<३०३>किं मन्यध्वे भिक्षवो यानि तानि पञ्च भिक्षुशतानि, एतान्येव तानि पञ्च कर्षकशतानि।
<303>kiṃ manyadhve bhikṣavo yāni tāni pañca bhikṣuśatāni, etānyeva tāni pañca karṣakaśatāni/
Sanskrit only: no published translation is held for this verse.
Library·Divyāvadāna·303
Divyāvadāna 303
यो ऽसौ विहारस्वामी, स एवासौ गृहपतिर्यस्यैते कार्षहाः। यदेभिर्विहारस्वामिसन्तकं श्रद्धादेयं परिभुज्य न पठितं न स्वाध्यायितं नापि मनसिकारो विहितः, किं तु संगणिकाभिरतैः कौसीद्येनाभिनामितम्, तेन कर्मणा पञ्च जन्मशतानि तस्य विहारस्वामिनः कार्षकाः संवृत्ताः।
yo 'sau vihārasvāmī, sa evāsau gṛhapatiryasyaite kārṣahāḥ/ yadebhirvihārasvāmisantakaṃ śraddhādeyaṃ paribhujya na paṭhitaṃ na svādhyāyitaṃ nāpi manasikāro vihitaḥ, kiṃ tu saṃgaṇikābhirataiḥ kausīdyenābhināmitam, tena karmaṇā pañca janmaśatāni tasya vihārasvāminaḥ kārṣakāḥ saṃvṛttāḥ/
Sanskrit only: no published translation is held for this verse.
यावदेतर्ह्यपि तस्यैव कार्षका जाताः। यदेभिः काशयपस्य सम्यक्सम्बुद्धास्य शासने प्रव्रज्य ब्रह्मचर्यं चरितम्, तेनैतर्हि मम शासने प्रव्रज्य सर्वक्लेशप्रहाणादर्हत्त्वं साक्षात्कृतम्।
yāvadetarhyapi tasyaiva kārṣakā jātāḥ/ yadebhiḥ kāśayapasya samyaksambuddhāsya śāsane pravrajya brahmacaryaṃ caritam, tenaitarhi mama śāsane pravrajya sarvakleśaprahāṇādarhattvaṃ sākṣātkṛtam/
Sanskrit only: no published translation is held for this verse.
ते च बलीवर्दपूर्विणो देवपुत्राः काश्यपस्य सम्यक्सम्बुद्धस्य शासने प्रव्रजिता आसन्।
te ca balīvardapūrviṇo devaputrāḥ kāśyapasya samyaksambuddhasya śāsane pravrajitā āsan/
Sanskrit only: no published translation is held for this verse.
तत्रैभिः क्षुद्रानुक्षुद्राणि शिक्षापदानि खण्डितानि। तेन कर्मणा बलीवर्देषूपपन्नाः।
tatraibhiḥ kṣudrānukṣudrāṇi śikṣāpadāni khaṇḍitāni/ tena karmaṇā balīvardeṣūpapannāḥ/
Sanskrit only: no published translation is held for this verse.
यन्ममान्तिके चित्तमभिप्रसादितम्, तेन देवेषूपपन्नाः। यत्काश्यपे सम्यक्सम्बुद्धे ब्रह्मचर्यं वासितम्, तेनेदानीं देवपुत्रभूतैः सत्यदर्शनं कृतम्।
yanmamāntike cittamabhiprasāditam, tena deveṣūpapannāḥ/ yatkāśyape samyaksambuddhe brahmacaryaṃ vāsitam, tenedānīṃ devaputrabhūtaiḥ satyadarśanaṃ kṛtam/
Sanskrit only: no published translation is held for this verse.
इति भिक्षव एकान्तकृष्णानां कर्मणामेकान्तकृष्णो विपाकः, पूर्ववद्यावदाभोगः करणीयः।
iti bhikṣava ekāntakṛṣṇānāṃ karmaṇāmekāntakṛṣṇo vipākaḥ, pūrvavadyāvadābhogaḥ karaṇīyaḥ/
Sanskrit only: no published translation is held for this verse.
