Library·Divyāvadāna·330
<३३०>अनुमानमपि प्रमाणमध्वर्यूणाम्। एते ब्राह्मणा एकविंशत्यध्वर्यवो भूत्वा एकोत्तरशतधा भिन्नाः।
<330>anumānamapi pramāṇamadhvaryūṇām/ ete brāhmaṇā ekaviṃśatyadhvaryavo bhūtvā ekottaraśatadhā bhinnāḥ/
Sanskrit only: no published translation is held for this verse.
तद्यथा कठाः कणिमा वाजसनेयिनो जातुकर्णाः प्रष्ठपदा ऋषयः। तत्र दश कठाः।
tadyathā kaṭhāḥ kaṇimā vājasaneyino jātukarṇāḥ praṣṭhapadā ṛṣayaḥ/ tatra daśa kaṭhāḥ/
Sanskrit only: no published translation is held for this verse.
दश कणिमाः। एकादश वाजसनेयिनः। त्रयोदश जातुकर्णाः। षोडश षोष्ठपदाः।
daśa kaṇimāḥ/ ekādaśa vājasaneyinaḥ/ trayodaśa jātukarṇāḥ/ ṣoḍaśa ṣoṣṭhapadāḥ/
Sanskrit only: no published translation is held for this verse.
एकचत्वारिंशदृषयः। इतीयं ब्राह्मण अध्वर्यूणां शाखा। एकविंशत्यध्वर्यवो भूत्वा एकोत्तरशतधा भिन्नाः॥
ekacatvāriṃśadṛṣayaḥ/ itīyaṃ brāhmaṇa adhvaryūṇāṃ śākhā/ ekaviṃśatyadhvaryavo bhūtvā ekottaraśatadhā bhinnāḥ//
Sanskrit only: no published translation is held for this verse.
अनुमानमपि ब्राह्मण प्रमाणमथर्वणिकानाम्। एते मन्त्राः सर्वे ते ऽथर्वणिकाः।
anumānamapi brāhmaṇa pramāṇamatharvaṇikānām/ ete mantrāḥ sarve te 'tharvaṇikāḥ/
Sanskrit only: no published translation is held for this verse.
क्रतुरेको भूत्वा द्विधा भिन्नः। चतुर्धा भूत्वा अष्टधा भिन्नः।
kratureko bhūtvā dvidhā bhinnaḥ/ caturdhā bhūtvā aṣṭadhā bhinnaḥ/
Sanskrit only: no published translation is held for this verse.
अष्टधा भूत्वा नव दशधा भिन्नः। इतीयं ब्रह्मण अर्हर्वणिकानां शाखा। क्रतुरेकः षोडशोत्तरद्वादशशतधा भिन्नः॥
aṣṭadhā bhūtvā nava daśadhā bhinnaḥ/ itīyaṃ brahmaṇa arharvaṇikānāṃ śākhā/ kraturekaḥ ṣoḍaśottaradvādaśaśatadhā bhinnaḥ//
Sanskrit only: no published translation is held for this verse.
अनुमानमपि ब्राह्मण प्रमाणं प्रतीत्य एतानि द्वादशभेदशतानि षोडशभेदाश्च ये ब्राह्मणैः पौरणैः सम्यग् दृष्टाः।
anumānamapi brāhmaṇa pramāṇaṃ pratītya etāni dvādaśabhedaśatāni ṣoḍaśabhedāśca ye brāhmaṇaiḥ pauraṇaiḥ samyag dṛṣṭāḥ/
Sanskrit only: no published translation is held for this verse.
छन्दसि वा व्याकरणे वा लोकयते वा पदमीमांसायां वा।
chandasi vā vyākaraṇe vā lokayate vā padamīmāṃsāyāṃ vā/
Sanskrit only: no published translation is held for this verse.
न चैषामूहापोहः प्रज्ञायते। यदुत एकजात्यो नामेति विदित्वा बन्धुर्भवितुमर्हति। तत्ते ब्राह्मण ब्रवीमि--संज्ञामात्रकमेतल्लोकस्य यदुत ब्राह्मण इति वा क्षत्रिय इति वा वश्य इति वा शूद्र इति वा।
na caiṣāmūhāpohaḥ prajñāyate/ yaduta ekajātyo nāmeti viditvā bandhurbhavitumarhati/ tatte brāhmaṇa bravīmi--saṃjñāmātrakametallokasya yaduta brāhmaṇa iti vā kṣatriya iti vā vaśya iti vā śūdra iti vā/
Sanskrit only: no published translation is held for this verse.
एकमिदं सर्वमिदमेकम्। पुत्राय मे शार्दूलकर्णाय प्रकृतिं दुहितमुत्सृज भार्यार्थाय।
ekamidaṃ sarvamidamekam/ putrāya me śārdūlakarṇāya prakṛtiṃ duhitamutsṛja bhāryārthāya/
Sanskrit only: no published translation is held for this verse.
यावन्तं कुलशुल्कं मन्यसे तावन्तमनुप्रदास्यामि॥
yāvantaṃ kulaśulkaṃ manyase tāvantamanupradāsyāmi//
Sanskrit only: no published translation is held for this verse.
इदं पुनर्वचनं श्रुत्वा त्रिशङ्कोर्मातङ्गराजस्य ब्राह्मणः पुष्करसारी तूष्णीम्भूतो मद्गुभूतः स्रस्तस्कन्धो ऽधोमुखो निष्प्रतिभः प्रध्यानपरो ऽस्थात्॥
idaṃ punarvacanaṃ śrutvā triśaṅkormātaṅgarājasya brāhmaṇaḥ puṣkarasārī tūṣṇīmbhūto madgubhūtaḥ srastaskandho 'dhomukho niṣpratibhaḥ pradhyānaparo 'sthāt//
Sanskrit only: no published translation is held for this verse.
