तदेभिरष्टाभिः प्रकारैर् द्वर्गगमनमिष्यते। ये प्रायेण जानन्ति विशेषेण खल्वप्यनेकैर्विविधैर्यज्ञैः। अष्टौ चेमा ब्राह्मण निर्दिष्टा मातृतुल्या भगिन्यो लोके प्रवर्तन्ते।

tadebhiraṣṭābhiḥ prakārair dvargagamanamiṣyate/ ye prāyeṇa jānanti viśeṣeṇa khalvapyanekairvividhairyajñaiḥ/ aṣṭau cemā brāhmaṇa nirdiṣṭā mātṛtulyā bhaginyo loke pravartante/

Sanskrit only: no published translation is held for this verse.

Divy 331.9

तद्यथा--अदितिर्देवानां माता। दुतुर्दानवानाम्। मनुर्मानवानाम्।

tadyathā--aditirdevānāṃ mātā/ duturdānavānām/ manurmānavānām/

Sanskrit only: no published translation is held for this verse.

Divy 331.10

सुरभिः सौरभेयानाम्। विनता सुपर्णानाम्। कद्रुनागानाम्। पृथिवी भूतानां माता सर्वबीजानाम्।

surabhiḥ saurabheyānām/ vinatā suparṇānām/ kadrunāgānām/ pṛthivī bhūtānāṃ mātā sarvabījānām/

Sanskrit only: no published translation is held for this verse.

Divy 331.11

मरुतां महामह। महाकाश्यपं मनसा विदन्ति ऋषयः॥

marutāṃ mahāmaha/ mahākāśyapaṃ manasā vidanti ṛṣayaḥ//

Sanskrit only: no published translation is held for this verse.

Divy 331.12

अथ खलु भोः पुष्करसारिन् ब्राह्मणानां सप्त गौत्राणि स्वाख्यास्यामि, तानि श्रूयन्ताम्--तद्यथा गौतमा वात्स्याः कौत्साः काश्यपा वासिष्ठा माण्डव्या इत्येतानि ब्राह्मण सप्त गोत्राणि।

atha khalu bhoḥ puṣkarasārin brāhmaṇānāṃ sapta gautrāṇi svākhyāsyāmi, tāni śrūyantām--tadyathā gautamā vātsyāḥ kautsāḥ kāśyapā vāsiṣṭhā māṇḍavyā ityetāni brāhmaṇa sapta gotrāṇi/

Sanskrit only: no published translation is held for this verse.

Divy 331.14

एषामेकैकं गोत्रं सप्तधा भिन्नम्। अत्र ये गौतमास्ते कौथुमास्ते गगर्स्ते भारद्वाजास्त आर्ष्टिषेणास्ते वैखानसास्ते वज्रपादाः।

eṣāmekaikaṃ gotraṃ saptadhā bhinnam/ atra ye gautamāste kauthumāste gagarste bhāradvājāsta ārṣṭiṣeṇāste vaikhānasāste vajrapādāḥ/

Sanskrit only: no published translation is held for this verse.

Divy 331.15

तत्र ये वात्स्यास्त आत्रेयास्ते मैत्रेयास्ते भार्गवास्ते सावर्ण्यास्ते बहुजाताः।

tatra ye vātsyāsta ātreyāste maitreyāste bhārgavāste sāvarṇyāste bahujātāḥ/

Sanskrit only: no published translation is held for this verse.

Divy 331.16

तत्र ये वात्स्यास्त आत्रेयास्त मैत्रेयास्ते भार्गवास्ते सावर्ण्यास्ते सलीलास्ते बहुजाताः। तत्र ये कौत्सास्ते मौद्गल्यायनास्ते गौणायनास्ते लाङ्गलास्ते लग्नास्ते दण्डलग्नास्ते सोमभुवाह् वह् ।

tatra ye vātsyāsta ātreyāsta maitreyāste bhārgavāste sāvarṇyāste salīlāste bahujātāḥ/ tatra ye kautsāste maudgalyāyanāste gauṇāyanāste lāṅgalāste lagnāste daṇḍalagnāste somabhuvāh vah /

Sanskrit only: no published translation is held for this verse.

Divy 331.17

तत्र ये कौशिकास्ते कात्यायनास्ते दर्भकात्यायनास्ते वल्कलिनस्ते पक्षिणस्ते लौकाक्षास्ते लोहितायनाह् (लोहित्यायनाः।)।

tatra ye kauśikāste kātyāyanāste darbhakātyāyanāste valkalinaste pakṣiṇaste laukākṣāste lohitāyanāh (lohityāyanāḥ/)/

Sanskrit only: no published translation is held for this verse.

Divy 331.18

तत्र ये काश्यपास्ते मण्डनास्त इष्टास्ते शौण्डायनास्ते रोचनेयास्ते ऽनपेक्षास्ते ऽग्निवेश्याः।

tatra ye kāśyapāste maṇḍanāsta iṣṭāste śauṇḍāyanāste rocaneyāste 'napekṣāste 'gniveśyāḥ/

Sanskrit only: no published translation is held for this verse.

