Library·Divyāvadāna·304
<३०४>चित्तमुत्पादयन्ति, तस्मिन् समये कुन्तपिपीलिकादयो ऽपि प्राणिनो भगवतश्चेतसा चित्तमाजानन्ति।
<304>cittamutpādayanti, tasmin samaye kuntapipīlikādayo 'pi prāṇino bhagavataścetasā cittamājānanti/
Sanskrit only: no published translation is held for this verse.
नागाः संलक्षयन्ति--किं कारणं भगवता लौकिकं चित्तमुत्पादितम्? भगवान् काश्यपस्य सम्यक्सम्बुद्धस्य शरीरसंघातमविकोपितं द्रष्टुकामः।
nāgāḥ saṃlakṣayanti--kiṃ kāraṇaṃ bhagavatā laukikaṃ cittamutpāditam? bhagavān kāśyapasya samyaksambuddhasya śarīrasaṃghātamavikopitaṃ draṣṭukāmaḥ/
Sanskrit only: no published translation is held for this verse.
ततस्तैः काश्यपस्य सम्यक्सम्बुद्धस्याविकोपितः शरीरसंघात उच्छ्रापितः।
tatastaiḥ kāśyapasya samyaksambuddhasyāvikopitaḥ śarīrasaṃghāta ucchrāpitaḥ/
Sanskrit only: no published translation is held for this verse.
तत्र भगवान् भिक्षूनामन्त्रयते स्म--गृह्णीत भिक्षवो निमित्तम्।
tatra bhagavān bhikṣūnāmantrayate sma--gṛhṇīta bhikṣavo nimittam/
Sanskrit only: no published translation is held for this verse.
अन्तर्धास्यतीति। अन्तर्हितः॥
antardhāsyatīti/ antarhitaḥ//
Sanskrit only: no published translation is held for this verse.
राज्ञा प्रसेनजिता श्रुतम्--भगवता श्रावकाणां दर्शनाय अविकोपितः कश्यपस्य सम्यक्सम्बुद्धस्य शरीरसंघात उच्छ्रापित इति।
rājñā prasenajitā śrutam--bhagavatā śrāvakāṇāṃ darśanāya avikopitaḥ kaśyapasya samyaksambuddhasya śarīrasaṃghāta ucchrāpita iti/
Sanskrit only: no published translation is held for this verse.
श्रुत्वा च पुनः कुतूहलजातः सार्धमन्तह्--पुरेण कुमारौरमात्यैर्भटबलाग्रैर् नैगमजनपदैश्च द्रष्टुं संप्रस्थितः।
śrutvā ca punaḥ kutūhalajātaḥ sārdhamantah--pureṇa kumārauramātyairbhaṭabalāgrair naigamajanapadaiśca draṣṭuṃ saṃprasthitaḥ/
Sanskrit only: no published translation is held for this verse.
एवं विरूढको ऽनाथपिण्डदो गृहपतिः, ऋषिदत्तः पुराणस्थपतिः, विशाखा मृगरमाता, अनेकानि च प्राणिशतसहस्राणि कुतूहलजातानि द्रष्टुं संप्रस्थितानि पूर्वकैश्च कुशलमूलैः संचोद्यमानानि।
evaṃ virūḍhako 'nāthapiṇḍado gṛhapatiḥ, ṛṣidattaḥ purāṇasthapatiḥ, viśākhā mṛgaramātā, anekāni ca prāṇiśatasahasrāṇi kutūhalajātāni draṣṭuṃ saṃprasthitāni pūrvakaiśca kuśalamūlaiḥ saṃcodyamānāni/
Sanskrit only: no published translation is held for this verse.
यावदसौ अन्तर्हितः।
yāvadasau antarhitaḥ/
Sanskrit only: no published translation is held for this verse.
तैः श्रुतम्--अन्तर्हितो ऽसौ भगवतः काश्यपस्य सम्यक्सम्बुद्धस्य शीररसंघात इति।
taiḥ śrutam--antarhito 'sau bhagavataḥ kāśyapasya samyaksambuddhasya śīrarasaṃghāta iti/
Sanskrit only: no published translation is held for this verse.
श्रुत्वा च पुनस्तेषां दुःखदौर्मनस्यमुत्पन्नम्--वृथा अस्माकमागमनं जातमिति॥
śrutvā ca punasteṣāṃ duḥkhadaurmanasyamutpannam--vṛthā asmākamāgamanaṃ jātamiti//
Sanskrit only: no published translation is held for this verse.
