पूर्णेन कर्माणि कृतानि उपचितानि। को ऽन्यः प्रत्यनुभविष्यति? न भिक्षवः कर्माणि कृतानि उपचितानि बाह्ये पृथिवीधातौ विपच्यन्ते, नाब्धातौ, न तेजोधातौ, न वायुधातौ, अपि तूपात्तेष्वेव स्कन्धधात्वायतनेषु कर्माणि कृतान्युपचितानि विपच्यन्ते शुभान्यशुभानि च।
pūrṇena karmāṇi kṛtāni upacitāni/ ko 'nyaḥ pratyanubhaviṣyati? na bhikṣavaḥ karmāṇi kṛtāni upacitāni bāhye pṛthivīdhātau vipacyante, nābdhātau, na tejodhātau, na vāyudhātau, api tūpātteṣveva skandhadhātvāyataneṣu karmāṇi kṛtānyupacitāni vipacyante śubhānyaśubhāni ca/
Sanskrit only: no published translation is held for this verse.
न प्रणश्यन्ति कर्माणि अपि कल्पशतैरपि।
na praṇaśyanti karmāṇi api kalpaśatairapi/
Sanskrit only: no published translation is held for this verse.
सामग्रीं प्राप्य कालं च फलन्ति खलु देहिनाम्॥१९॥
sāmagrīṃ prāpya kālaṃ ca phalanti khalu dehinām//19//
Sanskrit only: no published translation is held for this verse.
भूतपूर्वं भिक्षवो ऽस्मिन्नेव भद्रकल्पे विंशतिवर्षसहस्रायुषि प्रजायां काश्यपो नाम सम्यक्सम्बुद्धो लोक उदपादि विद्याचरणसम्पन्नः सुगतो लोकविदनुत्तरः पुरुषदम्यसारथिः शास्ता देवानां मनुष्याणां च।
bhūtapūrvaṃ bhikṣavo 'sminneva bhadrakalpe viṃśativarṣasahasrāyuṣi prajāyāṃ kāśyapo nāma samyaksambuddho loka udapādi vidyācaraṇasampannaḥ sugato lokavidanuttaraḥ puruṣadamyasārathiḥ śāstā devānāṃ manuṣyāṇāṃ ca/
Sanskrit only: no published translation is held for this verse.
बुद्धो भगवान् वाराणसीं नगरीमुपनिश्रित्य विहरति।
buddho bhagavān vārāṇasīṃ nagarīmupaniśritya viharati/
Sanskrit only: no published translation is held for this verse.
तस्यायं शासने प्रव्रजितः। त्रिपिटकसंघस्य च धर्मवैयावृत्यं करोति। यावदन्यतमस्यार्हत उपधिवारः प्राप्तः।
tasyāyaṃ śāsane pravrajitaḥ/ tripiṭakasaṃghasya ca dharmavaiyāvṛtyaṃ karoti/ yāvadanyatamasyārhata upadhivāraḥ prāptaḥ/
Sanskrit only: no published translation is held for this verse.
स विहारं संमर्ष्टुमारब्धः। वायुनेतश्चामुतश्च संकारो नीयते। स संलक्षयति--तिष्ठतु तावद् यावद्वायुरुपशमं गच्छतीति।
sa vihāraṃ saṃmarṣṭumārabdhaḥ/ vāyunetaścāmutaśca saṃkāro nīyate/ sa saṃlakṣayati--tiṣṭhatu tāvad yāvadvāyurupaśamaṃ gacchatīti/
Sanskrit only: no published translation is held for this verse.
वैयावृत्यकरेणासंमृष्टो विहारो दृष्टः।
vaiyāvṛtyakareṇāsaṃmṛṣṭo vihāro dṛṣṭaḥ/
Sanskrit only: no published translation is held for this verse.
तेन तीव्रेण पर्यवस्थानेन खरवाक्कर्म निश्चारितम्--कस्य दासीपुत्रस्योपधिवार इति। तेन अर्हता श्रुतम्। स संलक्षयति--पर्यवस्थितो ऽयम्।
tena tīvreṇa paryavasthānena kharavākkarma niścāritam--kasya dāsīputrasyopadhivāra iti/ tena arhatā śrutam/ sa saṃlakṣayati--paryavasthito 'yam/
Sanskrit only: no published translation is held for this verse.
तिष्ठतु तावत्। पश्चात् संज्ञापयिष्यामीति।
tiṣṭhatu tāvat/ paścāt saṃjñāpayiṣyāmīti/
Sanskrit only: no published translation is held for this verse.