Divy 331.19

तत्र ये काश्यपास्ते जातुकर्ण्यास्ते धान्यायनास्ते पाराशरास्ते व्याघ्रनखास्ते आण्डायनास्त औपमन्यवाः।

tatra ye kāśyapāste jātukarṇyāste dhānyāyanāste pārāśarāste vyāghranakhāste āṇḍāyanāsta aupamanyavāḥ/

Sanskrit only: no published translation is held for this verse.

Divy 331.21

तत्र ये माण्डव्यास्ते भाण्डायनास्ते धोम्रायणास्ते कात्यायनास्ते खल्ववाअहनास्ते सुगन्धारायणास्ते कापिष्ठलायनाः।

tatra ye māṇḍavyāste bhāṇḍāyanāste dhomrāyaṇāste kātyāyanāste khalvavāahanāste sugandhārāyaṇāste kāpiṣṭhalāyanāḥ/

Sanskrit only: no published translation is held for this verse.

Divy 331.22

इत्येतानि ब्राह्मण एवमेकोनपञ्चाशद्गोत्राणि ब्राह्मणैः पौराणैः सम्यग् दृष्टानि च्छन्दसि व्याकरणे पदमीमांसायाम्।

ityetāni brāhmaṇa evamekonapañcāśadgotrāṇi brāhmaṇaiḥ paurāṇaiḥ samyag dṛṣṭāni cchandasi vyākaraṇe padamīmāṃsāyām/

Sanskrit only: no published translation is held for this verse.

Divy 331.23

अन्यानि च गोत्राणि विस्तरतो मया वाचितानि।

anyāni ca gotrāṇi vistarato mayā vācitāni/

Sanskrit only: no published translation is held for this verse.

Divy 331.24

तानि अन्यैर् न ज्ञायन्ते॥

tāni anyair na jñāyante//

Sanskrit only: no published translation is held for this verse.

Divy 331.25

यदुतैकत्वमिति विदित्वा भवान् बन्धुर्भवितुमर्हति। तस्मात्ते ब्राह्मण ब्रवीमि सामान्यं संज्ञामात्रकमिदं लोकस्य यदुत ब्राह्मण इति वा क्षत्रिय इति वा वैश्य इति वा शूद्र इति वा।

yadutaikatvamiti viditvā bhavān bandhurbhavitumarhati/ tasmātte brāhmaṇa bravīmi sāmānyaṃ saṃjñāmātrakamidaṃ lokasya yaduta brāhmaṇa iti vā kṣatriya iti vā vaiśya iti vā śūdra iti vā/

Sanskrit only: no published translation is held for this verse.

Divy 331.27

एकमिदं सर्वमिदमेकम्। पुत्राय मे शार्दूलकर्णाय प्रकृतिं दुहितरमुत्सृज भार्यार्थाय।

ekamidaṃ sarvamidamekam/ putrāya me śārdūlakarṇāya prakṛtiṃ duhitaramutsṛja bhāryārthāya/

Sanskrit only: no published translation is held for this verse.

Divy 331.28

यावन्तं कुलशुल्कं मन्यसे तावन्तमनुप्रदास्यामि॥

yāvantaṃ kulaśulkaṃ manyase tāvantamanupradāsyāmi//

Sanskrit only: no published translation is held for this verse.

Divy 331.29

इदं पुनर्वचनं श्रुत्वा त्रिशङ्कोर्मातङ्गराजस्य ब्राह्मणः पुष्करसारी तूष्णीम्भूतो मद्गुभूतः स्रस्तस्कन्धो ऽधोमुखो निष्प्रतिभः प्रध्यानपरः स्थितो ऽभूत्।

idaṃ punarvacanaṃ śrutvā triśaṅkormātaṅgarājasya brāhmaṇaḥ puṣkarasārī tūṣṇīmbhūto madgubhūtaḥ srastaskandho 'dhomukho niṣpratibhaḥ pradhyānaparaḥ sthito 'bhūt/

Sanskrit only: no published translation is held for this verse.

Divy 331.30

अद्राक्षीत् त्रिशङ्कुर्मातङ्गराजह् <३३२>पुस्करसारिणं ब्राह्मणं तूष्णीम्भूतं मद्गुभूतं स्रस्तस्कन्धमधोमुखं निष्प्रतिभं प्रध्यानपरं स्थितम्। दृष्ट्वा च पुनरिदमवोचत्--

adrākṣīt triśaṅkurmātaṅgarājah <332>puskarasāriṇaṃ brāhmaṇaṃ tūṣṇīmbhūtaṃ madgubhūtaṃ srastaskandhamadhomukhaṃ niṣpratibhaṃ pradhyānaparaṃ sthitam/ dṛṣṭvā ca punaridamavocat--

Sanskrit only: no published translation is held for this verse.