Library·Divyāvadāna·315
<३१५>अथायुष्मत आनन्दस्य चित्तमक्षिप्तम्। स विहारान्निष्क्रम्य येन चण्डालगृहं तेनोपसंक्रामति स्म।
<315>athāyuṣmata ānandasya cittamakṣiptam/ sa vihārānniṣkramya yena caṇḍālagṛhaṃ tenopasaṃkrāmati sma/
Sanskrit only: no published translation is held for this verse.
अद्राक्षीच्चण्डाली आयुष्मन्तमानन्दं दूरादेवागच्छन्तम्। दृष्ट्वा च पुनः प्रकृतिं दुहितरमिदमवोचत्--अयमसौ पुत्रि श्रमण आनन्द आगच्छति।
adrākṣīccaṇḍālī āyuṣmantamānandaṃ dūrādevāgacchantam/ dṛṣṭvā ca punaḥ prakṛtiṃ duhitaramidamavocat--ayamasau putri śramaṇa ānanda āgacchati/
Sanskrit only: no published translation is held for this verse.
शयनं प्रज्ञपय।
śayanaṃ prajñapaya/
Sanskrit only: no published translation is held for this verse.
अथ प्रकृतिर्मातङ्गदारिका हृष्टतुष्टा प्रमुदितमना आयुष्मत आनन्दस्य शय्यां प्रज्ञपयति स्म॥
atha prakṛtirmātaṅgadārikā hṛṣṭatuṣṭā pramuditamanā āyuṣmata ānandasya śayyāṃ prajñapayati sma//
Sanskrit only: no published translation is held for this verse.
अथायुष्मानान्दो येन चण्डालगृहं तेनोपसंक्रान्तः। उपसंक्रम्य वेदीमुपनिश्रित्यास्थात्। एकान्तस्थितः स पुनरायुष्मानान्दः प्रारोदीत्।
athāyuṣmānāndo yena caṇḍālagṛhaṃ tenopasaṃkrāntaḥ/ upasaṃkramya vedīmupaniśrityāsthāt/ ekāntasthitaḥ sa punarāyuṣmānāndaḥ prārodīt/
Sanskrit only: no published translation is held for this verse.
अश्रूणि प्रवर्तयमान एवमाह--व्यसनप्राप्तो ऽहमस्मि।
aśrūṇi pravartayamāna evamāha--vyasanaprāpto 'hamasmi/
Sanskrit only: no published translation is held for this verse.
न च मे भगवान् समन्वाहरति। अथ भगवानायुष्मन्तमानन्दं समन्वाहरति स्म।
na ca me bhagavān samanvāharati/ atha bhagavānāyuṣmantamānandaṃ samanvāharati sma/
Sanskrit only: no published translation is held for this verse.
समन्वाहृत्य संबुद्धमन्त्रैश्चण्डालमन्त्रान् प्रतिहन्ति स्म। तत्रेयं विद्या--
samanvāhṛtya saṃbuddhamantraiścaṇḍālamantrān pratihanti sma/ tatreyaṃ vidyā--
Sanskrit only: no published translation is held for this verse.
स्थितिरच्युतिः सुनीतिः। स्वस्ति सर्वप्राणिभ्यः॥
sthitiracyutiḥ sunītiḥ/ svasti sarvaprāṇibhyaḥ//
Sanskrit only: no published translation is held for this verse.
सरः प्रसन्नं निर्देषं प्रशान्तं सर्वतो ऽभयम्।
saraḥ prasannaṃ nirdeṣaṃ praśāntaṃ sarvato 'bhayam/
Sanskrit only: no published translation is held for this verse.
ईतयो यत्र शाम्यन्ति भयानि चलितानि च॥१॥
ītayo yatra śāmyanti bhayāni calitāni ca//1//
Sanskrit only: no published translation is held for this verse.
तद्वै देवा नमस्यन्ति सर्वसिद्धाश्च योगिनः।
tadvai devā namasyanti sarvasiddhāśca yoginaḥ/
Sanskrit only: no published translation is held for this verse.
एतेन सत्यवाक्येन स्वस्त्यानन्दास्य भिक्षवे॥२॥
etena satyavākyena svastyānandāsya bhikṣave//2//
Sanskrit only: no published translation is held for this verse.
अथायुष्मानान्दः प्रतिहतचण्डालमन्त्रश्चण्डालगृहान्निष्क्रम्य येन स्वको विहारस्तेनोपसंक्रमितुमारब्धः॥
athāyuṣmānāndaḥ pratihatacaṇḍālamantraścaṇḍālagṛhānniṣkramya yena svako vihārastenopasaṃkramitumārabdhaḥ//
Sanskrit only: no published translation is held for this verse.
अद्राक्षीत्प्रकृतिर्मातङ्गदारिका आनन्दमायुष्मन्तं प्रतिगच्छन्तम्। दृष्ट्वा च पुनः स्वां जननीमिदमवोचत्--अयमसौ मातः श्रमण आनन्दः प्रतिगच्छति।
adrākṣītprakṛtirmātaṅgadārikā ānandamāyuṣmantaṃ pratigacchantam/ dṛṣṭvā ca punaḥ svāṃ jananīmidamavocat--ayamasau mātaḥ śramaṇa ānandaḥ pratigacchati/
Sanskrit only: no published translation is held for this verse.