इत्येवं वो भिक्षवः शिक्षितव्यम्॥
ityevaṃ vo bhikṣavaḥ śikṣitavyam//
Sanskrit only: no published translation is held for this verse.
तत्र भगवानायुच्मन्तमामन्त्रयते स्म--आगमय आनन्द येन तोयिका। एवं भदन्तेत्यायुष्मानानन्दो भगवतो ऽश्रौषीत्।
tatra bhagavānāyucmantamāmantrayate sma--āgamaya ānanda yena toyikā/ evaṃ bhadantetyāyuṣmānānando bhagavato 'śrauṣīt/
Sanskrit only: no published translation is held for this verse.
भगवांस्तोयिकामनुप्राप्तः। तस्मिंश्च प्रदेशे ब्राह्मणो लाङ्गलं वाहयति।
bhagavāṃstoyikāmanuprāptaḥ/ tasmiṃśca pradeśe brāhmaṇo lāṅgalaṃ vāhayati/
Sanskrit only: no published translation is held for this verse.
अथासौ ददर्श बुद्धं भगवन्तं द्वात्रिंशता महापुरुषलक्षणैः समलंकृतगात्रं पूर्ववद्यावत्समन्ततो भद्रकम्।
athāsau dadarśa buddhaṃ bhagavantaṃ dvātriṃśatā mahāpuruṣalakṣaṇaiḥ samalaṃkṛtagātraṃ pūrvavadyāvatsamantato bhadrakam/
Sanskrit only: no published translation is held for this verse.
दृष्ट्वा संलक्षयति--यदि भगवन्तं गौतममुपेत्य अभिवादयिष्यामि, कर्मपरिहाणिर्मे भविष्यति।
dṛṣṭvā saṃlakṣayati--yadi bhagavantaṃ gautamamupetya abhivādayiṣyāmi, karmaparihāṇirme bhaviṣyati/
Sanskrit only: no published translation is held for this verse.
अथ नोपेत्याभिवादयिष्यामि, पुण्यपरिहाणिः।
atha nopetyābhivādayiṣyāmi, puṇyaparihāṇiḥ/
Sanskrit only: no published translation is held for this verse.
तत्को ऽसावुपायः स्याद्येन मे न कर्मपरिहाणि स्यान्नापि पुण्यपरिहाणिरिति? तस्य बुद्धिरुत्पन्ना--अत्रस्थ एवाभिवादनं करोमि।
tatko 'sāvupāyaḥ syādyena me na karmaparihāṇi syānnāpi puṇyaparihāṇiriti? tasya buddhirutpannā--atrastha evābhivādanaṃ karomi/
Sanskrit only: no published translation is held for this verse.
एवं न कर्मपरिहाणिर्भवति नापि पुण्यपरिहाणिरिति।
evaṃ na karmaparihāṇirbhavati nāpi puṇyaparihāṇiriti/
Sanskrit only: no published translation is held for this verse.
तेन यथागृहीतयैव प्रतोदयष्ट्या तत्रस्थेनाभिवादनं कृतम्--अभिवादये बुद्धं भगवन्तम्।
tena yathāgṛhītayaiva pratodayaṣṭyā tatrasthenābhivādanaṃ kṛtam--abhivādaye buddhaṃ bhagavantam/
Sanskrit only: no published translation is held for this verse.
तत्र भगवानायुष्मन्तमानन्दमामन्त्रयते--क्षण आनन्द एष ब्राह्मणः।
tatra bhagavānāyuṣmantamānandamāmantrayate--kṣaṇa ānanda eṣa brāhmaṇaḥ/
Sanskrit only: no published translation is held for this verse.
