातम्। अलं राजभागेन, यथाभिप्रेतं तन्ममानुप्रयच्छेति।
tenāsau brāhmaṇo 'bhihitah--brāhmaṇa, tavaitatpuṇyanirjātam/ alaṃ rājabhāgena, yathābhipretaṃ tanmamānuprayaccheti/
Sanskrit only: no published translation is held for this verse.
ततस्तेन ब्राह्मणेन परितुष्टेन यद्दत्तम्, तत्सौवर्णाः संवृत्ताः॥
tatastena brāhmaṇena parituṣṭena yaddattam, tatsauvarṇāḥ saṃvṛttāḥ//
Sanskrit only: no published translation is held for this verse.
ततो भगवान् संप्रस्थितः। यावदन्यतमस्मिन् प्रदेशे पञ्चकार्षशतान्युत्पाडूत्पाण्डुकानि स्फुटितपाणिपादानि शणशाटीनिवासितानि लङ्गलानि वाहयन्ति।
tato bhagavān saṃprasthitaḥ/ yāvadanyatamasmin pradeśe pañcakārṣaśatānyutpāḍūtpāṇḍukāni sphuṭitapāṇipādāni śaṇaśāṭīnivāsitāni laṅgalāni vāhayanti/
Sanskrit only: no published translation is held for this verse.
ते ऽपि बलीवर्दा बद्धैः प्रयोक्त्रैः प्रतोदयष्टिभिः क्षतविक्षतगात्रा मुहुर्मुहुर् निश्वसन्तो वहन्ति।
te 'pi balīvardā baddhaiḥ prayoktraiḥ pratodayaṣṭibhiḥ kṣatavikṣatagātrā muhurmuhur niśvasanto vahanti/
Sanskrit only: no published translation is held for this verse.
तदृशुस्ते कार्षाका बुद्धं भगवन्तं द्वात्रिंशता महापुरुषलक्षणैः समलंकृतं पूर्ववद्यावदुपचितकुशलमूलसत्त्वस्य तत्प्रथमतो बुद्धदर्शनम्।
tadṛśuste kārṣākā buddhaṃ bhagavantaṃ dvātriṃśatā mahāpuruṣalakṣaṇaiḥ samalaṃkṛtaṃ pūrvavadyāvadupacitakuśalamūlasattvasya tatprathamato buddhadarśanam/
Sanskrit only: no published translation is held for this verse.
ततो येन भगवांस्तेनोपसंक्रान्ताः। अद्राक्षीद्भगवांस्तान् कार्षकान् दूरादेव।
tato yena bhagavāṃstenopasaṃkrāntāḥ/ adrākṣīdbhagavāṃstān kārṣakān dūrādeva/
Sanskrit only: no published translation is held for this verse.
दृष्ट्वा च पुनर्विनेयापेक्षया मार्गादपक्रम्य पुरस्ताद्भिक्षुसंघस्य प्रज्ञप्त एवासने निषण्णः। एत कार्षका भगवतः पादौ शिरसा वन्दित्वा एकान्तनिषण्णाः।
dṛṣṭvā ca punarvineyāpekṣayā mārgādapakramya purastādbhikṣusaṃghasya prajñapta evāsane niṣaṇṇaḥ/ eta kārṣakā bhagavataḥ pādau śirasā vanditvā ekāntaniṣaṇṇāḥ/
Sanskrit only: no published translation is held for this verse.
ततो भगवता तेषां कार्षकाणामाशयानुशयं धातुं प्रकृतिं च ज्ञात्वा तादृशी चतुरार्यसत्यसम्प्रतिवेधिकी धर्मदेशना कृता, पूर्ववद्यावदनादिकालोपचितं सत्कायदृष्टिशैलं ज्ञानवज्रेण भित्त्वा स्रोताअपत्तिफलं साक्षात्कृतम्।
tato bhagavatā teṣāṃ kārṣakāṇāmāśayānuśayaṃ dhātuṃ prakṛtiṃ ca jñātvā tādṛśī caturāryasatyasamprativedhikī dharmadeśanā kṛtā, pūrvavadyāvadanādikālopacitaṃ satkāyadṛṣṭiśailaṃ jñānavajreṇa bhittvā srotāapattiphalaṃ sākṣātkṛtam/
Sanskrit only: no published translation is held for this verse.
ते दृष्टसत्या येन भगवांस्तेनोपसंक्रान्तः। प्रणमय्य भगवन्तमिदमवोचत्--देशय भदन्त, स्वाख्याते धर्मविनये प्रव्रज्यामुपसम्पदं भिक्षुभावम्।
te dṛṣṭasatyā yena bhagavāṃstenopasaṃkrāntaḥ/ praṇamayya bhagavantamidamavocat--deśaya bhadanta, svākhyāte dharmavinaye pravrajyāmupasampadaṃ bhikṣubhāvam/
Sanskrit only: no published translation is held for this verse.
चरेम भगवतो ऽन्तिके ब्रह्मचर्यमिति।
carema bhagavato 'ntike brahmacaryamiti/
Sanskrit only: no published translation is held for this verse.