अथान्यतमेन चोपासकेन स प्रदेशः प्रदक्षिणीकृतः। एवं चेतसा चित्तमभिसंस्कृतम्--अस्मान्मे पदाविहारात् कियत्पुण्यं भविष्यतीति? अथ भगवांस्तस्य महाजनकायस्याविप्रतिसारसंजननार्थं तस्य चोपासकस्य चेतसा चित्तमाज्ञाय गाथां भाषिते--
athānyatamena copāsakena sa pradeśaḥ pradakṣiṇīkṛtaḥ/ evaṃ cetasā cittamabhisaṃskṛtam--asmānme padāvihārāt kiyatpuṇyaṃ bhaviṣyatīti? atha bhagavāṃstasya mahājanakāyasyāvipratisārasaṃjananārthaṃ tasya copāsakasya cetasā cittamājñāya gāthāṃ bhāṣite--
Sanskrit only: no published translation is held for this verse.
शतंसहस्राणि सुवर्णनिष्का जाम्बूनदा नास्य समा भवन्ति।
śataṃsahasrāṇi suvarṇaniṣkā jāmbūnadā nāsya samā bhavanti/
Sanskrit only: no published translation is held for this verse.
यो बुद्धचैत्येषु प्रसन्नचित्तः पदाविहारं प्रकरोति विद्वान्॥२॥
yo buddhacaityeṣu prasannacittaḥ padāvihāraṃ prakaroti vidvān//2//
Sanskrit only: no published translation is held for this verse.
अन्यतमेनाप्युपासकेन तस्मिन् प्रदेशे मृत्तिकापिण्डो दत्तः। एवं चित्तमभिसंस्कृतम्--पदाविहारस्य तावदियत्पुण्यमाख्यातं भगवता।
anyatamenāpyupāsakena tasmin pradeśe mṛttikāpiṇḍo dattaḥ/ evaṃ cittamabhisaṃskṛtam--padāvihārasya tāvadiyatpuṇyamākhyātaṃ bhagavatā/
Sanskrit only: no published translation is held for this verse.
अस्य तु मृत्तिकापिण्डस्य कियत्पुण्यं भविष्यतीति? अथ भगवांस् तस्यापि चित्तमाज्ञाय गाथां भाषते--
asya tu mṛttikāpiṇḍasya kiyatpuṇyaṃ bhaviṣyatīti? atha bhagavāṃs tasyāpi cittamājñāya gāthāṃ bhāṣate--
Sanskrit only: no published translation is held for this verse.
शतंसहस्राणि सुवर्णपिण्डं जाम्बूनदा नास्य समा भवन्ति।
śataṃsahasrāṇi suvarṇapiṇḍaṃ jāmbūnadā nāsya samā bhavanti/
Sanskrit only: no published translation is held for this verse.
यो बुद्धचैत्येषु प्रसन्नचित्त आरोपयेन्मेत्तिकपिण्डमेकम्॥३॥ इति।
yo buddhacaityeṣu prasannacitta āropayenmettikapiṇḍamekam//3// iti/
Sanskrit only: no published translation is held for this verse.
तच्छ्रुत्वा अनेकैः प्राणिशतसहस्रैर्मृत्पिण्डसमारोपणं कृतम्। अपरैस्तत्र मुक्तपुष्पाणि क्षिप्तानि, एवं चित्तमभिसंस्कृतम्--पदाविहारस्य मृत्तिकापिण्डस्य चेयत्पुण्यमुक्तं भगवता, अस्माकं तु मुक्तपुष्पाणां कियत्पुण्यं भविष्यतीति? अथ भगवांस्तेषामपि चित्तमाज्ञाय गाथां भाषते--
tacchrutvā anekaiḥ prāṇiśatasahasrairmṛtpiṇḍasamāropaṇaṃ kṛtam/ aparaistatra muktapuṣpāṇi kṣiptāni, evaṃ cittamabhisaṃskṛtam--padāvihārasya mṛttikāpiṇḍasya ceyatpuṇyamuktaṃ bhagavatā, asmākaṃ tu muktapuṣpāṇāṃ kiyatpuṇyaṃ bhaviṣyatīti? atha bhagavāṃsteṣāmapi cittamājñāya gāthāṃ bhāṣate--
Sanskrit only: no published translation is held for this verse.