तदर्हति भगवांस् तां विनेतुमनुकम्पामुपादायेति। भगवान् कथयति--मौद्गल्यायन, कस्य ऋद्ध्या गच्छामह्? भगवन् मदीयया।
tadarhati bhagavāṃs tāṃ vinetumanukampāmupādāyeti/ bhagavān kathayati--maudgalyāyana, kasya ṛddhyā gacchāmah? bhagavan madīyayā/
Sanskrit only: no published translation is held for this verse.
ततो भगवानायुष्मांश्च महामौद्गल्यायनः सुमेरुमूर्ध्नि पादान् स्थापयन्तौ संप्रस्थितौ।
tato bhagavānāyuṣmāṃśca mahāmaudgalyāyanaḥ sumerumūrdhni pādān sthāpayantau saṃprasthitau/
Sanskrit only: no published translation is held for this verse.
सप्तमे दिवसे मरीचिकं लोकधातुमनुप्राप्तः।
saptame divase marīcikaṃ lokadhātumanuprāptaḥ/
Sanskrit only: no published translation is held for this verse.
अद्राक्षीत् सा भद्रकन्या आयुष्मन्तं महामौद्गल्यायनं दूरादेव। दृष्ट्वा च पुनः ससम्भ्रमात् तत्सकाशमुपसंक्रम्य कथयति--चिराद्बत पुत्रकं पश्यामीति।
adrākṣīt sā bhadrakanyā āyuṣmantaṃ mahāmaudgalyāyanaṃ dūrādeva/ dṛṣṭvā ca punaḥ sasambhramāt tatsakāśamupasaṃkramya kathayati--cirādbata putrakaṃ paśyāmīti/
Sanskrit only: no published translation is held for this verse.
ततो जनकायः कथयति--भदन्तो ऽयं प्रव्रजितो वृद्धः।
tato janakāyaḥ kathayati--bhadanto 'yaṃ pravrajito vṛddhaḥ/
Sanskrit only: no published translation is held for this verse.
इयं च कन्या। कथमस्य माता भवतीति? आयुष्मान् मौद्गल्यायनः कथयति--भवन्तः, मम इमे स्कन्धा अन्याः संवृद्धाः।
iyaṃ ca kanyā/ kathamasya mātā bhavatīti? āyuṣmān maudgalyāyanaḥ kathayati--bhavantaḥ, mama ime skandhā anyāḥ saṃvṛddhāḥ/
Sanskrit only: no published translation is held for this verse.
तेन ममेयं मातेति।
tena mameyaṃ māteti/
Sanskrit only: no published translation is held for this verse.
ततो भगवता तस्या भद्रकन्याया आशयानुशयं धातुं प्रकृतिं च ज्ञात्वा तादृशी चतुरार्यसत्यसम्प्रतिवेधिकी धर्मदेशना कृता, यां श्रुत्वा तया भद्रकन्यया विंशतिशिखरसमुद्गतं सत्कायदृष्टिशौलं ज्ञानवज्रेण भित्त्वा स्रोतापत्तिफलं साक्षात्कृतम्।
tato bhagavatā tasyā bhadrakanyāyā āśayānuśayaṃ dhātuṃ prakṛtiṃ ca jñātvā tādṛśī caturāryasatyasamprativedhikī dharmadeśanā kṛtā, yāṃ śrutvā tayā bhadrakanyayā viṃśatiśikharasamudgataṃ satkāyadṛṣṭiśaulaṃ jñānavajreṇa bhittvā srotāpattiphalaṃ sākṣātkṛtam/
Sanskrit only: no published translation is held for this verse.
सा दृष्टसत्या त्रिरुदानमुदानयति पूर्ववत् यावत् प्रतिष्ठापिता देवमनुष्येषु।
sā dṛṣṭasatyā trirudānamudānayati pūrvavat yāvat pratiṣṭhāpitā devamanuṣyeṣu/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
तवानुभावात्पिहितः सुघोरो ह्यपायमार्गो बहुदोषदुष्टः।
tavānubhāvātpihitaḥ sughoro hyapāyamārgo bahudoṣaduṣṭaḥ/
Sanskrit only: no published translation is held for this verse.
