Library·Divyāvadāna·326
<३२६>तद्यथा स्थलजानां पुष्पवृक्षाणामतिमुक्तकचम्पकपाटलानां सुमनावार्षिकाधनुष्कारिकादीनां नानाकरणं प्रज्ञायते।
<326>tadyathā sthalajānāṃ puṣpavṛkṣāṇāmatimuktakacampakapāṭalānāṃ sumanāvārṣikādhanuṣkārikādīnāṃ nānākaraṇaṃ prajñāyate/
Sanskrit only: no published translation is held for this verse.
यदुत रूपतो ऽपि वर्णतो ऽपि गन्धतो ऽपि संस्थानतो ऽपि नानाकरणं प्रज्ञायते।
yaduta rūpato 'pi varṇato 'pi gandhato 'pi saṃsthānato 'pi nānākaraṇaṃ prajñāyate/
Sanskrit only: no published translation is held for this verse.
न त्वेव चतुर्णां वर्णानां नानाकरणं प्रज्ञायते॥
na tveva caturṇāṃ varṇānāṃ nānākaraṇaṃ prajñāyate//
Sanskrit only: no published translation is held for this verse.
तद्यथा ब्राह्मण अमीषामपि जलजानां पुष्पाणां पद्मोत्पलसौगन्धकमृदुगन्धिकादीनां नानाकरणं प्रज्ञायते।
tadyathā brāhmaṇa amīṣāmapi jalajānāṃ puṣpāṇāṃ padmotpalasaugandhakamṛdugandhikādīnāṃ nānākaraṇaṃ prajñāyate/
Sanskrit only: no published translation is held for this verse.
यदुत रूपतश्च गन्धतश्च संस्थानतश्च वर्णतश्च नानाकरणं पर्ज्ञायते।
yaduta rūpataśca gandhataśca saṃsthānataśca varṇataśca nānākaraṇaṃ parjñāyate/
Sanskrit only: no published translation is held for this verse.
न त्वेव चतुर्णां वर्णानां नानाकरणं प्रज्ञायते। तद्यथा पुष्करसारिन्न् अमी ब्राह्मणा इति क्षत्रिया इति वैश्या इति शूद्रा इति।
na tveva caturṇāṃ varṇānāṃ nānākaraṇaṃ prajñāyate/ tadyathā puṣkarasārinn amī brāhmaṇā iti kṣatriyā iti vaiśyā iti śūdrā iti/
Sanskrit only: no published translation is held for this verse.
तस्मादेकमेवेदं सर्वमिति॥
tasmādekamevedaṃ sarvamiti//
Sanskrit only: no published translation is held for this verse.
अप्यन्यत्ते प्रवक्ष्यामि ब्राह्मणैः कल्पितम् यथा।
apyanyatte pravakṣyāmi brāhmaṇaiḥ kalpitam yathā/
Sanskrit only: no published translation is held for this verse.
शिरः सतारं गगनमाकाशमुदरं तथा॥५७॥
śiraḥ satāraṃ gaganamākāśamudaraṃ tathā//57//
Sanskrit only: no published translation is held for this verse.
पर्वताश्चाप्युभावूरू पादौ च धरणीतलम्।
parvatāścāpyubhāvūrū pādau ca dharaṇītalam/
Sanskrit only: no published translation is held for this verse.
सूर्याचन्द्रमसौ नेत्रे रोम तृणवनस्पती॥५८॥
sūryācandramasau netre roma tṛṇavanaspatī//58//
Sanskrit only: no published translation is held for this verse.
अश्रूण्यवोचद्वर्षास्य नद्यः प्रस्रावमेव च।
aśrūṇyavocadvarṣāsya nadyaḥ prasrāvameva ca/
Sanskrit only: no published translation is held for this verse.
सागराश्चाप्यमेध्यं वै एवं ब्रंहा प्रजापतिः॥५९॥
sāgarāścāpyamedhyaṃ vai evaṃ braṃhā prajāpatiḥ//59//
Sanskrit only: no published translation is held for this verse.
परीक्षस्व त्वं ब्रह्मणः स्वलक्षणम्। यस्माद् ब्रह्मणो ब्राह्मणा उत्पन्नाः, तस्मात्क्षत्रिया अपि वैश्या अपि शूद्रा अप्युत्पन्नाः॥
parīkṣasva tvaṃ brahmaṇaḥ svalakṣaṇam/ yasmād brahmaṇo brāhmaṇā utpannāḥ, tasmātkṣatriyā api vaiśyā api śūdrā apyutpannāḥ//
Sanskrit only: no published translation is held for this verse.
एवं प्रसूतिर्यदि तत्त्वतः स्यात्ततो हि स्याद्वर्णकृतो विशेषः।
evaṃ prasūtiryadi tattvataḥ syāttato hi syādvarṇakṛto viśeṣaḥ/
Sanskrit only: no published translation is held for this verse.
यदि ब्राह्मणा ब्रह्मलोकं व्रजेयुस्त्रयश्च वर्णा न व्रजेयुः स्वर्गम्।
yadi brāhmaṇā brahmalokaṃ vrajeyustrayaśca varṇā na vrajeyuḥ svargam/
Sanskrit only: no published translation is held for this verse.
एवं भवेद्वर्णकृतो विशेषो न चेन्न चत्वारो भवन्ति वर्णाः॥६०॥
evaṃ bhavedvarṇakṛto viśeṣo na cenna catvāro bhavanti varṇāḥ//60//
Sanskrit only: no published translation is held for this verse.
यस्माद्धि वर्णश्चतुर्थ एवं प्रयाति स्वर्गं स्वकृतेन कर्मणा।
yasmāddhi varṇaścaturtha evaṃ prayāti svargaṃ svakṛtena karmaṇā/
Sanskrit only: no published translation is held for this verse.
यतस्तपश्चार्षमिह प्रशस्तं तस्माद् द्विजातेर् न विशेषणं स्याद्॥६१॥
yatastapaścārṣamiha praśastaṃ tasmād dvijāter na viśeṣaṇaṃ syād//61//
Sanskrit only: no published translation is held for this verse.
यदि ब्राह्मणः स्यादिहैक एव द्विजिह्वश्चतुःश्रवणस्तथैव।
yadi brāhmaṇaḥ syādihaika eva dvijihvaścatuḥśravaṇastathaiva/
Sanskrit only: no published translation is held for this verse.
चतुर्विषाणो बहुपाद् द्विशीर्ष एवं कृते वर्णकृतो विशेषः॥६२॥
caturviṣāṇo bahupād dviśīrṣa evaṃ kṛte varṇakṛto viśeṣaḥ//62//
Sanskrit only: no published translation is held for this verse.