तामाह माता--नियतं पुत्रि श्रमणेन गौतमेन समन्वाहृतो भविष्यति।
tāmāha mātā--niyataṃ putri śramaṇena gautamena samanvāhṛto bhaviṣyati/
Sanskrit only: no published translation is held for this verse.
तेन मम मन्त्राः प्रतिहता भविष्यन्ति। प्रकृतिराह--किं पुनरम्ब बलवत्तराः श्रमणस्य गौतमस्य मन्त्रा नास्माकम्? तामाह माता--बलवत्तराः श्रमणस्य गौतमस्य मन्त्रा नास्माकम्।
tena mama mantrāḥ pratihatā bhaviṣyanti/ prakṛtirāha--kiṃ punaramba balavattarāḥ śramaṇasya gautamasya mantrā nāsmākam? tāmāha mātā--balavattarāḥ śramaṇasya gautamasya mantrā nāsmākam/
Sanskrit only: no published translation is held for this verse.
ये पुत्रि मन्त्राः सर्वलोकस्य प्रभवन्ति, तान् मन्त्राञ् श्रमणो गौतम आकाङ्क्षमाणः प्रतिहन्ति।
ye putri mantrāḥ sarvalokasya prabhavanti, tān mantrāñ śramaṇo gautama ākāṅkṣamāṇaḥ pratihanti/
Sanskrit only: no published translation is held for this verse.
न पुनर्लोकः प्रभवति श्रमणस्य गौतमस्य मन्त्रान् प्रतिहन्तुम्।
na punarlokaḥ prabhavati śramaṇasya gautamasya mantrān pratihantum/
Sanskrit only: no published translation is held for this verse.
एवं बलवत्तराः श्रमणस्य गौतमस्य मन्त्राः॥
evaṃ balavattarāḥ śramaṇasya gautamasya mantrāḥ//
Sanskrit only: no published translation is held for this verse.
अथायुष्मानानन्दो येन भगवांस्तेनोपसंक्रान्तः। उपसंक्रम्य भगवतः पादौ शिरसा वन्दित्वैकान्ते ऽस्थात्।
athāyuṣmānānando yena bhagavāṃstenopasaṃkrāntaḥ/ upasaṃkramya bhagavataḥ pādau śirasā vanditvaikānte 'sthāt/
Sanskrit only: no published translation is held for this verse.
एकान्तस्थितमायुष्मन्तमानन्दं भगवानिदमवोचत्--उद्गृह्ण र्वमानन्द इमां षडक्षरीविद्याम्।
ekāntasthitamāyuṣmantamānandaṃ bhagavānidamavocat--udgṛhṇa rvamānanda imāṃ ṣaḍakṣarīvidyām/
Sanskrit only: no published translation is held for this verse.
धारय वाचय पर्यवाप्नुहि आत्मनो हिताय सुखाय भिक्षूणां भिक्षुणीनामुपासकानामुपासिकानां हिताय सुखाय।
dhāraya vācaya paryavāpnuhi ātmano hitāya sukhāya bhikṣūṇāṃ bhikṣuṇīnāmupāsakānāmupāsikānāṃ hitāya sukhāya/
Sanskrit only: no published translation is held for this verse.
इयमानन्द षडक्षरीविद्या षड्भिः सम्यक्सम्बुद्धैर्भाषिता, चतुर्भिश्च महाराजैः, शक्रेण देवानामिन्द्रेण, ब्रह्मणा च सहापतिना।
iyamānanda ṣaḍakṣarīvidyā ṣaḍbhiḥ samyaksambuddhairbhāṣitā, caturbhiśca mahārājaiḥ, śakreṇa devānāmindreṇa, brahmaṇā ca sahāpatinā/
Sanskrit only: no published translation is held for this verse.
मया चैतर्हि शाक्यमुनिना सम्यक्सम्बुद्धेन भाषिता।
mayā caitarhi śākyamuninā samyaksambuddhena bhāṣitā/
Sanskrit only: no published translation is held for this verse.
त्वमप्येतर्हि आनन्द तां धारस्य वाचय पर्यवाप्नुहि।
tvamapyetarhi ānanda tāṃ dhārasya vācaya paryavāpnuhi/
Sanskrit only: no published translation is held for this verse.
यदुत तद्यथा--
yaduta tadyathā--
Sanskrit only: no published translation is held for this verse.
अण्डरे पाण्डरे कारण्डे केयूरे ऽर्चिहस्ते खरग्रीवे बन्धुमति वीरमति धर विध चिलिमिले विलो:अय विषाणि लोके।
aṇḍare pāṇḍare kāraṇḍe keyūre 'rcihaste kharagrīve bandhumati vīramati dhara vidha cilimile vilo:aya viṣāṇi loke/
Sanskrit only: no published translation is held for this verse.
विष चल चल। गोलमति गण्डविले चिलिमिले सातिनिंने यथासंविभक्ते गोलमति गण्डविलायै स्वाहा॥
viṣa cala cala/ golamati gaṇḍavile cilimile sātiniṃne yathāsaṃvibhakte golamati gaṇḍavilāyai svāhā//
Sanskrit only: no published translation is held for this verse.