ददर्श त्रिशङ्कुर्मातङ्गराजो ब्राह्मणं पुष्करसारिणं तूष्णीम्भूतं मद्गुभूतं स्रस्तस्कन्धमधोमुखं निष्प्रतिभं प्रध्यानपरं स्थितम्।
dadarśa triśaṅkurmātaṅgarājo brāhmaṇaṃ puṣkarasāriṇaṃ tūṣṇīmbhūtaṃ madgubhūtaṃ srastaskandhamadhomukhaṃ niṣpratibhaṃ pradhyānaparaṃ sthitam/
Sanskrit only: no published translation is held for this verse.
दृष्ट्वा च पुनरिदमब्रवीत्--यदपि ते ब्राह्मण एवं स्यादसदृशेन सह संबन्धो भविष्यतीति।
dṛṣṭvā ca punaridamabravīt--yadapi te brāhmaṇa evaṃ syādasadṛśena saha saṃbandho bhaviṣyatīti/
Sanskrit only: no published translation is held for this verse.
न पुनस्त्वया ब्राह्मण एवं द्रष्टव्यम्। तत्कस्य हेतोह्? ये प्रमाणश्रुतिशीलप्रज्ञादयो गुणा अग्र्या लोकस्य ते मम पुत्रस्य शार्दूलकर्णस्य संविद्यन्ते।
na punastvayā brāhmaṇa evaṃ draṣṭavyam/ tatkasya hetoh? ye pramāṇaśrutiśīlaprajñādayo guṇā agryā lokasya te mama putrasya śārdūlakarṇasya saṃvidyante/
Sanskrit only: no published translation is held for this verse.
यदपि ते ब्राह्मण एवं स्यात्--ये वाजपेयम् यज्ञम् यजन्ति, अश्वमेधं पुरुषमेधं शाम्यप्राशं निरर्गडम् यज्ञम् यजन्ति, सर्वे ते कायस्य भेदात्सुगतौ स्वर्गलोके देवेषूपपद्यन्त इति।
yadapi te brāhmaṇa evaṃ syāt--ye vājapeyam yajñam yajanti, aśvamedhaṃ puruṣamedhaṃ śāmyaprāśaṃ nirargaḍam yajñam yajanti, sarve te kāyasya bhedātsugatau svargaloke deveṣūpapadyanta iti/
Sanskrit only: no published translation is held for this verse.
न पुनर्ब्राह्मण त्वयैवं द्रष्टव्यम्। तत्कस्य हेतोह्? वाजपेयं ब्राह्मण यज्ञम् यजमाना अश्वमेधं पुरुषमेधं शाम्यप्राशं निरर्गडम् यज्ञ च यजमाना बहुधा मन्त्रान् प्रवर्तयन्तः प्राणिहिंसां च प्रवर्तयन्ति।
na punarbrāhmaṇa tvayaivaṃ draṣṭavyam/ tatkasya hetoh? vājapeyaṃ brāhmaṇa yajñam yajamānā aśvamedhaṃ puruṣamedhaṃ śāmyaprāśaṃ nirargaḍam yajña ca yajamānā bahudhā mantrān pravartayantaḥ prāṇihiṃsāṃ ca pravartayanti/
Sanskrit only: no published translation is held for this verse.
तस्मात्ते ब्राह्मण ब्रवीमि--न ह्येष मार्गः स्वर्गाय। अहं ते ब्राह्मण मार्गं स्वर्गाय व्याख्यामि।
tasmātte brāhmaṇa bravīmi--na hyeṣa mārgaḥ svargāya/ ahaṃ te brāhmaṇa mārgaṃ svargāya vyākhyāmi/
Sanskrit only: no published translation is held for this verse.
तच्छृणु--
tacchṛṇu--
Sanskrit only: no published translation is held for this verse.
शीलं रक्षेत मेधावी प्रार्थयानः सुखत्रयम्।
śīlaṃ rakṣeta medhāvī prārthayānaḥ sukhatrayam/
Sanskrit only: no published translation is held for this verse.
प्रशंसां वित्तलाभं च प्रत्य स्वर्गे च मोदनम्॥७०॥
praśaṃsāṃ vittalābhaṃ ca pratya svarge ca modanam//70//
Sanskrit only: no published translation is held for this verse.
यैर्ब्राह्मण इतः पूर्वं वाजपेयो यज्ञ इष्टः, यैरश्वमेधो यैः पुरुषमेधो यैः शाम्यप्राशो यैर् निरर्गडो यज्ञ इष्टः, परिगृहीतस्तैर् निरर्गलं च कामैः कामः।
yairbrāhmaṇa itaḥ pūrvaṃ vājapeyo yajña iṣṭaḥ, yairaśvamedho yaiḥ puruṣamedho yaiḥ śāmyaprāśo yair nirargaḍo yajña iṣṭaḥ, parigṛhītastair nirargalaṃ ca kāmaiḥ kāmaḥ/
Sanskrit only: no published translation is held for this verse.
इतो नाकः पर्येष्यते। ये <३३१>ब्राह्मण इतः पश्चाद्वाजपेयम् यज्ञम् यक्ष्यन्ति, ये ऽश्वमेधम् ये शाम्यप्राशं निरर्गडम् यज्ञम् यक्ष्यन्ति, ते निरर्थकं महाविघातं सम्योक्ष्यन्ति।
ito nākaḥ paryeṣyate/ ye <331>brāhmaṇa itaḥ paścādvājapeyam yajñam yakṣyanti, ye 'śvamedham ye śāmyaprāśaṃ nirargaḍam yajñam yakṣyanti, te nirarthakaṃ mahāvighātaṃ samyokṣyanti/
Sanskrit only: no published translation is held for this verse.