ते भगवता एहिभिक्षुकया प्रव्राजिताः पूर्ववद्यावत्ते ऽवस्थिता बुद्धमनोरथेन।
te bhagavatā ehibhikṣukayā pravrājitāḥ pūrvavadyāvatte 'vasthitā buddhamanorathena/
Sanskrit only: no published translation is held for this verse.
तेषां भगवता अववादो दत्तः। तैर्युज्यमानैः पूर्ववदभिवाद्याश्च संवृत्ताः। ते ऽपि बलीवर्दा योक्त्राणि वरत्राणि च च्छित्त्वा येन भगवांस्तेनोपसंक्रान्ताः।
teṣāṃ bhagavatā avavādo dattaḥ/ tairyujyamānaiḥ pūrvavadabhivādyāśca saṃvṛttāḥ/ te 'pi balīvardā yoktrāṇi varatrāṇi ca cchittvā yena bhagavāṃstenopasaṃkrāntāḥ/
Sanskrit only: no published translation is held for this verse.
उपसंक्रम्य भगवन्तं सामन्तकेन अनुपरिवार्यावस्थिताः।
upasaṃkramya bhagavantaṃ sāmantakena anuparivāryāvasthitāḥ/
Sanskrit only: no published translation is held for this verse.
तेषां भगवता त्रिभिः पदार्थैर्धर्मो देशितः पूर्ववद्यावद्यथा गङ्गावतारे हंसमत्स्यकूर्माणाम् यावद् दृष्टसत्याः स्वर्भवनं गताः॥
teṣāṃ bhagavatā tribhiḥ padārthairdharmo deśitaḥ pūrvavadyāvadyathā gaṅgāvatāre haṃsamatsyakūrmāṇām yāvad dṛṣṭasatyāḥ svarbhavanaṃ gatāḥ//
Sanskrit only: no published translation is held for this verse.
भिक्षवः संशयजाताः सर्वसंशयच्छेत्तारं बुद्धं भगवन्तं पप्रच्छुह्--किं नु तैः कार्षकपूर्वकैर्भिक्षुभिः कर्म कृतम् येन कार्षकाः संवृत्ताः, भगवतश्च शासने प्रव्रज्य सर्वक्लेशप्रहाणादर्हत्त्वं साक्षात्कृतम्? तैर्बलीवर्दपूर्वकैर्देवपुत्रैः किं कर्म कृतम्, यन बलीवर्देषूपपन्नाः, सत्यदर्शनं च कृतमिति? भगवानाह--एभिरेव भिक्षवः कर्माणि कृतान्युपचितानि लब्धसम्भाराणि पूर्ववद्यावत्फलन्ति खलु देहिनाम्॥
bhikṣavaḥ saṃśayajātāḥ sarvasaṃśayacchettāraṃ buddhaṃ bhagavantaṃ papracchuh--kiṃ nu taiḥ kārṣakapūrvakairbhikṣubhiḥ karma kṛtam yena kārṣakāḥ saṃvṛttāḥ, bhagavataśca śāsane pravrajya sarvakleśaprahāṇādarhattvaṃ sākṣātkṛtam? tairbalīvardapūrvakairdevaputraiḥ kiṃ karma kṛtam, yana balīvardeṣūpapannāḥ, satyadarśanaṃ ca kṛtamiti? bhagavānāha--ebhireva bhikṣavaḥ karmāṇi kṛtānyupacitāni labdhasambhārāṇi pūrvavadyāvatphalanti khalu dehinām//
Sanskrit only: no published translation is held for this verse.
भूतपूर्वं भिक्षवो ऽस्मिन्नेव भद्रकल्पे विंशतिवर्षसहस्रायुषि प्रजायां काश्यपो नाम शास्ता लोक उदपादि।
bhūtapūrvaṃ bhikṣavo 'sminneva bhadrakalpe viṃśativarṣasahasrāyuṣi prajāyāṃ kāśyapo nāma śāstā loka udapādi/
Sanskrit only: no published translation is held for this verse.
पूर्ववत्। स वाराणसीनगरीमुपनिश्रित्य विहरति ऋषिवदने(पतने) मृगदावे।
pūrvavat/ sa vārāṇasīnagarīmupaniśritya viharati ṛṣivadane(patane) mṛgadāve/
Sanskrit only: no published translation is held for this verse.
तस्य शासने एतानि पञ्च कर्षकशतानि प्रव्रजितान्यभूवन्। तत्रैभिर् न पठितं न स्वाध्यायितं नापि मनसिकारो विहितः।
tasya śāsane etāni pañca karṣakaśatāni pravrajitānyabhūvan/ tatraibhir na paṭhitaṃ na svādhyāyitaṃ nāpi manasikāro vihitaḥ/
Sanskrit only: no published translation is held for this verse.
किं तु श्रद्धादेयं भुक्त्वा भुक्त्वा संगणिकाभिरतैः कौसीद्येनाभिनामितम्॥
kiṃ tu śraddhādeyaṃ bhuktvā bhuktvā saṃgaṇikābhirataiḥ kausīdyenābhināmitam//
Sanskrit only: no published translation is held for this verse.