अपावृता स्वर्गगतिः सुपुण्या निर्वाणमार्गं च मयोपलब्धम्॥१६॥
apāvṛtā svargagatiḥ supuṇyā nirvāṇamārgaṃ ca mayopalabdham//16//
Sanskrit only: no published translation is held for this verse.
त्वदाश्रयाच्चाप्तमपेतदोषं ममाद्य शुद्धं सुविशुद्धचक्षुः।
tvadāśrayāccāptamapetadoṣaṃ mamādya śuddhaṃ suviśuddhacakṣuḥ/
Sanskrit only: no published translation is held for this verse.
प्राप्तं च कान्तं पदमार्यकान्तं तीर्णा च दुःखार्णवपारमस्मि॥१७॥
prāptaṃ ca kāntaṃ padamāryakāntaṃ tīrṇā ca duḥkhārṇavapāramasmi//17//
Sanskrit only: no published translation is held for this verse.
जगति दैत्यनरामरपूजित विगतजन्मजरामरणामय।
jagati daityanarāmarapūjita vigatajanmajarāmaraṇāmaya/
Sanskrit only: no published translation is held for this verse.
भवसहस्रसुदुर्लभदर्शन सफलमद्य मुने तव दर्शनम्॥१८॥
bhavasahasrasudurlabhadarśana saphalamadya mune tava darśanam//18//
Sanskrit only: no published translation is held for this verse.
अतिक्रान्ताहं भदन्त अतिक्रान्ता। एषाहं भगवन्तं शरणं गच्छामि धर्मं च भिक्षुसंघं च।
atikrāntāhaṃ bhadanta atikrāntā/ eṣāhaṃ bhagavantaṃ śaraṇaṃ gacchāmi dharmaṃ ca bhikṣusaṃghaṃ ca/
Sanskrit only: no published translation is held for this verse.
उपासिकां च मां धारय अद्याग्रेण यावज्जीवं प्राणोपेतां शरणं गतामभिप्रसन्नाम्।
upāsikāṃ ca māṃ dhāraya adyāgreṇa yāvajjīvaṃ prāṇopetāṃ śaraṇaṃ gatāmabhiprasannām/
Sanskrit only: no published translation is held for this verse.
अधिवासयतु मे भगवानद्य पिण्डपातेन सार्धमार्यमहामौद्गल्यायनेनेति। अधिवासयति भगवांस् तस्या भद्रकन्यायास्तूष्णीभावेन।
adhivāsayatu me bhagavānadya piṇḍapātena sārdhamāryamahāmaudgalyāyaneneti/ adhivāsayati bhagavāṃs tasyā bhadrakanyāyāstūṣṇībhāvena/
Sanskrit only: no published translation is held for this verse.
अथ सा भद्रकन्या भगवन्तमायुष्मन्तं च महामौद्गल्यायनं सुखोपनिषण्णं विदित्वा शुचिना प्रणीतेन खादनीयेन भोजनीयेन स्वहस्तं संतर्प्य संप्रवार्य भगवन्तं भुक्तवन्तं विदित्वा धातहस्तमपनीतपात्रं नीचतरमासनं गृहीत्वा भगवतः पुरस्तान्निषण्णा धर्मश्रवणाय।
atha sā bhadrakanyā bhagavantamāyuṣmantaṃ ca mahāmaudgalyāyanaṃ sukhopaniṣaṇṇaṃ viditvā śucinā praṇītena khādanīyena bhojanīyena svahastaṃ saṃtarpya saṃpravārya bhagavantaṃ bhuktavantaṃ viditvā dhātahastamapanītapātraṃ nīcataramāsanaṃ gṛhītvā bhagavataḥ purastānniṣaṇṇā dharmaśravaṇāya/
Sanskrit only: no published translation is held for this verse.