यदा अस्य पर्यवस्थानं विगतं तदा तस्य सकाशमुपसंक्रम्य कथयति--जानीषे त्वं को ऽहमिति? स कथयति--जाने त्वं काश्यपस्य सम्यक्सम्बुद्धस्य शासने प्रव्रजितो ऽहमपीति।
yadā asya paryavasthānaṃ vigataṃ tadā tasya sakāśamupasaṃkramya kathayati--jānīṣe tvaṃ ko 'hamiti? sa kathayati--jāne tvaṃ kāśyapasya samyaksambuddhasya śāsane pravrajito 'hamapīti/
Sanskrit only: no published translation is held for this verse.
स कथयति--यद्यप्येवं तथापि तु यन्मया प्रव्रज्य चरणीयं तत्कृतमहं सकलबन्धनाबद्धः।
sa kathayati--yadyapyevaṃ tathāpi tu yanmayā pravrajya caraṇīyaṃ tatkṛtamahaṃ sakalabandhanābaddhaḥ/
Sanskrit only: no published translation is held for this verse.
खरं ते वाक्कर्म निश्चारितम्।
kharaṃ te vākkarma niścāritam/
Sanskrit only: no published translation is held for this verse.
अत्ययमत्ययतो देशय। अप्येवैतत्कर्म तनुत्वं परिक्षयं पर्यादानं गच्छेदिति।
atyayamatyayato deśaya/ apyevaitatkarma tanutvaṃ parikṣayaṃ paryādānaṃ gacchediti/
Sanskrit only: no published translation is held for this verse.
तेनात्ययमत्ययतो देशितम्। यत्तेन नरक उपपद्य दासीपुत्रेण भवितव्यम्, तन्नरके नोपपन्नः।
tenātyayamatyayato deśitam/ yattena naraka upapadya dāsīputreṇa bhavitavyam, tannarake nopapannaḥ/
Sanskrit only: no published translation is held for this verse.
पञ्च तु जन्मशतानि दास्याः कुक्षौ उपपन्नः। यावदेतर्ह्यपि चरमे भवे दास्या एव कुक्षौ उपपन्नः।
pañca tu janmaśatāni dāsyāḥ kukṣau upapannaḥ/ yāvadetarhyapi carame bhave dāsyā eva kukṣau upapannaḥ/
Sanskrit only: no published translation is held for this verse.
यत् संघस्योपस्थानं कृतम्, तेनाढ्ये महाधने महाभोगे कुले जातः।
yat saṃghasyopasthānaṃ kṛtam, tenāḍhye mahādhane mahābhoge kule jātaḥ/
Sanskrit only: no published translation is held for this verse.
यत्तत्र पठितं स्वाध्यायितं स्कन्धकौशलं च कृतम्, तेन मम शासने प्रव्रज्य सर्वक्लेशप्रहाणादर्हत्त्वं साक्षात्कृतम्।
yattatra paṭhitaṃ svādhyāyitaṃ skandhakauśalaṃ ca kṛtam, tena mama śāsane pravrajya sarvakleśaprahāṇādarhattvaṃ sākṣātkṛtam/
Sanskrit only: no published translation is held for this verse.
इति हि भिक्षव एकान्तकृष्णानां कर्मणामेकान्तकृष्णो विपाकः, एकान्तशुक्लानां कर्मणामेकान्तशुक्लो विपाकः, व्यतिमिश्राणां व्यतिमिश्रः।
iti hi bhikṣava ekāntakṛṣṇānāṃ karmaṇāmekāntakṛṣṇo vipākaḥ, ekāntaśuklānāṃ karmaṇāmekāntaśuklo vipākaḥ, vyatimiśrāṇāṃ vyatimiśraḥ/
Sanskrit only: no published translation is held for this verse.
तस्मात् तर्हि भिक्षव एकान्तकृष्णानि कर्माण्यपास्य व्यतिमिश्राणि च, एकान्तशुक्लेष्वेव कर्मस्वाभोगः करणीयः।
tasmāt tarhi bhikṣava ekāntakṛṣṇāni karmāṇyapāsya vyatimiśrāṇi ca, ekāntaśukleṣveva karmasvābhogaḥ karaṇīyaḥ/
Sanskrit only: no published translation is held for this verse.
इत्येवं वो भिक्षवः शिक्षितव्यम्॥
ityevaṃ vo bhikṣavaḥ śikṣitavyam//
Sanskrit only: no published translation is held for this verse.
इदमवोचद्भगवान्। आत्तमनसस्ते भिक्षवो भगवतो भाषितमभ्यनन्दन्निति॥
idamavocadbhagavān/ āttamanasaste bhikṣavo bhagavato bhāṣitamabhyanandanniti//
Sanskrit only: no published translation is held for this verse.
इति श्रीदिव्यावदाने पूर्णावदानं द्वितीयम्॥
iti śrīdivyāvadāne pūrṇāvadānaṃ dvitīyam//
Sanskrit only: no published translation is held for this verse.