Divyāvadāna 306

<३०६>शतसहस्राणि सुवर्णपर्वता मेरोः समा नास्य भवन्ति।

<306>śatasahasrāṇi suvarṇaparvatā meroḥ samā nāsya bhavanti/

Sanskrit only: no published translation is held for this verse.

यो बुद्धचैत्येषु प्रसन्नचित्त आरोपयेच्छत्रध्वजपताकम्॥८॥

yo buddhacaityeṣu prasannacitta āropayecchatradhvajapatākam//8//

Sanskrit only: no published translation is held for this verse.

एषां हि दक्षिणा प्रोक्ता अप्रमेये तथागते।

eṣāṃ hi dakṣiṇā proktā aprameye tathāgate/

Sanskrit only: no published translation is held for this verse.

समुद्रकल्पे संबुद्धे सार्थवाहे अनुत्तरे॥९॥ इति।

samudrakalpe saṃbuddhe sārthavāhe anuttare//9// iti/

Sanskrit only: no published translation is held for this verse.

तेषामेतदभवत्--परिनिर्वृतस्य तावद्भगवतः पूजाकरणादि यत्पुण्यमुक्तं भगवता, तिष्ठतः कियत्पुण्यं भविष्यतीति।

teṣāmetadabhavat--parinirvṛtasya tāvadbhagavataḥ pūjākaraṇādi yatpuṇyamuktaṃ bhagavatā, tiṣṭhataḥ kiyatpuṇyaṃ bhaviṣyatīti/

Sanskrit only: no published translation is held for this verse.

अथ भगवांस्तेषामपि चेतसा चित्तमाज्ञाय गाथां भाषते--

atha bhagavāṃsteṣāmapi cetasā cittamājñāya gāthāṃ bhāṣate--

Sanskrit only: no published translation is held for this verse.

तिष्ठन्तं पूजयेद्यच्च यच्चापि परिनिर्वृतम्।

tiṣṭhantaṃ pūjayedyacca yaccāpi parinirvṛtam/

Sanskrit only: no published translation is held for this verse.

समं चित्तप्रसादेन नास्ति पुण्यविशेषता।

samaṃ cittaprasādena nāsti puṇyaviśeṣatā/

Sanskrit only: no published translation is held for this verse.

एवं ह्यचिन्तिया बुद्धा बुद्धधर्माप्यचिन्तिया॥१०॥

evaṃ hyacintiyā buddhā buddhadharmāpyacintiyā//10//

Sanskrit only: no published translation is held for this verse.

अचिन्तियैः प्रसन्नानामप्रतिहतधर्मचक्रप्रवर्तिनाम्।

acintiyaiḥ prasannānāmapratihatadharmacakrapravartinām/

Sanskrit only: no published translation is held for this verse.

सम्यक्सम्बुद्धानां नालं गुणपारमधिगन्तुम्॥११॥ इति।

samyaksambuddhānāṃ nālaṃ guṇapāramadhigantum//11// iti/

Sanskrit only: no published translation is held for this verse.

ततो भगवता तस्य महाजनकायस्य तथाविधा धर्मदेशना कृता, याम् अनेकैः प्राणिशतसहस्रैर्महान् विशेषो ऽधिगतः।

tato bhagavatā tasya mahājanakāyasya tathāvidhā dharmadeśanā kṛtā, yām anekaiḥ prāṇiśatasahasrairmahān viśeṣo 'dhigataḥ/

Sanskrit only: no published translation is held for this verse.

कैश्चिच्छ्रावकबोधौ चित्तान्युत्पादितानि, कैश्चित् प्रत्येकबोधौ, कैश्चिदुष्मगतानि प्रतिलब्धानि, कैश्चिद् मूर्धानः, कैश्चित्सत्यानुलोमः क्षान्त्यः, कैश्चिच्छ्रोताअपत्तिफलं साक्षात्कृतम्, कैश्चित्सकृदागामिफलम्, कैश्चिदनागामिफलम्, कैश्चित्सर्वक्लेशप्रहाणादर्हत्त्वं साक्षात्कृतम्।

kaiścicchrāvakabodhau cittānyutpāditāni, kaiścit pratyekabodhau, kaiściduṣmagatāni pratilabdhāni, kaiścid mūrdhānaḥ, kaiścitsatyānulomaḥ kṣāntyaḥ, kaiścicchrotāapattiphalaṃ sākṣātkṛtam, kaiścitsakṛdāgāmiphalam, kaiścidanāgāmiphalam, kaiścitsarvakleśaprahāṇādarhattvaṃ sākṣātkṛtam/

Sanskrit only: no published translation is held for this verse.

यद्भूयसा सा पर्षद्बुद्धनिंना धर्मप्रवणा संघप्राग्भारा व्यवस्थिता।

yadbhūyasā sā parṣadbuddhaniṃnā dharmapravaṇā saṃghaprāgbhārā vyavasthitā/

Sanskrit only: no published translation is held for this verse.

सार्धं तत्र ब्राह्मणगृहपतिभिस्तस्मिन् प्रदेशे महः स्थापितह्--तोयिकामहस्तोयिकामह इति संज्ञा संवृत्ता॥

sārdhaṃ tatra brāhmaṇagṛhapatibhistasmin pradeśe mahaḥ sthāpitah--toyikāmahastoyikāmaha iti saṃjñā saṃvṛttā//

Sanskrit only: no published translation is held for this verse.

इति तोयिकामहावदानमेकत्रिंशत्तमम्॥

iti toyikāmahāvadānamekatriṃśattamam//

Sanskrit only: no published translation is held for this verse.