भगवता तस्या धर्मो देशितः। आयुष्मान् महामौद्गल्यायनो भगवतः पात्रग्राहकः पात्रं निर्यातयति।
bhagavatā tasyā dharmo deśitaḥ/ āyuṣmān mahāmaudgalyāyano bhagavataḥ pātragrāhakaḥ pātraṃ niryātayati/
Sanskrit only: no published translation is held for this verse.
भगवता अभिहितह्--मौद्गल्यायन गच्छामः।
bhagavatā abhihitah--maudgalyāyana gacchāmaḥ/
Sanskrit only: no published translation is held for this verse.
गच्छामो भगवन्। कस्य ऋद्ध्या? तथागतस्य भगवतः। यदि एवम्, समन्वाहर जेतवनम्।
gacchāmo bhagavan/ kasya ṛddhyā? tathāgatasya bhagavataḥ/ yadi evam, samanvāhara jetavanam/
Sanskrit only: no published translation is held for this verse.
आगताः स्मो भगवन्, आगताः। मौद्गल्यायनस्ततो विस्मयावर्जितमतिः कथयति--किं नामेयं भगवन्न् ऋद्धिह्? मनोजवा मौद्गल्यायन।
āgatāḥ smo bhagavan, āgatāḥ/ maudgalyāyanastato vismayāvarjitamatiḥ kathayati--kiṃ nāmeyaṃ bhagavann ṛddhih? manojavā maudgalyāyana/
Sanskrit only: no published translation is held for this verse.
न मया भदन्त विज्ञातमेवं गम्भीरमेवं गम्भीरा बुद्धधर्मा इति।
na mayā bhadanta vijñātamevaṃ gambhīramevaṃ gambhīrā buddhadharmā iti/
Sanskrit only: no published translation is held for this verse.
यदि विज्ञातमभविष्यत्, तिलशो ऽपि मे संचूर्णितशरीरेणानुत्तरायाः सम्यक्सम्बोधेश्चित्तं व्यावर्तितमभविष्यत्।
yadi vijñātamabhaviṣyat, tilaśo 'pi me saṃcūrṇitaśarīreṇānuttarāyāḥ samyaksambodheścittaṃ vyāvartitamabhaviṣyat/
Sanskrit only: no published translation is held for this verse.
इदानीं किं करोमि दग्धेन्धन इति॥
idānīṃ kiṃ karomi dagdhendhana iti//
Sanskrit only: no published translation is held for this verse.
ततो भिक्षवः संशयजाताः सर्वसंशयच्छेत्तारं बुद्धं भगवन्तं पप्रच्छुह्--किं भदन्त आयुष्मता पूर्णेन कर्म कृतम् येनाढ्ये महाधने महाभोगे कुले जातः, किं कर्म कृतम् येन <३३>दास्याः कुक्षौ उपपन्नः, प्रव्रज्य च सर्वक्लेशप्रहाणादर्हत्त्वं साक्षात्कृतम्? भगवानाह--पूर्णेन भिक्षवो भिक्षुणा कर्माणि कृतानि उपचितानि लब्धसम्भाराणि परिणतप्रत्ययानि ओघवत्प्रत्युपस्थिताअनि अवश्यम्भावीनि।
tato bhikṣavaḥ saṃśayajātāḥ sarvasaṃśayacchettāraṃ buddhaṃ bhagavantaṃ papracchuh--kiṃ bhadanta āyuṣmatā pūrṇena karma kṛtam yenāḍhye mahādhane mahābhoge kule jātaḥ, kiṃ karma kṛtam yena <33>dāsyāḥ kukṣau upapannaḥ, pravrajya ca sarvakleśaprahāṇādarhattvaṃ sākṣātkṛtam? bhagavānāha--pūrṇena bhikṣavo bhikṣuṇā karmāṇi kṛtāni upacitāni labdhasambhārāṇi pariṇatapratyayāni oghavatpratyupasthitāani avaśyambhāvīni/
Sanskrit only: no published translation is held for this verse.