<३३४>जटिलस्तापसो भूत्वा गहनं वनमाश्रितः।
<334>jaṭilastāpaso bhūtvā gahanaṃ vanamāśritaḥ/
Sanskrit only: no published translation is held for this verse.
Library·Divyāvadāna·334
Divyāvadāna 334
गम्भीरावभासे तत्र ह्यात्मस्तपोरतः॥९०॥
gambhīrāvabhāse tatra hyātmastaporataḥ//90//
Sanskrit only: no published translation is held for this verse.
देवस्य श्रेष्टकं भोजनमुपनाम्योपविष्ट इमं मन्त्रमजपत्। इयं क्षत्रियाणां सावित्री।
devasya śreṣṭakaṃ bhojanamupanāmyopaviṣṭa imaṃ mantramajapat/ iyaṃ kṣatriyāṇāṃ sāvitrī/
Sanskrit only: no published translation is held for this verse.
चित्रं हि वैश्यकन्यका। अथ सा कन्या अर्थतः प्रवीणा। इयं वैश्यानां सावित्री।
citraṃ hi vaiśyakanyakā/ atha sā kanyā arthataḥ pravīṇā/ iyaṃ vaiśyānāṃ sāvitrī/
Sanskrit only: no published translation is held for this verse.
अतपः सुतपः। जीवेम शरदां शतम्। पश्येम शरदां शतम्। इयं शूद्राणां सावित्री।
atapaḥ sutapaḥ/ jīvema śaradāṃ śatam/ paśyema śaradāṃ śatam/ iyaṃ śūdrāṇāṃ sāvitrī/
Sanskrit only: no published translation is held for this verse.
भूर्भुवः स्वः।
bhūrbhuvaḥ svaḥ/
Sanskrit only: no published translation is held for this verse.
कामा हि लोके परमाः प्रजानां क्लेशप्रहाणे भूता अन्तरायाः।
kāmā hi loke paramāḥ prajānāṃ kleśaprahāṇe bhūtā antarāyāḥ/
Sanskrit only: no published translation is held for this verse.
तस्माद्भवन्तः प्रजहन्तु कामांस् ततो ऽतुलं प्राप्स्यथ ब्रह्मलोकम्॥९१॥
tasmādbhavantaḥ prajahantu kāmāṃs tato 'tulaṃ prāpsyatha brahmalokam//91//
Sanskrit only: no published translation is held for this verse.
इतीयं ब्राह्मण ब्रह्मणा सहापतिना सावित्री भाषिता, पूर्वकैश्च सम्यक्सम्बुद्धैरभ्यनुमोदिता॥
itīyaṃ brāhmaṇa brahmaṇā sahāpatinā sāvitrī bhāṣitā, pūrvakaiśca samyaksambuddhairabhyanumoditā//
Sanskrit only: no published translation is held for this verse.
पठ भोस्त्रिशङ्को नक्षत्रवंशम्। अथ किम्? भोः कथयतु भवान्। श्रूयताम्।
paṭha bhostriśaṅko nakṣatravaṃśam/ atha kim? bhoḥ kathayatu bhavān/ śrūyatām/
Sanskrit only: no published translation is held for this verse.
भोः पुष्करसारिन्, नक्षत्रवंशं कथयिष्यामि। तद्यथा--
bhoḥ puṣkarasārin, nakṣatravaṃśaṃ kathayiṣyāmi/ tadyathā--
Sanskrit only: no published translation is held for this verse.
कृत्तिका रोहिणी मृगशिरा आर्द्रा पुनर्वसुः पुष्यह् आश्लेषा मघा पूर्वफल्गुनी उत्तरफल्गुनी हस्ता चित्रा स्वाती विशाखा अनुराधा अनुराधा ज्येष्टा मूला पूर्वाषाढा उत्तराषाढा अभिजित् श्रवणा धनिष्ठा शतभिषा पूर्वभाद्रपदा उत्तरभाद्रपदा रेवती अश्विनी भरणी।
kṛttikā rohiṇī mṛgaśirā ārdrā punarvasuḥ puṣyah āśleṣā maghā pūrvaphalgunī uttaraphalgunī hastā citrā svātī viśākhā anurādhā anurādhā jyeṣṭā mūlā pūrvāṣāḍhā uttarāṣāḍhā abhijit śravaṇā dhaniṣṭhā śatabhiṣā pūrvabhādrapadā uttarabhādrapadā revatī aśvinī bharaṇī/
Sanskrit only: no published translation is held for this verse.
इत्येतानि भोः पुष्करसारिन्न् अष्टाविंशतिनक्षत्राणि॥
ityetāni bhoḥ puṣkarasārinn aṣṭāviṃśatinakṣatrāṇi//
Sanskrit only: no published translation is held for this verse.