सचेदस्यैवं सम्यक्प्रत्यात्मज्ञानदर्शनं प्रवर्तते। एतस्मिन् प्रदेशे काश्यपस्य सम्यक्सम्बुद्धस्याविकोपितो ऽस्ह्तिसंघातस्तिष्ठतीति।
sacedasyaivaṃ samyakpratyātmajñānadarśanaṃ pravartate/ etasmin pradeśe kāśyapasya samyaksambuddhasyāvikopito 'shtisaṃghātastiṣṭhatīti/
Sanskrit only: no published translation is held for this verse.
अथानेनोपसंक्रम्य वन्दितो भवेयम्। एवमनेन द्वाभ्यां सम्यक्सम्बुद्धाभ्यां वन्दना कृता भवेत्।
athānenopasaṃkramya vandito bhaveyam/ evamanena dvābhyāṃ samyaksambuddhābhyāṃ vandanā kṛtā bhavet/
Sanskrit only: no published translation is held for this verse.
तत्कस्य हेतोह्? अस्मिन्न् आनन्द प्रदेशे काश्यपस्य सम्यक्सम्बुद्धस्याविकोपितो ऽस्थिसंघातस्तिष्ठतीति।
tatkasya hetoh? asminn ānanda pradeśe kāśyapasya samyaksambuddhasyāvikopito 'sthisaṃghātastiṣṭhatīti/
Sanskrit only: no published translation is held for this verse.
अथायुष्मानानन्दो लघुलघ्वेव चतुर्गुणमुत्तरासङ्गं प्रज्ञप्य भगवन्तमिदमवोचत्--निषीदतु भगवान् प्रज्ञप्त एवासने।
athāyuṣmānānando laghulaghveva caturguṇamuttarāsaṅgaṃ prajñapya bhagavantamidamavocat--niṣīdatu bhagavān prajñapta evāsane/
Sanskrit only: no published translation is held for this verse.
एवमयं पृथिवीप्रदेशो द्वाभ्यां सम्यक्सम्बुद्धाभ्यां परिभुक्तो भविष्यति, यच्च काश्यपेन सम्यक्सम्बुद्धेन, यच्चैतर्हि भगवतेति।
evamayaṃ pṛthivīpradeśo dvābhyāṃ samyaksambuddhābhyāṃ paribhukto bhaviṣyati, yacca kāśyapena samyaksambuddhena, yaccaitarhi bhagavateti/
Sanskrit only: no published translation is held for this verse.
निषण्णो भगवान् प्रज्ञप्त एवासने। निषद्य भगवान् भिक्षूनामन्त्रयते स्म--इच्छथ यूयं भिक्षवः काश्यपस्य सम्यक्सम्बुद्धस्य शरीरसंघातमविकोपितं द्रष्टुम्? एतस्य भगवन् कालः, एतस्य सुगत समयो ऽयम्।
niṣaṇṇo bhagavān prajñapta evāsane/ niṣadya bhagavān bhikṣūnāmantrayate sma--icchatha yūyaṃ bhikṣavaḥ kāśyapasya samyaksambuddhasya śarīrasaṃghātamavikopitaṃ draṣṭum? etasya bhagavan kālaḥ, etasya sugata samayo 'yam/
Sanskrit only: no published translation is held for this verse.
भगवान् भिक्षूणां काश्यपस्य सम्यक्सम्बुद्धस्याविकोपितं शरीरसंघातमुपदर्शयतु, दृष्ट्वा भिक्षवश्चित्तमभिप्रसादयिष्यन्ति।
bhagavān bhikṣūṇāṃ kāśyapasya samyaksambuddhasyāvikopitaṃ śarīrasaṃghātamupadarśayatu, dṛṣṭvā bhikṣavaścittamabhiprasādayiṣyanti/
Sanskrit only: no published translation is held for this verse.
भगवता लौकिकं चित्तमुत्पादितम्। धर्मता खलु यस्मिन् समये बुद्धा भगवन्तो लौकिकम् <३०४>
bhagavatā laukikaṃ cittamutpāditam/ dharmatā khalu yasmin samaye buddhā bhagavanto laukikam <304>
Sanskrit only: no published translation is held for this verse.