कतितारकाणि कतिसंस्थानानि कतिमुहूर्तयोगानि किमाहाराणि किंदैवतानि किंगोत्राणि?
katitārakāṇi katisaṃsthānāni katimuhūrtayogāni kimāhārāṇi kiṃdaivatāni kiṃgotrāṇi?
Sanskrit only: no published translation is held for this verse.
कृत्तिका भोः पुष्करसारिन् नक्षत्रं षट्तारं क्षुरसंस्थानं त्रिंशन्मुहूर्तयोगं दध्याहारमग्निदैवतं वैश्यायनीयं गोत्रेण।
kṛttikā bhoḥ puṣkarasārin nakṣatraṃ ṣaṭtāraṃ kṣurasaṃsthānaṃ triṃśanmuhūrtayogaṃ dadhyāhāramagnidaivataṃ vaiśyāyanīyaṃ gotreṇa/
Sanskrit only: no published translation is held for this verse.
रोहिणीनक्षत्रं पञ्चतारकं शकटाकृतिसंस्थानं पञ्चचत्वारिंशन्मुहूर्तयोगं मृगमांसाहारं प्रजापतिदैवतं भारद्वाजं गोत्रेण।
rohiṇīnakṣatraṃ pañcatārakaṃ śakaṭākṛtisaṃsthānaṃ pañcacatvāriṃśanmuhūrtayogaṃ mṛgamāṃsāhāraṃ prajāpatidaivataṃ bhāradvājaṃ gotreṇa/
Sanskrit only: no published translation is held for this verse.
मृगाशिरानक्षत्रं त्रितारं मृगशीर्षसंस्थानं त्रिंशन्मुहूर्तयोगं फलमूलाहारं सोमदैवतं मृगायणीयं गोत्रेण।
mṛgāśirānakṣatraṃ tritāraṃ mṛgaśīrṣasaṃsthānaṃ triṃśanmuhūrtayogaṃ phalamūlāhāraṃ somadaivataṃ mṛgāyaṇīyaṃ gotreṇa/
Sanskrit only: no published translation is held for this verse.
आर्द्रानक्षत्रमेकतारं तिलकसंस्थानं पञ्चदशमुहूर्तयोगं सर्पिर्मण्डाहारं सूर्यदैवतं हारीतायनीयं गोत्रेण।
ārdrānakṣatramekatāraṃ tilakasaṃsthānaṃ pañcadaśamuhūrtayogaṃ sarpirmaṇḍāhāraṃ sūryadaivataṃ hārītāyanīyaṃ gotreṇa/
Sanskrit only: no published translation is held for this verse.
पुनर्वसुनक्षत्रं द्वितारं पदसंस्थानं पञ्चचत्वारिंशन्मुहूर्तयोगं मध्याहारम् अदितिदैवतं वासिष्ठं गोत्रेण।
punarvasunakṣatraṃ dvitāraṃ padasaṃsthānaṃ pañcacatvāriṃśanmuhūrtayogaṃ madhyāhāram aditidaivataṃ vāsiṣṭhaṃ gotreṇa/
Sanskrit only: no published translation is held for this verse.
पुष्यनक्षत्रं त्रितारं वर्धमानसंस्थानं त्रिंशन्मुहूर्तयोगं मधुमण्डाहारं बृहस्पतिदैवतम् औपमन्यवीयं गोत्रेण।
puṣyanakṣatraṃ tritāraṃ vardhamānasaṃsthānaṃ triṃśanmuhūrtayogaṃ madhumaṇḍāhāraṃ bṛhaspatidaivatam aupamanyavīyaṃ gotreṇa/
Sanskrit only: no published translation is held for this verse.
आश्लेषानक्षत्रमेकतारं तिलकसंस्थानं पञ्चदशमुहूर्तयोगं पायसभोजनं सर्पदैवतं मैत्रायणीयं गोत्रेण।
āśleṣānakṣatramekatāraṃ tilakasaṃsthānaṃ pañcadaśamuhūrtayogaṃ pāyasabhojanaṃ sarpadaivataṃ maitrāyaṇīyaṃ gotreṇa/
Sanskrit only: no published translation is held for this verse.
इतीमानि भोः पुष्करसारिन् सप्त नक्षत्राणि पूर्वद्वारकाणि॥
itīmāni bhoḥ puṣkarasārin sapta nakṣatrāṇi pūrvadvārakāṇi//
Sanskrit only: no published translation is held for this verse.
मघानक्षत्रं पञ्चतारं नदीकुब्जसंस्थानं त्रिंशन्मुहूर्तयोगं तिलकृसराहारं तितृदैवतम् <३३५>पिङ्गलायनीयं गोत्रेण।
maghānakṣatraṃ pañcatāraṃ nadīkubjasaṃsthānaṃ triṃśanmuhūrtayogaṃ tilakṛsarāhāraṃ titṛdaivatam <335>piṅgalāyanīyaṃ gotreṇa/
Sanskrit only: no published translation is held for this verse.